[المواطن]

الامر جدا عادي
كل ماعليك عدم الاهتمام به وخلك واثقه ولاكأن غطوتك طارت ولاكأن شي صار

واذا تكرر منه المضايقه

بلغي بهذه المضايقه ولا تخبرين عاد بكل السالفه اي بمعني بلغي عن اخر شيئ صار

[عيودي]

لاحول ولاقوة الابالله
سترك يارب

هذا الله يسلمكي يكتب له ورقه وتحط في نفس السيارة .

( ويكتب فيها )
إذا تكرر الموضوع سوف نخبر الهيئة ... مع التهديد الشديد

والله يحفظكم ويرعاكم

[محبوب الكل]

أحذر منه في المره القادمه وإذا تكرر الشيء لازم تعلمين الوالد أو أحد إخوانك لوضع حد له....

[طالب بس شايب]

اول شي اذا اختك طلعت من البيت بلبس مثير للفتنه و حصل هذا الموقف ( طاح الغطاء عن وجهها بسبب الهواء ) ما راح يصدق هالكلام و بيقول هي قاصده تسويها .

و في هذه الحاله لازم تقولين لبوك أو احد احوانك لتوقيفه عند حده

الشى الثاني اذا خرجت اختك بلباس محتشم و صار هذا الموقف راح يقول انه حصل لها شى الهواء كان قوي أو طاحت أو غيرها ...............

لانه ماراح يفكر انه يتعرض لها بشى لانها حاشمه نفسها .

واذا قل عقله وزينله الشيطان شى فالافضل انكم تعلمن ابوكم حتى يتصرف معه


ولك كل مودتي

[كنترول المجاهدين]

أهذا مكانه ؟

أتخلوا كل عائلة من الذين يستشارون ؟

عجباً ..

[ملكة الرومانسيه]

الله يجزاكم خير كلكم
واحب اقول لكم ان الموضوع تكرر اليوم الصبح ! وش السوااااة أفيدوونااا
حتى والله صديقات اختي اللي معه بالباص نقدوا عليه عشان هاللي ينتظره كل صبح وهي ماله ذنب
حسبنا الله ونعم الوكيـل

[انثى ورديه]

ياختي قولي لامك وهي تصرف
وبعدين واذا شاف وجهك هذا شيء صار غصبن عليك وبعدين ليش تخافين من ابوك والا اخوك مادام ان الامر صار غصب يعني اذا ابوك عاقل بيفهم ان الامور صارت كذا
ويابنت الحلا ل هونيه ترى الامر مايستاهل ومهنا الا العافيه

[عزوزتي]

بصراحه بما أنه جاركم ولانه متزوج
يجب عدم إبلاغ الوالد حتى لاتصبح مشكله
كبيره ! لكن يجب عدم السكوت والتساهل
لأنه يعتقد بان اختك ( متعمده ) والشيطان
شغال ( يقوله شف تناظرك ( معجبه )
وإذا ركبت الباص وشاهدنه زميلات اختك
سيقول له ( الشيطان) شف توريهم شكلك
وهكذا الشيطان وفكره المريض ( يؤول )
كل حركه عفويه بأنها مقصوده ! حتى يتطور
الوضع وقد يحدث لكم تشويه سمعه على الاقل
لانه قد يذكر ذلك لأصدقاؤه !
الحل والله اعلم بان تخبر امك وليس ابوك
وامك بدورها تتصل على زوجته وتسلم عليها
وتقول والله بنيتي حالته ماتسر بسبب أن زوجك
شاف وجهه بسبب الهواء وبنتي عقبه تقول
ما لي خلق اطلع ابو الجيران شافن وهو كل يوم
جالس قبالنا تقل حارس امن ههههه
( يعني مثل هالكلام بطريقه غير مباشره
وإن تطور الامر ( تقول لابوك ان هالرجال يراقبنا
كل يوم ! 00 ولاتخبره بكشف الوجه 00
( الله يهدينا ويكفينا بحلاله عن حرامه )

[--(سيف الشجاعة)--]

اقتباس المشاركة الأساسية كتبها الاقشر بصراحه بما أنه جاركم ولانه متزوج يجب عدم إبلاغ الوالد حتى لاتصبح مشكله كبيره ! لكن يجب عدم السكوت والتساهل لأنه يعتقد بان اختك ( متعمده ) والشيطان شغال ( يقوله شف تناظرك ( معجبه ) وإذا ركبت الباص وشاهدنه زميلات اختك سيقول له ( الشيطان) شف توريهم شكلك وهكذا الشيطان وفكره المريض ( يؤول ) كل حركه عفويه بأنها مقصوده ! حتى يتطور الوضع وقد يحدث لكم تشويه سمعه على الاقل لانه قد يذكر ذلك لأصدقاؤه ! الحل والله اعلم بان تخبر امك وليس ابوك وامك بدورها تتصل على زوجته وتسلم عليها وتقول والله بنيتي حالته ماتسر بسبب أن زوجك شاف وجهه بسبب الهواء وبنتي عقبه تقول ما لي خلق اطلع ابو الجيران شافن وهو كل يوم جالس قبالنا تقل حارس امن ههههه ( يعني مثل هالكلام بطريقه غير مباشره وإن تطور الامر ( تقول لابوك ان هالرجال يراقبنا كل يوم ! 00 ولاتخبره بكشف الوجه 00 ( الله يهدينا ويكفينا بحلاله عن حرامه )

ونعم الراي

[عزوزتي]

اقتباس المشاركة الأساسية كتبها --(سيف الشجاعة)-- ونعم الراي

اشكرك ويعلم الله كتبت من قلبي

ومن خبره طويله في تلك الامور

[ღ.. متآبع بصمت ..ღ]

علم مرته(زوجته)

[شيبة الهلال]

كل شئ بالتفاهم يصير
يمكن قاعد يحمي سيارته ويمكن ويمكن ويمكن ويمكن

لا تتسررررررع

[ღ ليالي نجــد ღ]

مـــا له الا تبخق عينه

[حـنيت]

بسم الله

انا من وجهة نظري الخاصه ..

زي ما قال اخوي بقااياا ذكريات

التريث وعددم الأستعجال .. في الموضوع لأن أحكموا الأان على التصرفات إذا كانت التصرفات غير منبئه بالخير

فا انا من وجهة نظري الخاصه التكلم لشخص ـأً واعي من العائله .. وأخبااره

بكم حدث .. وعقابها يحلها رب العالمين

لكن .. عليكم بعدم الأستعجال .. بألأخبار قبل التأكدد من نية الرجال ..