[أم جمانه]

الله يهدي ها المدرسين
صارت مهنه تجاره
وضيفه والسلام مو تربيه

[اخت صعفق]

شوفن نصيحه اذا بدت تهرج نظريه وكشري تبداء تغلللللي وبس
ولا تعطين وجه مره تهوش علي تهوش لمين قالت بس ونا مسكته يوم قضت قلت قضيتي قالت ايه
قلت سلام عليكم ورحت طبعن بستحقاار هع ..
الله يعين على هالدنيا بخيير .

[غريبة الديار]

قافلة الأبداع والأفكار البناءة والنقدالهادف

تستمر وتواصل وتبني وتشرق وحولها تنبح(......) كما لايضر السحاب نبح (......)

اشكر أصحاب الرأي الذين تبنوا مقولة ( مع الخير ياشقراء) بإتقان وتنفيذ حرفي

دون الألمام بتفاصيل مايحدث في هذة المدرسة المبدعة ومنسوباتها وطالباتها

[آنثى لن تتكرر ..}]

أولاً :- أشكر أختي رزان على طرحهاا للموضوع ..
ثانياً :- أنا معك الصراخ أسلوب مو تربوي لكن الكل يتفق على الحاجة الى الترفيه وتغير الروتين اليومي يعني مو كل السنة دراسة عندك الملتقى فرصة الى انك تتحركين وتحاولين تبدعين بأفكارك و تطلعين مواهبك بعدين انتي يا أختي رازن لا تحاولين تفتحين عيونك بقووه يعني بالعربي تغاضي , *أنا معك بنفس المدرسة* ولو ما تغاضينا عن بعض الأساليب المنرفزه كان من زمان جلسنا ببيوت أهلنااا ,,,
ثالثاً :- شي يقهر صراحة أنــهـ الفصل ( ... ) يكرف ويشتغل ويطلع أفكار وطولـ اليوم راقي نازل و الفصل ( .... ) كل وحده مكبره الوسادهـ ونايمهـ << مع أحترامي الشدييييد لك اختي الغاليهـ ..
رابعاً :- خوذي كل شي ببساطة ويطلع حلووو ترا النشاطات اللاصفيه ممتعه بالرغم من انه تجهد شوي وأساليني أنااا ..
لأني بصراحة تعاملت مع رائدة النشاط يعني انسانه رائعه لكنه عصبية شوي أنتي ناظري لشي الحلوو وعاشريهاا وادخلي معهاااا بالنشاط والله ممتع ..
تراي اكلمك عن واقع تجربة وانا من ضمن اللي مشاركات بالملتقى واعارضك تماماً أختي رازن ..

(( أنااا مثلك أتنرفز من أسلوب الصراخ والاستغلال لكن وش نسوي نتغاضى ..

لـــو أنكم اخذتوا الموضوع ببساطهـ وساعدتوا كان ما صار اللي صار فـ زي ما يقول المثل (( على نفسهااا جنت براقش )) << مع أحترامي لك

مديرة رائعه تدير تلك المدرسة ,, و رائدة نشاط ايضاً رائعة لكن تفاهمي الوضع وزي ما قلت انتي غمضي عن اللي ما يعجبك ..
وسوي اللي يريحك , حبيت أكون صريحة معك أختي ,,,

دمتي بصحهـ وعافيهـ ..
أختك :- الـــــــ غ ـــــــــــــــــلاااا ..

[كيمياوي]

الاخت رزان إرتفاع الصوت دليل على ضعف الموقف لكن الحقيقه المشرفه لاتلام لأن موقفكم كان سلبي فإذا كان كما تقولين نشاط لامنهجي ولا يترتب عليه أي عقوبه في حالة عدم تنفيذه فأنتم بالخيار إما ان تشتركو فيه بقصد الترفيه وبرغبه نابعه من داخلكم وإما الرفض بكل صراحه ووضوح يجب أن يكون لكم شخصيه مستقله وان تختارو ماتحبون ان تعملوه بشرط أن لايخالف الدين والعرف (أنتم نواة المستقل ولبناته ودورنا كمعلمين هو دعمكم بالمعلومة العلميه وإظهار قدراتكم وإستثمار طاقاتكم لا أن نفرض عليكم أراء نابعه من تجربه شخصيه القصد في عرض الرأي هو للإستفاده منه فقط ولكم الحق في أخذ أو ترك ماتجدوه مناسبا )وفي النهايه وعي الانسان وثقافته هما الحصن المنيع والبوابه الموصده في وجه الافكار العقيمه والتجارب الباهته

مـع كامل ووافر التقدير لمن يمتـلك وعياً كافياً ؛
يـجـبر قلمي على الاحترام..

[زخآت مطر ,,]

اقتباس المشاركة الأساسية كتبها •°انكسار الأماني°• من مديرتكم ؟؟ هذليّة !! وراك ماقلتِ الفصل أذكر يوم كنت بأول ثانوي أبلا مها تسمي فصلنا أولى زفت تباً لها بالنسبة لموضوعك إيزززي هذي شيء بسيط .. أذكر بثاني ثانوي معلمة الفيز قالت أدفعوا فلوس علشان نضبط الفصل .. أنا رفضت من بدايتها والسبب وحدة قالت لي من الزميلات بصراحة ماأقدر أعطيهم كل ماطلبوا فلوس بس أستحي أعارض وش يفكن من البنات وطنازتهن . قلت أنا ماأستحي ولاراح ادفع وأنتِ خليك مؤيدة لي فقط لاغير ,, وصل الخبر للاستاذة وتجي تنادين وهي عند ثالث علمي تصوري قدام البنات إقاله بتحرجن قالت ليه رفضتِ تدفعين , قلت مامعي هه , قالت ياسلام ماتقدري علي 15 . قلت لا ماأقدر . قالت أجمعي من فسحتك , قلت لا فسحتي أفطر به بأي حق أعطيك إيها ؟ قالت مالي شغل المهم تدفعي , قلت وأنا مالي شغل بفصولكم . قالت هذا فصلك , قلت إذا فصلي تراه معجبني كذا لاتضبطونه لإنه مضبوط . وتصير مشكلة عظيمة وتوصل للمديرة وراه ماأدفع فلوس .. المديرة صديقة أختي تقول قولي لأختك هيول تعطيك 15 قلت وراه أجل تكد كل صبح علشان تصرف على ثانويتك . المهم مادفعت ولاهللة ودفعت الأبلا عني حرميات هالأبلات بس مالقن طالبات يعطنهن الخامس .. نصيحة خلي طولة لسانه تنفعه لاتسون شيء بلا ملتقى بلا خربطة فاضية .. سلام >>>>>>>>> فضفضة طالبة ثانوية سابقاً

مديرة المدرسة ..: أ. أسماء المقبل
من أفاضل مديرات المدارس
وسياسته بالتعامل جداً راقية ..!

أما عن قولكـ إني أحاجـّه ونتهاوش
هذا مش طبعي
أنا أقرر بصمت
وأجلس وقت طويل ما أتكلم
بس إذا دعت الضرورة
أتكلم بجملة تخرس الكل .!!


مقدرة لكـ وجودكـ
لكن تمنيت لو ما ذكرتي كلام غير لائق بمقام المعلمات




أطيب تحية : }

[زخآت مطر ,,]

اقتباس المشاركة الأساسية كتبها قطعة جالكسي هااااهاهاهااااااي حلووووووه انا كنت بالمدرسه هذي بس رحت عنه درست متوسط بس وخواتي درسن ثانوي

وأي مدرسة تقصدين ؟!

مدرستنا ثانوي بس , مش مجمع !!
ومعنا بنفس المبنى الإبتدائية الثمانون على ما أعتقد



أهلاً بكـ في متصفحي ,.

[زخآت مطر ,,]

اقتباس المشاركة الأساسية كتبها مياس القصيم هذولا المشرفات مايعجبهن العجب ولا الصيام في شهر رجب العام مافيه مهرجان او نشاط جماعي او كل وحدة لحالها الا شاركة فيه حتى بدليل مزينه مجله متكامله على مدى سنتين وانا اصلح فيها وخلصة من الدراسة وتخرجت وماشفت منهم شي شفنا المديرة والمعلمات يطولن لسانهن علينا كانا عيال لهن

من الصعب التعميم على الكل !
بالابتدائي مر علي مشرفتين نشاط وكل كانوا قمممممة
ومتحمليننا وحنا بزران بعد
والمتوسط برضو مر علي ثنتين وكلهم كانوا من الرائعات
ولا يمكن إني أجحف بحق مشرفة النشاط الحالية
يبدو لي إنه متحمسه جداً
لكني أتكلم عن اسلوبه فقط ما أعجبني
وربما أكون في المستقبل من أشد المعجبين بشخصه دون اسلوبه
حينما أرى انجازاته .. ربما .,!





أطيب تحية : }

[زخآت مطر ,,]

.

الأستاذة / القرمة
أهلاً بكـ
شاكرة لمرورك

.

اقتباس المشاركة الأساسية كتبها بريده أم المدن المدرسه كله شروعيش مر

كله شر وعيش مر !!
قوووووية
كذا تغلطين بحق منسوباته


أعارضكـ وبشدة




أطيب تحية : }

[زخآت مطر ,,]

اقتباس المشاركة الأساسية كتبها القتــيــلــه.... الله يهدي ها المدرسين صارت مهنه تجاره وضيفه والسلام مو تربيه

أشكر مروركـ
لكن ما تحسين إن التعميم على الكل اجحاف بحقوق بعضهم ..!!

.
.
.

اقتباس المشاركة الأساسية كتبها اخت صعفق شوفن نصيحه اذا بدت تهرج نظريه وكشري تبداء تغلللللي وبس ولا تعطين وجه مره تهوش علي تهوش لمين قالت بس ونا مسكته يوم قضت قلت قضيتي قالت ايه قلت سلام عليكم ورحت طبعن بستحقاار هع .. الله يعين على هالدنيا بخيير .

واااااوتش .,!
ما أحب أسوي كذا أبداً ..






أطيب تحية : }

[بياض الثلجة]

اعجبتني شخصيتك يارزان

حسيت انك واثقة من نفسك وطالبة متميزة يفتخر بك

[بياض الثلجة]

تحياتي لك

[زخآت مطر ,,]

اقتباس المشاركة الأساسية كتبها غريبة الديار قافلة الأبداع والأفكار البناءة والنقدالهادف تستمر وتواصل وتبني وتشرق وحولها تنبح(......) كما لايضر السحاب نبح (......) اشكر أصحاب الرأي الذين تبنوا مقولة ( مع الخير ياشقراء) بإتقان وتنفيذ حرفي دون الألمام بتفاصيل مايحدث في هذة المدرسة المبدعة ومنسوباتها وطالباتها

ترين في كلامي شيء يعارض الابداع والأفكار البناءة ..!

كلامكـ موجه لأصحاب الردود طبعاً كما ذكرتي
لكن هذا لا يبرر تجاهلكـ للموضوع الأساسي وردكـ على الردود


تمنيت لو أدليتِ برأيكـ
رغم أني أعلم أن فيه قليلاً من الانسياق للعاطفة




أطيب تحية : }

[زخآت مطر ,,]

اقتباس المشاركة الأساسية كتبها الغلا ذباح أولاً :- أشكر أختي رزان على طرحهاا للموضوع .. ثانياً :- أنا معك الصراخ أسلوب مو تربوي لكن الكل يتفق على الحاجة الى الترفيه وتغير الروتين اليومي يعني مو كل السنة دراسة عندك الملتقى فرصة الى انك تتحركين وتحاولين تبدعين بأفكارك و تطلعين مواهبك . الابداع والأفكار والمواهب لا يمكن أن تكون حصيلة تلكـ الأساليب . بعدين انتي يا أختي رازن لا تحاولين تفتحين عيونك بقووه يعني بالعربي تغاضي , *أنا معك بنفس المدرسة* ولو ما تغاضينا عن بعض الأساليب المنرفزه كان من زمان جلسنا ببيوت أهلنااا ,,, ثالثاً :- شي يقهر صراحة أنــهـ الفصل ( ... ) يكرف ويشتغل ويطلع أفكار وطولـ اليوم راقي نازل و الفصل ( .... ) كل وحده مكبره الوسادهـ ونايمهـ << مع أحترامي الشدييييد لك اختي الغاليهـ .. . هل الفصل الأول مجبر على [الكرف والشغل والرقيه والنزلة] ؟! لا طبعاً ولو كان مجبر فجميع الفصول مجبرة أما إن كان باختيار الطالبات فذلكـ بالتأكيد أنه ممتع بالنسبة لهن .. . رابعاً :- خوذي كل شي ببساطة ويطلع حلووو ترا النشاطات اللاصفيه ممتعه بالرغم من انه تجهد شوي وأساليني أنااا .. . عزيزتي ., بالتأكيد أنه ممتعة وأنا من المجربين وذوي الخبرة (بعد) لكن كونها تحت الرضخ لإسلوب سيء شيء يجعلني أنسحب وبقوة منها [ لست أنا من يرضخ! ] . لأني بصراحة تعاملت مع رائدة النشاط يعني انسانه رائعه لكنه عصبية شوي أنتي ناظري لشي الحلوو وعاشريهاا وادخلي معهاااا بالنشاط والله ممتع .. . ليس لي منها منافع لا آخروية ولا دنيوية حتى أعاشرها كأنكـ تتكلمين عن علامة في المجتمع أما عن المتعة فلست أنشدها من أولائك الأشخاص . تراي اكلمك عن واقع تجربة وانا من ضمن اللي مشاركات بالملتقى واعارضك تماماً أختي رازن .. (( أنااا مثلك أتنرفز من أسلوب الصراخ والاستغلال لكن وش نسوي نتغاضى .. لـــو أنكم اخذتوا الموضوع ببساطهـ وساعدتوا كان ما صار اللي صار فـ زي ما يقول المثل (( على نفسهااا جنت براقش )) << مع أحترامي لك مديرة رائعه تدير تلك المدرسة ,, و رائدة نشاط ايضاً رائعة لكن تفاهمي الوضع وزي ما قلت انتي غمضي عن اللي ما يعجبك .. . أنا أعتبر [التغميض] الدائم تعويداً للنفس على الانهزام والتخلي عن الحقوق . وسوي اللي يريحك , حبيت أكون صريحة معك أختي ,,, دمتي بصحهـ وعافيهـ .. أختك :- الـــــــ غ ـــــــــــــــــلاااا ..

حيـّــــاكـ..


شرفتي : )