[نبض القصيم]

هم ودهم بس واللة ترحمينهم مايعرفون يعنى الواحد يبى يتميلح يقول الغدا اليوم على




انتى ماعليك الا قطعى بصل وطماطم واغسلى الرز ابد والباقى على مادري المسكين ا



غسل المواعين وترتيب المطبخ اهم من كب الرز



اقتراحى خليهم بعيدين احسن

[كيمياوي]

انا عزابي معاي 4 أشخاص في الشقه وانا الي بطبخ لهم كل يوم ومافي شي نقص من رجولتي , لكن تخيلو إني متزوج وأشتغل واكفي البيت من ماجميعه وأعول الي وراي من اهلي , هل يكون من الكبر وشوفة النفس اني مااساعد زوجتي في البيت ,وبعدين من هذه الي ماتستحي الي تشوف زوجها كاااد عليها وعلى عيالها وتطلب منه انه يساعدها في المطبخ واذا رفض يصير ماهو متساعد ولاهو يقدر سمو الاميره زوجته والنعمه الي معيشته فيها , كل واحد وله واجب لازم يقوم به انا ماعندي مانع اساعد زوجتي لو كنت فاضي ورايق وماهو واجب علي وبكون متفضل كمان لأني بقوم بواجبي على أكمل وجه , اما بالنسبه للأخوات الي شيفين أزواجهم مقصرين لأسباب هم يعرفونها فالله يعينهم ويساعدهم ولايسمون الي يتكلمون عليهم رجال الله يكرمنا عنهم

[ღ.. متآبع بصمت ..ღ]

لو سمحت حط الكتب مرة الثانية بلون ثاني عجزت اقرأ

[@حبة خال@]

اصلا بهالوقت هذا حنا يالرجال اللي نسبع وندهر<<<ايه هين

بنات هالوقت عساهن يجيبن الشطه واللبن بوقت الغداء

[•°انكسار الأماني°•]

اقتباس المشاركة الأساسية كتبها ام الموذي مهنا ملحه لاصارت المره تغسل المواعين بالصابون والرجل يغسلهن بالماء كنهم كناري

,,

أجل ماهنا ملحه !! وكناري كثري لي منها ,, الظاهر ضبان ,
والله لو أنتِ بالشهر التاسع ماقام يساعد ويبدأ يقول كل عمر أمي وأمك كذا .
أقول مانبيهم يدخلون المطبخ بس ليتهم يدخلون دواماتهم ولايضطروننا نكد عليهم
طبعاً الموضوع محصور على الأزواج لا الأخوان .
لإن الأخوان ماله داعي يساعدون البيت مليان مش مثل الزوج مافيه غير زوجته تشتغل .
أختي في بريطانيا تقول الشباك عاكس واشوف جيراننا "بريطانيين" المطبخ يوم على المعزبة ويوم على المعزب << شوفوا التعاون .
وكذلك الدوام كلهم يداومون يعني مثلنا الرجل يداوم والبنت بالمقابل تداوم .
الفرق هذولا متقاسمين شغل البيت وحنا الرجل يرجع ينام بعدين يطلع للأستراحة والبنت تتقبل شغل البيت وغثاء العيال .
تحية للشعب السعودي الفاشل

,,

[نجديــــة]

,,

اقتباس أختي في بريطانيا تقول الشباك عاكس واشوف جيراننا "بريطانيين" المطبخ يوم على المعزبة ويوم على المعزب << شوفوا التعاون . وكذلك الدوام كلهم يداومون يعني مثلنا الرجل يداوم والبنت بالمقابل تداوم .

عافهم ولا تبلانا

,,

[الأشعل]

الشغل مافيه عيب بالبيت لكن يكون على مزاج الرجل لكن المشكلة اذا اشتغل الرجل مره اخذتها المرأة عاده همن تبيه يغسل ويلبس البزر ويكنس ووو يعني بعض الحريم مايعطون وجه

[المتفاني]

وجهة نظر / المطلوب من الرجال بالبيت 1 . وضع الملابس المستعمله في المكان المخصص ولا يرميهافي الارض . 2 . اذا أراد أن يشرب ماء فليذهب الى الماء بنفسه / هذه رياضه / 3..حمل الأغراض الثقيله االخخخخخخخخخ ....

[رابعة]

شكلنا استفزيناا الشامخ لكن يالشامخ لو تقارن بكم موضوع كتبته ضد المراة وكم موضوع كتبته المراة عن الرجل لاوجدت الفارق كبير...!! ومن ردك واااضح انك وصلت معك على الاخر!!! ولكن اجزم انك عكس ذلك في مجتمعك

لاني الاحظ الرجل الكثير الكلام عن المراة ينتقصها بشي او يحرض الرجاال عليها يدل على ضعف في الرجل امام المراة فلا يجد فرصة بالتنفيس عن نفسه الا بستعارض قوته الهومية امام الرجاال..!!

المراة لاتطلب ان يصلح الغداء او عشاء لا
مثلا الفطور ماله داعي تخليها تقوم عشان كوب شاهي وساندوش انت صلحة او اشتر لك اي شي جاهز
لما تشوفها تعبانة جب الاكل من المطعم
الماء تلقى الواحد داخل المطبخ يقولها جيبي لي ماء
ومافي مانع نوع من التجديد يوم انت وزوجتك تطبخون اي طبخة صدقوني بيكون لها وقع على الزوجين
او طلعتوا للبر قل علي الغداء انا اصلحه ماهو مايطلع فنك بالطبخ الا عند اصدقاءك
مثلا جاتكم سفرة فاجئة والزوجة ماتدري تغسل المواعين او تجهز الشنط فاانت يااخي الفاضل قل عطيني اكمل المواعين وانتي جهزي الاغرااض
واسئل الرجااال الي يساعدون حريمهم وشف وشلون حياتهم بمقارنة بالمتكبر وتقل ماهو ببيته..

والله الاشياء هاذي ماراح تنسها الزوجة لك اشياء بسيطة بس حجمها بالنفس كبير ..

تقبلوااا مروري..

[الكونتيسه]

عالأقل لاجيتو تشربون مويه موب لازم كل شوي كاس
لاقمتو من النوم زينو فراشكم
لا جيتو تطلعون ملابسكم موب لازم تكبون ملابسكم بالارض
واذا حستو شي رتبوه

[الشامخ وبس]

بلعكس المرأه العاقله تحقر الرجل اللي يشتغل شغلتها والعكس كذلك : وإذا بغيت تشوف الرجل المسيكين روح تسوق وشوف اللي يدف العربيه خلف المدام يخلف الله وكلن يحقرك والزوجه تضحك بينه وبين نفسه تقول الكمخه وراي ههههههههههههههههههههههههههههههههههههههههههه

[عنزي الاسياح]

ههههههههههههههههههههههههه
سراحه اعجبتني ردودكم

[رابعة]

تصدق كلامك يضحككككككك مرة!!!!
زين انك تعرف ان فيه امراة عاااقلة لكنك المشكلة ماتعرف وش مميزاااتها..
وماشاااء الله عليك شكل قوة السماااع عندك قوية بحيث تسمع ضحك الزوجه على زوجهااا..ههههه عجبااا والله

لكني مقدرة ان في رجاااال يعاااانون من نقص في كثير من الامور ويحتاااجون الى توعية..

وتدري الوااحد ليش يستغرب لاشاف واحد يسوق العربية لان الحين ندر ليش ندر لان اشباااااه الرجاال يعدون ان العنف والاشيااء هاذي تثبت رجولته وهو مايدري ان كل يسويه يجاااريه الناااس لان يعتبر مريض ويرحم صراااحة

والله اني لاشفتي الي ماسك يد زوجته ولا اغراضها ولا على قولتك العربية اني استااانس ان فيه احد كذا وادعيلهم يتمم الله عليهم ..


لكن وش نعمل نتحمل التخلف الموجود..

[•°انكسار الأماني°•]

اقتباس المشاركة الأساسية كتبها نجديــــة ,, عافهم ولا تبلانا ,,

بل عافنا ولا تبلاهم .

,,