[خوي السرور]

السلام عليكم ..

هلا بالعيال .. وبالشيبان <<< حتى مايزعلون الشيبان ( وجه يناظر كربة النخلة وأبو ربا وحفيدوهـ ) ..

قبل مانبدأ بالموضوع والله ياجانا مطر بالرياض .. أن المساحات مايلحقن على القزاز .. تصدقون من كثر المطر السمك بدن يجن من الشرقية للرياض !
أصلن مطرنا أطعم من مطركم <<< أولى ابتدائي ..



المهم ..

خبركم أني إنسان دقيق الملاحظة <<
وسبق وحطيت موضوع عن شي لاحظته والحمدلله كانت الإجابات مقنعة لحد ما ..

http://www.buraydahcity.net/vb/showthread.php?t=84470


المهم !!

قبل كم يوم قومتن أمي الصبح .. يالله قم رح أدرس !! فآثرت السحب على الأولى

خبركم الدنيا وتبي ونفسي الأمارة بالسوء تبي .. أعوذ بالله الواحد ماينفس من الجد والدبتسة ورا هالدنيا .. لازم يروّح عن نفسه ولو قليلن قليلن ..

المهم ؟؟

يوم جت الساعة 8.00 قلت خلاص يكفي نوم الحين لازم نجتهد ونبدأ العمل .. فالرسول ـ صلى الله عليه وسلم ـ يقول : " بورك لأمتي في بكورها " وأنا قدوتي في الحياة النحلة النشيطة .. فاستيقظت وشغلت موتري وانطلقت على بركة الله ..


المهم ،،

وأنا بالطريق شفت هلّي مع فلبينيين .. والفلبيني اللي راكب ورا السواق حاطن راسه على مرتبة السواق ..

أنا مبطي ملاحظ أن اللي يركبون ورا السواق بالهلي لازم ينعفط ويحط راسه على المرتبة بتوع السواق !

وهذا رسم توضيحي :



فليه ؟؟ ومالسبب ؟؟ دعونا نسمع آرائكم واقتراحاتكم ..

كتبه : خوي السرور ..