[ورود المساء]

الله يبارك لك وييسر امرك واذاتبين شي ناجح ومضمون ان شاءالله ومناسب للمرأه اشتركي مع احد اذافلوسك شويه وكوني عقار تستفيدي منه لاتحطينهن بأمور محتملة النجاح لان خطر يروحن عليك هذا رأي.....؟

[نـــNAــونا]

كان تحصلين لي عمل عندك أنا مستعده

أما أفكار لا والله ما عندي شيء

غير الله يوفقك وييسر أمرك

[بنت البشر]

والله انا عندي افكــــار بس تبي قريشات كثــــيييره

ــ منها مؤسسه تهتم باستعدادات الحفلات من كراسي وطاولات وزمزميات ومفارش وورد وكذا

ــ او مثلا مؤسسه تمسك بيت المعرس ليلة الزواج ودندشه له كوضع شموع وورد وحرير بالدرج

وعلى استقبال البيت وورد وحلى وتجهز ايضا العشاء للعروسين<<<< هذه الفكره مره معجبتن ..


ــ ايضادايم الناس بالعزايم الكبيرةيبلشون بالصبابات والقهوةوالشاي ففكره تجمعين كذا صبابه وتكونون مؤسسه بحيث

تكفلون بالعزايم بالقهوه والشاي والحلى والبيتفورات والعصيرات والبخور وكل اللي يخص الاستقبال للضيوف

فبالتالي يكون عندكم صواني كبيرةفاخره للتقديم وما الى ذلك ..

هذا اللي يحضرني الان..


اتمنى لك التوفيق ..

[ابوشهاليل]

هلا والله فوق عشرين الف
اقول كزيهن لي احطهن لك بلاسهم
انشا الله اسبوع تخذينهن دبلين
وش قلتي بدون تفكير كزيهن لي

[هايين]

افكار بنت البشر مدهشه
هذه تجاره مطلوبه ذي الايام
الله يوفقك ويسهل امرك

[مجنونة بريده]

الله يوفقك يارب وتحصلين مشروع مايدخل فيه اي شي حرام وتحصلين الارباح باذن الله

اللهم وفق اختي واخت رجال وافتح لها من ابواب رزقك يارب

[&اخت رجال&]

اقتباس المشاركة الأساسية كتبها ولدحصه عل بنات بربده دور غيره ولو زت لزاد السقا

ياخوي ان بعض الظن اثم والناس تراهم تطوررررر مره عن هالافكار ارتقي بفكرك افضل لك انت

اقتباس المشاركة الأساسية كتبها جولانار مشروع حضانه وروضه خاص واشوف بالقصيم مره قليل هالمشروع مع انه ناجح! فكرت انا اسوي معرض لوح اللي يبي يبيع لوحه هو راسمها بيده طبعا يحطها عندي بس اللوح لها مقاييس مو حيالله . والفكره هذي للحين تدور في راسي. وش رايك؟

مشروع الحضانه ممتاز بس يبي راس مال اكبر من قروشي ولاعندي احد يساعدني
وبنسبه للوحات فكره حلوه بس تبي واحد خبير بالرسم وعنده هوايه
موفقه حبيبتي

اقتباس المشاركة الأساسية كتبها ورود المساء الله يبارك لك وييسر امرك واذاتبين شي ناجح ومضمون ان شاءالله ومناسب للمرأه اشتركي مع احد اذافلوسك شويه وكوني عقار تستفيدي منه لاتحطينهن بأمور محتملة النجاح لان خطر يروحن عليك هذا رأي.....؟

فكرة اشتري استراحه صغيره اهم شي يكون فيها ملعب كامل وغرفه ودورة مياه لشباب بس تبي فوق 50 الف

اقتباس المشاركة الأساسية كتبها نـــnaــونا كان تحصلين لي عمل عندك أنا مستعده أما أفكار لا والله ما عندي شيء غير الله يوفقك وييسر أمرك

ومشكوره على الدعوه الحلوه
اختي اذا نفسك تكونين مندوبه اعرف وحده عنده اشياء تبي تسوق ردي على اذا موفقه

اقتباس المشاركة الأساسية كتبها بنت البشر والله انا عندي افكــــار بس تبي قريشات كثــــيييره ــ منها مؤسسه تهتم باستعدادات الحفلات من كراسي وطاولات وزمزميات ومفارش وورد وكذا فكرة فيها بس تبي ايجار محل وعامل يباشر المحل وتصيعبت الموضوع ــ او مثلا مؤسسه تمسك بيت المعرس ليلة الزواج ودندشه له كوضع شموع وورد وحرير بالدرج وعلى استقبال البيت وورد وحلى وتجهز ايضا العشاء للعروسين<<<< هذه الفكره مره معجبتن .. حنا ببيت المعرس مايبي احد يدخله ولا فكره زينه مره بس قليل من الناس الى تبي مثل هذا الاشياء ــ ايضادايم الناس بالعزايم الكبيرةيبلشون بالصبابات والقهوةوالشاي ففكره تجمعين كذا صبابه وتكونون مؤسسه بحيث تكفلون بالعزايم بالقهوه والشاي والحلى والبيتفورات والعصيرات والبخور وكل اللي يخص الاستقبال للضيوف فبالتالي يكون عندكم صواني كبيرةفاخره للتقديم وما الى ذلك .. هذا اللي يحضرني الان.. فكرتك دخلت راسي جاري الدراسه ومشكوره ياخيتي على مجهودك وراح اخبرك اذا طبقتها ان شاء الله اتمنى لك التوفيق ..

اقتباس المشاركة الأساسية كتبها ابوشهاليل هلا والله فوق عشرين الف اقول كزيهن لي احطهن لك بلاسهم انشا الله اسبوع تخذينهن دبلين وش قلتي بدون تفكير كزيهن لي

كلش ولا سهم اخذت الاول مابقي لي وتميكنت منهن الاهالعشرين وشوي

اقتباس المشاركة الأساسية كتبها هايين افكار بنت البشر مدهشه هذه تجاره مطلوبه ذي الايام الله يوفقك ويسهل امرك

والله صادقه اختي
افكاره مره ممتازه ومطلوبه
جزاكم الله كل خير

اقتباس المشاركة الأساسية كتبها مجنونة بريده الله يوفقك يارب وتحصلين مشروع مايدخل فيه اي شي حرام وتحصلين الارباح باذن الله اللهم وفق اختي واخت رجال وافتح لها من ابواب رزقك يارب

جزاك الله خير اختي على هذه الدعوه الطيبه

[شاطى الامــــــاني]

انا في رأسي" محل كلف "في شمال بريده لانه مافيه واحس بيكون عليه اقبال

الله يوفقك---ويكتب اللي فيه الخير يالغلا

[&اخت رجال&]

اقتباس المشاركة الأساسية كتبها شاطى الامــــــاني انا في رأسي" محل كلف "في شمال بريده لانه مافيه واحس بيكون عليه اقبال الله يوفقك---ويكتب اللي فيه الخير يالغلا

اهلين اختي والله مشروع الكلف حلو بس علشان يشتغل اكثر ويكون عندك زباين افضل يكون حول مكان فيه خياطين علشان الحريم يحبن كل شي قريب من بعضه
والله يوفقك

[نجااااااوي]

عطين الفلوس وانا اشغلها لك اوكي هههههههههههههههههههههههه؟؟

[فتاة نت]

أتوقع أن بنك البلاد بالطريقة اللي تقولين يكون ربا

فكيف يزيد مالك وتضمنين الربح وتقولين مباح ومافي حرام!!!!!!!!!!

[أم العنود]

السلام عليكم
الصراحة افكار بنت البشر رائعة جدا وبالنسبه للعاملات يكون لهن نسبه كل ماجاكم شغل
والله يوفقك
موضوعك جاء بوقته انا بعد عندي قريشات وودي استثمرهن
<<<تسمحين لي اخذ من الافكار المعروضة لك

[روح الروح]

صراحة شدني الموضوع مع اني مشتركة في المنتدى من زمان وقليل اشارك
انا دايم افكر اسوي مشروع كبير موب كبير مرة بس على ماقالوا العين بصيرة واليد قصيرة عندي فليسات بس ماتكفي للمشروع اللي براسي
بس وش رايكم نجمع فلوسنا ونقترض ونسوي مركز نسائي راقي وكبير لانوببريدة مافية الا الوشاح وملاهي الاسكان مع ان عليهم اقبال كبير يله وش رايكم انتظر ردودكم

[&اخت رجال&]

اقتباس المشاركة الأساسية كتبها روح الروح صراحة شدني الموضوع مع اني مشتركة في المنتدى من زمان وقليل اشارك انا دايم افكر اسوي مشروع كبير موب كبير مرة بس على ماقالوا العين بصيرة واليد قصيرة عندي فليسات بس ماتكفي للمشروع اللي براسي بس وش رايكم نجمع فلوسنا ونقترض ونسوي مركز نسائي راقي وكبير لانوببريدة مافية الا الوشاح وملاهي الاسكان مع ان عليهم اقبال كبير يله وش رايكم انتظر ردودكم

والله فكرة مشروعك حلوه مررررررره اختي راسليني على الخاص علشان نتفاهم