[الخفاش]

هلا بالشين

ننتظر الزحفااات

[فـــــ1997ـــــارس]

بالانتزار

[حفيد اعقيل]

.
.
.


ننتظر ..

أحد ضحايا اللهذام ..



.
.
.

[حبة فستق]

أغديك منتظر للاربعاء يا خلفهم

[الصباخ]

تراه ما أرسل لي شيء ..

[الضابط]

ليتك تبدا

[الخفاش]

هاااهـــ وين القوالب ؟!
بسرعه عجل علاناا >> مشتب أبو الشباب

[اللهذام]

هلا بالحلويــن كلّهـــم ....

أول مقلب بينزل بعد شوي ..

شوقرن لكم ..

ياترى من الضحية ؟؟!! << يسمع بأسلوب التشويق

[اللهذام]

هلا بالحبايب ..

طبعاً الجميع يترقب من هو ضحيتنا لهذا اليـوم ..!!
الضحية هو شخص محبوب استلم زمام الإشرآف قريباً ..
اشتهر بكثرة تعديلاته على مشآركآت الأعضاء وهذا إن دل على شيء فإنما يدل على المتابعة الدقيقة لمجريآت الأحدآث ..ذذ
لعلّكم عرفتموه ..

ضيفنا هو الأخ المشرف : بدر بن عبدالله ..(كربة النخلة سابقاً )
وطريقة المقلب إني أدّعي أنه متكبر ويحذف على كيفه والإشراف حسافه عليه ومن هالكلام ..
لن أحرق عليكم وكونوا مع المشهد :


(اللهذام)

اقتباس السلام عليكم كيف حالك يابدر .. معليش ابكون صريح معك اليوم .. أعطيك اللي بقلبي ولا أخليه محجور

بدآية محيّرة ..

ردهـ :

اقتباس وعليكم السلام ورحمة الله وبركاته. وش عندك يا اللهذام قل اللي بخاطرك؟.

(اللهذام)

اقتباس اسمع يالحبيب .. بصراحة أنا ماتجوز لي حركاتك أبد أبد أصلا قبل ماتصير مشرف وأحس إنك متكبر على لاشيء وطبعك غريب والحين صرت مشرف وبديت تكبّر علينا وتنقل مواضيع وتحذف على كيفك!! يعني بصراحه أحس ان أبو مهند غلط يوم حطك مشرف !!

بدا الاستفزآز

اقتباس المشاركة الأساسية كتبها بدر بن عبدالله اسمع يالحبيب .. اقتباس بصراحة أنا ماتجوز لي حركاتك أبد أبد أصلا قبل ماتصير مشرف وأحس إنك متكبر على لاشيء وطبعك غريب قال صلى الله عليه وسلم: (( لا يدخل الجنة من كان في قلبه مثقال ذرة من كبر))، والحمد لله أنني إنسان واضح وليس لدي ما أخفيه، عدا أموري الشخصية. اقتباس والحين صرت مشرف وبديت تكبّر علينا وتنقل مواضيع وتحذف على كيفك!! أنا أتبع التعليمات وما أفعله ليس من رأسي بل أتبع سياسة الساحة المفتوحة. اقتباس يعني بصراحه أحس ان أبو مهند غلط يوم حطك مشرف تبقى وجهة نظر، ورضى الناس غاية لا تدرك. اقتباس ماشاء الله .. وحنا آخر من يدري يابو فيصل تستاهل والله كل خير يابعد حيي والله يعينـك على القسم اللي يحتاجله كررف موفّق عزيزي أتمنى أنك صارحتني قبل أن تبارك لي في قسم استقبال ومناسبات. لتتأكد أخي اللهذام أنني أعمل وفق ما تطلبه مني الإدارة، وتأكد أن النظام يسير على المشرفين والأعضاء. شكراً يا أخي الكريم.

ياعيني على الأخلاق يابدر ..
والله ويحجرلي هالظالم مافاتت عليه

(اللهذام)

اقتباس على العموم اسمع لاتقولي سياسة المنتدى ولا هم يحزنون واضح انك أنت اللي تجيب سياسة من عندك لكن شف أرسلي الآن إنك ماتبي الاشراف وترا أبو مهند غصبك على الإشراف عشن أقول لأبو مهند انه مايبي الاشراف وأقتبس كلامك بانتظارك

وآآآوك والله ياأنا حسيت انه بيلفعن عقب هالكلام^^ ..

ردهـ :

اقتباس إذا أردت أن أترك الإشراف فأعتقد أن لي لسان أتحدث به، ولا أحتاج لمن يتحدث عني. عموماً لن أطيل الكلام. شكراً لك.

يوم شفت الرجال مل ..
قلت خل نعلمه أخاف ينآم وهو يهوجس بي

(اللهذام)

اقتباس يعني ماودك !! . . . ههههههههههههه ياحبيلك أبو فيصل أنت وأخلاقك عز الله انك خلوق حبيبي أبو فصولي كنت ضيفاً خفيفاً على برنامج ( نص هيك ونص هيك-مقالب الاعضاء والمشرفين ) وسيُعرض الأسبوع القادم بإذن الله .. والله ياقلبي انك كلك على بعضك حلو والاشراف يستاهلك مهب أنت تستاهله والكلام اللي قلته أنا حاولت أنرفزك لكن ماشاء الله عليك .. على العموم حبيبي سامحنا وماتزعلش علينا وأطلبك تكفى : لاتعلّم احد من الاعضاء والمشرفين لأنهم بياكلونه إن شاء الله .. أخوك ومحبك : اللهذام

وهذا ردهـ ..

اقتباس أقسم بالله ثم أقسم بالله ثم أقسم بالله إني متوقعه إنه مقلب وبغيت أقوله لك لكن قلت أبشوف وش أخرته معك، تراي ماخذ الدعوة ضحك، تدري ليش؟ لأن أصلاً ما بيني وبينك شيء علشان تقول هالكلام، وأعتقد إني حجرت لك يوم اقتبست ردك باستقبال ومناسبات، وخلن أشوف لك موضوع بالساحة على طول أبطيره<< تراي أمزح. شكراً حبي على هيك قفشات. وتأكد أن موضوعك الذي سيطرح إن كان عندي في قسم الساحة فسأختمه بختم التميز والتثبيت ، وإن كان بالكشكول برضه سأحدث الشبيبه يختمونه بالتميز. * وتقبل جغفاتي، والصراحة إنه موضوع متعوب عليه. * شكرياااااااات.

.

هادا يومك ياطربآن
نصك هيك ونصك هيك

.

ياحبيله بدر يآنآس
والله من الحبآبة لاحد يحقد عليه عشان تعديل المشاركات بالعكس يؤدي الوآجب بإتقان

إلى هُــنــا ينتهي المقلب .. أتمنى انه أعجبكم ..
وانتظرونا مع ضيف آخر .

وبإذن الله : يومياً يكون معنا ضيف وعلى حسب ظروفي ..

شكراً لكم ،،

[اللهذام]

ملاحظة : بمناسبة المسابقة والهوآش والإضرآب والانفعال الشديد من الكشكوليين ...

سيتم تأجيل المقالب الأخرى إلى أجل غير مسمّى .. فقد تكون بالاجازة وقد تكون بعدها ..

.. شآكرآ الجميع .. وبإذن الله الفوز للكشكوليين ..

[حبة فستق]

هههههههههههههههههههههههه
هههههههههههههههههههههههههههه
تنسيييييم بدر , بس إنه حجّر لك شوي

ياااانت بردت تسبد الصبآآآخ


أحمد اللي فكّنا منك

[Bleeder]

مبرووك فتش موضوعك

[أبو رُبـــــى]

اللهذام .. اشوني ما طحت بك والله يا تبي تسمع هررررج ..

حار ونرفزه أحد ....

لكن اشكر أخوي بدر على رحابة صدره ..

شكراً لك ... اللهذام ..

[الوابل الصيب]

مقلب حلو أخي اللهذام : وسعة صدر من حبيبنا بدر بن عبدالله


حمداًلله أنه لايوجد في صندوق الرسائل رسالة من اللهذام ولاكان علووووووم