[المسبارر]

مسألة عدد المخالفات صحيحة ولا غبار عليها00 والخلف فاشل لا يختلف إثنان على ذلك00 ولا يهمنا مدافعة بعض السلاتيح 00 ودليل قشله كثرة نقاط التفتيش ومضايقة المواطنين ورسم صورة سيئة لرجال الأمن 00وزرع الكراهية بينهم وبين المواطنين 00 وأخشى ما أخشاه أن يكون قاصد ذلك00
إذا كان فعلاً مخلصاً لوطنه وولاة أمرة والجهة التي ينتمي لها00 فليدرب رجال المرور على التعامل الصحيح مع المواطنين0 وليزرع حب المواطن لرجل المرور0 وليس الكره والبغضاء00أدعو الله أن يزيله عن الوجود0 آمين يارب العالمين

[تويجري شامخ]

متخفي


محمد بن نايف ماقال للعساكر اللي تعرفونه مشوه ولي ماتعرفونه عطوه مخالفه ياخي خلك حقاني

[دكتور]

جزاه الله خير والله يثبته
واغديه يركز على التهور والسرعة واي مخالفة مرورية صغيره او كبيره
ياجماعة شوارعنا لا تطاق والسبب الوحيد هو تسيب المرور و تهور بل وتخلف اغلب مستخدمين الطريق

[khaledjaser]

أهم شي يا أخي ان المرور يركز على السرعة وتجاوز الأشارة فقد شاهدت اليوم سيارتين تتجاوز الاشارات المروريه وكادت تؤدي بحياة ناس أبرياء في اشارة جامعة الأمام الثلاثيه الخطيرة وحسبي الله ونعم الوكيل على كل من يتجاوز الأشارة ويعرض المسلمين للقتل على يديه .
اما باقي المخالفات من حزام ورخصه وغيرها فلا تضر احد وليس فيها مصلحة الأ للمرور كدخل مادي وللافراد بحيث يتنبلون في التفتيش وشرب شاهي وسواليف ويفتك من الدوران ومتابعة متجاوزي الاشارات .

[المنخرش]

اي ماكان الرجل

أنا ارضى بأي قسيمة مخالفة .. حتى لو طفاية حريق .. ولكن أرى الكل يطلق عليه النظام

ليش الأنظمه والقسايم على الضعفاء؟

ليش اللي عنده واسطة ماتجيه قسايم


اقسم بالله العظيم اني اعرف شخص عنده قسيمة سرعه
وهو مشلول شلل نصفي
يعني مايسوق سيارة
وشلون جت القسيمة ؟

من الأقوياء دزوها على الضعفاء

[المنبع]

الشكوى للرحمن ...

[قمم]

اقتباس المشاركة الأساسية كتبها المستقيم السلام عليكم ورحمة الله وبركاته ياخواني لاحظ الجميع ف يالآونة الأخيرة كثرة التفاتيش ( بحل زمن الإرهاب)!! في كل شارع حتى تتوقع أن تكون في الحارات (الله يستر ) وليت الامر يقف على هذا الامر عدم تفهم أفراد المرور للمشكلة ولكن الحل هو معروف (خذ الورقة الصفراء وعض عليها وسكر فمك ) في اسبوع واحد ثلاث قسائم وآخر يقول قسيمة بسبب عدم وجود طفاية حريق في السيارة وآخر .... وآخر قسيمة إشارة والإشارة صفراء لا أطيل عيكم قمت بالسؤال عن الأمر وسببه أحد أبناء الجيران وهو يعمل في مرور بريدة فقال لي بالحرف الواحد : السبب ( المدير الجديد _ الله يأخذه _ (الخلف) من أهل عنيزة ) قلت وش المشكلة؟؟ وإذا صار من عنيزة والنعم ؟؟ قال: إنه قد ألزم كل سيارة دورية مرور تقوم بتحرير 17 مخالفة إلزاما (غصب) قلت : أكيد .... وإذا لم يجدوا ؟ قال : يرجعون للدوام يقول _ الخلف_ مستحيل ما تجد 17 مخالفة يكمل كلامه _ ولد جارنا _: ولذا بعض الشباب يقوم يمسك ولو بطفاية الحريق بالسيارة!!!!! وأخيرا يا إخوان رددوا معي: اللهم ياجبار السموات والأرض من ولي شيئا من امر عبادك فشق عليهم اللهم فاشقق عليه ومن ولي من أمر عبادك شيئا فرفق بهم فارفق به حسبنا الله ونعم الوكييل على كل من تسبب في إيغال الصدور و البغضاء بين المواطن ورجل الامن (أتمنى ان تصل إلى من يهمه الأمر وتنشر في كثير من المواقع الخاصة بالقصيم) أخوكم: المستقيم

[mark="ffff00"]توكل على الله وخلك نظامي واتبع ارشادات المرور وتعليمات السلامة ولااحد بيقول لك شي[/mark]

[XXOO]

الحين الناس اللي يقولون تقيد بانظام ومن هلهرج

على قولت أخونـــا الشاعر (......,...,.........)

أقولك الحين يدورون عليك أي شي بس

على شان يعطيك قسيمــه ويمشـي

[.,.لين.,.]

لا اعتقد انه يجب الأخذ بجميع مايقال فقد لا يكون صحيحا
فكما قال ابوربا
كن نظامياً .. ولا تلقي باللوم على جهاز بأكملة بسبب غلطة أو تصرف غير سليم من أحد رجاله ..

[طاير بليا جناح]

يا جماعة يبون يرجعون لدولة بدل المعيشة دبل
الأخ : أبو ربـــــا (مشرف أخبار بريدة)
كن نظامياً .. ولا تلقي باللوم على جهاز بأكملة بسبب غلطة أو تصرف غير سليم من أحد رجاله ..
أحد رجاله تقصد كل رجاله ذا رئيسهم الجديد ملزمهم بالقسايم وغلطهم حنا اللي نسدده قسايم

[الدقه]

السحاب الممطر
طرح متزن

[إبراهيم اليوسف]

السلام عليكم ورحمة الله وبركاته
اهلا بالأحبة
هنـــاك نقاط اريد التحدث عنها
اولا الخلف موجود في بريدة له أكثر من عشر سنوات
ثانيا قلد من المرور رتب كثيره ومنها



ثالثا قولك انه يقول لازم تحرر 17 مخالفه ما هو اثباتك على هالكلام
ولماذا طلب 17 فقط لماذا لم يقل 15 او 20 احسن للحساب
رابعا لو كنت تمشي في دربك ومتبع وسائل السلامة والنظامية من الخارج
( التظليل ، الأنوار ، القيادة النظامية )
هل تتوقع انه سيعطيك مخالفة
هل تتوقع ان اكثر السيارات في بريدة فيها طفاية حريق لماذا لم يعطوا اذن مخالفات
لا تقل انه من عنيزة سيتم إعطاء اهالي بريدة مخالفات لانه من عنيزة
كل شخص في المرور وخصوصا اللي عليهم الكلام من الرتب العليا والمناصب العليا
لا تتوقع انهم يعملون فقط بدون مراقبه فالدوله حفظها الله تراقب كل شيء
لكي تعلم اخي الكريم اللي يبي يمشي نظامي والله ما يوقف

نقاط بسيطة حبيت ابينها واسف على الأسلوب

[السيد سامح]

لاحول ولاقوة الابالله
ماعمري شفت واحد يمدح المرور
كلة سب في سب
الله يقويكم ياشباب
نحن لها (( لاللمرور نعم للحياة))
بعدين مايعطيك مخالفة الا واحد مستجد
مالة شهراو شهرين مداوم

[خواش]

ياخي وشلون يعطين قسيمه تظليل وغيري مظلل قمة الاجحاف قوانيين غرييبه

يجونك اسبوع تفتيش سرعه يحصلون دراهم وبعده سنه يعيدون التفتيش مافيه أليه ثابته بس فتش وامش

مشكله والله العظيم

واحد بحنبي يوم دري ان العسكري يعرف خاله قاله امش قلت ليش تمشيه وهو مخالف مثلي قال لا هاذا واحد غيره شف وشلون يكذب علي

ووحده بطريق الرياض نفس الطريقه يمشي واحد والباقين قسايم

قهرررررررررررررررررررررررررررررررررررررررررررررر والله قهرررررررررررررررررررررررررررر