[شيك بدون رصيد]

أخي الكريم .. أحد الاقارب استشاري أمراض وراثية في مستشفى التخصصي بالرياض .. يقول لنا دايم ابعد عن الاقارب حتى رابع جد حتى تكون بمأمن بإذن الله من الامراض الوراثية ..

ومن جانب اخر .. اذا اخذت قريبتك صرت ولدهم اللي ماتغير فهم ادرى بماضيك يوم انت صغير تلاحق سيارات الفليت وتحلت حصى وتركض بالشارع .. اضافة الى انك اذا دخلت بيتهم ماراح تلقى ذاك الاستقبال لأنهم عارفينك .. بالعكس من البعيد الذي اذا جا قام له كل اللي بالبيت .. وخروا جانا فلان ..

والزواج قسمة ونصيب وعلى مايقول المثل "matches made in heaven" احس ان المثل حلو

[جروح الزمن]

أخي ولد _ الصفراء

اذا كنت تفكر بالبنت ومعجبتك ومافي اي مشاكل الان بينكم نصيحتي توكل على الله واكثر من الاستخاره اكثر من مره لاحظ اكثر من مره والتجى الى الله بالدعاء ولاتحط في بالك اي شئ من الافكار - مشاكل - امراض-....
فإن وجدت راحة في صدرك ودرست الموضوع من جميع جوانبه ووجدت انه مناسب لك فتوكل على الله
وان وجدت حرجاً او ضيق او تعثر الموضوع باي امر فاصرف النظر فهذه الخيره التي اختارها الله لك

ولاتفكر بالبنت ابدا فستجد من تعجبك غيرها كثير
اقول لك هذا الكلام لأن كثير من الشباب حينما يتقدم الى فتاة يريديها ومعجبته فيتم رفضه من الاهل
يستمر يتحسر على الموضوع ويفكر في الفتاة فتصبح في نفسه
وانا اتحسر على قريبة لي جمال واخلاق ولكن تقدم لها شخص يريدها مرتين وقدرة الله فوق كل شي يرفض من الاهل ولايصير شي
والان لايتقدم لها اي احد وحالتها تحزنك تماماً
الكل ينظر لها نظرات اعجاب الكل يريدها لكن لاشي ؟؟

اسفه اخي ولد الصفراء
قد اكون طولت وخرجت عن موضوعك لكن اجزم وتوكل بعد الاستخاره
يسر الله امرك

[MEHWAR]

شف ياشيخ

اذا كنت تعرف اهلها <<< قصدي انك تعرف طبعهم

يعني هل هم متفاهمين او عكس ذلك

اذا كانو متفاهمين ويفهمون ويعقلون

فلا تتردد ابدا ابدا

[ناسف]

[b]اخي الفاضل هذه الامور لايمكن ان تاخذ فيها قاعدة عامة لاختلاف الناس والعوائل .
فتجد عوائل من اتفه شي يصنعون مشكلة قد تؤدي الى قطيعة سنوات وتجدها في مجتمع عائلي اخر لا تتجاوز ان يعتب احدهم على الاخر في ذات المجلس ويخرجون متصافين لا يحمل احدهم على الاخر مثقال ذرة .
وانت ابخص بمجتمعك العائلي .
ومن جانب اخر فالزواج من بنت عمتك له جوانب ايجابية منها معرفتكم التامة بهم ومعرفتهم لك فلا احد يمثل امام الاخر او يخفي عيوب بل الشفافية موجودة ( غصب )
ومقدما نقول مبروك والله يكتب لك اللي فيه الخير وييسره لك

[/b]

[فـــــ1997ـــــارس]

اخوي ولد الصفراء صل صلاة الاستخاره وتوكل على الله

من توكل على الله كفاه

[مايرا]

اذا تبيه توكل وتزوجه والمشاكل بكل بيت

وبعدين اصلا بالوقت هذا خلقه فيه قطاعه عسى القرايب يتشاوفون بالاستراحات هذا اذا صارو واصلين

واذا صارو قاطعين بالزواجات اكثر قرايبنا اخذين من بعض يعني اقارب والحمدلله مافيه مشاكل

واصلا اصل المشاكل من المره لازم لاخذته تعلمه ان اي مشكله ماتطلع من بيتكم ابدا انت وياه تحلونه مع بعض

الا اذا صارت مشكله مااحد يقدر يتحمله


وبالتوفيق

[سبحااان الله]

اقتباس المشاركة الأساسية كتبها جروح الزمن وانا اتحسر على قريبة لي جمال واخلاق ولكن تقدم لها شخص يريدها مرتين وقدرة الله فوق كل شي يرفض من الاهل ولايصير شي والان لايتقدم لها اي احد وحالتها تحزنك تماماً الكل ينظر لها نظرات اعجاب الكل يريدها لكن لاشي ؟؟ يسر الله امرك

اذا كان قريبة لك ((جمال)) و((اخلاق))

والكل ينظر لها نظرات اعجاب الكل يريدها

بس باقي (( الدين )) اذا توفر ردلي على الخاص

؟

[نبض المشاعر]

عليك بالاستخاره ثم الاستخاره وبس

سبحان الله ماخاب من استخار

والله وحده هو من سيختار لك الصالح

اسال الله لك التوفيق

[جروووووح صامته]

اقتباس المشاركة الأساسية كتبها جروح الزمن أخي ولد _ الصفراء اذا كنت تفكر بالبنت ومعجبتك ومافي اي مشاكل الان بينكم نصيحتي توكل على الله واكثر من الاستخاره اكثر من مره لاحظ اكثر من مره والتجى الى الله بالدعاء ولاتحط في بالك اي شئ من الافكار - مشاكل - امراض-.... فإن وجدت راحة في صدرك ودرست الموضوع من جميع جوانبه ووجدت انه مناسب لك فتوكل على الله وان وجدت حرجاً او ضيق او تعثر الموضوع باي امر فاصرف النظر فهذه الخيره التي اختارها الله لك

مادام البنت ببالك
فتوكل على الله..

والله يوفقك وييسر لك امرك وان شاء الله ماراح يردونك..
اما الامراض الوراثيه ان شاء الله مهنا الا العافيه والحين فيه الفحص قبل الزواج علشان هالمشكله والله ان كثير من اقاربي مناسبين بعض والحمد لله مافيه الا الخير..

[m.a.s.i_1]

والله يالاخو عن تجربة



كل ماابعدت احسن

من عرفك صغير حقرك كبير

[الراشدي]

إذا الشغلة فقط تفكير ولم تعطها وعد ...

الابتعاد أفضل من ناحية صحية ومن ناحية اجتماعية...

أسأل مجرب......

[أرسلان]

ونا أخوك وش تبي بالزواج

خلك عزوبي أحسن لك

ههههههههههه

أمزح ...

[انسانهـ لا أكثر]

الاستخاره هي الحل

الله يوفقك لما فيه صالح لك ولها

[رذاذ السحاب]

ياخوي ياولد الصفراء من قالك ان زواج الاقارب مشاكل ترى مو كلهم شف انا اخذت ولد عمتي ولله الحمد والله يتمم علينا ويكفينا كل من فيه شر اننا ماشفنا مشاكل لا يهمك كلام الناس خذها وتوكل على الله دامها بخاطرك هذي وجهة نظري ولابد اخي من الاستخاره قبل فعل اي شي والله يوفقك

ادعلي بالذريه الصالحه وشكرآ