[مطعونه بشوكـه ~]

وين هو موجود الشوايه ... بأي مكـــان ...؟

انا شايفته بالرياض ... بس وين ببريدة

[abo-Khaled]

^^

^

مكانة وانت جااية من الاشارة الخماسية بتاع الفايزية لاوصلتي اشارة المحكمة روحي

يسار تلقينة يمين لوحة كبيرة مكتوب علية بيت الشواية

والله يابيت الشواية عذاب اكلة


اخو دريحم اية عندهم دجاج حراق

انا الي استغربت ان عندهم ربع دجاجة بست ريال

والنص بعشرة

[الــبــتــار]

أقول شكل سبب الرخص أنه يبيع شي خربان بسعر رخيص لكي يمشي سوقه ويضي الي عنده

[سدرة المنتهى]

غريبه ماتفرقون بين البرازيلي والوطني .......ياناس واضح مره والطعم والفرق بينهن مثل مابين سهيل والجدي

مشكور صاحب الموضوع معلومة جديده توي ادري انه فيه مطعم يدعى الشوايه

[الصباخ]

أنا تعاملت مع المطعم في فترات متفاوتة والحقيقة أنه مطعم يستحق الوقوف له وشكره على ماقدمه..
في وقتٍ كانت الأسعار ترتفع بشكلٍ جنوني كانت أسعاره ثابتة لا تتغير..
والتعامل وسرعة إنجاز الطلب والجودة رائعة بكل ما تعنيه الكلمة..
أما نوع الدجاج فلعلي أسأل لكم عن نوعه لكن الحين أنتم مصدقين إن الدجاج الوطني كويّس؟
أحدهم ممن كان يعمل في دواجن الوطنية يقول بأن الوطنية اشترت ماكينة من ألماني تقوم هذه الماكنية بفرم أرجل وأجنحة الدجاج وترصصها على شكل كبسلوات ثم تعطى بعد ذلك للدجاج مرةً أخرى مع الحبوب..
لزوم التوفير تعرفون؟؟
ولا ننسى بعد شركات الدواجن الأخرى وشغل الهرمونات والإبر وغير هالأشياء كثير..

[في داخلي قلب طفلة]

بصراحه مطعم الشوايه
ممتاز في الرياض

[Bleeder]

من يعرف محله ببريدة
اللي يعلمن أبعزمه والحساب عليه

[الأشعل]

عفوآ ,,,
كلامكم فيه مبالغة بزود ..!!
إعتقد إنه مطعم عادي جدآ لايستد عي كل هالكلام المعسول ..!! إلا إن كانكم ماتعرفون مطاعم صح غيره ؟؟
ودم___________تم بخير.

[سيار نجد]

الحقيقه ماجربته لكن العالم تمدح جودته + رخص الأسعار ,,
والمطعم مشهور مايحتاج من يشهد له ,,
لكن الناس لازم تشووه السمعه بالتشكيك ان دجاجه خربان وانه برازيلي ومدري ايييش ,,
وانا استغرب بصراحه من اللي يسب مشااريع زي هذي ,,
لأننا دايم نتضجر من عدم افتتاح مطاعم شهيره ,, وعدم فتح ماركات شهيره ,, وعدم افتتاح مجمعات شهيره ,,
واذا فتح واحد نجلس نطلع اشاعات لمدة سنه ,,
يا اخوان ترا زي هالشغل يأثر بتطور الديرة ,,

[جريــــح1]

نعم صحيح ,
من ناحيه المذاق والاسعار جيده جدا ...

والخدمات ممتازة وكذلك الديكورات رائعه جدا ...

شكرالك ..

[بولوهي]

بيت الشواية امتداد لبيت الشواية اللي بالرياض وبالرياض مالك ماطا وهو بكل حي .
والله يوفدز راعيه
الكمية كثيرة والسعر رخيص جدا جدا والخدمات متميزة جدا وانا ما اروح الا لمكعم زيه يكفيك ان كل شي قدامك يصلح ونظيف مرره

اقتباس أقول شكل سبب الرخص أنه يبيع شي خربان بسعر رخيص لكي يمشي سوقه ويضي الي عنده

وااااوك شكلك شريك معه ولا لك الفر ع
اعقل الله يعافيك وماله داعي التشويه بدون علم وانا اتوقع انك ماتعرف الشواية او ان لك محل وطاح سوقه يوم فتح الشواية

اقتباس أنا تعاملت مع المطعم في فترات متفاوتة والحقيقة أنه مطعم يستحق الوقوف له وشكره على ماقدمه.. في وقتٍ كانت الأسعار ترتفع بشكلٍ جنوني كانت أسعاره ثابتة لا تتغير.. والتعامل وسرعة إنجاز الطلب والجودة رائعة بكل ما تعنيه الكلمة.. أما نوع الدجاج فلعلي أسأل لكم عن نوعه لكن الحين أنتم مصدقين إن الدجاج الوطني كويّس؟ أحدهم ممن كان يعمل في دواجن الوطنية يقول بأن الوطنية اشترت ماكينة من ألماني تقوم هذه الماكنية بفرم أرجل وأجنحة الدجاج وترصصها على شكل كبسلوات ثم تعطى بعد ذلك للدجاج مرةً أخرى مع الحبوب.. لزوم التوفير تعرفون؟؟ ولا ننسى بعد شركات الدواجن الأخرى وشغل الهرمونات والإبر وغير هالأشياء كثير..

هذا الهرج
+1

[لقلق]

يعيش مطعم بيت الشواية

وتسقط المطاعم الاخرى الظالمه باسعارها الباهضه

[ابوولعf]

الله يرزقهم

[لمسات حنونه]

مشــــــــــــــــــكور ع المعلومه بس أبي أعرف مين بيجو فتش إذا مافيه احراج