[Zmam]

اقتباس المشاركة الأساسية كتبها صعب المنــ2ــال ياخي كلامك منطقي و صحيح 100% لكن موضوعك خطأ على ما اعتقد إلى حد 80% مثل ما انت عارف المنتدى فيه الصالح و فيه الطالح و فيه الصغير و فيه الكبير و فيه من كل الأجناس و كلامك هذا مفيد لكنه ايضا مضر لانك فتحت باب " دعاية " للذين يدخلون النت و لا يستطيعون ان يمسكوا إرادة انفسهم و هذا الموقع فيه فوائد و لكن 90% منه ضرر و انحلال و إلخ من العتاهه اتمنى ان يمسح الموضوع اأبو ربــــ ا يقول ماهن من القصيم !! لك سؤال يطرح نفسه مثل الذي طرحته يا اخي وش المانع انهن يكونن من القصيم ؟ انا اقولك القصيم معروف عنها انها اكثر تحفظ من باقي المناطق لكن في هذا الوقت المناطث الأخرى ما فيه تحفظ ابدا و القصيم بحسب المعروف ايضا افضل منهم لذلك فيه تحفظ قليل افضل من المعدوم , , , ابو ربا حل المشكلة ليس بإنكارها ولكن ليس عرضها بمنتدى فيه شرائح من المراهقين يا راعي الموضوع

ماهو الخطأ أخي الكريم ياليتك توضح

بالنسبة لسؤال أبو ربا ,, جاوبت عليه بالرد الي فوق

اما بالنسبة لسؤالك وش المانع ؟ سؤالك غريب أخي صعب المنال

انا ذكرت بالموضوع إن الكلام ليس موجه فقط لبنات القصيم وإنما لكل بنت مسلمة ( شاهد الموضوع)

لكن أنا خصصت بنات القصيم بالموضوع أكثر لأنها بنت ديرتي ومن جلدتي والي يذكرها بسوء كأنه يذكر أختي واختك أخي الكريم

..

وكيف طريقة حل المشكلة ؟

[هايين]

يالله سترك

نسيت انها ستعذب بذلك الجسد مهما كانت مدينتها

الله لايبلانا ولاكل مسلم


جزاك الله عل غيرتك

[توتو22]

جزاك الله خير الجزاء والله مصيبه ؟؟؟؟؟؟؟وبعدين مو لازم من القصيم بس كذا يقوووولون اتوقع وبعدين اخوي اخطيت بصراحه انك قلت اسمه والله اول مره اعرفه ؟؟؟؟؟؟؟؟ وشكرا لك على غيرتككككك

[صعب المنــ2ــال]

اقتباس المشاركة الأساسية كتبها zmam ماهو الخطأ أخي الكريم ياليتك توضح بالنسبة لسؤال أبو ربا ,, جاوبت عليه بالرد الي فوق اما بالنسبة لسؤالك وش المانع ؟ سؤالك غريب أخي صعب المنال انا ذكرت بالموضوع إن الكلام ليس موجه فقط لبنات القصيم وإنما لكل بنت مسلمة ( شاهد الموضوع) لكن أنا خصصت بنات القصيم بالموضوع أكثر لأنها بنت ديرتي ومن جلدتي والي يذكرها بسوء كأنه يذكر أختي واختك أخي الكريم .. وكيف طريقة حل المشكلة ؟

الخطأ بينته في مشاركتي بقولي مع ان الموضوع يا اخي هادف و مفيد إذا كان القارئ او القارئة من مشتركين الموقع الي انت ذكرته إلا انه ضار إذا لم يكونوا من المشتركين " و هؤلاء اكثر من المشتركين " سوف يذهبون للموقع ليتفحصوه و فيه ناس سوف يعجبهم الموضوع ولن يستطيعوا كبح إيرادتهم و نسيان الموقع لان الموقع كله مفاتن و عورات


اما عن سؤالي " وش المانع " هو رد على سؤال ابو ربا لان على ما اعتقد انك وضحت في المشاركة رقم 1 ان البنات يسمين انفسهت " القصيمية " او زي كذا ليعلنوا انتمائهم للقصيم و ابو ربا يسألك كيف عرفت انهن من القصيم يعني بحسب فهمي لسؤاله انه يقول انهن يكذبن و لا ينتمن إلى القصيم
فقلت له السؤال ليبحث هل فعلنا شيء يقينا هذا الفعل المشين ؟؟

تحياتي لك

[حلوه بضحكتها]

مشكـــور اخوي ع الموضوع..

الله يعافيهم ولايبلانا يارب ..
البنت اللي تلجأ لهالاشياء ناقصها عاطفه + تربيه
مع اني ماودي اقول التربيه لأن فيه ناس كثير تعبوا على تربية بناتهم وللأسف انحرفوا ..

ومااعتقد بنت فوق الـ 20 ماتعرف الصح من الغلط ... ودايما اقول الوحده وربي لو بتكون بمسجد لكن تبغى الشر راح تلاقيه وين ماكانت ... لكن ياليت اللي سلكت هالطريق تدري انها مراقبه ومحاسبه على كل تصرف (( وهذا ردي للي قالو سويت دعايه)

مره ثانيه/ يعطيك العافيه ع الموضوع.

[ياسمين القصيم]

بصراحه اول مرة اسمع عن هذا الموقع الي تتكلمون فيه والحمدلله اني مارعرفه""""""
ومصيبه فعلا ااااااااااااااااااااااااااااااااااااااااااا البنات يصورن انفسهن؟؟؟؟(اللهم لاتعقبنا على ما فعل السفهاء منا)اشكرك اخي zmamعلى تنبيهك نحنا امرنا بان نأمر بلمعروف وننهي عن المنكر ولو بلسان،،والعقاب يعم الجميع،،،
بس تبون الصراحه (الاخلاق مالها وطن محددددد)بس يعني نشره على بنات القصيم اكثر لانهم معروفين اهلها بتمسكهم وحرصهم الشديد كيف يخرج منها هذا الجيل؟؟؟؟

[loquacious]

شاكره لك غيرتك ... وبصراحه فعل ُيدمي القلب سواء كانت قصيميه أو غير قصيميه

والمفروض غيرتك تكون على سمعة دينك مو على سمعة بلدك ..

وبصراحه .. من الأفضل والالبق أن لاتذكر مثل هذه المواقع الذي يدعو الى الفواحش

يستحسن انك قلت ( موقع من المواقع ) والذي في قلبه شيء منه بيعرفها على طول ..

مثلي أنا .. والله ماكنت أعرف هذا الموقع , وأحمد ربي اني ماسمعته حتى من غيري كانت تجيني ايميلات تعارف منه وكان مشطب راسي وشو هذا .. لكن عرفته منك أنه يسّوق لهذه الأهواء ..
ولا اكذب عليك عقب موضوعك الحين فيني فضول أشوفه !!!

[ملكة الرومانسيه]

اقتباس المشاركة الأساسية كتبها توتو22 جزاك الله خير الجزاء والله مصيبه ؟؟؟؟؟؟؟وبعدين مو لازم من القصيم بس كذا يقوووولون اتوقع وبعدين اخوي اخطيت بصراحه انك قلت اسمه والله اول مره اعرفه ؟؟؟؟؟؟؟؟ وشكرا لك على غيرتككككك

يعني ليش بيقولون انهم من القصيم وهم موب من القصيم ؟ عشان الناس بيحسون انها كشخه مثلا ؟!
تحط انها بالقصيم عشان يمديها تتعرف على ناس من نفس ديرتها ! والا وش الفايده من تسجيلها في هذا الموقع الخسيس

وفعلا انا شخصيا كنت اسمع من بعض البنات انهم يحطون صورهم بذ الموقع وفخورات بالشي هذا ويحسبون انه زين ووناسه

[****LAMAR****]

اقتباس المشاركة الأساسية كتبها zmam هلا فيك أبو ربا حياك الله بالنسبة لسؤالك , بكل بساطة يوجد بالبروفايل كل شخص المنطقة الي ساكن فيها وحتى بنفس الموقع المذكور يوجد خيار بحث على حسب المنطقة وهل تريد البحث عن بنت ولا ولد وإذا كنت تريد بنت حدد المكان التي تريدها من القصيم من الرياض أو جدة او إلخ الخ .. الله يستر على بنات المسلمين

خبير ماشاء الله الله يصلحك بس,,

[ام ملووحي]

مايستبعد

مع اني اولمره اسمع هالخبر

ولاادري وينه ولانب مدورته


بس



التفريط وارد من النساء




والاحظ الكثير بالقصيم ياتشدد يا تفريط الاخوان بوادي وخواتهم يطلعن (مايسالون مع السواق)وووو----

والا منكتمه بالبيت مابه طلعه الا للاقارب والمناسبات !!!


الوسط ززززززززززززززين


وشكرااااا

[طعس™]

الله يهدي الجميع ان شاء الله

[****LAMAR****]

جزاك الله خير ,,واسفه على ردي في الاعلى اذا كنت اخطأت بحقك...
لكن كان الاجدر بك عدم كتابته اسم الموقع ...

[رُوَاءَالرُّوح]

اخواني
ذكر امراض الامة في هذا الزمان اصبح دعايه لذلك المرض
لان المشاهد الغيور لا يستطيع فعل شي
والمشاهد الغافل السفيه قد تحمل انت وزر غرقه
رحم الله علمائنا الافاضل اصحاب مقولة
(ادعوا وناصحوا أبناء جيرانكم فيتربى أولادكم)<<قصدي مفهوم لمن لديه فطنه

[loquacious]

والله انك صادقه يا سرعة بديهة واتمنى من الاداره الموقره حذف هذا الموضوع إن اراد كتابته مرة اخرى يكون بضوابط .. لأن أغلب المتصفحين مراهقين وسوف يدعوهم الفضول لزيارته



أغلقوه .. مأجورين