[المستشار رحال نجد]

الحمد لله والشكر الله يعافينا ولا يبلانا
الحين انا ودي ادري وش يبغى في الدخان المدخن؟؟؟؟؟؟؟؟؟؟؟؟
يدخل هوى ويطله هوى
انا اقول له خذ من الهواء الطلق من ربك احسن لك وافيد لك يجيب الحيات هوى ربنا والدخان يجيب الموت

والله اني اذا شفت احد يدخن احزن واقول الله يعينك على الامراض

الدخان كذا يعني شين ولا له فايده وخاسر الي يشريه
والله انه خاسر اولا يخسر نفسه ثم افلوسه

[GENTELMAN]

الحمد لله اني تركته لي الان ثلاث سنوات ووالله العظيم اني انكتم الحين اذا شميت ريحته ادعولي ان الله يثبتني على تركه ووالله اني مارتحت في نومي وحياتي كلها الى بعد تركه اتمنى من المدخنين تركه والعزيمه الجاده لذلك واصعب حاجه ترا الاسبوع الاول وبعد كذا خلاص بترتاح وذا وسوس لك الشيطان تذكر ريحته وتذكر المشاكل الي وراه وحاول تشغل نفسك بفصفص او فواكه او علك او احسن شي اذا تذكرته حاول تقرا قران والله انه علاج للمدخن وبعدين تذكر زوجتك ومعاناتها من ريحتك وزملائك وسيارتك .

[ابووليـــد]

اقتباس تم تطبيقه في عنيزه

في عنيزة يباع وبكثــرة أيضاً <<نعم فقد كانت كذبة ..

لاكن اتمنى من العاملين في بريدة ان يطبقوا القراار ..

أيضاً ستغلق المقاهي من بعد الساعه 12 بالليل
ولا يدخلها اقل من عمر 18 سنه ..
^^
أيضاً اتمنى ان يطبق ..

[ابووليـــد]

اقتباس حتى لو طبقوه مهوب نافع

لا تقول مو نافع بالعكس راح يقلع الكثيــر بإذن الله عن الدخان ..

..

لأن بعض المدخنين يمكن مايستطيع يشري كرز كامل اللي فيه حوالي10 او20 بكت بسعر غاالي ..

وغيرها من الأمـــور الكثيــرة ..

وحنا نتفاول بالخيـــــر ونطلب الله ..

[(خيال الروح)]

يا شارب الدخان شاربك ما طال

والله الصراحه اتمنى انه يطبق القرار لانه فيه بزارين قاعد تلعب با الدخان على اني ادخن انا وادري انه يبي يضرن القرار هذا وعلى صحتي لكن ادعولي يا شباب على تركته

[عبوديـــــــ]

ياليت يمنعون محل المعسلات مو الدخان بس :يجيك البزر شب الزقاره يقاله رجوله : الرجوله مو بدخان الرجوله طاعت الله ولديها

[*بريداوي*]

ماراح ينفع .. لأن حتى لو طبقوه .. راح يبيعونه بالدس ..

[دحومي]

يابعدي خلهم يبعدون محلات الجراك قبل

[سمي الطيار]

هناك مراحل قبل المنع مثل التوعية بأضرار التدخين مثل أهدار الأموال وكذلك صحة الأنسان التى ليست ملكه وكذلك أضرار بيئية وغيرها كثير ثم بعد ذلك يكون الأنسان عندة مناعة داخلية ووعي عن التدخين حى لو يقدم ألية بالمجان لايدخن ثم يأتي المنع بعد ذلك نسأالله الا يباع في بلاد المسلمين.

[هاوي الليل]

http://www.buraydahcity.net/vb/showthread.php?t=156844

طرح على هالرابط من كلام احد الاعضا انه يتمنى ان يمنع الدخان من البيع
من وجهة نظري وابيكم تقولو رايكم

يعني لو فرضنا انه منع مثل عنيزه كما سمعنا مع اني ما ابطيت داخل بقاله بعنيزه
ومافيه نوع من انوع الدخان الا موجود الموهم

اذا منع من البيع اكييد بيصير موجود بالمقاهي والمقاهي عد واغلط
واللي بيدخن بيروح للمقاهي لانه مافيه الاهناك واذا راح بيلقى غير الدخان
بيلقى شيش وغيره واتوقع و اجزم مع المداومه على المقاهي بيتعرف
على ناس من رواد هالمقاهي راعين بلاوي من مخدرات و غيره
وتسذى بتصير المشكله مشكلتين
لان بعد تشوفون مبزره يدخنون ولو تشوف بعد تلقى الزقاره اطول منه
اذا بزر وراح للمقى عشان الدخان تتوقعون بيعرف مصلتحه مع من يجلس
او مع من يتعرف

ياليت وصلت لكم الفكره

تحياتي

[فـــــ1997ـــــارس]

خطوه جيده ياليت يتم تطبيقها

[دبدوبه ستي]

اقتباس المشاركة الأساسية كتبها ابووليـــد في عنيزة يباع وبكثــرة أيضاً <<نعم فقد كانت كذبة .. لاكن اتمنى من العاملين في بريدة ان يطبقوا القراار .. أيضاً ستغلق المقاهي من بعد الساعه 12 بالليل ولا يدخلها اقل من عمر 18 سنه .. ^^ أيضاً اتمنى ان يطبق ..

نتمنى ذلك
الان بكل لفت عاااااااير نلقى مقهى وبكل حي عشرةوشف من الي يدخلوه بسادس وبخامس ومتوسط والان بامتحانات من المدرسة للمقهى
الله يستر عليهم

[هب النسيم]

اقتباس المشاركة الأساسية كتبها خالد1 هل يطبق هذا القرار ويفرحنا كماتم تطبيقه في عنيزه ويكون بعيدا عن متناول الاطفال والمراهقين نتمنى ذلك بأسرع وقت

على هونك عنيزه ام الدخان مابقى اللا ينباع بالصيدليات

[**ابو علي**]

والله ماهنا فايده منه هنظام