[الصباخ]

طبيعي جداً ردة فعلها لأنه الرجّال ماعمره قالها كلام حلو..
وهي تحس إنه يستهبل أو عنده شيء!!!
إذا هو صادق يصبر وراح يشوف نتيجة حلوه..
وهذا مو بس على مستوى الزوجة بل على مستوى الحياة!....

[أشعة في بلقع]

قلت لخوينا ان الشباب والشابات ببريدة ستي يقولون :ان حرمتك ما تعودت وعشان كذا لازم تواصل المدح لين تعرف انك انت تغيرت

قال : زين

أثناء وهو جالس يتقهوى العصر مع زوجته ،،،،،، جاوه اتصال من واحد من الشلة ويخططون

على طلعة عشاء ،،، فخوينا اعتذر منهم وقال : إني الليلة أبطلع أنا واللبنانية(يقصد زوجته) نتعشا في عنيزة

معليش منب خوي لكم هالليلة .. سكر الخط

يوم التفت على زوجتي ( وش توقعون ؟ )

لقى خدوده حمر ....... لأ لأ

لقاها تضحك وتقول له صحيح يا عمري نبي نطلع الليلة ..... لأ لأ لأ لأ


نكمل الفلم :
وأثرها تصيح وتشاهق وتقول : لك كم يوم وأنت بس تطنز بي و تشههر بي عند خوياك

يا اخي اذا انا ما جزت لك طلقن و كفاية تحطيم

يقول خوينا أنا : سكت ما أدري وش أقول لهالصتيمة

والله العظيم ان قصدي زين ومنب اتطنز ولا احطم .




بعد كل هاللي صار و يوم وصلت الأمور لطلب الطلاق ,,,,, خوينا و كل السعوديين معه قالوا


بصوت واحد :

المرأة السعودية لا تعرف الرومنسيه ولا عندها طاري تتعلم هاشيء

ولا تستحق إلا : 1- الكلام الجاف و 2- مرة كل شهر للسوق و 3- كل اسبوع تروح لأهلها



ويعذروننا الناس ،،، اذا دورنا حريم الرمنسيه و الكلام الحلو


هنا أشعة في بلقع قال لازم ادخل بالموضوع واساعد بالحل :

قلت له شف يا حبيبي خلك من نصايح بريدة ستي وهالمطافيق و خذ الحل من أنا

قال: عطنا اللي عندك
قلت : اولا الآن اجلس يومين خلك رسمي بدون مدح ولا سب
قال : زين

قلت : بعدين انقز لسوق الذهب وخذ لك طقم ناعم بـ الفين ريال ،،، وشف الشباب حقين

قسم التصميم ببريدة ستي قرقش او رايد او الاسمر ،، خلهم يصممون لك كرت هدية

وقدم الطقم عليه الكرت لزوجتك ................

بعد أيام ..... شفت خوينا وهو يبي يتشقق من الوناسة

قلته : وشلون ؟

قال أخذت لي ميسار .. قلت له : هاه ؟!!

قال : اضحك عليك .... الامور زينة وجزاك الله خير

قلت له : حريمنا ما بهن بلا بس يبن من يعرف لهن

قال: والله انك صادق حريمنا مثل الددسن ... اذا رفقت عليها عاشت معك وإن صرت غشيم تغثك كل يوم بورشة

[بسمة الأمل]

لست ممن يحب النقد ،،،

ولكنـ عباااارته لم تكن ابداً منااااسبه,,,

اقتباس إني الليلة أبطلع أنا واللبنانية(يقصد زوجته)

فعلاً يحتاااااج لتدريب على فن المدح,,,اهذا مدح ؟؟؟!!!

[قطرات]

ماتنلام هذي ماشافت الا الطنازه طول عمرها وجاي بيوم وليله بيغير حاله وماعرف يتصرف اكيد بتحس انه مو صادق

تحياتي لك اشعه

[الصباخ]

أعجبني فعلك وكلامك!!!...
يبدو لي أنك لا تتحدث عن قصةٍ واقعية!!..
ولكن بشكل عام أنت رائع..

[أشعة في بلقع]

اقتباس المشاركة الأساسية كتبها الصباخ أعجبني فعلك وكلامك!!!... يبدو لي أنك لا تتحدث عن قصةٍ واقعية!!.. ولكن بشكل عام أنت رائع..

أخي و عزيزي ::::: الصباخ

مجرد أن تقرأ موضوعي فهذا شرف لي

ويزيد شرفي إذا ارشدتني لخطأ او خلل


فكيف اذا مدحتني .... الارض ما تاسعن من الفرحة






اشعة في بلقع : يدل المجتمع على الخطأ و يقترح العلاج ( هذه طريقتي)


كل التحية والتقدير لكل متابعي مواضوعات : أشعة في بلقع

["..SWEET.."]

صح ممكن يكون قاهرها من قبل ....

فما استوعبت انه مدحها لائنه مو من عوايده!!!

[دمـعـة الـذيـب]

المره ماتعودت منه الكلام الزين .. وفجأه يبدأ يمدح .. وكلاامه عسل ..

شي طبيعي أنه تحس أنه يتطنز به ..

المفروض بالتدريج .. مب على طول يطب صاروخ ..


.

.

.

[اليراع الأبيض]

إن كان القصة واقعية , فلا عجب أن تكون كذلك و هذا كلامه عنها معك ( الصتيمة و غيرها )
للأسف البعض لا يتوسط بل يميل إلى اليمين أو الشمال , فأما أن يكون الكلام جاف خالياً مما يسعد أو يكون مفرط في المدح حتى إذا قيل ( مدحه فلان و أثنى عليه ) أُعرض عن كلامه و قيل هذا مدّاح كذّاب .

أشعة حفظك الله
إذا كان الشخص يعيش جل حياته و أكثر كلامه في كذب , فطبيعي أن يلقى ما لقي أما أن يصدق مع زوجته في الأغلب و يتحين الفرص ليثني على صنعه صنعتها أو حلي تجملت به و هو يقول كلامه مؤمن به و يجامل في بعض الأحايين فهذا سيجد ما يسره بإذن الله .


أتمنى أن إستطعت إيصال جزء من الفكرة , و إلا الأمر لا يوفيه كلام كهذا

[الثريا®]

مت من الضحك
تبون الصدق الزوج هذا عندي والله العالم
انه صاكها بتحطيم طول حياتها ولا تلام الزوجه فهي اخذته على عادته ولا الحريم مهنا حبهن للمدح والثناء
وكذلك الرجال
بس الخلل من الزوج انه ماتعلم وعرف الا متاخر وجاء بيوم وليله يبي يطبق النظريه هي انصدمة باسلوب جديد لنقد بشكل جمالي جديد

[كـبـريـاء أنـثـى]

اقتباس المشاركة الأساسية كتبها Ali Ezzat Begovich على مهلك يافتى !! يا أخي الكريم زوجته تعودت على أنه رجل عديم الذوق والأسلوب، فلما يفاجأها بأسلوب جميل ستتفاجئ وستشعر أنه يستهبل عليها ولا يستخف دمه ، بعدين يقول السيرلانكية ماشاف وجه تقل وجهية ددسن مصدومة بعمود كهرب . وحقيقة لا ألوم المرأة ، ثم أن تغيير الطبع والأسلوب لايتغير بمجرد سماع شريط . تحياتي . .

>>> ســلـمــت يــمــيــنــك يـاأصــيــل,,
أحـب أوضـح أنـه إذا كـان هـذا أسـلـوب الـزوجـه,,
لا يـعـنـي أن كـل الـحريـم كـذا تـعـاملـهـم,,
ولـو بذكـر لـكـم مـواقـف مـن رجـال جـافـيـن فـي الـتـعـامـل مـع حـريـمـهـم
مـاكـفـانـي يـوم كـامـل,,

الــخــلاصــة::
قـد يـكون كـلا الأثـنـيـن مـقـصر.. !!

بـوركـ طــرحـــكـ يـاأخـــي ...

[ابويسرى]

معقووووووووووووووووووووووووووووووووووووووووووووووو وووووووووووووووووووووووووووووووله

[أبو رُبـــــى]

كنت أتذكر ذاك المعرف والذي أعجبت بقلمه ولكنه ولكثرة انقطاعه نسيته .. فقمت اتذكر .. أتذكر .. أتذكر حتى رأيته هنا هذه الأيام والحمد لله على عودتك ..

وأما بالنسبة لموضوعك فلي عودة بإذن الله ..

تحياتي لك ... أشعة في بلقع ..

[أشعة في بلقع]

اقتباس المشاركة الأساسية كتبها أبو ربـــــا كنت أتذكر ذاك المعرف والذي أعجبت بقلمه ولكنه ولكثرة انقطاعه نسيته .. فقمت اتذكر .. أتذكر .. أتذكر حتى رأيته هنا هذه الأيام والحمد لله على عودتك .. وأما بالنسبة لموضوعك فلي عودة بإذن الله .. تحياتي لك ... أشعة في بلقع ..

الله يسلمك أبو ربا
ولا تفقد غالي يارب




و انا اشكر لك ثناءك العاطر