[ابوولعf]

طيب ليش الضرب مفيه احد كبير يصحيهم من النوم او انهم ينمون مبكر

[ماءالسماء]

الله يهديهم ويصلح قلوبهم

[زينة الدنيا]

اقتباس المشاركة الأساسية كتبها ارا3993 طيب ليش الضرب مفيه احد كبير يصحيهم من النوم او انهم ينمون مبكر

من يضربهم ؟ ؟

االواحد منهم كبر أبوي مرتيييين

وأبوي وأمي مهب دايم يكونون بالرياض -الله يحفظهم-

وامي هي اللي تقدر تقومهم بس

بعد ما ينشحط حلقه من اللجة

[دمـعـة الـذيـب]

شوفي ياأختي ..

طريقة التقويم له دور كبير ..

يعني بدل ماتطفون المكيف وتشغلون الأنوار .. وتصارخون ..

ادخلوا بهدوء .. وكل شي على حاله .. لاتشغلون الأنوار .. ولا تطفون المكيف .. بهدوووء ..

وقوموهم بهدوء .. بدون صراخ ..

وتشوفون النتيجه ..

لأن النائم بالصراخ يتنرفز ولا يقوم ..

إسألي مجرب ..

أنا إذا قومون أهلي بالأنوار وتطفية المكيف والصراخ ..

أعجز أقوم ..

لكن علمتهم الطريقه .. وارتحت أنا وهم ارتاحوا ..

لكن إذا كان نومهم ثقيل مرره (فطيسه)

هذولا ماينفع معهم إلا تشيلونه وهو نايم .. وتدخلونه بالحمام ..

وترشونه ماء ..

..

..

[زينة الدنيا]

اقتباس المشاركة الأساسية كتبها دمـعـة الـذيـب لكن إذا كان نومهم ثقيل مرره (فطيسه) هذولا ماينفع معهم إلا تشيلونه وهو نايم .. وتدخلونه بالحمام .. وترشونه ماء .. .. ..

أحياناً لو أقوله قم صل

على طول يعصب ويهدد بأقرب شيء عنده (كريم - بخاخ الربو - قارووة قزاز .... إلخ)

ودي أسوي أللي قلت بس أدري ما فيه أمل يقومون

الله يعين عليهم

[ابن عقلاء]

خلي ابوهم يتصل عليهم بالجوال .. وراح يفزون على طول ان شاء الله

[زينة الدنيا]

اقتباس المشاركة الأساسية كتبها ابن عقلاء خلي ابوهم يتصل عليهم بالجوال .. وراح يفزون على طول ان شاء الله

أبوي الله يخليه كبير

ماله هيبة مرة عندهم -الله يصلحهم-

والجوال يرن والله مايدرون عنه ! !

[بعقيدتي أقوى]

هلا أختي

أبقولك شىء (سبحان الله ثلاثأً وثلاثين والحمدلله ثلاثأً وثلاثين والله أكبر أربعاً وثلاثين) من قال ذلك حين يأوي إلى

فراشه كان خيرا له من خادم ((يعني أن هذا الذكر سبحان الله يبعث النشاط وأن شاء الله ينشطون ويقومون مبكرين))

أنتي بطريقتك قولي لكل الأهل بطريقة غير مباشرة وقليلهم طبقوه لأن لا فائدة في العلم بدون تطبيق وعمل..

والله يصلح شباب المسلمين ..

[(.. بسمـة أمـــــل]

الله يعينك اختي انا كلش ولا التقووووووووووووووووويم مالي خلقه
بس مني احتسبي وان شاء الله تلقينه (الله يوفقك )


انا والله اللي اصحيه ذاك اليوم ولايرد ماكلمه من شان يعرف اني زعله عليه
لانو بصراحه وظيفة التقويم صعبه اولا انها ترفع الضغط
ثانيا كل شوي وانتي مشبرة الدرج يعني اقل شي يقدمه لي انه يرد علي بعد ويصحى ويفكنا من ياسواني يارجلين
لكن قولي امين الله يخفف نومهم ونوم اللي عندنا(((((((((اقول عندكم وعندنا خير))))))))))))
جربي انكم تتفقوا على ان كل يوم واحد يقوم يصحي البيت وش رايك يمكن يتشجعون!!!!!!!!!!!!

[أحلى صبية]

الله يهديهم ويفتح عليهم ادعوا لهم بالهدايه <<<وانصحوهم حتى لو قبل نصحتوهم



...............مافي حل............

يعني الحريص حريص مهما كان نومه خفيف ثقيـــل....

[كبير مايكبرني لقب]

االله يهديهم ^^^^^^^^^^^^^^^^وين ابوك عنهم ضرب

[حنو القصيميه]

الدعاء والله هو المفتاح .. شباب وبنات هالوقت منفتحين وعنيدين الله يصلحهم وينصربهم الاسلام..
حنا الى احمو اكبدنا دعينا عليهم ويشيشون زود ..
لكن اذا كان اللسان يردد في كل لحظة ((اللهم اهدي ضال المسلمين)) و ((اللهم اصلح لي نيتي وذريتي والمسلمين))
فسيجعل الله لك من دعائك نصيبا..
(..اللهم اهدي ضال المسلمين ونفس كرب الكروبين وفرج هم المهمومين واقضي الدين عن المدينين واغفر لكل مذنب ومسيئ ورد كل غائب واسير واعف من اراد العفه وارزق كل محروم واستر على من اراد الستر وارحم موتانا وموتى المسلمين..اللهم من اصيب بعين او سحر فاكشف ضره عاجلا غير اجل من حيث لايحتسب..)يارحيم ياكريم ياجبار ياودود.

[أبو رُبـــــى]

السهر وما أدراك ما السهر !!