[أبو إياس]

أكيد أؤيد أن يكون الزواج عاما (رجال ونساء )

والسبب :
هي ليلة وحدة فرح بها نفسك وكل من تعرف ..!!!

والزواج العائلي أعتقد إنه مافي طعم كأنه عزيمة عادية ..!!!

وعموما همسة في أذن الشباب ..

( ترى مالك دبرة بالعرس كل شيئ على المرة من ناحية القصر وطبيعة العرس ..!!!)

[صرقوعه هانم]

أفضل شي الزواج العائلي سواء عوائل مقتدرة أو غنية

اقتباس لكن السؤال الأهم : وين تبي تلقى بنت ترضى بالعائلي ؟؟

بالنسبه لسؤالكـ أخي : قانون السيطرة

من مجتمعي أو اللي أعرفهمـ أكثر العوائل غنى البنات يفضلون الزواج العائلي

أولا مايجيكـ إلى اللي تعرفهمـ وتكون الفرحهـ حلوهـ وختصرهـ

التكلفهـ تكون معتدله والزواج مرتب

بالصراحه من رأيي أأيد الزواج العائلي وبقوهـ ..

[طارق العتيق]

العائله افضل لان العام يكوون فيه اسراف و تبذير ..

مجرد رائي الله يزوجنا يا رب

تحياتي

abo yosef

[BRHOOM]

...

الله يوفق المتزوجين منكم ويرزقني وكل عازب بالزوجة الصالحة يـارب ,,
وانا بصراحه في بالي اشياء من ناحية الزواج بس الله يعجل بنصيبي يارب وكل من يبي يتزوج

بالنسبه للزواج كل ناس وظروفهم يعني لاتضغطون على أنفسكم لو كانت ظروفكم صعبه علشان المظاهر
في ناس بيوتهم مررة كشخه وفخمه الزواج فيها أحلى من ألف قاعه بس صدقيني تعب
يعني لو قاعه صغيره اللي تصير زي الاستراحه من برى وبوسطها صاله صغيره تجي أسعارها مرة معقوله وحلوة
ولو ظروفكم مرتاحه مافيها شي لو دلعتوا انفسكم

عالعموم يوم الزواج مااراح تحس باللي حولك يعني العريس والعروس مااستفادو كله للناس
بس اهم شي شهر العسل

يعني بالنسبه لي الاوليه لشهر العسل والا الزواج ماسألت فيه
والحمد لله تيسرت كثير حجز قاعه متواضعه وحليوة

...

[ولد السوريه]

~

بالنسبه الرجال عام
اما الحريم عائلي وبعدين يسوون عزيمه له

وجهة نظري

~

[مغروره بس حنونه]

لو على انا

بختار عام
..
أعتقد انها ليلة واحده
يحق لي ان ادعوا بها من احب وارغب
ايضاء هو
هي ليلة واحده له >> ان شاء الله <<عاشن ما افجر فيه
اقصد بذالك
انا لدي صديقاتي
وزميلاتي
وارغب في يوم فرحي ان اجد من يحبني معي وفرحناً لي ولأجلي
أحب ان اجمع عائلتنا القريب منها والبعيد
وأفضل بطاقات دعوة خاصه حتى لا تصبح الدعوا فوضا وضوضاء
..
وممنوع اصطحاب الاطفال والمتبرقعات *****


..

كما اعتقد انه هو ايضاء لدية اصدقاء يرغب بدعوتهم
وأيضاء ابي و أخوتي
لهم اصدقائهم الذي يرغبون بدعوتهم


اقصد
ليلة وحده ليه ما نفرح فيهااا
قد تكون ليلة عادية للمعازيم
الا انها تعني الشيء الكثير للعروسين


والله يوفق الجميع لما يحب ويرضى


..

خالص احترامي للجميع

[ماءالسماء]

تعقيب على مشاركتي

قصدي بالعائلي إنه يكون في قاعة غير مبالغ فيها ويعزم الأقارب والأحباب فقط وماله داعي

الناس البعيدة مثل عم جيران عمي >>> وحدة متعقدة منهم

ويكون مرتب ومنظم و متكامل ويبيض الوجه

يعني ما يكون سكاتي ما فيه أحد ولا عام كل من هب ودب يعزم

[•°انكسار الأماني°•]

,,


أجل وين البنات اللي يرضن بالعائلي ؟
وش هالسؤال أحس إن اللي يسأل كذا ماعاش في بريدة .
من اللي تتزوج عام اللحين ؟
أغلبهن مايصدقن يتزوجن ياحلالي لو يأخذه بقميص من بيت أهله .
ماعادن بناتنا مثل أول يفرحن بزواجاتهن لا هالوقت تقل منطولات .

,,

[رموش العين]

عن نفسي ابي زواجي يكون عام لاني بفرح وابي كل حبايبي معاي بس بدون اسراف مبالغ

[هايين]

يقول الحبيب (اولمو ولو بشاة )

يعني الاجتماع سنه حث عليها الرسول عليه السلام
والعائلي افضل
ويأتي الاقارب والاحباب ويكفي
وان يحظر اناس لانعرفهم ليس له اي ضروره


موفقين

..

[ليتني طفلة]

احس العام احسن علشان يحس الواحد بفرحة العمر
والواحد مو كل سنه بيتزوج هي مره وخلاص
ولازم ينبسط
((((((((((((((اذا كانت ظروفه حلوه يخليه عام واذامايقدر عايلي ويالله التوفيق))))))))))))))))))))

[&&ريا&&]

شكرا لك اخوي العاام اذا صار مافيه تبذير ولا اسراف حلو
فهي ليله واحده لن تعود ويحق لكلا الزوجين ان ينبسطوا باهلهم واصدقائهم
والعائلي احلى واحلى بالنسبه لي حتى اشبع من اهلي قبل لااطلع منهم وارتاح نفسيا من ترتيبات العرس لانها هم فوق هم العرس
لما ربي يوفقنا بحط عزيييييييييييمه كبيييييييييييره وابعزم كل منهب ودب

[**ابو علي**]

اقتباس المشاركة الأساسية كتبها راقيه باخلاقي افضله عام ومن غير اسراف

معروف العام مسرف
وعلى فكره الحريم مايبن العروس شفهن لجن العروس تكل بتموت

[█₪شعاع الأكوآن₪█]

جربنــآ العآم وجربنآ العآئلي بالنسبه للحريم هم المشكله الرجآل مآيهم لآنو مآفي تكآليف وبهرجه مثل الحريم

آفضل رجـآل فقط ويكون محترم بشكل ..وحريم آهل العروسين بس ..

السبب ..الآهل يكون فيه وقت لتعآرف وتكون فيه فرحه للعروسه ..

مو وقت يكون عآم وبتكآليف الكل يستبعد عن العروسه لآنو مشغول بحآله ..ولا يكون فيه فرحه !!

وبس ..