[انوار الحب]

احسنت اخي بموضوعكـ الحساس

(وظفر بذات الدين تربت يداك)

شرط اساسي تسال عن البنت لان الدنيا تغيرت ماصارت مثل اول والبنات تفتحو
تسال عن البنت بمدرستها او جامعتها او صديقتها شي اساسي السؤال عن البنت
ومشكور اخوي ماقصرت

[@@ المجاهد @@]

أعتقد أن المجتمع لا يسأل عن الفتاة لسببين

- قلة المعلومات المتوفرة عنها

- أن الشاب يستطيع إن اكتشف أن هذه الفتاة فاسدة أن يقوم بتطليقها و يتزوج آخرى ولا مشكلة عند المجتمع لكن الفتاة إلم تسأل عن الشاب و اكتشفت أنه فاسد

و تطلقت منه فإن نظرة المجتمع لن ترحمها

[حايمتن تسبدي]

ومن قالك مايسئلون والله يافيه ناس تسئل عن كل شئ
لدرجة تحوم كبدك منهم ودك تقفل السماعه بوجيههم
ياخوي لاصرت موسوس لاتعرس خخخخخخ

مره من المرات دقت وحده على اختي هههههه
صديقه قديييييييييييمه غبار من زمان عنه لها سنين
وتسولف تسولف وش تسوين يوم تخرجتي؟؟ ماتوظفتي؟؟ تناظرين التلفزيون؟؟ هو عندكم دش؟؟
تسافرون برا؟؟ تلبسين عباة كتف؟؟
تعرفين تطبخين ؟؟ هههههههه النكته شوفو الدقه قالت ايه بس مو مره
اختي على نياته ماتدري وش وراه
قالت يعني مثل المرقوق والجريش تعرفين لهن ؟؟ ههههههههه
همن وصلت للنت وش تدخلين؟؟ وقالتله قالت ماتدخلين مواقع كذا والا كذا؟؟ شوفو الوقاحه بس
ههههههههههههههه
عالم يحوم التسبد قسم

[ليتني طفلة]

اهلين سفير الشمــــــــــــــــــــال
كلامك منطقي بس فيه امور بالشباب الكل يعرفه مثل الدخان وغيره..............
لاكن البنت فيه امور مخفيه فيها يمكن اهله مايعرفونه
بس مهما كانت البنت قبل تتزوج على خطاء اكيدبعد
الزواج راح تتغيرلانه تلقى احد يهتم فيها
ويعطيه اللى تبيه
ومافيه مشكله اذا كانت عاكفه على النت النت فيه امور بالنت ساليمه
وكل شي بالدنياله استخدامين سالبيه وايجابه حتى الجوال والثابت له استخدامين ياخوي
وعلى فكره الدنياء للحين بخير وبنات الحمايل واجدومامتو والمثل يقول لو خليت خريت
تقبل مروري

[قانون السيطرة]

البنت صندوق أسود

من الصعب الحصول على أسراره إلا بحدوث انفجار .. وهذا الشيء مالا أحبذه .

[كاكاو سايل]

اسأل ... لمين تشبببع هو احدن رادك ,!.؟؟

[أبو نشقه]

الرجل لما يروح يخطب تذكر له البنت ودائماً اللي يذكرونها أهل الزوج هم مايخلون ولدهم يخطب
الا عارفينها وسائلين عنها لاكن البنت لما تسأل عن الولد لأن الولد غريب يعني هي ماتعرفه
ولا ذكر له ..تخيل نفسك بالبيت فجأه جاء احد يخطب اختك لازم تسال عنه
لانك ماتعرف عنه اي شي لاكن هو ماتقدم لاختك الا سامع عنها من اهله او غيرها

[رشـآ]

"
ليش ما يسأل عن البنت بالعكس الحين في مجال تسأل عن البنت
بالكليات والجامعات وان كانت موظفه برضو

بس مو مثل الولد طبعاً لان البنت تحوس حول اهله مافي مجال انه تخبي شي عنهم
اما الولد حوشه وسفرات وغيرهـ


شكراً

[$999$]

أنا أرى أنه ضروري ضروري 10مرات كررها أنه يسأل عن البنت

والله ياأنا مر علي بنات إذا شفتهن من بعيد أقول الله يعين اللي يبي يا خذهن الله يعافيهن ولا يبلانا

الله لايطيحهن برجال طيب (ملسونات - جريئات بزياده-تعلن بصراحه أنه تبي رجل يعني وجه مغسول بمرقه-لاتحترم كبير
ولا تقدر أحد)لاولاخذت الرجال تلهف اللي وراه ودونه وتاخذه من أهله حتى العشاء معهم ماتبيه يتعشى معهم وكل
خيره رايح له ولهله

فأنبه ياأخوان الله الله بالسؤال عن مثل هاالأشكال لا وبعضهن تكون قبل لاتاخذ الولد أحسن شي مع أهله
مع أمه مع خواته مع خلاته وبعد العرس شف وشلون المعامله طبعا بكلامي هذا لا أعمم ولكن هذولي شرذمه
من النساء حمانا الله وإياكم منهن

[&&ريا&&]

اقتباس المشاركة الأساسية كتبها سفير الشمال حلوووووه كلامك جميل هذا المفروض يكون ويدقق على الجميع .. بس بوه بنات لهم معارف مع شباب وابي البنت تحسب الف حساب لمن يتقدم لها بانه سوف يطيل السؤال عنها وعن من تماشي عشان تتادب بكل شي من اللباس والنقاب وخرابيط بعض البنات اعوذ بالله منهم

طيب وانا اختك اسال ولاتخلي شيء عنها الاتعرفه من حقك حنا ماقلنا شيء عندك الكليات والجامعات خل وحده من خواتك تروح زيارة >>بس لايكموشنها
وخلها تسال لين تشبع الورطه لصارت متخرجه ولا ماتدرس >>اسال جيرانها من القهر لاتخلي احد
لاتخاف اللي لهن معارف ذولي ينفضحن قبل العرس عبالك يبي يخلونهن
للاسف انتم السبب علشان كذا البنت صارت ماتضرب الف حساب للسؤال عنها فلجاءت للاهتمام بشكلها اكثر من اهتمامها بتدينها
بقولك المراه لما تخطب لولدها ماتسال عن الدين نهائيا تدري ليش لان ولدها بالاصل ماحرص على هالشيء
لما تتقدم تيدا بالاسئله ياخيتي ممدوحة لنا بنتكم ونبي نتقدم اذا ماعندكم مانع
تبدا ام البنت بسرد الاسئله ثم تبدا ام الولد ياخيتي هي بيضاء طويله هي شعره طويل رسومه زينه
رشيقه ترى ولدي مايبي دردبه يبي وحده رشيقه يلعبه الهوا ايييه طيبب جبينه زين عيونها كبار
ترى ولدي يموت عالعيون الكبار وشوبه هي تدرس بالجامعه ماسقطت ولاسنه كم عمره
والله ثم والله انها تغلق السماعه لم تذكر شيء عن دينها وحصلت لي شخصيا
لم اذكر ان مراه اتصلت وقالت ولدي يبي وحده ملتزمه ومحافظه ابدا ابدالااعرف مالسبب ؟هل هي ثقه في انها محافظه ام 0000؟

فلاتلومنا انتم من ابتعتدم عن السؤال واتجهتم الى الجمال مع انه المفروض يسال عن الثنتين

اما عن الادب فاذا تزوجتها بيتغير كل شيء باسلوبك تقدر تخليها تتنازل عن اللبس والنقاب
وعن اشياء كثيره المهم الاسلوب يكون لبق

[$ ابو صالح $]

في الوقت الحاضر أنا معك لازم تسأل عنها
( بدون زعل يا بنات الحق ما يزعل )
لكن غالباً مايقبل الرجل على الخطبة إلا داري وش هو عليه
(قبيلته بنت قرمة وسنعة ودينة )
الله يزوجكم ويزوجكن .

[صالح العبد الرحمن]

لا باس اخى ان تسال عن المراة التى تريد الزواج بها عن كل شيئ ولا يلومك احد ولكن ايضا لماذا المراة اذاطلقت يا عينى عليها من سيتزوجها وهى فى عداد المطلقات حتى ولو لم تخدش بكارتهابينما الرجل غدا يخطب ويعطى ويتزوج حتى ولو كن هو سبب الطلاق وربما ان المطلقة لاتتزوج الا ما قل الا من مطلق او فاقد زوجته ولديه ابناء وبنات لذا لاتعجب من السؤال عن الرجل وقد سمعت عن من يزوج ابنه وهم صاحب مخدرات ومريض نفسيا او به عاهة سرية قد لايعلمها غيره وبالتالى يكون مآل الزواج الى الطلاق لان الاهل يقولون لعله يصلح بعد الزواج وهذا على حساب بنت الناس فالصلاح يجب ان يتم قبل الزواج رافة ببنات الحلال

[حبة فستق]

معك حق !
البنت يسأل عنها مثل مالرجال يسأل عنه !!


خطمة :
إن كانت البنت مسلوب حقّه فالولد ماله حق من الأساس !
أونس حياة للأنثى على مرّ العصور لبنت زماننا , تدرس وتدرّس وجهات مسؤؤولة عنه
ومحشومة بالبيت إن بغت , اما الولد مرحومن كلفاااته :s

[مشكبيه]

لا تعليقـ..