[رُوَاءَالرُّوح]

**صباح ومساء الورد إذا تفتح
لكل حلوه بالمنتدى تزقح**

أخي وأختي ضياء بيتي** وأصدقائي في كل وقتي
هنا ولدنا معاً درجنا** معاً لعبنا حتى كبرنا
^^
هجت به.. صدق ليش انا داخله موضوع جديد ايه
صح تبون اخباري وعلومي .

cccـــلام الووو مرحبا هااااي على الجميع
رمضان يجمعكم بيومي 22 < اعتزل كاكا

يوم صارت الساعة 8.00 صباحاً ونسكر الدريم ويب <على قولة جدتي

حولت وضع الجوال إجتماع ونومة العافيه
ومهنا احداً ماشفته بالحلم
ويدق منبه الرسائل الساعة 12 ظهراً وأفتح نص عين
من الشرافة الرسالة تتحدث 7
(دجاج.زيت.فلفل جزر.طماط......الخ وتطير عيوني
واقوم وافتح النور واشوف صورتي بالمرايه اثري سرووعه
انهبلت قلت شكلي خالد والا فهد والا سواق على هالرسالة
المرسل: أختي من الرياض هاجتن به. اشوى اللي ماكتبت شي اعظم
وادق عليه ماردت واقوم اصلي الظهر واقرأ شوي وارجع انام
يوم صارت الساعة 3 واسمع طوط.طوط. طوط<< ياشين الجوال لصار اجتماع
تقل تنبيه انفجار.
اثره الغالية ماما تقول قومي للكرف. .أبوك وإخوانك بيفطرون
بالاستراحه مع أصدقائهم كل واحد بيجيب فطوره
وافزع تقل قرصتن عقرب الله يعين كل واحد له أكله خاصة
وأعجن العجينه

وأطلع أغراضي

وأصلح حشوة الدجاج المدخن 8 < شكله المشيش على هالفحمه

بعدين صلحت المطبق اللي ثلاثة أرباع أولاد الحي فيه إنجنوا

وهنا صورته على الصاج

بعدين صلحت والفطائر والتوست والكبه والبيتزا ابوي يسميها بيزا شكله من ايطاليا
والشغالة لفت سمبوسك< لو يدرون الشباب كان رحت فيها
وهذي البيتزاء اثناء التقطيع على فكره ترى اهلي يسمونن بتزاء هت
وأصدقاي<< >> يسمونن دومنيزبيتزا لاني احط بالاطراف شيدر او نقانق.

صارت الساعة 5.00 وجاء برنامجي المفضل
**حجر الزاوية**
وصحصحت أختي الدلوعة اللي تسوي دايت
قالت:يؤ جاء سلمانك وانا ماقمت ودي اساعدكم بس راحت علي نومة
التفت وناظرته بعيوني< احلفي احسبه بجبهتس
ايه تراي هيبه رغم طيبتي
قلت : صلحي الفيمتو والعصيرات وحلى باسكن بسرعه.
قالت:ليش معصبه؟؟ هونيها وتهون << لكم خلق المبزره اذا تفلسفوا.
ايقاله ماتعرف نواف من حرارته والله ان يشيلنا حنا والمطبخ
المهم جهزت كل شي وفعلاً جاء حبيب قلبي وعزوتي محترق
وشال كل شي قهر قبل اصور بس حصلت صورتين

عاد لزوم الدعدعه بما إنه ماحصل لكم تشوفون سفرتنا بغياب
الوالد والشباب صورت لكم صالة الاكل

طبعاً مابقى بالبيت الا انا وماما والدلوعة
أفطرنا ومن التعب ماصورت والله نسيت بس
الدلوعة صورت الفيمتو والعصير تبي توريكم انه سنعه < بالحيل
هي وامي فيمتو وانا تانج عشقي

خلصنا فطور خليت الاخت تسوي لي مسااااااج لاني واصله
حدي بالارهاق والتعب.
امي راحت للمسجد وانا فتحت اللاب توب وبديت ارسل الصور
كنت مواعده العابره اصور الامام بالتراويح
بس ماحصل اصلي اليوم.
اتصلت اختي اللي من الرياض رديت عليه بصوت رجله
ماتت ضحك قالت يوم جاء رجلي قلت وين الاغراض؟؟
من حبي لك افكر فيك وارسلت < تحرونه صادقه والا تغطي هدارته .

رجعت امي من الصلاة وجاء عمي معه جدتي الحنونه ياحبيله
الزهايمر مدقرشن به وه بس ياطعمه اموت عليه الله يحفظه.
جدتي تعطي خيط وإبره قصدي خيط وخيط مرتن تعرف السيرة الذاتية حقت كل نفر بالعائله
ومرتن تغطى عن إخواني وعمومتي
جبت القهوه مع التمر والكستناء المشرب << ايقالنا من تركيا

بعدين جبنا المعجنات وأخواتها وووو..الخ
سواليف مع الجده الحنونه. بعدين جبت عصير
لايفوتكم العصير الحمدلله امداني اصور ماكنت ناويه بس جدتي نكته

قدمت لجدتي ^ قالت: وشو ذا بلى وجلى
قلت:هذا وسكي به ورق قات
عمي اغمي عليه من الضحك وهي حطت الكأس وقالت هاه
وش قلتي ترى بذمتك ان جان شي قلت ماعليتس الا العافية
بس ابروح اسكر بيبان البيت خخخخ.

بعدين أكلنا حلى باسكن

راحت جدتي وجيت اكمل تصغير صور مالي ومال الفوتوشوب
والكتابة والتصميم احمدوا ربكم ان الصور طلعت.
رحنا لصلاة القيام اللهم لارياء. بعدين جيت اصلح السحور

بنات لحظة اللي دلوعة مثل خواتي وحريم إخواني تطلع لاتكمل الموضوع
واللي مثلي مره شقرديه ومره اتكيت ومره عاقله ومره مهبوله
تقعد تشوف سحورنا
مدخل السحور
أنا على المقناص قلبي يرفي
فترة ونرجع يم اهلنا مناكيف
بديار لفروق الحبارى تلفي
جنوب من حزم الجلاميد وطريف
السحور برعاية 88

من قدكم ماركة لويس فيتون وبربري
ترى ذولي مب للصيد للتدريب وإلا الدخل صيدينه بالشبكة.

سحورنا مقلقل دخل ونثرية يحبه قلبي

اللحين مافيه بالبيت إلا أنا بس... إخواني بدار المعاقين
لانهم أكلوا إيديهم من طعم الدخل والنثريه < تنكت لـ ألفعه

صليت الفجر وقعدت أقرأ بعدين حطيت لكم الموضوع.

واخيراً إنتهى يومي مع اني مشفرتن كثير

نتمنى لكم وقتاً ممتعاً مع مشاهدة السنع والهجيج .
كونوا بخير

حبيبتي العابره / ياليت اكون قمت بربع الواجب .
يالله عاد مشتاقه للمنتدى من اليوم والموضوع هو السالفه.

*بحفظ الله*