[عآشقة قسمهآ ..]

السلآمـ عليكمـ ورحمة الله وبركآتهـ ..



مَدْخَل ,,,

عآشقة اذا وصلت معهآ سوت المستحيل (هع) < ياخطيرة

,’’,’’,’’

ايه عآد أنا أمس الربوع (أو الربوع أمس أنا) وآصلة حدي ومنكتمة وضآيق صدري وحآيمتن تسبدي ومعصبة وودي أسطر أي أحد قبآلي

< الهجة

وقسم إني أبي أحد يغلط علي عشآن (أديلوه ) من اللي انتم خآبرينه هع , طبعاً هذي حآلات نفسية شبه طبيعية تمر على أي نفر ولكلٍ

أسبآبه الخآصة ..

في أمسي (اللي هو أمس) رجعت من الكلية ونمت ثمن قمت < احلفي , ايه اومير أتقهوى أنا وخوآتي وأمي ..

ومآش لاحظ الكل ان عآشقة (مئتشة معهآ) لأني بالعآدة أنكت وأستهبل وأسولف لكن مغربيتنآ كآنت تكسل بلا أحآديث عشوقة < ياشين الثقة ..

الموهيم اني اتخذت الصمت سبيل عشآن ما أضآيق أحبآبي ..



وبعد صلاة العشاء انطلقت لحبيبي (الحوش) لأبث فيه تشويش دمآغي على مختلف الموجآت فتآرة أضحكـ وتآرة تدمع العينآن ! ..

والبث كآن على إذآعة فرح الأحزآن !!(أو بالأصح حزن الأفرآح) ..

وتنبهت من رحلتي _المسآفرة في نهر الذكريآت والخآئضة موج المفآجأت_ على رنين هآتفي الجوآل وكآن المتصل ..احساس.. , تبآدلنآ السلآم

وشرعنآ في الكلآم ..

وآثآريه مآش وضعي مآزآل يرثى له (النفسية زفت) , فحطيت ربع العُشر من المآئة في حبيبتي الغآلية .. احساس.. <صديقة ببلاش

وبالطبع كالعآدة سلتني وقدّرت ظرفي وأنهينآ الإتصآل .. <الله يخليهآ لي ..



وللأسف أدّت الكتمة القآبضة في صدري إلى قوة (رد الفعل) ممآ حَيّل الضيق الدآخلي إلى غضب عآرم خآرجي ..

وتمنيت آنذآكـ أنني أتقن ريآضآت إفرآغ الغضب أو فنون اليوغآ المهدئة للأعصآب .. ولكن (الله يخلف)

خطرت لي فكرة أو بالأصح إخترآع (قصيمي) ولزيآدة التخصيص (بريدآوي) < المفروض أنآل عليه براءة اخترآع وجآئزة نوبل مرة وحدة ..

والذي يعمل على الطآقة النفسية المتغيرة وتردد (مطآبق لتردد قنآة شدآ) , وكون القطع المستعملة فيه هي قطع مستوردة من إشآرآت الدمآغ

(المنتهي) واللي (هآجتن بوه) !! ,

فإن هذآ الإخترآع يسهل تطبيقه فقط لمن يمرون بأزمة نفسية حآدة ..

والإخترآع هو (الحوســـــــــــــــــــــــة والبربســـــــــــــــــــــــــــــــة) < صآلح للجنس النآعم أكثر من الجنس الخشن ..



وإليكم خطوآت العمل ..

خشيت المطبخ واتجهت للخلآط (وحيث اني كآسرته قبل اسبوع وأنا أسوي حلآ للكلية الله لايعيده ) جبت اخوه الخلاط الثآني وكآن يتسم بالدلع

<< يشب التسبد

فقررت الإنتقآم منه وشبيت تسبده بكومة من الثلج المجروش جرشاً خفيفاً وأشفيت غليلي منه..

وبمآ أنني أبي شي يبرد تسبدي المحترّة قررت إخترآع الموكآ البآرد بجو الحوسة ونكهة البربسة فأضفت إلى ماسبق:

الدريم ويب والحليب الجآف والماء والسكر وبودرة الكآكآو والنسكآفه < ولكن الأخيرة مفقودة فما خليت نختوب (بحثاً عن النسكآفه) إلا

وعسيت بوه ولكن دون جدوى ..

وبمآ أنني أتسم بالدهاء والحنكة والمكر وقيآدة فنية لوجستية للجيش <أخآف انه جريش موب جيش .. أقول منآآآكـ بس ..

استخدمت القآعدة الدستورية رقم ... (نفس رقم لوحة سيآرتي) والتي تنص على (أنه اذا فقد الأصل فـ قِس عليه وإجتهد بالعوض عنه ) ..

كتبت على زجآج الفرن العآكس لخشتي (المفقود = النسكآفه) و (القيآس = بُن وكآبتشينو ومن الممكن البيبسي

[لأن العآمل المشتركـ في كلا العنآصر هو مآدة الكآفيين المنبهة] )

و (العوض عنه =نسكآفه بالحليب [مع أنهآ لم تكن ضمن عنآصر القيآس ولكني وجدتهآ مكيسة في بآكيتآت اسطوآنية واستآنست وكيّفت ]



غغغغغغغغغغغغغغغغغغغغن خخخخخخخخخخخخخخخخخخخخخن ععععععععععععععععععععععن <احترت أيهآ يكون الصوت المنآسب للخلآط فدرعمتهآ

كِلهآ..

وانتهت عملية الخلط (بزر الأيقآف) , وانتهى الخليط (في معدتي ماراً بتسبدي المشتبّة) ..

ومابرّد تسبدي أكثر هو المطرسة التي استمتعت بهآ ولأول مرة بعد أن كنت جندياً في معكسر (الإتكيت المطبخي) ..

أما الحوسة التي اكتض بهآ المطبخ و ضآج , فقد أثلجت صدري وأزآلت جزء غير بسيط من همي وغضبي ..

وإليكم صورتآن بريئتآن مضآف عليهمآ لمسآت تنظيف ماهيب هيّنة..

<<<<<<<<<<<<<<<<<<<<<

(((( أقدم اعتذآري فالصور بعد الرفع أبت الظهور وآثرت أن تقبع في جهآزي وجهآز الأخت (ماتهآب) ..

وهنآ أشكرهآ جزيل الشكر فقد دوشت رآسهآ معي أنا وصوري , ولكنهآ بشهآدتي (المجروحة) نشمية ومآقصرت بنت الأجوآد ..

والله حرآم من السآعة 11إلى 2ونص على مرآكز التحميل وآخرتهآ مايطلعن..))))



وفي النهآية .. عآشت الإخترآعآت القصيمية .. << تحسفت أمسح هالجملة مع انه مابوش صور

,’
’,

مَخْرَج .,

لاتنتظرون دُخلاء يُدخلوا عليكم ثقآفتهم بل اصنعوا ثقآفتكم بأيديكم وبروح بسآطتكم .. (واقتدوآ بعآشقتكم)

قآل يوغآ قآل .. أقول منآآآكـ ماهنآ أزين من فن (فرشة الحوش وحناء الرأس وقميص الروز ودلة القهوة)

يبردن التسبد ويبسطن الخآطر ويوسعن الصدر ..

<آصآلة قصيمية دون أدنى شكـ ...

تحيتي للقصمآن وذويهم



..