[راقيه باخلاقي]

لا احد يشتري منهم ماء او غازيات
اشتروهن من اقرب بقاله وبشنطة المدام
هذي حالنا في مثل هذه المطاعم نوفر لو المشروب
لكن اللي جرب الصيني والهندي يخبرنا ايهم افضل ؟

[*سـكـر خـشـن*]

آذكر آلمطعم آلآيطآلي بموفنبيك يقدم علبة آلبيبسي بعشرة وطبعآ وضعه يختلف تمآمآ عن آلمطعم آلصيني بحكم مكآن آلمطعم وآكيد حآل آلفندق له آدآرة وسيآسة ملزم فيهآ

لـكـن بآلنسبة للمطعم آلصيني فآنآ آعترض على آسعآر آلمشروبآت وآللي آفضل منه في آغلب مطآعم جدة بفخآمته وعآلميته آلآ آن آسعآر آلمشروبآت معقولة

آمآ عن آلطعآم فلآمشكلة بشرط آن تكون ذآت مذآق ونكة تميزهـ

شـكـرآ

[محمد العبدالله]

اقتباس طلبنا عبارة عن صحن معكرونة بالخضار، وصحن أرز، وصحن دجاج حار، وكذلك صحنين "شوربة" وصحن "بطاطس" وكوب عصير ليمون بالنعناع، والآخر ليمون بالجوافة ! طبعاً الصحون وأكواب العصير صغيرة، ماعدا المعكرونه ! وكان الحساب بـ 167 ريال .. وللأمانة، الطبخ راقي جداً ..

هلا بالفارس.
شف ياخي برغم أني لست من أصحاب الأكل الصيني (مضمونًا ) ألا أني بكماخة وقفت مع سرب المنتظري لهذا المطعم.
بالنسبة للحساب فلا أرى فيه أية مبالغة...حيث أنك طلبت قائمة توكل شعب لا إله ألا الله
فيشون تاكل عنده (2 معكرونة + 1 ربيان + بطاطس ويدجز وفيه شي رابع لكن نسيته ) والحساب فوق الميتين
..الموفنبيك تدخل تاخذ لك لفة على البوفيه بمية ريال (لشخص الواحد )
لا وأزيدك من الشعر شقة..الموفنبيك المشروب الغازي بـ عشرة ريال
وعندك بيتزأ هك تاخذ بيتزا الجبن حجم كبير(كرم الله النعمة طعمة يوجع البطن ) وصحين معكرونة والحساب 150أن كنت مانيب وهمان
وعندك غيره كثير بس هذا عشاننا أنتظرناه

يا أخي حنا من ناحية مسروقين فأحنا منهوبين ..ولا وقفت على مطعم واحد عن غيره
d


أما بالنسبة لـ البنغالية فهذي أعتبره غلطة وتحسب ضد المطعم.
يعني صيني وش دخل أم البنقالية

[بندر 1430]

السلام عليكم..

أتمنى لصاحب المطعم التوفيق والنجاح..وعدم رفع الأسعار

أيضاً أود ذكر ملاحظة لمحبي الأكلات الصينية وهي أن بعض الطهاة في المطاعم الصينية يستخدمون مادة جلوتومات أحادي الصوديوم والتي تعطي الطعم المميز في الأكلات الصينية الخاصة..وهي مادة رخيصة السعر جداً وتطلب من الصين بأكياس كبيرة تكفي لأسابيع ويمكن لأشهر.. لكن تلك المادة لا ينصح الإكثار منها لأن لها مضارها الصحية على المدى البعيد كأي مادة حافظة..لذلك أنصح بعدم الإكثار من تناول الأكلات التي تحتوي على تلك المادة..

أمنياتي لكم بوجبة صينية بنكهة بريداوية مميزة!

[ديآر بلآ وطن]

أخووووي انا معك بسالفة المشروبات لأنها تقدم بالعلبهـ، فقط،
لأن المطعم راقي فيكون تقديم المشروب بكأس جميل يزنه مكعبات
الثلج، ويكون سعرهـ، بـ8 >
لأن سالفة علبهـ، و8ـريال مآدخلتـ،/ رآسي ،،،
أتمنى التوفيق لكل من يسعى لتزيين منطقتنا الحبيبهـ، ـ،

[BUK - KSA]

من خلال تجربتي له..

ارى انه اقرب لكونه مطعم هندي اكثر من كونه صيني

[برنسيسة بريدة]

من وجهة نظري السعر معقول 167(معكرونة بالخضار ورز ودجاج حار وعصيرات )!!!!
هذا إذا وضعت في بالك أنه متخصص في الأكل الصيني وكمان حديث الافتتاح ..فالسعر معقول ..

[مخاوي الصمت]

أبو فارس نصيب العزابية

كيف حالكـ يا حبيلكـ ؟
ووشلون الطعمسة

يا بعدي يا أبو فارس أجل الببس بثمانية والله لو هو بنزين
عموماً ترى فيشون عنده أكلات هندية وصينية
صحيح أنه دبل الاسعار تقريباً وقلل الكمية لكن يبقى وجبة بالشهرين والثلاثة من باب التغيير ما تضر

عمر بن حمد

[shahen]

اسعاره مناسبه ولو جربتوا المطاعم بالرياض كان عرفتوا الغلا صح !

اسألك اخوي هل فيه مكان للعوائل ؟ وياليت صور للمطعم من الداخل والخارج ؟

[موكا بارد]

طيب وش دخل البنقاليه ليش ماجاب صنيين وانا سامعه انه راح يجيب افغانييناو بخاريين علشانهم قريبين بالشبه من الصينين على العموم الله يرزقه بس احس انه تخسر قوه عليه يكفي مبناه حلو من برى وشكله خطير علشان كذا اسعااااااااااره غاليه ويبي يعوض اللي خسر

[الراااايق]

:

اقتباس المشاركة الأساسية كتبها ابو جعفر السلام عليكم جميعًا أيها الاعضاء الكرام.. بالنسبة للأسعار انا وبعتقادي أنه يحق لصاحب الطعم او اي محل ٍ تجاري ٍ ان يضع السعر الذي يناسبه بشرط ان لايكون من الأساسيات.. وانت ايها الزبون بالخيار إن شئت تطلب او لا ..!! وللتنبيه انا لست ضدك اخي بل معك..

[احلى بريداويه]

انا ارى ان السعر مررررره رخيص بما انه مطعم صيني ويعتبر الوحيد بالمنطقه لكن انتم يالقصمان ماتتقبلون اي شي فيه دفع فلوس صدق حضارمه

[ابو شرين]

إلى درجة أن قيمة المشروبات الغازية بـ 8 ريالات، والبقالة التي بجوار المطعم تبيعه بريال واحد !


خخخخخ يكفي بس لا تكمل انا قلت من اول المطعم للي يحبون الترزز على الفاضي
يعني اني اكلت بالمطعم الصيني حتى ولو كان هناك استغلال

تدري وش اسوي اذا رحت للمطاعم فاست فود آخذ عصير طازج برتقال المراعي من اقرب بقالة قبل ما ادخل

عموما الزيادة هي ضريبة الشهرة خخخخ

[ترليون]

اقتباس نعم غااالي !!لكن لوكان رخيص قاااالو النااس أكيد ماهو زين! والدليل الحريم لوتشتري له بلوزه بي 15 ريال مندون ما تدري وتقوله إنسعرها 150ريال للبسته لكل مناسبه وتفتخر. أما لو تعرف إنسعرها 15 ماتنزلت تضعها في الدولاب. مجرد رآي

سلملي عليك ياشيخ كلام سليم جدا