 |
|
|
|
|
24-11-2009, 05:13 PM
|
#1 |
|
حرف راقي
تاريخ التسجيل: May 2007
البلد: سَكْرَةُ حَرْفْ
المشاركات: 2,198
|
| ذاكرة حــاجة ~[2]
 سلام الله والرحمه لكل من زاروا المتصفح اجمعين -  -حجتي قصة أحس أنه اللحين خيال ولآ صآرت وآلله العظيم ! ماكنت ناويه أحج ولا أصلاً صآر فيه كلام أن ميلاد بتحج ولا حتى تفكير ! وكان أخوي وعيال خوالي الشباب هم اللي بيحجون وبس , نزلت بـ عصرية للصالة تحت واثر أمي وابوي واخوي يسولفون ويوم جيت اثر وجييهم متهلله   ميلاد تراتس بتحجين مع اخوتس وترا لتس مكان بالحمله ومعتس فلانه وفلانه وفلانه  ويآلله من فضلك من يحصل له الناس يجون من اقصى الدنيا ووو وانا ماادري بالظبط وش فيه ! بكرا أخوي بيمشي وين المشكله : أنتي بتروحين معه !! أأأ خلآص زيني أغراضتس وعيني من الله خير يعني ماشاورون قضي الأمر وتبي تستانسين ومادري وشو , أحاول أستوعب الوضع الا وحده من قريباتنا مخلينه تدق تجزمن >< ويوم رديت قالت لي يآحبيلتس هلآ وآلله يقولون بـ تحجين ماشاء الله تبارك الله بآين انهم موصينه تدق علي خزياه من >< ايه يآزين الشئ لاجاء فجأه الواحد يآلله من فضلك ... أولاااااااااااااه بزر أنا مرسلين أحد يييي شسمه ,يقال أنهم بيحطونن أمام الأمر الواقع , المهم جاء لمي أخوي قال أن الحج مثل ماقالت اخت نيران فله ووناسه وتغيير وكشته وتأدين فريضتس وبحملة وكل شئ متوفر لتس ماعليتس الا تجيبين شنطتس والاغراض توكلي على الله بس : ) ! يعني تخيلوا أنه المغـرب وبكرا الصبح بيمشون وأنا للحين ماأدري بالظبط وش بيصير علي , قمت زينت اغراضي وآلله العظيم تسسسسساهيل كل شئ صآر بسرعه يعني ماحلمت بالهذا , بسم الله  مره وحنا جايين تونا رآمين كانت الحمله تنقسم اقسام لاجينا نرمي هذا للي يبون يروحون مع الناس اما اللي بلحالهم هم وعيالهم وحريمهم لهم الخيار > لاه المهم كننا أنا والبنات بمجموعه وحده وكانوا الرجال بالمقدمه همن الحريم همن رجال ثانين وعلي يميننا وعلى يسارنا رجال بعد , وراجعين وكلهم مرتبشين وأمسك أمسك ومادري وشو اثر فيه حفرة صغيره من الشارع نفسه ماشفته عيوني تناظر الخلق , وتدخل به رجلي - مكان النعله مب الساق - وطققققققققققققققققققققققققققققققق طقه حاره حاره حاره وانعكفت رجلي ودووووب طحت ! مااحد درا عن من الحريم لأننا ماكنا نسولف وكلن لاهي بروحه خايفين من الزحمه أثر واحد من الشنبات اللي ورا صرخ للي قدام / وقفوووووووووا بنت دااخت دااخت اغمي عليه على كييييييفك وشو داخت يناظرن اتلوى ومادري وشششو  , وااخوي وعزوتي عيال خوالي وخالاتي ماحد درا عن أيضا  المهم كلن بدا يتفقد أهله وينتبهون العيال ويجون لمي / وفوقي 4 نفرات ويناظرونن وانا ماسطه >< , فشيله كبريائي وهيبتي عندهم يعني راح , المهم يسندن اخوي علي أيده ابقوم اعجز وو عجزت توجع توجع والطرحه طبعاً للحين ماجاه دموع كلهن عبرة ماشفت ثقله  , مسك رجلي وطلعه من الحفرة وأفصخ جزمتي ويوم لمسوه ويدهرون لااحد يلمسه منشعره منشعره - الأنشعار قريب من الكسر قليلا - المهم انا ماأذكر أني بي صيآح بس يوم شفت اللي حولي ومادري وشو انخرطت في بكاء يفشل , بدوا بالرجوله وكلن يستعرض فتوته , جاء أخوي وفصخ حرامه اللي فوق > لاه وولد خالي بدا يروح للناس ويدور مشرط و جاب موس حلاقه أأأ وزييييييييييييييييط > صوت القطعه قطعه ماشاء الله كسوة 4 أنفار , المشكله اننا بالطريق اللي برجعت الناس من الجمرات يعني زحمه بس انهم محددين علي ويصآرخون يدورون عربيه تشقلن لمكان الحمله  ويرفعون رجلي ويلفونه مابه عرق من قوة الشد مانط وأششوا يلقون من حد اللي يدفون عربيات وينادونه يودين , المشكله أننا لازم نرقى طلعه عشان ناصل للمخيم بتاع حملتنا [ حملة المحيميد ] يعني لازم يرقى بي فوق وطلعه لو لو فجأه تنطلق بي العربيه أنا وهالرجل ماش مب خايفن علي مثل أهلي وناسي ! وتخيل شكلي بس منطلقه بي العربيه على الخلق !واويليييييييييييه فشيله اقوى شئ >< > ركبون ورقيت بالعربيه للمخيم وانا ماشوف الأرض من التعب الشئ الي هنا يخلين ودي أصيييييييح من الوجع اذا بس تذكرت وانا قاعده بفراشي وماده رجلي وتوي حاطه برجلي كمادة وكريم جت مره عجوووووز طعمه طعمه طعمه , قالت لي وش بتس قلت له اني طحت وماهنا الا االعافيه  قالت كسر ؟ قلت لا أنشعرت قالت اييييه بسيطه وتضغطه وتلمسه طلعت روحي موت الوجع وراحت عن وفجأه جت قدامي أنا وبنت خالي الكبيره وقالت مدي لي رجلتس زين , ومديته / واثر معه ماء بكاس بلاستيك يغلي يغلي يغلي الماء والماء كبته على رجلي أأأأأ  على كيففف أمتس يآحبيلتس رجلي حمرت وزرقت وشو ماء حار طيب وين الدواء بكبة المويه ! لاقالوا لتس محاويق عجوز > القلب بواقي حب للعجوز وقفت معي , ويلومونن بالعجزاااااااااان الحرمات اللي حولي يآحبيلهم دهنوا رجلي وزينون , وحده من البنات اللي جايين معي مطفوووووقه مطفووووووقه جايه من برا جايبه معه قهوه لي على باله اكراميه ورجلي تحت الفراش وترقى عليه بثقلله وتفعصه مادرت  , ويوم دزيته دردب علي تمسط مب واقققققققققققققته حرام عليكن حرام وآلله العظيم , راح بي أخوي لطبيب الحمله الشخص الذي ينحط ع الجرح صراحتن خلان احس أني صدز صدز على اجر وذا قال لاتمشي خطر عليه ابد لاتمشي خلوه تحرك بعربيه ورفض أخوي مره وحده أني أروح ارمي مره ثانيه الا انه هو بينوب عن و عجزت عنه وصلت اني كلمت اهلي قلت اذا رمى عن وغصبن على شئ مابيه وآلله ماأكلمه ووو سويت نفسي أني ماعندي خلاف وأختلقت حادثه صارت عشان أني قوه تحسفت فريضتي ذي حراااام تضيع يعني : ( !! كنت رايحه لدورة المياه ويوم رجعت قلت لهم ان رجلي طقّت وانا أتروش واشوت فجأه ! > سبحان الله .. سبحان الله قوه وهم وشلون ماوشلون ودارية أنهم ماصدقون بآين بعيونهم بس سويت نفسي أني أشويت ومال أحد دخل بي >< أخوي تبيثر ودق على اهلي وحاتسوه وماتعرف ومادري وشو وربكم واحد أنا حجي برجليني وماعلى احد من وحنا رايحيين نرمي هذا الساعه 2 ونص بالليل وحنا نمشي رجلي كنه احد يضربن بمطرقه >< تطن طن تقل دقات قلبي تحت من الالم الشنييييييييييييع وأنا مسكته مابي أخاف يشقلونن بعد المهم تحاملت على روحي وطببعاً كل شوي يلبقون العيال ويخلونن استريح شوي واشرب مويه ولا شئ ونكمل حسيت أني ماأحس برجلي بديت ومادري وراه تقل نامت يعني ثقيله صرت كني أشيل معي زي الطاسه , قلت بيني وبين روحي الواحد لاحط بباله انه ماتوجعه مهب موجعته وكل اللي بي نفسيتي وهذاي يوم زانت زنت , وأكمل , رحنا وكملنا مشي ورمينا وحنا راجعين قالوا نجلس شوي ومعنا كولا وخرابيط طريق فتحت رجلي بس عشان تهوا , واويلييييييييه وش أشوف , رجلي نفس وزني بالظبط , أنتفخت بشكل يروع ! يعني شلون اشررح ,وسط الرجل اللي على فوق منتفخ تقل تلمسين نفيخه أدخل اصبع واطلعه ولاأحس به وابلبس النعله عجزت خادررره الرجل , لبست شرآب وتبادلت أنا وبنت بشحاطات ورجعنا ولازمن الوجع حتى اخر يوم بس يختي حسيت انه له طعم .. وذي موالح الحياة على قولتهم > ماله دخل رجلي للحين اعاني منه بشكل خفيف يعني اذا وقفت كثير ولا نطيت فجأه ولا شئ يعني يجين زي الكهرب الخفيف ومافيه علاج لأنه الأعصاب متلويه وماله الا يكوون ومادري وشو الحمد لله بالف صحه وسلامه أنا يوم طلعنا من مزدلفه وركبنا البآص خبري بنا مع غروب الشمس طالعين ! ساعه .. والست والسبع والثمان وحنا للحين نتحرك شوي شوي لابعد نقعد 3 و4 ماتحركنا نهاااااائي , ماوصلنا المخيم الا 2 الظهر تقريباً من بكرا يعني , قمة وجع الظهر ووجع الراس والنفسيه التي معفنه أول ماوصلنا يوم كنا بنعتمر طفنا بالسطح وسعينا بالسطح وكانت الساعه بالظبط 9 ونص بدينا والشمس تصبخ الراس صبخ , والمسعى ماعمري دريت انه هالطول خلصنا الساعه 3 الظهر والحمد لله .. يوم كنا نطوف بطواف الوداع , أنا متعنقطه بـأخوي بشكل واثري وخرت عنه شوي بس أبيه ينفس يحول جاء واحد من نيجيريا مادري وشو ومعه شله رهيبه مشروع بدي قاردات ! ولابسين برتقالي تقل سماطات ., اشكالهم خقه واستريحي , ويحجرونن ويفصلون بيني وبين اخوي , تعرفون اللي يسوون بأيدينهم تقل بيطيرون وأيد الواحد رجل لا اله الا الله بس يدززون الخلق فغصوهم تفغيص ! واحد منهم مسك ايدي ودز ظهري بأقصى مايستطيع أحووووووووووووووووووووووووج !هيييييييييييييييه وين حنا به يالأخو , هيبتي وشوفتي لنفسي , الحمد لله ان أخوي كان حاضر للحدث وتتبع مكان ماجدعون وهبط من روعتي ولا كان ضعت بمكه , وماصارت عندكم اللحين ميلاد  الحملة تمنع جوالات الكميرا فـ ماصار التصوير الا للحرم والكعبه والناس وهم رآيحين وجايين نيران اقوى شئ شعرت بالندم يوم شفت التصوير كره أحسن شئ بالحمله انه موفر لي من طق طق للسلام عليكم ومن العلاجات والأدويه والبنادول والمسكنات والفراش والأدويه وو .. فـ حسيت جد أنه مادري ووشو شعور اللي يروحون لحالهم بدون مخيمات وهم ينصبون الخيمه ويطبخون وينفخون ! أحس لاااازم صراحه تعب وشقى وهي أيام شغنونه >< بكل الرحلة كانت حلل الرز واللحم والسلطات تدخل وتطلع وميلاد مكتفيه بـ قهوه وكم جالكسي و لوزين تدهن به جبن وببسي ولا غنى عن الشيبسات بوقت الهذا ,أكل صحي بححححححححح مره وحنا نمشي رآيحين نرمي وقفنا نجمع حصى , المهم جاء بجنبنا شخص من الجنسية المصريه رجال كبير شويات المهم معه بلكة حقت العماير ماغيره الرصآصيه العاديه , ودووووووب بالأرض وكل شوي يآخذ القطع الكبيره وطع على الارض وبدا يآصلنا شئ من ذولي التصبيخات ويوم خلص نادى اهله ومادري منهم ويقول لهم / كل واحد يقمع عشرين عشرين , وبحجم حبة الفول طبعاً يآلله يآلله يآلله ! أصبروا أبضحك شوي وارجع أول شئ بلكه ! وثاني شئ عشرين عشرين ! يلعب على روحه حياة الشقا هو , من الأشياء اللي لفتتن انه فيه عمال يشتغلون ! وراس مالهم موس ومرايه ! ويحلقون الحجاج , قمة الوساخه والأمراض >< وقفنا مره نستريح شويات اثر قدامي أنا والعيال رجال هندي لحيته تبارك الله لييين سرته طويييييييله وحتى كثييييره ورصآصيه يغزوها اللون الفضي والأسود بشكل يعطيه هيبه وهو شآيب بعد يآلله الجنه يهبببل , بدا العامل يحلقه وخلص الراس وبدا يمشي على الجوانب ووو .. !! مشى على اللحيه وحلقه كلللللللللللللللللللللللللللله !راح لمه واحد من عيالنا البزوعين وهم مابعد استرسل بالتحليق وكمل وتكلم معه بالأنجليزي وقال له مايصلح حرام عليك المشكله اللي ينصحه أبو الهذا بشكله ! بس يختي حسافه أحس تدرون وش الحجه ! قال له - بيرجع كيوم ولدته امه -! لو هي على ذي ياعم كان كل الخلق رجعوا بحفايظ كل من قال لكم الحج تصبيخ وضرب ومادري وشو موت وتفغيص وو! تنصيب بشكل خرافي , صح زحمة موووت بس مسهل كل شئ والأمن منتشر بكل مكان ولا فيه اللي يقولون أبد أبد أبد أبد , أستغرب صراحه , بالعكس منظر الجنود بكل مكان يطوقون الناس والحرس منتشر والأوضاع مستتبه رغم الزحمه الفضيييعه يحسستس بـ أعلى درجات الفخر والعز !صح أيه شفت اللي يجدعون نعالهم على الجمرات على بالهم يضربون الشيطان واخوي لحطته مع وسط خشته جزمه ضحكنا عليه ضحك مب صآحي كان بوقفة تأمل ووخري عنه قمة الهذا أنتفخت وحمرررت صآر تقل بنيه , نيران / مايصيرون المجتمعين يحسبون أخوي حليمه .. من المواقف اللي صآدفتن ومستحيييييييل أنساه / اذا شفتي شآيب شااايب ظهره محدب وأعمى ! واللي يتسند عليه زوجته اكل الزمن على ملامحه وتقرا عليه قران وهو يقرا وراه ويكلمون طريقهم ومافي بسعادتهم سعاده ! رجال ماله رجلين ولا ييدين من الجنسية الخليجيه , وراكب عربيه وجالس جنبنا, معاق بالتماااااااام مايستطيع فعل أي أي شئ . وقدامنا يدعي بالحرم وهو يشهق بالبكاء / يآرب يآررررررب لك الحمد كما فضلتني على كثير ممن خلقت تفضيلا ! شعوري بالحج كـ لذه ! لو بـ أصفه كلام ماظنتي يكفي , أتعب أتعب ماأوصف شقد تحسين الدنيا كخ كخ وماتسووووى ! روحانيه تحسين به وهيبه لمنظر الحجاج رهييييييييييييييب ! يمكن الدمع بذيك الأجواء ولحظة تذكرك للحج لحاله يعبر ! لكُل من قرأ خنبقتي شُكراً كبيره وخالص الأمانيْ بحج متقبل من الجميع بأذن من عينه لاتنام
__________________
مُفرّغةٌ مِن كُل شىءٍ إلا مِنكَ ياالله !
آخر من قام بالتعديل ميلادُ حُلم; بتاريخ 24-11-2009 الساعة 05:24 PM. |
|
|
| الإشارات المرجعية |
|
|
النمط الأحادي