[العقري]

عليك في طبخ البيت
صحي لا امراض ولاغيره
الكاتم عطي الله

[فانتزيا]

ماشاء الله بيفتحون فرع جديد بلا من هلمكاسب اللي يلطونه من أهل بريده عيب عليكم أقل نصره لخوانا الفلسطينين إنا نقاطعهم تذكرون العام أيام تبرعات غزة يوم شافو السعودين يتبرعون لغزة إنجلطو وقالو ريع اليوم كله لأطفال إسرائيل يعني ماشاء الله تبرعنا لأسرائيل ومازلنا نتبرع والله لو تحصل لليهود فرصه علينا أول مايهجمون علينا يأهل بريدة بحكم إنا أكثر إلتزام ولا على بالكم حبن فينا ذا الفرع الجديد ماقول إلا ماكثر الله من المطاعم

[إدعس]

والله انتم ناس فاضيه والـ مين للأخبار ع طووول فتحتو موضوع من قال ان ماااك بيفتح فرع جديد

يعني الخبر مافيه ولادليل يثبت وجود ذالك بس الرجال تلقاه قال ببريده مافيه غير فرع واحد شرط أنهم

أننهم بيفتحون فرع جديد ولا مو معقوله واكيد أنه ببداية سنه عشره عشان سنه جديده وكذا ثمن جاء

جاء وبعد مأقنع نفسه بالفرع الجديد الي من دمااغه جايبه قال لازم أبشر أهالي بريد5 بالخبر المفرح








والشي الثاني ذا الي مدري منهو يقووول أبقاطع بس عشااان بطني موب عشان فلسطين ماله داعي الصدز بس أنك

جزت لي السراحه تحــــــــــــــب نفسك قووه





قال فرع جديد قال

[الدنيا حلوة]

قاطعوهم لانة يعتبر جميع الفلوسة تشرى بها ذخائر لاخواننا المجاهدين المحاصرين وهو من المطاعم الامريكية في مطاعم احسن واحلى منه بالف مررررررررررة ماوقفت الا على المطعم

[حـنيت]

،،
الله يكتب ما فيه الخير إن شاء الله
،،

[frga_610]

ماكدونالدز لو يغيرون لوحتهم ويحطون بداله رقم الهلال الاحمر كان ازين

[ديآر بلآ وطن]

شي حلووو الصرآحهـ،
ع الاقل يكون قريبـ،
بســ، أتوقع أنه يكون فيهـ، زحمهـ،
يعني ماستفدنا
شي ثآني لاتكون تهلس علينا اليوم بروح واشوف الموقع
على حسب وصفكـ،
موفق

[محنط]

اخيرا
نجدع هم المشاوير للجنوب

[الميدان]

اقتباس المشاركة الأساسية كتبها برنسيسهـ وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟ وين ضمائركم ماتشوفون اطفال فلسطين ؟؟ تحيآتي

هنا مربط الفرس

انتم تذكروننا بالمظاهرات في بداية الانتفاضة والعدوان على غزة قبل سنه قاطعوهم واذا انتهت المظاهرة راحوا يشترون من ماكدونلز ويشربون ببسي

امركم عجيب فعلا يقولون يدعمون اليهود وتلقى بعضهم راكب سيارة فورد والا جمس


واغلب المنتجات اللي ببيته من شركات امريكية برؤس اموال يهودية

ومن هنا نقول هل غلة الكاشير في مطعم ماكدونلز بجوار بنده الشبعان او الفروع الجديدة سوف تؤخذ كل صباح وتودع في بنوك تل ابيب او نتانيا

شركة ما كدونلز لها وكلاء في جميع انحاء العالم ووكيلها في السعودية شركة الرياض للاغذية وهي تدفع اجار للشركة الام في امريكا حالها حال الشركات الاخرة مثل شركة المطاعم الاهلية امريكانا ( هارديز و كنتاكي ) وشركة برجر كنج وكيلها بالسعودية العليان ....ومطاعم الصب واي الايطالية وكيلها في منطقة القصيم رجل الاعمال الاستاذ عبدالله الشريدة ..ومن هنا نقول هل رجال الاعمال والشركات هذاي تدعم امريكا واسرائيل


خلوا عنكم الحساسية الزايدة ولستم احرص من الدولة علينا فهذه الفروع تبيع الحلال وليست مثل الفروع الموجودة خارج السعودية تبيع الكحول ولحم الخنزير

[ŔǺỶĀЙ]

^

مابغو يفتحون فرع ثاني .





اعوذ بالله عليه زحمه مهوب معقول .

تحياتي: &جرجس&

^

[abo-saly]

شي جيد اذا صح الخبر خصوصا انه لايوجد إلا فرع واحد ودائما مزدحم ..!

ومن يقول انه يدعم الإسرائليين فأين الإثبات على هذا الكلام ؟..!

[ابوفهد بريدة]

اقتباس المشاركة الأساسية كتبها برنسيسهـ وين المقاطعه ياشبآآآآآآآآآآآآآآآآآآآآآآآآآآب هذا وانتم بريداوين حلال وحرام ولابطونكم تنسون كل شي في مليون مطعم بديل يعني وقفت على ماكدونالدز انا مو مطوعه ولامعقده بس ماكدونالدز ارباحه دعم لليهود ؟؟؟ وين ضمائركم ماتشوفون اطفال فلسطين ؟؟ تحيآتي

كفيت ووفيت يعطيك العافيه
وغير هذا بذآت ها المطعم أكله سبحان الله ثقيل على البطن كانك اكلن لحم خنزير أكرم الله النعمه ايقالي عمري ذايقه

[ابوفهد بريدة]

اقتباس المشاركة الأساسية كتبها abo-saly شي جيد اذا صح الخبر خصوصا انه لايوجد إلا فرع واحد ودائما مزدحم ..! ومن يقول انه يدعم الإسرائليين فأين الإثبات على هذا الكلام ؟..!

يدعم ولا مايدعم لا تشغلنا أيقالك فاهم أهم شي أنه شركه يهوديه

[abo-saly]

اقتباس المشاركة الأساسية كتبها ابوفهد بريدة يدعم ولا مايدعم لا تشغلنا أيقالك فاهم أهم شي أنه شركه يهوديه

اذا اخذنا بكلامك الذي لايقبله عاقل
فلماذا تدخل الإنترنت عن طريق جهازك الذي صنعه اليهود ؟..!