[ورد وبيلسان]

مو شي غريب على هالجنسيات

[الششه]

أعطن شكل المنتج
والأدلة على الغش الموجود

[نفود الهامل]

شكراً علي موضوعك

[روسانا]

جزيت خيراً اخوي على الخبرية

[مجنونة بريده]

جزاك الله خير الجزاء

[كريجة بن سليم]

مابقي شيء ماغشووووبه ..

أعوذ بالله من شرهم

[الوساااام]

مين الغبي اللي يبي يشتري زيت زيتون حتى لو اصلي ب 600

[الطرس ممدوح]

الله يكثر من امثالك

جزيت خيراً اخوي على الخبرية

[الـعـابـر]

اقتباس المشاركة الأساسية كتبها الوساااام مين الغبي اللي يبي يشتري زيت زيتون حتى لو اصلي ب 600

ومعروفة جهة اصدارة

[اخبط]

عفوا يااخوان انا اعتذر اني كتبت الموضوع بسرعة لكن صدقوني ومن البلاوي الي شفتها عموما ما علينا

الموضوع هو كالتالي واحد من اصحابي توه بادي تجارة وبزنس على خفيف المهم انه جاه واحد فلسطيني وقاله استورد زيت زيتون سوري وانا ابيعه لك هثمنه مرتين وقاله تنكة الزيت الزيتون الفلسطيني عمرها ماتتعدى مبلغ 200 ريال وانا ابيعها لك هنا بـ400 المهم صاحبي هذا كلم واحد صاحبه سوري وقاله السالفة فقال السوري: خيووووووووه اسمع شو بحكيلك اهلي في سوريا ساكنين بوسط مصانع الزيتون وانا ابكلف والدي هو اللي يروح يبحث لك عن افضل واجود انواع زيت الزيتون السوري المهم اتفق مع السوري ودفع الفلوس للسوري بدون - اي ضمانات بس الله ستر- المهم جاء الزيت وفعلا طلع اجود انواع الزيت وعرضه على كذا شايب وناس تفهم واقروا انه ممتاز جدا طبعا صاحبنا جاب كمية كبيرة كلفته التنكة الوحدة 210 ريال وصلت هنا وحطها بمستودع مستاجره المهم كلم الفلسطيني وقاله تعال اجا الفلسطيني وشافه وماشاء الله وتبارك الله...... طيب يافلس طيني متى نبيع الزيت قال اصبر اخذ عينات واعرضها على الناس وبعد اسبوع قال اصبر فيه واحد صاحبي يبي نص الكمية بس ننتظره يجي من السفر وبعد اسبوع قال فيه واحد يبي 500 تنكة بس يقول ان الزيت ردي!!!!!!؟ وممكن ما يخذه الا ب300 او اقل ؟!!!!! قاله خويي وين الوعد والكلام قال الفلسطيني هذا السوق؟ شو بدي اعمل
من هنا بدا التلاعب والفلسطيني جاب ولد عمه شايب يدعى ابوخالد- الله لا يكثرهم على فكره ابو خالد هذا هو صاحب محل منتجات فلسطين والاردن وسوري اللي في نهاية طريق الملك عبدالله من الجنوب قبل التخصصي- المهم قال ابوخالد لرفيقي وييييييييييين انت وين بيعت الزيت ياخي موسم الزيت انتهى من شهرين والبلد اتعبت زيت طبعا هو يكذب ويااخوان موسم الزيتون في بلاد الشام يبدا من شهر 11 ميلادي ويتزامن مع هطول الامطار عليهم المهم ان ان صاحبي بدا الخوف والقلق يدب في نفسه وصار كل همه كيف يتخلص من البضاعة ويسترد راس ماله وهم عايزينه يوصل الى الاحساس هذا عشان يمشون عليه كلامهم المهم قالوا له عطنا مفتاح المستودع واحنا بكره الصباح بنحمل نص الكمية لواحد في الرياض وعطوه عنوانه طبعا المستودع مافيه الا هالزيت وفعلا عطاهم المفتاح وجاهم بكره الصباح لقاهم بالمستودع وش يسوون؟

طبعا التنك جاي وسط كرتون وعلى طبليات وكل تنكة عليها استكر المهم الاخوان -شيبان الحجارة- يشيلون الاستكر بتنر ويلصقون عليه استكر انه زيت زيتون فلسطيني اصلي ويرمون الكراتين وبعد ما يحطون الاستكر الجديد معهم اقلام زي اقلام السبورة ويكتبون على كل تنكة التالي: من اعلى التنكة يكتبون الرياض ومن جنب التنكة يكتبون احد الاسماء التالية: كمال المصري - حسن ابو الوفاء- عماد ابو زيد. المهم الرجال لقاهم مخلصين اغلب البضاعة طبعا جايبين عمال معهم الرجال انصدم قالوا له هاذي طريقتنا بالتصريف تبي او خذ زيتاتك صاحبنا انصدم ما يدري وش يقول ؟ كيف هذا غش وتدليس وحرام ولا بعد بيبعونه بديرتي؟
المهم ان الفلسطيني الاول اخذ نص البضاعة وصرفها بالرياض بـ280 ريال طبعا اتفاقه مع الفلسطيني انه النص بالنص بالمربح فقط بعد ما تسترد المصاريف وراس المال باع نصفها في الرياض والشايب الثاني اللي يدعى ابوخالد قال والله ياخي انا من يومين شاري زيت سوري290 والحين الاسعار نزلت والسوق اتعباا زيت فاانا رحمة لك اباخذ النص الباقي بـ300 ريال

طبعا صاحبنا مرغم باع لهم وصفى بضاعته وبعدين راح للرياض ولقاهم بايعينه ب 650 ريال
ويرجع للي بالقصيم ويلقاه يبيع بالتفريد ب 750 ريال طبعا صاحبنا متفق مع الفلسطيني انه المربح يتقاسم بالنص وحلف الفلسطيني انه ما يخفي عنه ريال واحد؟
الاخ اللي بالقصيم اللي اسمه ابوخالد هو صاحب المحل اللي شمال التخصصي وكمان له محل اعتقد بشارع المحبين وروحوا وشوفوا وما اقول الا الله لا يوفقهم وطبعا هم على فكرة شيبان ولهم على ثلاثين سنة بالسعودية طبعا صاحبي يحمد الله انه رد له راس ماله صح انه خسر اجار المستودع واجرة التريلا من سوريةا الا هنا بس الحمدلله وقالي اكتب بالمنتدى وطبعا انا شفت كل الاوراق اللي تثبت واولها شهادة الجمارك السعودية

عموما احنا نهيب بالاخوان ان ما يشرون الزيت باكثر من 400 ريال من المحل المذكور ورحوا وشوفوا بانفسكم وترى تلقون العجوز ابو خالدودمتم بحفظ الله

[ايمن11]

[size="7"
اصلن كلن هاك عليناء وقفة على الزيت
تقبل مروري [/size]

[العقري]

ومين الغبي اللي يبي يشتري زيت زيتون حتى لو اصلي 600
يروح سياحه الى حائل ثم يذهب الى الجوف ويخذ من المعصر نفسه
او وصي احد يكون معلم او موظف هناك يجبلك
مضمون

[ღ.. متآبع بصمت ..ღ]

, , ,




والله لو يجيبونه من بلغاريا ويقولون أصلي
وبــ600 ريال ماراح أشريه



شكرا لك على التنبية







, , ,

[إبراهيم اليوسف]

لا حول ولا قوة الا بالله
انا لله وانا اليه راجعون
وش لون يبي يسكبون مال حلال ويطعمون اولادهم
مال حلال

اللهم ارزقنا كسبا حلال