[آفــاق]

مرحبـا

بخالف شوي وبقول/ مكالمة بالخطـأ..!

صـار لي موقف بأحد الأيـام غيرت جوالي الكاميرا وأخـذت جوال عادي قديم..!

الحاصل لما جيت أتصل بأخوي ما انحفظ الرقم بالجوال
أنا كنت حافظة رقم أخوي كتبت واتصلـت..

شوي سمعته يرد، وكـان فيه خلل بسمـاعة الجوال!

كنت أقوله: كيف الحـال؟؟
هو: ........ كلام غير مفهوم ( ما اسمعه )
أنا: ألــووو
هو: ...... ( بعد ما أسمع)
أنا: تراي ما أسمعك ، وتراي انتظرك خلصـت
مع السلامة.!

كان عندي مجموعة من البنات يسمعون الاتصـال
قالوا افرضي لو كنتي غلطانة بالرقم؟!

أنا بكل برود : لا لا مستحيل حافظه الرقم صح

شكيت بنفسي من كلامهم

ورجعت للمكالمات الصادرة ودققت بالرقم

الصدمة: كــان الرقــم خطــأ

من شد الصدمة جلست اصيح
وهو اتصــل >> يمكن يستفسر

وكل بنت قامت تعلق واللي تقولي حل وأنا بعـالم آخــر..

بس أبشركم انه ما اتصل مرة ثانية >>>رحمّن

الله لا يعيد ذاك الموقف..

وأشكرك على الموضوع الحلـو..

[أحلى صبية]

ههههههههههههههههههههههههههههه,,,

رهيبـــات المواقــــف بصراحه كل واحد أغشم من الثـــاني

والحين على هالفجــر وبعد كم ساعه بروخ للأخر أمتحان

منشان هيــك مايحضرن موقف ...

,,,,,,,,,,,,,,,,,,,,وو

[الخيال الصامت]

ههههههههههههههههههاي>>>بــــــــنات ياحبيلكن موقــــــــفكن تــــــــحفــــــــه>>>>>تسلمي خيتــــــــو ع الموضوع

[هايين]

رسايل بالغلط انا ماشاء الله على ماغلطت الا مره وحده
ارسلت لعمنا مباركه بالشهر
طبعا هو عيب
بس انا اضغط مباركه للكل وامسح الي مابي مدرسين وبيوت
هذا نسيته من عرضهن


اتصلت فورا عل زوجته قلت ارسلت لرجلك رساله مباركه الله يعافيك انتبهي للجوال امسحيها
قالت اصلا الجوال كله بكبره ضايع

طبعا هو كان سوا
بس


..

[هايين]

اما الي تجين كثير
مره جتني رساله تقول سلطان تعال ترانا عند عمك
اناظر
اصلا العائله كلها بكبرها مافيه اسم سلطان

على طول عرفت انه غلطان
دقيت عليه قلت ياعم تراك مرسل رساله غلط
قال ايييه انتي رقمك 056
هو 053
قلت خلاص ارسله ولا دق احسن
الله يعظم اجره



....

[乂♥ متفائلة ♥乂]

وااااو ياكثرهن

آخرهن مع آنسة ليمونة وقبله حايلية وشهد العسل

[سُمية]

ياحبي لقلبتس خزونتي

ذكرتون بموقف حصلي (الله لايعيده ذاك الموقف )
طبعاً دقت صديقتي على جوال أمي وكلمتها ومضى على هالأتصال تقريباً نصف ساعة
قلت لأمي شوفي آخر رقم سجليه لأنه رقم صديقتي ولاسجلت اسمها
جت امي وحفظت الرقم وسمتها خلود
مضت الأيام تلو الأيام وهالصديقة من زمان ماكلمتن
جاء يوم ودقت الجوال (طبعاً الجوال بتاع أمي مو لي ) الموهيم دق الجوال وطلع على شاشة الجوال خلود
امي جابت الجوال لي قالت خلود دقت عليك
وانا أقول : ياحوبي لها من زمان عنها وأنا أرد : ألووووو خلودي يادبا وينك ولهة عليك ماتدقين
طبعاً ركزوا مافي لاسلام ولامرحبا ولا شي
الا وصوت : وين عمتي (واحد يبي أمي) انا انشل لساني لا أنا عطيته امي ولاشي وأنا أقطع الخط
وعلى طول طيرآآن لأمي واعلمه السالفة على مبال اني اهرج بالسالفه توي ماقضيت منها الا وهو يدق هالشخص مرة ثانيه كلمته امي وأنا لحظتها ابموت من الحيا ونفس الوقت ابعرف وشلون صار جوال خلود لواحد يقرب لنا ؟
طلع ولد خالي كان داق على امي سابقا بعد مكالمة صديقتي خلود وأثارين قايله لأمي خزني آخر رقم ولادريت ان بعد مكالمة صديقتي داق ولد خالي على أمي

اوه موقفي لايحسد عليه

[الوآن -]

الله يغربل بليسكن تمزعت من الضحـتس ..
المواقف تسثيـره والله بس مهنـآ ذآكره هالحيـن ..
آغادين اطب عليكـن نوبتن ثانيـه وقول حدآ هالمواقف ..
خوخو يآلبـآ آنطي يآدوبآ موضوع رهيـب ..





.
.

[::خـزان الأحـزان::]

اقتباس المشاركة الأساسية كتبها ليتنــي همـكـ هههههههههههههههههههههههههههههههههههههههههههههههههه هه قســــــــــــــــم موووووووووووت ياااحبيله,,, لي عودهـ يبي له قعدهـ ذا<ماله دخل الفيس

خخخخخخ
شويــه موـوـوت


آن نآ شفت لتس عوووده بلفعتس << تهدد

يسلموـو قلبي

[• إنِدثـار~]

.



خزآن ..

يسلمـــ لي قليبتس

قســم بالله دخلت المنتدى .. تدرين ليش..؟؟؟
برسل لتس رسـآلة ...
طووولتي الغيبآآت ..

ودخلت الكوفي ... ومير أشوف موضوعتس ... وعلى طول >> ترى ذا إيقاله من الشوق
خزآن دخلت .. مش معأوول
وهـ وأخيررررا مابغيتــي
ويينتس ودفع البـلاء ..
فقــدناتس وفقدت ( لتس ) >>

وشسموه ..
ايه صح برد على الموقف ..
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه ه

مووووووووت يالموآقف
خزآن ..
أما يالتلفيقة خيــآأآأل

بريدة أم المدن ..



لحـاااااااااااااااال وقسم لحااااااااااااااااااال موقفتس ههههههههههههههههههههه

.. سرعة بديهية ..

وااااااااااااااااااااااااااااااوك .. أبووو البلشـة وخزياااااة

....


لاأذكر مره كتبنا طلبات البيت وبنرسله لأبوي أرسلناه لمرت أخوي
أحس بتقول وش يبوون ذولا ..؟

وصرآحة ماأذكر شيء معيـن .. ويفششششل




خزوونة

ياااملااا الثانتسيواات

[::خـزان الأحـزان::]

اقتباس المشاركة الأساسية كتبها قليبي ثق بالله هههههههههههههههههههههههههههههههههههه حلوه صراحه موقف طااااااازج امس بنت عمي عطتن رقم وحده وسجلته عندي وبديت ارسل له رسايل استهبال رساله ورا رساله يوم دقت وارد عليه قلت هلا والله تهاني قالت: عفوا من معي قلت: مو انتي تهاني قالت لا وقتها كأنه صب علي ماء حاار واعتذرت منه وسكرت ,, بس صراحة فشييييييييييييييله ,,,,,,,,,,,,,,,,,,,,,,,,,,,,,,,,,,, وسبق وارسلت رسالة عن أسئلة الاختبارت( لسرعة بديهه) بالغلط ,ومادريت الايوم رددت علي خخخخخخ خزان الاحزان موضوع رائع

هههههههه
هههه

تهآآني آجل هآآه
اللـه يرجتس مت من الضحك


ومرورتي آرووع يسلموـوـو

[::خـزان الأحـزان::]

اقتباس المشاركة الأساسية كتبها بريده أم المدن واااااااااااو فكره ولااروع والله ياخزونتي ماتجيبين إلاأفكار كذا والله تضحك بعض المواقف والله اناماعندي مواقف تستاهل اذكرها بس ابخرج عن النص واقول موقف عن المكالمات >>ياويلي من خزونتي مره غيرت رقم جوالي جاء اخوي قال عطين رقم جوالك وانا مافضيت له عاد جاء من اللقافه واخذ جوالي وبدا يفتش الارقام ولقاء تدليعه لي وقام وفتح الرقم ونقله وصديقتي نفس اسمي والرقم الي اخذه حق صديقتي عاد من بكرا توي جايه من المدرسه وانافوق جاء يتصل ع صديقتي وقال افلانه تعالي تغدي وصك السماعه هي قامت تضحك درت انه غلطان يوم سار من بكرا قالت لي صديقتي واجي واقوله ويتفشل ياحياتي لك حبي وودي ياخزونتي

يآألبي ترآي آستحيت <<

هههههههههههه
واللـه يآ علـيتس موقف
حرآآم عليــتس وشوله تقولين له شكل وجه صآآر برتقآآلي


يسلموـوـو يآ قلبي عالمرور ,, منوره

[::خـزان الأحـزان::]

اقتباس المشاركة الأساسية كتبها أسطورة الأي ــام . اوما أم خويتك هههههههههههههههههههههههه صدق الكذب حبله قصير هذا موقف صاير لي كل ماتذكرته ضحكت / مرة بالكلية , انا وصديقتي ننتظر الدكتورة بتجي للمحاضرة وتأخرت قالت صديقتي بروح اتقهوى ودقي علي بالجوال إذا جت , قلت : خلاص تم بعد ماراحت , جت الدكتورة ودخلنا القاعة , وماقدرت ادق واجي اكتب رسالة : تعالي بسرعة , وارسله وانا عجلة وهي اللي تروح لأبوي < لأن أسمه اوّل قائمة الأسماء ابوي فسّره / تعال لي بسرعة وأنواع الهواجيس والتوقعات , وطلع من دوامه مسرع وهو يدق علي وأسكر ويدق وأسكر ويدق وأسكر .. واضطريت أستأذن لدورة المياة ضروري يوم طلعت ورديت على ابوي < وهو بالطريق ابوي / ...., لاتعليق أنا / وشو ابوي / وش بتس وش صاير لتس أنا / مابي شي وهو اللي يديور لدوامه مع انواع التشتيم والتكتير وكل ماتذكر ابوي السالفة , عطان محاضرة عن التأني والركادة .

اللـه يرجــتس هبلتي بأبوتس يحسب بتس
بلآء الله لآ يجيبه
يحق له يعطيتس محآآضره كنتس تسذآآ
المره الثآآنيه آرفقي وآنا آوخيتس همآآ


ربي يسلمتس على المرور الي يهبل العقل ..

[::خـزان الأحـزان::]

اقتباس المشاركة الأساسية كتبها سرعة بديهه ههههههههههههههههههههههههههههههههههههههههههههه هباااااااااااااااااااااال خزان الاحزان صورة لوجه ام الوحدة تكفين. ***** قليبي ثق بالله ماأنسى رسالة الخرط الغامض << أسطورة الايام هههههههههههههههههههههههههههههههههههه أم المدن هههههههههههه أودي وشي فين. ــــــ أما موقفي مايضحك يصيح قسم بالله لـ تذكرته قمت وضميت أختي. صديقتي حطوا لنا عزيمة وبدت أمه تلمح تعرفين العجيزات لمنه نفخت ريش ولده السالفه طويله وماتنذكر بس الحاصل فيها إنهم أسرفوا بولدهم مدح×مدح. أنا ومرت أخوي مجمعين الضحك شوي ونتفجر يعني بصراحه أمهم كبت العشاء. الحاصل طلعنا من عندهم ماشفت مرت أخوي على طول راحت لبيته قمت من الذهانه وكتبت رسالة كلها تعليق على كلام أمهم. تخيلي أرسلت الرساله لــ صديقتي لا لا لا لا لا لا إستوعبت إني أرسلتها لها عقب ماقال جاري إرسال الرسالة صرت أصرخ لا لا لا لا لا لا لا لا لا لا لا تهورت وطلعت البطاريه وطلعت الشريحة وقعدت أصيح صرت أترجى أختي تفتح الجوال من جديد بدون تدخيل شريحة وتشوف راحت أو لا..إيدي ترتجف قالت إنها قيد التسليم << وه هو صدق فيس يضحك ويصيح تهي تهي أشوى. والله سجدت سجدة شكر والموقف كان درس لي إني ماأستحقر أحد أوأغتابه الحمدلله. الله أراد لي خير بس والله إذا تذكرته قلت لالالالا من غير شعور. وخلصت القصة.

اللــه يصلحتس يآمهبولــه تخيلي رآآيحه الرسآآله
وآآآوكـ آنوآآع الفشيلـــــــــه بـس ربتس ستر
ولآ عمرتس تعودين له

يآألب يسلموو عالمرور الي يهبل