[أبو رزان]

أنا ما أدري أنت ألحين تطرح سؤال وتبغى المناقشة أو تبي تقشطر الناس !!

إذا قال لكـ أحد أي كلام يعبر عن وجهة نظرهـ أو سألك سؤال تصير كذا ردودكـ !!


آمل أن ترتقي بأسلوبكـ للأفضل ياعزيزي حتى الناس تأخذ وتعطي معكـ
وتخرج بالفائدة المرجوة من طرحك للمناقشة ,,
وعشانــ مايقتلب الموضوع هواش وردّهـ وهاته ,,

[دائما مبتسم]

اقتباس المشاركة الأساسية كتبها shawly [color="red"] دائما مبتسم وأنا الحين من هذا المنبر وانا اخوك اقول ليش مايلبسونه لاتجين وتقول لو تشوف الخطيب جاي وطاق العقال المره الثانية دقق بالموضوع .

طيب وشفيك زعلت أن أسألك فقط

هل فيه فرق بين خطيب لابس عقال و آخر ماهو لابس ؟؟
أنا أقول أبنقد عليه
ما أدري ليش يمكن تعودت كذا

[أمير بكلمتي.]

العقال مهوب حرام ولا شئ ...

لاكن أتوقع عدم لبس العقال من باب الورع والزهد ...

[الـعـابـر]

اعجبني عنوان موضوعك
لأن العادة تقول ( حلال عليهم وحرام على غيرهم ؟؟ )
وانت عكستها

[loquacious]

ماهو كل إمام مايلبس عقال ,
والله إمامنا يطق العقال ومايفارقه كل ماطلع . ..
نسيت نسيت مو الإمام , أقصد المؤذن ...

[فتى المدينه]

سمعت سمعت والله اعلم انهم يقولون فيه تكبر وتعالي على الناس ...

[غارق]

انا اقولك ليش

لأن العقال اساسه من الباديه ولبسه في ذلك الوقت عندما يبدأ الراعي برعي الغنم يلف عصابة رأسه بحبل او سلك ثم في حالة حضور الصلاة رمى ذلك تقديراً للصلاة
لأن مكانتها ليست مكان رعاة
ومع مرور الزمن اصبح هناك صناع اربطه تكون جاهزه وتطورت هذه الأقنعه إلى وصل بها الامر إلى تصنيع العقال

وعلى هذا العُرف تعايبوا الناس لبس العقال في الصلاة

[Fast]

قبل ما ارد عليك ابي اسئلك سؤالين عشان اجاوب عليك بالطريقة اللي تناسبك


السؤال الاول انت تبي تهاوش ؟ اانا على اتم الاستعداد ؟

او تبي تناقش وكذلك انا على اتم الاستعداد !ّ

[شميساوي]

والله أعلم أنهم يحسبون ان العقال من مظاهر الكبر والخيلاء

[يازين الحر]

طيب وش رايك اسأله قله وراك فصخت العقال
<لاني مااعرف جواب دقيق
بس عادي يلبسه يفصخه لاهوب حرام عليه ولا شي
شكرا

[Shawly]

أبورزان

اقتباس أنا ما أدري أنت ألحين تطرح سؤال وتبغى المناقشة أو تبي تقشطر الناس !!

أبغى أقشطر الناس

ماتبطي وأنا أخوك تشوي ان شاء الله

انا رديت عليه لأنه جاي مستذهن مثلك بالضبط

اقتباس آمل أن ترتقي بأسلوبكـ للأفضل ياعزيزي حتى الناس تأخذ وتعطي معكـ وتخرج بالفائدة المرجوة من طرحك للمناقشة ,,

بعد أنا اذا شفت ردود مثل هالجنس منب مرتاح ولا أطلع بفايدة

وبعدين ياحبيبي ماصار بالموضوع هواش والا أنت تبي تسوي من الحبة قبه

كل الردود من ناحيتي ضحك .. والا أنت تشوف غير هالكلام



الشاكي!!

يممممه وش هالقوي

وبعدين من شفت توقيعك وأنا غاسل يدي صورة الهيلوكس دريت أنك بيبي ... وأعذرن نسيت أكتب ممنوع رد الا +20

وبلا مهايط حبيبي وأفهم الموضوع






ومشكور كل من رد على موضوعي ويعطيكم الف عافيه

وأنا بصراحة سمعت أن لبس العقال ترجع العادة الى وقت فتح الأندلس

لأن الناس لبسته عصمة على روسهم

هذا طبعاً كلام من رجال شرواكم

وشكراً




.

[Shawly]

دائما مبتسم

يارجال هذا البلاء ليش ننقد عليه مع أنه مالبس شي حرام

والا لبس قميص نوم

يعني العقال من الزينه والواحد رايح للمسجد والمفروض يصير بكامل زينته

ويعطيك العافية يابعدي

[عبدالسلام بن خالد]

السلام عليكم ,

الحقيقة أن العقال حرية شخصية لدى الشخص .. سواءاً كان إماماً أو مؤذنناً .. يعني أنت حر تبي تلبسه ألبسه .. لكن الشخص يبتعد عن الأماكن التي ينتقد عليه الناس منها .. مثل إذا جماعتك شيبان ولبست عقال وأنت إمامهم وأنت تعرف أنهم يبي ينقدون عليك .. مايصلح أنك تلبسه حتى ماتخلي مدخل عليك منهم ..

شكراً ,

[Shawly]

حياك الله أخوي عبدالسلام

والله أن كلامك عين العقل

صدقت والله

بيض الله وجهك

ومشكور على مرورك المشرف