[شقراء ومملوحه]

وش دعوى عشرين ألف .. عشرين الف ذي فستان الزواج بس تسويه به..
صحيح غلاء المهور مشكله بس من حقي اطلب مهر كثير علشان أأمن مستقبلي موكفاكم تدليع للبنات أخاف اطيح على واحد فكره محدود.. تفكيركم محدود على أن البنت مايدلعونه أهله هذا وانتم يالرجال تغير فكركم فشلون النساء بتطلب مهر تغير فكره..

[سمره ومملوحه]

الله يعينهم اصدقائك الله يسهل عليهم يارب ويوفقهم وشباب المسلمين أجمعين ...
وخمسين الف هي المعروف عليه بالمجتمع
وألاباء مايخذون المهر بلعكس أحيانن يزودون عليه أذا كان في زواج وكيذا
والحين كل شي غالي فا عشرين ماتسوي شي سواء كان من ذهب ولبس وعرس والخ .....
ماأقول الا الله يسهل عليكم يـــارب

[أميرهـ]

والله الرجل مايستااااااااهل ..<<< مو الكل بس عمومااا

يعني اذا جته مره بالساااااااهل حس انهااا رخيصه

ومت مابغى يطلق عااادي .... مافيه شي يمنعه

بس اذا تدين عشان المهر عرف قيمته

بس انا عن نفسي ........... مهري على حسب قدرت رجلي ..

بس اكيد مو اقل من 50

[سجينة الحجاز]

ليش تقول غالي المهر احمد ربك انك بالقصيم وخاصة ببريده
الحين معروفين احنا نسمى الرخيصات لان وحده كلمتني من الحجاز تقول احنا مستحييل
نقل عن ثمانين الف واحنا يالمساكين هم اللي يعرسون علينا والاه يطلقوون على ماقالت اميره تصير ماله قيمه لاصار مادفع مهر كثير الحين صارت سمعت العالم اللي يبي المهر يصير رخيص يروح للقصمان
بناتهم رخيصات وانت تقول غالي رح لديره ثانيه وتشووف قد المهر وشلوون وتعرف قدرنا


اشكرك على الموضووع الرائع
لاعدمناااااا

[العقيل]

اقتباس المشاركة الأساسية كتبها مَــهــَجــٌور يارجال تستاهل وهي بتصبر عليك إذا جيت للحق بتشغله عندك هاذي الحقيقه انت لاتناظر لغلا المهر ناظر للأيام اللي بعد الزواج يعني الراتب هو بيكفي او لا اما المهر صراحه تستاهله لانه بتصبر وبتتحمل وبتضحي لعيونك المقصود هنا ليس كاتب الموضوع المقصود الزوج عموماً اخي طارح الموضوع اشكرك على موضوعك وزي ماقلت هي بتصبر تستاهل اكثر من 50 مهر لانه بتتحمل الزوج بمحاسنه وعيوبه

ماقلت شيء البنت تستاهل مليون بس المشكله انا اتكلم عن الناس الي مايقدرون يدفعون ولا انا وانت نقدر ندفع بس فيه ناس ماتقدر وانا اخوك تدفع

مشكووووووور على مرورك

[العقيل]

اقتباس المشاركة الأساسية كتبها ام الموذي الحمد لله عائلتنا كله..محد فيهم يحدد المهر.. رجال العائله يكتفون بقولهم للخاطب ..اللي تقدر عليه ادفعه.. حتى لو كان الخاطب يملك ملايين.. والصراحه مايحدد المهر الا البدو.. وحده من صديقاتي بدويه..مهرها 70 الف وسياره لأخوه وناقه لأبوه وذهب لأمه ..ياحول يالرجل رحمته بقوه..

هذا يبي يتزوج العائله كلها مو بس البنت

[ديما - - -]

اقسم بالله اني اعرف شمريه مهرها 200 الف ((واحنا 50 وتقولون كثيره )

[العقيل]

اقتباس المشاركة الأساسية كتبها ديما - - - اقسم بالله اني اعرف شمريه مهرها 200 الف ((واحنا 50 وتقولون كثيره )

انا ماقلت شيء انتم ماتفهمون انت يالبنات تستاهلن مليون مو خمس الف
انا اقول فيه ناس ماتقدر تدفع وش تسوي ؟؟؟؟؟؟؟؟

[آحساسي يكفيني]

الخمسين زينه ومعقوووله ..

الله يسهل بس ..~

ويوفق الجميع ..

[خواطر مكسوره]

إللي مايقدر يدفع لا يتزوج ...مافية شي يجي ببساطة ....

[الـعـابـر]

اقتباس المشاركة الأساسية كتبها خواطر مكسوره إللي مايقدر يدفع لا يتزوج ...مافية شي يجي ببساطة ....

حلوه العبارة هذي
الي مايقدر يدفع لا يتزوج
لا يتزوج مين ؟؟ غنم او بقر ؟؟
يبي يتزوج آدمية مثلك
واذا كان الي مايقدر على كذا خلاص مايتزوج جلستوا انتم ببيوتكم وما تزوجتوا
لأن الي مايقدرون بحكمك انتي كل يوم ويزيدون
واكيد مافيه شيء يجي ببساطة وبنفس الوقت ما فيه شيء يجي بالطمع وعدم التقدير

[الـعـابـر]

اقتباس المشاركة الأساسية كتبها ديما - - - اقسم بالله اني اعرف شمريه مهرها 200 الف ((واحنا 50 وتقولون كثيره )

بكل مواضيع المهر تذكرين لنا هالشمرية
طيب اذا انتي تذكرين لنا المهر اذكري لنا عمرها وعمر الي تزوجها
وبعدين ترى الشمامره يعتبرون قبيلة ومنطقة
مب مثلنا عوائل و متوزعة وكل عائلة له سلومه

[مهند و]

السلام عليكــم ورحمة الله وبركــــاته


ما معنى حديث ( إذا جاءكم من ترضون دينه وخلقه فزوجوه ) .؟


"إذا جاءكم" أو "إذا أتاكم من ترضون دينه وخلقه" غالباً التزوج من ما عندك من النساء فعليك أن تتزوج مع هذا الطالِب الراغب وإلا فامتناعك يكون سبب لوقوع فتنة، وهذا واضح جداً لمّا الناس بيزوجوا بناتهم لا يراعون في ذلك ديناً ولا خُلقاً ، وإنما يراعون في ذلك مالاً أو جاهاً أو منصباً أو أو شهرة إلى غير ذلك من أمور الدنيا، والواقع أنني أتعجب جداً كلما سمعت بخطوبة وإذا ليسَ هناك من يسأل عن الدين، إن سألوا عن شيء يمكن بيسألوا عن الخلق، وإن سألوا عن الخلق ففي حدود معينة فقط
قال رسول الله -صلى الله عليه وسلم-: ((إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد عريض))
يعني لم يطلب الرسول في معنا الحديث مهر بل طلب الديـن صلي الله عليه وسلم

وهذي قصه سمعتها في احد المحاضرات

ان هناك من زوج بنته بمبلغ وقدره متين الف ريال

قال الشيخ الذي كتب العقد سلم على بنتك فانك بعتها له

ولا عاد تصح ان تسلم عليه

هذا باع بنته علشان ايش وسخ دنيا افلوووس الله لا يسامحه


وقوله تعالى: (وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ








ودمتم سالمين
مهنـــد و

[ديما - - -]

اقتباس المشاركة الأساسية كتبها من الجماعة بكل مواضيع المهر تذكرين لنا هالشمرية طيب اذا انتي تذكرين لنا المهر اذكري لنا عمرها وعمر الي تزوجها وبعدين ترى الشمامره يعتبرون قبيلة ومنطقة مب مثلنا عوائل و متوزعة وكل عائلة له سلومه

عمرها 25 وزوجها عمره 31 يصير ولد عمها