[loquacious]

خويك زيي طلعوا روحي وشفطوا فلوسي عشان احول رقمي لموبايلي ..
وبعد ماحولت صارت تجيني مسجات من الاتصالات عن الباقات واننا حولناك لباقة كذا ...!!
وإلى الآن ماراجعت ولا أدري اهم لسى يحسبون علي رسوم وإلا لا ..
علماً لي سنتين تقريباً محولة ..

[اسلموني]

موبايلي وبس

[اسلموني]

خلك من stc

[البرنس455]

والله صـــارت لــواحـــد مــن الــشــبــاب مــحــول لـمــوبــايــلـي مــن ســنــه وقــبـل كـم يـوم ارســلـوا لـه فــاتـوره 387 ريـآل يـقــولــوا رســوم !!

[%بدريه والذئب%]

حسبي الله عليهم الله لا يحللهم دنيا واخره

[ساري الحب]

ماغير اقول حياه اصعب مو اسهل

[الطرس ممدوح]

حسبي الله عليهم والله ما نحللهم على كل قرش ياخذونه منا من دون حق

[السامي البريداوي]

شاكر تفاعلكم

>>>

الأمر الأدهى أن هذه الشركة حاولت منع الشركات الأخرى من تقديم خدمة التجوال المجاني

وتذكرون قرار هيئة الإتصالات بمنع مجانية التجوال الدولي بعد تأثير هذه الشركة على الهيئة .

[أبو رنيم]

قـال وش حــدك على المــــر

قـال اللي أمـــــــر مـنــــــــه

=-=-=-=-=-=-=-=-=-=-=-=-=-=-=-=

بيــتي ما فيهــا أبــراج موبــايلي

[خب الجطيلي]

اقتباس المشاركة الأساسية كتبها ام الفزعات انا جتني فاتوره والجوال مفصول له 3اشهر وجت بالشهر المجاني ودي احول لموبايلي بس امتحسفه برقمي الي له معي اكثر من 15 سنهـ مع طول تعاملي معهم يقطعون الخدم بدون سبق انذار يعطيكـ العافيه ع الموضوع

عادي جداً تحولين الرقم نفسه لا يتغير شئ
بس لازم تصفين الفواتير ثم حوليه ..

[**ابو علي**]

انا قبل اسبوع محول للموبايلي وخلهم يلعنننون وكثرارين حولو لموبايلي اغديهم يلعنون

[vip_999]

من أمن العقوبة أساء الأدب.... لي ثلاثة أشهر وأنا أطالب بتغيير رقمي وإلى الآن لم ينفذ طلبي

بل يتم إلغاءة بدون أي سبب مع العلم إني سددت المبلغ المستحق على الرقم وزودت عليه ثلاثين ريال

كي لايترتب على الرقم اي مبلغ خلال فترة النقل .. والحين قررت إني ألغي الرقم واستخرج رقم جديد

من موبايلي لأني تاكدت إن المواطن ماله قيمه عند هالشركه والمشكله والمؤسف إن رئيس مجلس

إدارة stc من أبناء بريدة وهو الأستاذ محمد الجاسر... لكن لديه عذر لأنه المسكين يصرف مبالغ

طائله كون شركته لديها شراكه مع اندية اوروبيه مثل ريال مدريد واعلانات الشركه موجودة في جنبات

الملاعب الأوروبيه وكل هالأمور طبعا من جيبك يالمواطن ويالمقيم..........

[MEHWAR]

موبايلي جيدة

لاكن اذ صار 98% من اللي تعرفهم معهم الانفصالات

راح يصرف عليكوراح تطلع الفاتوره غير جيدة

لانه تبي تتصل من موبايلي الى الانفصالات

[السمكه]

حسبي الله عليهم
كل ماشحنت جوالي شلحوا رصيدي الصبح ياخذون 5ريال والظهر12ريال
والمغرب 3ريال الين يخلص رصيدي مع اني ماأشتركت باي خدمة بس خدمة الاهل والاصدقاء وليتني بعد ماأشتركت فيها (كلها كذب هالخدمة)00
واذا دقيت عليهم قالولي نغمتهم المعتادة (جميع موظفينا مشغولون بخدمة عملاء اخرين) يعني مو فاضين لك أحسن لك انهي المكالمة
و ادق مرة ثانية ويقطعون الخط بوجهي يقولون (شكرا لمكالمتك ونتطلع لخدمتك في وقت لاحق)
بجد طفشت منهم ومن نصبهم
والله لايحللهم على كل ريال اخذوه مني بغير وجه حق
وودي احول لموبايلي بس اللي أعرفه ان رسائل الوسائط ماتروح من موبايلي الى الاتصالات لان أغلب اللي أعرفهم من الاتصالات00