 |
|
|
|
|
01-04-2010, 02:27 PM
|
#1 |
|
حرف راقي
تاريخ التسجيل: May 2007
البلد: سَكْرَةُ حَرْفْ
المشاركات: 2,198
|
| ب ث اااااااا ر ة .. وخنبقة ظهريه خميس !
أصبروا قبل به كم سيكو جايزاتن لي أبجربهن .!
  أييه ياحليلهن أثرهن تسذا  سلام اللهّ أحياناً يطري ببالي أني ودي أكتب ودي أكتب بس وعلى هالظهريه طرت معي أني أخنبق عليكم من خنبقات الطفوله وخنبقات أخرى أيضاً  ولأن السواليف مب بقروش وحبر المنتدى مب قاضيّ منْ وتراهن مثل قلهن يحوومن التسبد  آبنطلدز  شسمه هذا يوم أنا صغيره كنت تقريباً سنه رابع أبتدائي وبنت خالي سنه خامس أبتدائي وكنا طالعين لمزرعة خالي ب عيون الجواء كانت هذي الروحه اللي مجموعة أقارب ينامون اربع ايام ويرجعون  طبعاً بذيك الفترة انا متأثره من أفلام الكرتوون بشششششششششششكل بشكل وبأشرطة الفيديو بتوع الأناشيد ! ليلى بنت كالقمر وذولن  يعني كثير أحلام تزورن أني يوم من الأيام بطلع انا وعيال خوالي ب أشرطه وأبطلع أنا اللي قدام وانفض شوشتي واسوي حركات و ( أييييييييييييييييه فهمنا)  هذاك اليوم طلعنا انا وبنت خالي برا أسوار المنزل بتوع المزرعه وأبعدنا شوي وجلسنا عند نخل كثير كثير كثير كثير بشكل ماتتصورونه يعني عرفتي اللي مالتس ماطى على قولتهم يعني تخيلي أجسامنا يوم حنا سغنّنّين يالله يالله نمشي ! يوم جلسنا بين هالنخل طرت ببالنا نشب نار أيه بنشب نار بنتدفى جت بنت خالي جابت علبة بنزين ذيك اللي تصير حمراء وطوله طول علبة الكلوريكس الصغيره ورشته على المكان كله ! وطارت محدثتكم وسرقت من المطبخ كبريت وجبناه  وشبيت الكبريت وجدعته على الأرض وولعت النار وجلسنا نتدفى والنار تمشي تمشي تمشي وحنا نناظر هالمنظر وجايزن لنا قوووووووووه , نقول زي نارا الصغيره صح  ونسولف يوم ذا تقل بدينا نحتر ! نحتر نحتر نحتر ! بدت النار ترقى للنخل وحنا ماندري معين نطلع واللي ورانا خيول وبيت للعمال وتسذا ولا به عمال يعني عادي النار تروح لم الخيول  ركضنا بنطفي هالنار ّ برايكم وش سوينا ؟طبعاً لاتقولون وين أهلنا لأننا بعييدين قوه عن مكان البيت نفسه يعني مايتوقعون أصلاً نتجرأ له بحكم أننا مبزره شلون امثل لكم البعد .. هممم زي من ماكدونالدز لين ساكو صدق والله اني صادقه زي كذا البعد كان فيه جيك أبو ثلاثه ريال حق المويه مشقوق من الوسط وحاطين به ماء أخذته وعبيت ماء .. هذي الله يسلمكن بطفي الحريق وبنت خالي معه نفس قارورة البنزين ماء دبشششششششششششششششششششششششششششش ! بذيك اللحظات جاء ولد خالي اللي حق أبوه المزرعه وشافنا وكذا ونادى الرجال وأدهروا الخلق وصارت لجه لجه لجه .. حريق أيه بعد من يقول أنه جتنا علقه مب صاحيه ! ولد خالتي ذاك اليوم يوم شافنا قال لنا بنظرات تخووووف تخوووف : أعآآآآآآآآلآآآآآآآآآآآآآآآآآآآآآم> أعلم ذي واللحين قولي لي أعلم بذي الحركه .. عادي عادي أتقطع من الصيآح ! مر ولد خالتي ذا اللحين متخرج له دهر , وللحين كل ماشفته لقطتن روعه روعه روعه ! مزرعه خالي لاشفته لاتسألون عن حالي , أحاول بشتىى الطرق أتهجج منه ومكان النخل اللحين أسسسسسسسسسسسسسسسسسسود ! زي الأماكن القديمه اللي نروح لهن اللي محرقات بالرغم أني أقوله ويقالي تنكيت وماهمّن .. الا أني لاتذكرته ماانام ! وعادي تلقين يديني تنفض مع أنه من زمااان زماااااااااااااااااااااااااااااااااان ! أحس بالذنب الشديد تجاه خالي وعياله قسم بيت جدي به الشسمه هذولاك .. البسم الله الرحمن الرحيم ! ولانمنا به تصيير مواقف تيبس الجلد وتوقف شعره ! ومن المواقف : تعرفون الدرج لاجيتي ترقينه مب لاجيتي تاصلين للدور الفوقي فيه صاله صغيره هذيك الصاله كنا قاعدين به يمكننا9 بنات تقريباً وكنا بذيك الفترة يعني كلن يرقى وينزل وكذا ماتستغربين شئ ! جاء خالي طلع من الدور الفوقيّ وهو متكشخ ولابس غترة وثوبه بنيّ .. وه واملحك خويلي مشى من عندنا وهو يقول لنا : وراكن قاعدات بذا أنزلن تحت يالله بسرعه جو الناس, ردينا عليه ونزل يوم صار بعد نص ساعه نادونا البنات الثانيات يقولون نبي ندخل على خوالي وجدي نسلم دخلنا جميع .. أأأأأأأأأأأأأأأأأأأأأأأأأأأأأ يمااااااااااااااااااااااااااااااااااااااه خالي لابس ثوب ابيض وشماغ ! وتذكرنا أنه اللي تو نزل ثوب بني وغترة ! لاحظوا كنا بالصيف ! جينا قلنا له خال وينك تو ؟ قال عند محمد البراهيم قلنا من متى ؟ قال من الظهر عازمنا هالأجودي لكم التعليق وبنفس المكان ( صوت دقات قلب ووطيات رجل ترقى درج وصراخ بزر ونباح كلبين ومواء بسه ) مره حنا والبنات بعد سهرانين ونادتن مرت خالي تقول تعالي سوي كم شغله معي بالمطبخ وبما أنه بس هي اللي قايمه من الحريم ورحمته وكذا قمت معه أوسع صدره وازين شغله دخلنا المطبخ اثري انا ومرت خالي قاعدات على الأرضيه حقت المطبخ ومعنا ورق عنب نصفه يعني مب لم المغسله ! بدت المغسله تنفتح على آخر شئ همن تصك وتسمعين اللي [ زيييييييييييييييي ] [زططططططططططططططططط ] اللي حقت الحديد لاطلع الصوت ! همن تفتح وتصك وو أيه وكثير حركات صارت به .. تعالوا لمي واسولف عليكم بالليل عشان يصير أطعم يوم كنت ب سنه سادس كنت أحس أني برنسيسة زماني أمر وآنهى بالمدرسه ياويل أحد يتكلم أمي كانت المديرة .. وبنت ابوتس تكلمي من المواقف : أنا كنت مع جماعة الأرشاد ونادتن المرشده أنا وخمس بنات نطلع بالأذاعه حقت بكرا أنا المقدمه بصير  بس ماش جايزه لي كل فقرات الأذاعه .! والبنات ماأرضن ذائقتي أبي ريما ولين و مشاعل طلعن مابي ذولي > منهي أنتي يآريما  وكانن ذولي البنات هاديات قوه ومايحمسن وتسذا مادري بس ماجازن لي .! جيت اتفقت من ريما ومشاعل ولين انهم يجيبون من عندهم آذاعه ثانيه زين ! وقلت لهن يحضرن الطابور ويصفن قدام بالطابور .., واجي يوم صار من بكرا والتفت على البنات واحذرهن : اذا قلت دور الوحده تتقدم تشآرك يآويله تقول مشاركته تفهمون ! عيّن ! ماعلي منكن أنا اللي أقوله بيتم بديت أقول والان حديث شريف بصوت الطالبة رهام همن لآجت بتجي رهام أقول له ياويلتس ياويلتس ! همن ترتاع همن ترجع همن أنادي ريما همن تقول مشاركته وتسذا والأنشوده الرباعي المرح انا ولين وريما ومشاعل من يقول أن المرشده مالعنت خيري .! بس عادي ابو اللعانه طلعت من الموقف بسلام وعادي عندي أطلع ب أذاعه كامله مابه الا أنا ! وعادي حفله كبر قريح ماحفظت الأنشوده واطلع واشارك .! عادي أدبر واعبر بالخلق ! يعني مافيه مشششششششششاكل وش بثارته ؟أختي السغننه نسرين انسانه بططططططططططططططله قسم بالله المهم ذاك اليوم كانت وده تروح للمدرسه وامي رفضت مره وحده انه تروح لأنه ماعندهم شئ وكنا قبل الأختبآرات اللي رآحت يعني وشوله تروح والأبتدائي خلصوا بس زود تعب ! جت نسرين تترجى امي من قلب وامي مافيه امل ! جت امي بتعجّز به وهي راحمته شوي قالت شوفي أنا منيب مقومتس أنتي قومي روحتس وميخالف لاقومتي روحتس روحي على كيفتس جت ناظرت أمي وقالت أكيييييد ؟ قالت أمي أكيييييييييييييد .. , نمنا ويوم صار الصباح جينا نطلع الدوامات الا وش نناظر نسرين ملزقه على باب غـرفة الشغاله ورقة كراسه كبيره كاتبه به بالعربي : ساوينا أنا نسرين قومي أنا عشان أنا يبغى روح مدرسـآ عشان أنا إذا والله مافيه يجي مودرسّ دووقي أنا مررا مرراا اذا أنتي خلي أانا قوم أنا يعطي أنتي كول شئ ياحبيلك قوميني ماما أنا مافيه قول أيه وانا يبغى روح صوديقات أنا كووله كوله يجي وراسمه له قلب وسهم وقطرت دموع  يعني ساوينا العوق من قرايت العربي النطق صفقوا لنسرين .. صفققققققققققققققققققوا .. , هذي أختي الصغننّه المذكورة آنفاً واخوي الاصغنّ منه الثلاثاء اللي راح بالليل رآحوا لم أمي وقالوا له أنهم يبون يسسوون مشروع وكذا وانه أمي لآزم توافق مبدأياً عشان يقولون له المشروع قالت أمي لهم أيه ويوم سألتهم وش بتسوون قالوا أنتِ نامي ولآقمتي الصبح بتلقين عند رآستس الرساله ! > ماتأثروا بأفلام الكرتون أبدن المهيم أمي تعطي الواحد جوّ مررره المهم سوت نفسه متحمسه معهم وكذا طبعاً حنا مافيه أمل ندري بأي شئ كل ماشافون عطون أبتسامه خبث بسيطه يعني أنه ورانا شئ مره حاسين بالأكشششن وامي كانت تقول لي وش يسوون يعني تحس أنهم خفيفين دم وهكّا المهم > أخلصي يوم قمنا الصبح أثر الرسالة اللي حاطينه عند راس أمي انه يبون يسوون مشروع بسطه ب س ط ه وانه بيحطونه بالحوش وبينادون عيال خوالي يشرون يعني كل هالبلبله بسطه .! تحطم شعور أمي أحس وطلباتهم حطوه بورقه طبعاً بخط نسرين اللي بصف 3 أبتدائي وأخذت لكم لقطه للطلبات على غفله منهم  .. الطلبات من تحت أقراه عليكم 1 حلاو أبو قلم 2 أولكر شكوشكوشكور > أتحدا أحد يعرفه 3 أبو نظارات 4 ليز صغير بطعم الطماط لاحظوا بطعم الطمااط .! 5 مصيص .. مصيص > قدم أخوااااااااني واللي بعده زين يواجه شوي عاد المهم أمي انهبلت بهم تحس أنهم نكته الموسم وتسذا أمي قالت لهم أنه أردى شئ أخترتوه ! وراه كذا وتنصحهم كلهن مضرات بالصحه ! المشكله لاطلعوا للبقاله أقسم بآلله مايختارون الا أشياء تزحزح الميزانيه من القهر يعني أشياءات ذويقه شوي ! فلوتات كندر كتكات وشيبسات شئئئ لهم ذوق يعني شوي على أنهم بزارين اقصد مب لها الدرجه يعني اللهم الشئ الغريب اللي يرجعون به دايم شيئين . اللي يحطونه ب أثاميهم ويطق طق ويسوي زحمه . وعلك على شكل طحين المهم يوم سألناهم ليه هالأشياء بالذات ؟قالوا أنهم سألوا اللي كبرهم وكذا من عيال خوالي ومتناقشين الأربعاء اللي رآح يعني هذا ذوق اللجنه مب ذوقهم أمي وافقت تطلع بهم بشرط انه ولا شئ من اللي كتبتهن بيشترونه ترا والله أنه ينكت بس ماعرف أحتسي > أيه هيّن أبي ردودكم تصير به مواقف تكفون على طاري الطاري ميخالف ! يعني كننا بأستراحه وكل بنت تجدع سالفته مابي بس شنكراً بس هولاه وأبتخذه مكان لي أنا وبثارتي > قولوا أنتم أيه ! كل هه وهه بجي اسولف واطلع بتقولون وش تحس ؟ ولا شئ ! خبقة ظهريه .. والهادي الله
__________________
مُفرّغةٌ مِن كُل شىءٍ إلا مِنكَ ياالله !
|
|
|
| الإشارات المرجعية |
|
|
النمط الأحادي