[راشد الراشد]

السلام عليكم ورحمة الله وبركاتة
إن الحمد لله نحمده ونستعينه ونستغفره ، ونعوذ بالله من شرور أنفسنا ومن سيئات أعمالنا ، من يهده الله فلا مضل له ، ومن يضلل فلا هادي له ، وأشهد أن لا إله إلا الله وحده لا شريك له، وأشهد أن محمدا عبده ورسوله .
امابعد
اسم الشريط:سكرات الموت
اسم الشيخ:إبراهيم الدويش
<p align="center"> <object id="RAOCX" classid="clsid:CFCDAA03-8BE4-11cf-B84B-0020AFBBCCFA" width="288" height="80"> <BR> <param name="SRC" value="http://www.islamway.com/arabic/images/lessons/duwaish/sakarat.rm"><BR> <param name="CONTROLS" value="ALL"><BR> <param name="AUTOSTART" value="TRUE"><BR> <param name="NOLABELS" value="TRUE"><BR> <param name="RESET" value="TRUE"> <BR> <embed src="http://www.islamway.com/arabic/images/lessons/duwaish/sakarat.rm" height="80" controls="Default" autostart="true" console="Clip1"><BR> </object></p><hr size="1"><center><P>

[وحيد الساده]

والله انكم مادري وش اقول لاكن شكلكم كلكم شيبان ماهنا شباب
متى صارت الحرافه والموهبه تخلف يارجال والله من واحد وده يقدر يفحط ويكح
ماعنده ماعند جدتي تهاني:D :D
لكن دورو لاكم برحه وتعلمو التفحيط بعدين كلموني

[الرياض]

اخي الليث
اشكرك على تجاوبك اما بالنسبة للكامري فا انا قلتها صدفة 00 لان اغلب اللي يفحطون ما يفحطون الا بها
وبيني وبينك ترى عناق الصبة ولمبات الكهرب مهوب سهل لان مهوب اي عناق عناق
وتقبل تحياتي

[الرياض]

تكفى يا وحيد السادة لا تسويها تكفى لا لا لا انتبه انتبه انتبه انتبه الصبة الصبة الصبة رح يسار يسار قدام قدام قدام احسن لك 00 انتبه للبزران قدامك عزالله رحنا وطي اوووووووو طع طيع طوع طخ طيخ دبم اسسسسسسسسسسسسس ( نسم الكفر )
قال تعالى ( ولا تلقوا بأيديكم إلى التهلكة )
بس حلوة شيبان 00 تخيلت نفسي عمري (( 70 )) سنة وقاعد ساعة اطالع لوحة المفاتيح عشان اكتب 00 واخر شي بعد ما كتبت صفحة كاملة - بعد ثلاث ساعات - رفعت راسي ابناضر وش كتبت !! واثري ما حولت الكتابة الى العربي 00 عموما بعدها اغمي علي وودوني للاسعاف وقعدنا في الطريق ساعة!! تدرون ليش ؟؟ كان فيه واحد يفحط الله يهديه وبعدين عرفت ان اللي يفحط هو وحيد وحيد وحيد وحيد امه وابوه !!!!!!!!!! يعني لو صدم و مات ما موقف والديه ؟؟؟؟؟؟؟؟ والتعليق لكم يا شيبان ويا شباب ويا شابات حريقة 000

[مجاهد]

أضم صوتي إلى من يرفض التفحيط والمفحطين
فأي وسيلة التفحيط إنه وسيلة إلى الإنتحار الذي صاحبه في النار نعوذ بالله من النار وما غايته هل غايته العزة والإنتصار للإسلام والأخذ بزمام الأمة إلى مايرضي الله عزوجل
فانتبهوا اخواني من أعداء الله الذين يكيدون من خلفكم ويردون أن يوقعوكم
في مصيدة فيعملون في هذه الأمة الأعمال ونحن ننظر لانستطيع أن نعمل شيئا
فالمصائد كثيرة منها (التفحيط ، حظور ومشاهدة المباريات ، القنوات الفضائية ، الأغاني ، ...............) وغير ذلك الكثير
فأنصح وحيد السادة ومن يؤيد موضوعه بالرجوع إلى الحق والإعتراف بالحق فضيلة والمكابرةعنه هي الرذيلة
وصلى الله وسلم على نبينا محمد

أخوكم مجاهد
والسلام

[مجنون بس عاقل]

هلالالالالالالا اخوي وحيد السادة..............لا يهمونك ذولا تراهم ماعندك :D :D احد .......تراي ابمرك لي مرة بالعربجية حقتنا ونروح بالدائري ونفحط ونفحط ونفحط ونفحط وبعد نفحط .........وكمان نفحط .......ايوه وونفحط.......ووووو........بس حبيبي تعال ابيك شوووووووي .......همن ......وش الفايدة..... راس ماله تهج السيارة بي .........ونروح في خبر ...ط...:D :D

ثاااااااني شي تعالوا انتم ياللي رديتم على الرجال ........يا اخوان ارفقوا عليه تراه عادي مهوب الواحد يلعب على نفسه كلنا مرت علينا مثل هالامور.....يعني ما تستهل هالهرج ........

المفروض بما ان وحيد السادة طرح مثل هالموضوع المهم... وبنفس الوقت بين وجهة نظره ....وهذا من حقه ... اننا نتناقش بالموضوع مناقشة هادفة من كل النواحي مثل: الأسباب – مدى عمق الظاهرة وانتشاره- العلاج- الاخطار الناجمة عن ممارسة مثل هالامور.....و ....... و........حتى على الاقل يطلع الواحد بفايدة ويستفيد من اراء اخوانه.

لالالالالالالالا تقولون اييييييه مجنون بس ترا والله اني عاااااااااااااقل جدا(( ومناب افحط ...الا بعض المرات.... بس لايدري ابوي ....))

ودمتم



اخوي جااااااااكم الزاحف ...الله يجزاك خير على هالشريط .........والله يا انا حبيت هالشيخ يا اخي تحس انه يتكلم من قلبه.......يابعد قلبي انت وهو.........اقترح عليك صراحة انك تحط هالوصلة بتوقيعك ...واذا ما عليك كلافة تحط وصلة الحفظ...وجزاك الله كل خير

[الفدائي]

تصدقون يا أحبابي أني لي كم يوم وأنا أشوف الموضوع بس قلت هالمواضيع ما هب لي لا أنا من أهله ، لكن يوم شفت الردود تكثر وصارت 19 رد استغربت وبصراحة حزنت قلت يعني كل أكثر اللي بها المنتدى يحبون وإلا على الأقل يبون التفحيط والله وأنا اللي أرعص الموضوع وأنا حزين إييييههههه وابدا أقرى وأقرى كلام الرجال ويضيق صدري أزود يعني وصلبنا الحال يعني الواحد لا من صار يعرف الشي يفتخر به لكن يفتخر أن واحد يعرفه يعرف لها الشي هذا اللي والله قهر لكن واكمل القران وأقرى الردود واللي والله بدت تنفتح أساريري وأرود ويزود فرحي وأزود لما قريت كل الردود والله وأفرح :D قوه قوه لكن واحد طرح وهو عاقل طريقة النقاش الهادف ونا والله معه على طول الخط بس بدون تفحيط طبعاً يعني نتناقش مثل ما قال وإلا حتسي الشيبان اللي يقولك لا المشكلة تسذى تقوله يا يبه وش دليلك إن المشكلة تسذى يقول لك أنا أبخص تسى الواحد يسكت بس مستحيل أنه أقتنع وكل اللي ردو مشكورين ماشين على الطريقة

واسمحولي لأنه يمكن بالكلام نقل من أحد الردود

لا كن أحاول اناقش من نقاش هادف
الأسباب
1- ضعف الإيمان وعدم التعلق بالله وهذا سبب رئيس لكل معصية.
2- إذا ضعف الإيمان يبدأ الشيطان يعمل ويخطط للإنسان حتى أن الإنسان ينقهر ويزهق من الدنيا ويمل ويضيق خلقه ولا منك سألته كيف حالك؟ قال حالي ما تسر صديق ولا عدو ولا قلت عسى ماشر؟ قال أبد ضيقت صدر وكسل أحس أني مليت من الحياة (تلقاه مايصلي بالمسجد ولا يقرى قرآن).
3- الفارغ_ يبدأ الإنسان يفحط ويلعب ويدور ويخمس ويربع واللي يسمونه سلسلة (وهي والله سلسلة تجره للنار والعياذ بالله) يحاول أنه يرفه عن نفسه ويملى الفارغ وأجزم 100% إنه لاقضى من التفحيط تسأله مستانس يقولك لا (بالفم المليان) .

مدى عمق الظاهرة وانتشارها
الصراحة ها العنصر غني عن الكلام وأنت بالحاره ما تدري إلا وأنت سامع عُعُعُعُعُعُ والتفحيط منتشر بكل مكان وبكل زمان وخاصة أوقات الإختبارات الصبح وبصراحة أنا إذا سمعت ها الصوت وأنا أسوق الصراحة إني اتلفت وأدور وين اللي يفحط علشان أهج عنه على ما قالوا ( ابعد عن الشر وغنيله )

الأخطار الناجمة
ما يخفى على الجميع الأخطار يموت بزر وإلا يصدم سيارة به شخص شايب طايع لله وإلا أبو يحترونه بزرانه وإلا ولد تحتريه أمه على أحر من الجمر وتدعي وقلبه واقف ما يشتغل إلى ما تشوفه وإلا واحد مركب معه ذر من اعياله السيارة به عشرة أنفار أو أكثر ويروحون بشربة ماء وإلا هندي راكب سيكل ما جابه عندك ولا أنذل إلا من الحاجة وإلا عمود كهرب من ها المسدسات وإلا المثمنات اللي ما ينعفطن لو تصدمهن طياره لا تسأل وش يصير بالسواق (وإذا تذكرون السيارة اللي قبل فترة يمكن اسنتين اللي على مخرج اللسيب اللي السيارة منصفطة على الماصورة تسنه ورقة بوسط دفتر وإلا الي على طريق الهدية الكرسيدى البوكس اللي لامنك جيته من قدامه وإلا من جنبة الإيسر ماتدري وش السيارة ما تشوف إلى حديد بحديد) وإذا مات السواق فهو أشد وأشد فهو متسبب لقتل نفسه لأنه - أسأل أي واحد منكم - أيهم أكثر صدم اللي يفحط ويخمس ويربع وما دري وش يسوي بعد وإلا اللي يمشي 80 ويعد نفسه إنه حاطن الطبلون كله؟؟

العلاج
غالباً العلاج ضد الأسباب فأنت أعكس الأسباب يصيرن علاج لا أضيف بعض العلاجات واللي هن ما لهن صيدليات
1- تقوية الإيمان بعمل الواجب أولا ثم السنن والطاعات.
2- طرد الشيطان بالتعوذ منه دائماً وعند ضيقان الصدر يقرأ القرأن.
3- محاولت الإنسان شغل نفسه بمى يرضي الله وهناك الكثير من الجمعيات تحتاج إلى متطوعين.
4- الإتعاض بما عصل للغير.
5- على الآباء الذين يعرفون عن أبنائهم التفحط نزع المفاتيح منهم وعدم تركهم يصولون ويجولون على كيفهم.

أخيراً أقول أحد شاف أحد المشايخ يفحطون؟!؟!؟!؟!
أرجو الزيادة على هذه العناصر من الجميع
تقبلو تحياتي وشكراً لكم

ـــــــــــــــــــــــــــــــــــــــ
أعمل لدارك الباقية

[وحيد الساده]

والله يمكن مايتجمع عند التفحيط الا بعض الي يكتبون هالمحاضرات

[نور الشمس]

ما اقول الا الله يهديك كلها افعال بزران.....





وفعلا الناس في واد وانت في واااااااااااد.

[نور الشمس]

ما اقول الا الله يهديك كلها افعال بزران.....





وفعلا الناس في واد وانت في واااااااااااد.