[همـس الرحيـل]

.
.

السلام عليكم ورحمة الله وبركاته ~

أخبار النفسيات إن شاء الله أن النفسيات أكوس أحد ابد لا تشيلون هم للأختبارات أهم شيء تهيئة النفس للأختبار والهمه والعزيمه والفطاير والورق العنب >>شبكة الأخت شكله مشتهيه ورق عنب << اسمعوا من تقول لا تشيلون هم شكلي انا اولكن الي موب بس بشيل الهم الا بشقله شقل من قوت انه هم [ كان عندك هم لا ترفع تقول يا إله الكون همي كم كبر قلي ياهمي ترى مهما تصول عندنا ربٍ كبير يابشر والبكاء قصه ح... ] أنقطع الصوت ذذ~


يآآآآآويلي ويلالالاه جت الأختبارات وجاء وجع الراس ,انا مادري وش لون نحفظ درزنّ كتب , بشكل الصراحه المفروض يخفون علينا شوي وجاء الدلع من الأهل والوناسه أنواع الضيافه والحركات وكل حاقه , الله متى تجي العطلللله ؟! , قسسم انواع الأكتئاب وضيقة الصدر لجت الأختبارات , صدز انوه بالنهايه نفرح إذا حصدنا << بل عليكم كف 1 اولاه , وش عاد لصار لنا شهر كامل مع الأسبوع ذا نختبر أحس مرارتي أنفجرت من الأختبارات , السنه ذي بشكل انواع الكرف إيه الله يهون علينا أختبار الأخره وش عاد الدنيا ماتسوى شيء << من يتكلم ؟؟! [ الداعيه هموسة ] ,, على طاري الداعيه مادري وراه بعض ناس ما أقصد أحد أنا بعينه أنواع الوشسمه إذا شافتنّ كاتبه موضوع ما يتعلق بالنصح إياآآآ بنت الذينا حصلي مثلي بسس << الأخت شاشت عليه ,, [ن. ا.د]<< حسيت اني اكتب رقم لوحة سياره بس ناقص الرقم موب أسم مرموز أمزح ذذ

<< ورانا خرجنا عن لب الموضوع إيه الله يذكر خالتي بالخير دايم كلمته ذي [ بس تستخدمه بجمله ثانيه خخخخخخخخخخخ] أدري أنكم تتقولون وش جاه ذي تضحك الجمله الي تقوله بلحاله !! ولو حركات خالتي


نرجع للأختبارات التي تمصع التسبد من عروقه وتشد المخ من المخيخ والمخيخ يرجع لأبوه ذاك إيه هو صح صح عليكم الي أخر الرأس ذذ << توهقت مالقت أسم <<

ويصبح الناس نوعين خلال اسبوعين إين إين <<< الدعوى إين أخر الكلمه ذذ واهم شيء الصدى الذي يلي كل حرف [ تحلف أنه واقفه عند الكهف ]

النوع الأول ,,
الا وهو من يصبح حاله رأس على عقب وتنسد لديه الشهيه ويصبح عُصنّ يابسنّ من قوة أنُه يدرس << أهم شيء [التهويل] وأكبر همه الدراسه وتجده ليلاً نهاراً على الكُتب ويحاتي <<قلبت الأخت إمارتيه ذذ أهم شي أنوه يحاتي يعني يزمل للأختبار ...خخخخ إيه يالله يارب أصير تسذا وأكرف كرف بالكتاب وأحفظ ابو ابو الكتاب ومؤلفه ورقم الصفحات وعدد الأسطر << إيه هين بس خلينا أول نفتح الكتاب بنفس طيبه ويصير خير , ولا يقااااالي ادرس آخر الليل لا حطيت راسي قولوا علي السلآلآلآلآم أعجز أقوم والله لو أحط إيش ذذ~المنبه دائماً صوت الأذان الحزين أخر الأيام غيرتوه وحطيت شاميه بس مافاد ما أحس بالمنبه مع انوه فوق راسي بس ما أسمعه بتاتاً البته ما أدري منهو الي يطفيه : ( << لا أصير انا من دون ما أحس



النوع الثاني ,,


الا وهو من تنفتح لديه الشهيه ويأكل كل (ماهب ودب ) مادري وراه ينفق الشيء بالأختبارات من أكل وتنضيف وتصفيف افكار وقلب البيت فوق تحت؛ نرجع للأكل , أذكر انا ما أكل الا وبجنبي كرتون ريبل وإذا دجيت الله يخلي بقالتنا أنواع الوشسمه العصر , ولا بالمدرسه مادري وراه ضرب بالأكل



وراه كل شيء ينفق بالأختبارات ..؟؟!
هل لأنه أنواع السجن والأستقرار التام بالبيت ؟؟
ولا الهروب من هواجيس والخوف من الأختبار المجهول القادم ؟؟ >> شيء طبيعي مجهول

أنواع الزمل والأرتباك والخوف لدرجة أن بعض المعلومات عند الدخول للأمتحان عليهنّ السلام

ولا لجت الورقه طططططططاط وما أدراك ما الورقه ,,


أنواع التأليف والفلسفه
لدرجة ان الأختبار النصف الأول للجغرافيا ,,
قلبت الصفحه وكتبت أكثر من سؤال حفظته ولا جاء وحليتهنّ!
قلت لعلى وعسى تاخذهنّ وتشوف إني دارسه حسافه يروح مذاكرتي
ههههههههههههههههههههههههه صدز اني" وجهي مغسول بمرق"
بالأخير ألهمني ربي أن امسح الي كتبت لا تقعد تقول ذي وش تحس بوه,
الورقه بالأختبارات تصبح خرايط من الأجوبه والأسهم الي تدل على أن بخلف الورقه أجوبه لا حد لها [ بنات ترى أزين شيء انتس ماتقومين الا وأنتِ كاتبه كل الي عندك لا تطلعين وتخلين شيء بخاطرتس همن تنقهرين أكتبي لما باتسر أخذته أخذته الله لا يعوق ]

نصيحه من انا للطالبات أبد خوذو كلامي تراي أخت المصريه أنا < إيه هين مير

لا تقومن ألا وأنتنّ كاتبات كل الي عندكنّ! << علمي نفسك يآ أم العريف



ونصيحتي للمعلمات الغاليات العزيزات الي يشاهدن موضوعي,, << تحلم الأخت قووووه

الله الله بالأسئله السهله [والمفيده] , علشان ندعي لكنّ والله من قلب لطلعنا من اللجنه قسسسسم يآ أدعاء ندعيه لصرنا فرحين يمكن يستجاب على طول لأنه من أعماق القلب

كان الله في عون الجمييييييع يآآآآرب ,, الله لو يمر الشهر ذا بغمضة عين كان أكــه
إيه إن شاء الله باتسر نقول تسذآ <<وحده توسع صدره


وهـ حبيت أفضفض قبل حبس أنفسنا للأختبارات ><! ومنها نضيق أنفسنا أستعداد لها ذذ~ونشارك مع بعض همومنا << أهم شيء همومنا
وبس وسلآمة أعماركم من النار
والله يوفقك الجميع يآآآرب ويسهل علينا ,,


ويالله سلآلآلآلآلآلآم
أن أخطأنا فمن أنفسنا والشيطان وإن أصبنا فمن الله عزوجل ,,

"أستودعكم الله الذي لا تضيع ودائعه ...,,,"