 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
15-06-2010, 07:53 PM
|
#1 |
|
عـضـو
تاريخ التسجيل: Jun 2010
البلد: في عيون القصيم
المشاركات: 42
|
وفضت السعودية من حملة البعثات لخارج المملكه !!!
 وش السالفه بالضبط ؟؟!! السالفه ؟؟ !! وش سالفة هالبعثات الي دخلت كل بيت واخطفت واحد واثنين وثلاث وعوايل وسفرتهم صايرين كنا اندونيسيين على هالترحيل كل وحده تسأل الثانيه متى سفرتك .. والله وانا اطالع قريباتي ماودي احطمهم واقول لهم تذكروني بآني وميرابي .. حتى العوايل المتشدده تفتحت وسفرت عيالها لا جد فهموني السالفه؟؟ !! هل هو بحث عن العلم والا تفكيرا بالوظيفه المستقبليه والا حبا للسفر والا تطلعا للعيش خارجا احيانن احسها خطه لـ ...... مدري والله بس يوم شفت الموظفات حقين الوزاره الي مخهم مخ نمله .. لا اسفه النمله وش زينها تفكر شوي وتبني بيت وتفكر بخوانها وكذا .. اوما ذي ؟؟!! السالفه يااخوان واخوات صارت لنفرتين من العايله بنت عمي نوت تدرس بأمريكا وتخصصها البكالوريوس رياض اطفال اختارت قسم التمويل للماجستير ووضعت حلم وبدأت تبحث وتبني حلمها على هذا القسم قبل سفرتها بكم يوم .. وعشان تطلع قرار الابتعاث جتها الموظفه قالت لها لوسمحتي القسم موب تابع لتخصصك اختاري ياتسويق والا تجاره الكترونية؟؟!! قالت مابي ذولي اختاري ياذا والا ذا مافي غيرهم اختي كذلك تخصصها ادارة سكن (ديكور) وحلمها انها تدرس الهندسة الداخلية  اختارت (هندسة) من باب انه فرع منه طبعا اختي تعشق هالقسم وتحلم دراسته ولديها خبره فيه ورسمت احلاما لهذا القسم النادر يوم جت تطلع قرار ابتعاث قبل اسبوعين من سفرتها جتها الموظفه : لوسمحتي ماعندنا الا شورما دجاج والا لحم .. فلافل ماعندنا !! اختي تقول والله كنها تقول كذا قالو لها اختاري الحين تبين تسويق والا تجاره الكترونية ؟ يالله عشان يطلع لك الموظف عجلي (وراي اتقهوى واسولف مع صديقاتي)  تقول اختي اصبري مابي انا تخصصي كذا .. تقاطعها : اختاري تبين نطلع لك اختاري واحد من هالاثنين  الى متى هذا التخلف .. مادامكم ودكم تطّـورون كملو خيركم وحطو موظفين عندهم عقل يفكرون وشو اختاري هي لعبة والا وجبه والا دراسه سنتين مغتربه ؟؟!!  صح بديرتنا الحبيبه الكثير لم يدرس التخصص الي يحبه بس بعد بالابتعاث تقررون وش التخصص؟؟!! وقسم بالله شي يحوم التسبد تخيلو اهاجر برا السعودية عشان ادرس بالغصب <<سمّـي لا اصبرو تخيلو تهاجرون لديره حلوه تكرفون سنتين قسم ماتبونه؟؟!!  اشوا اني اعرست واشوا اني ماتخرجت  انا اصلا ناوية اتخرج مع وليدي باتسر ادرس معه الديره الي نبيها والتخصص الي نبيه  الاسئلة المسدوحه للنقاش . .عللـ/ـي .. لماذا هالبعثات الي موب صاحية؟! عللـ/ـي بقوة .. ليش عقول الموظفين عندنا بكل متسان مخ مافي !! آخر من قام بالتعديل سمو الرياض; بتاريخ 15-06-2010 الساعة 07:58 PM. |
|
| الإشارات المرجعية |
|
|
النمط الأحادي