[يارب القاء اسم]

اقتباس المشاركة الأساسية كتبها abu hmid أولا أخي أعانك الله على ما أصابك فيه ثأنيا حاول تتواصل مع المرور على الأقل لو وضع مطبات صناعية ثالثا حاول أن تكلم عمدة الحي سوء لوحدك او معك مجموعه من جيرانك رابعا حاول أن تذهب أنت وبعض جيرانك إلى المرور لانك إذا دقيت اللي يرد عليك عسكري بس لما تروح تقابل الضابط يكون الوضع مختلف او بالأصح الأهتمام مختلف خامسا بالنسبه للي يقول وين نروح فيه أكثر من حل وهي كالتالي :- 1- البلدية وضعت لكل حي مضمار ومسطح فأجلس فيه أنت وربعك 2- يأخي أّذا أنت لم تجد مكان تجلس فيه فلا تؤذي المسلمين لانه أثمه عظيم 3- يأخي حاول أنك ترتقي عن الأشياء هذي التي هي والله لحثالة المجتمع 4- أستفد من وقتك الذي سوف تسأل عنه يوم القيامة بقراءة القرآن أو الأحاديث أو كتاب تستفيد منه وتزيد مخزونك الثقافي 5- تخيل لو أنت مكان هؤلاء السكان هل ترضى أن يحصل لك هذا؟ بالطبع لا إذا لاتفعل أمرا أنت لاترضاه لنفسك فعامل الناس كما تحب أن يعاملوك فيه 6- ليس من الرجولة التفحيط ورفع الأغاني بالسيارة وقصات الشعر الغريبة بصراحة فو الله أنها من نقص الشخصية وعدم إكتمال الرجولة الله يهدي شباب المسلمين

يااخوي ماانعين النصب عن الشبـاب ,

ومانعين دخول الشبـاب عن العواائيل , تبي تقول المضمار ,

المضمار للمشي فقط وانت اكيد رحت وشفته الواحد لما يدخل يالله يالله يشوف يده ( لاتصدقون اللحين وماتروحون له )

ومالهم الا التفحيط عشان يسمحون لهم بالنصب وغير النصـب ,

اما قصاات الشعـر وتطويل الاغاني انا معك فيها احنا كلنا شباب ومانرضاء نطول الاغاني واحنا جوء الحي ,

تبي تجيك دعوه من كبير بالسن وانت مو ناااقص ..

ولو تفحط تبي تجيك بس مو مثل انك اطول الاغاني على الجيـران ,

لان اذا فحطت انت تفحط لسبب منع النصـب عنكم يااهل بريده ...

[جيل العشرينات]

فيه طريقة لو طبقها المرور كان ما تشوق لا تفحيط ولا غيره وهي طريقة متبعه في بلاد الغرب وهي : المخالفة الأولى تكون مخالفة عادية تدفع ثمنها عند المرور الثانية يحولك المرور على المحكمة يحكم قاض لماذا فعلت المخالفة الثانية وأنت عندك المخالفة الأولى إن اقتنع القاضي بعذرك سمح لك وإلا أمر بسحب رخصة القيادة منك ولذلك لا يوجد عندهم حوادث ولامخالفات مثلنا والوحد منهم لو يشوف لوحة قف بالبر وقف ولو ما يشوف احد من الخوف ........ فأنا أقول : مجرد ما يصير فيه تحويل القضية على المحكمة سوف تنتهي المخالفات التفحيط وهذا شيء مجرب وموجود ......... عذرا على الإطالة تحياتي للجميع وشكرااااااااااااااااااااااااااا

[صريح جد]

سبب التفحيط ونكون صريحين

هو جلوس بعض اولاد الحي المزايين او المردان وجلوسهم في زوايا الشارع

مما يجعل بعض الشباب من بعض الحارات التجمع في هذا المكان وابراز

مهاراتهم في التفحيط من اجل التعارف على هولا الحلوين وتكوين علاقات

معهم وباقي التفاصيل يعرفونها الشباب

الحل خلو ها المزايين يدخلون بيوتهم والله ما تشوف ولا واحد يفحط

هل تفحيطهم راح يكون حب للمواصير او باقي الشباب التماسيح

[βřM]

ولله ياخوي النصب.النصب.النصب.النصب اعيد وآكرر منع النصب هو اللي جآب المشاكل والدورآن

[GIVENCHY]

اقتباس المشاركة الأساسية كتبها يارب القاء اسم يااخوي ماانعين النصب عن الشبـاب , ومانعين دخول الشبـاب عن العواائيل , تبي تقول المضمار , المضمار للمشي فقط وانت اكيد رحت وشفته الواحد لما يدخل يالله يالله يشوف يده ( لاتصدقون اللحين وماتروحون له ) ومالهم الا التفحيط عشان يسمحون لهم بالنصب وغير النصـب , اما قصاات الشعـر وتطويل الاغاني انا معك فيها احنا كلنا شباب ومانرضاء نطول الاغاني واحنا جوء الحي , تبي تجيك دعوه من كبير بالسن وانت مو ناااقص .. ولو تفحط تبي تجيك بس مو مثل انك اطول الاغاني على الجيـران , لان اذا فحطت انت تفحط لسبب منع النصـب عنكم يااهل بريده ...

درر ماشاء الله عليييك
تكب كب الله لايضرك

[ღ.. متآبع بصمت ..ღ]

اقتباس المشاركة الأساسية كتبها دنيا السراب اخي الكريم فيه مثل شعبي يقال (طبخ طبختيه يالرفلا كوليـه ) وهذا المثل ينطبق تماماً على المرور ومسؤلينه فهم بتضيقهم وخناقهم العنجهي ضـد الشباب ومنع النصب والجلوس بالمسطحات الخضراء جعل من الشباب الاصرار على تصرفات كانت غائبة نوعاً ما عنا مثل // التفحيط والمواكب ولكن بعد هذا التضييق بدات تضهر لنا مثل هذه المشاكل شيئاً فشئ والبلاوي آتيـــــــه بالطريق ان لم يحتووا طاقـة الشباب يقول الشيـخ // نيــــــوتـــــن (لكل فعل ردة فعل "مساوية" له في المقدار و"معاكسة" له في الاتجاه)

الي كنت ابقوله قاله سراب..

>>>بعدين لاتصدقهم إذا دقيت عليهم ..لأن وقت التفحيط أكثر شيء
يكون وقت التسليم ..ووقت التسليم ماراح احد يتبرع ويقعد بوقت زيادة عن
الوقت المحدد له ..



تحياتي لك..

[ابو عادل 222]

اقتباس صريح جد سبب التفحيط ونكون صريحين هو جلوس بعض اولاد الحي المزايين او المردان وجلوسهم في زوايا الشارع مما يجعل بعض الشباب من بعض الحارات التجمع في هذا المكان وابراز مهاراتهم في التفحيط من اجل التعارف على هولا الحلوين وتكوين علاقات معهم وباقي التفاصيل يعرفونها الشباب الحل خلو ها المزايين يدخلون بيوتهم والله ما تشوف ولا واحد يفحط هل تفحيطهم راح يكون حب للمواصير او باقي الشباب التماسيح

ابصراحه اسمك علئ مسمئ صريح جداا
ههههههههههههههههههه
اقول ياليت الحلوين وبس
قسم بالله لأفجر الهلي علشانهم

[ابو عادل 222]

اقتباس المشاركة الأساسية كتبها جيل العشرينات فيه طريقة لو طبقها المرور كان ما تشوق لا تفحيط ولا غيره وهي طريقة متبعه في بلاد الغرب وهي : المخالفة الأولى تكون مخالفة عادية تدفع ثمنها عند المرور الثانية يحولك المرور على المحكمة يحكم قاض لماذا فعلت المخالفة الثانية وأنت عندك المخالفة الأولى إن اقتنع القاضي بعذرك سمح لك وإلا أمر بسحب رخصة القيادة منك ولذلك لا يوجد عندهم حوادث ولامخالفات مثلنا والوحد منهم لو يشوف لوحة قف بالبر وقف ولو ما يشوف احد من الخوف ........ فأنا أقول : مجرد ما يصير فيه تحويل القضية على المحكمة سوف تنتهي المخالفات التفحيط وهذا شيء مجرب وموجود ......... عذرا على الإطالة تحياتي للجميع وشكرااااااااااااااااااااااااااا

ياخلفهم انت
فيه شي اسمه
(و)(ا)(س)(ط)(هـ)بالعربي واسطه
ياقلبي انت تبي اجل المحكمه هاهـ تبي اشوفك انا وافحط لعيونك

[صريح جد]

اقتباس المشاركة الأساسية كتبها ابو عادل 222 ابصراحه اسمك علئ مسمئ صريح جداا ههههههههههههههههههه اقول ياليت الحلوين وبس قسم بالله لأفجر الهلي علشانهم

ابو عادل هههههاااااي

فيه شي غير الحلوين ما نعرفه حنا

اشوني منب هلي عندك ولا كان فجرتني تفجير يا ابو عادل هههااااااي

[حنين الصمت]

تسلم أناملك والله انك صادق والله متعذبين عذاب ما يعلم فيه الا ربي

والله في ايام الامتحانات يزيد التفحيط بحاجة مو طبيعية تعال شوف الشارع الفاصل بين الزراعي والبشر

حركات جنونية وندق على الدوريات يجون ومانقعد ساعة الا راجعين ليه ما يحطون امن سري في مثل هاذي الأماكن

لكن ما نقول الا الشكوى لله والله يهديهم

[جيل العشرينات]

اقتباس المشاركة الأساسية كتبها ابو عادل 222 ياخلفهم انت فيه شي اسمه (و)(ا)(س)(ط)(هـ)بالعربي واسطه ياقلبي انت تبي اجل المحكمه هاهـ تبي اشوفك انا وافحط لعيونك

بلاك يا عمري ما جربت استدعاء المحاكم عساك ما تجربه
ترى قطع الرووس اللي بالجردة طالع من المحاكم ما ينفع فيه واسطة
على ما قال واحد كل خوفنا من تقسيم ميم !!!!! في تاريخ جيم ههههههههههههههه

[عبير&فهد]

صح كلامك .. شفنا التفحيط وسمعنا ..
لكن والله خايفين عليهم حنا بس ..
والمرور وش تبي يسوون اكثر من هالتعقيد والله قرفوهم عيشتهم حررررررام مساكين وين يروحون .. وانت مريت بنفس مرحلتهم ولابد انك سويت مثلهم واكثر
والحين جالس ببيتك >> وطاح اللي في راسك ..
وبعدين لا تناظر لهم على انهم كبرك ... توهم صغيرين ..
اصبر عليهم مثل اللي صبرو عليك <<هههه

[ام عزوز]

قديمه قولت التفحيط لا ابشرك الحين طافين بسرقه وبكثره بهذا الحي وانحن احد هذه المنازل

منزل جارنا وكل اللي حولنا يومين فقط

ب
سبب كثره هالمبزره اللي مايدرون وين يرحون

حطولو لهم مكان يمسكهم ماغير دوران والا تفحيط

[برووكي]

هاذا كلام الاخ ..ابو عادل 222


__--__--__--__--__--



طيب انت شاب اين تذهب؟
شارع النهضه الثيل ممنوع الجلوس(زينه محطوط)
الـــــــــــــــــنــــــــــصــــــب((ممنوع))
حدائق(عوائل)
يعني وين نذهب قولي انت وين نذهب؟الاستراحات ملينها وربي ملينا
يعني قولي مكان نروح له وابشر ؟


الله لايضيق علينا قضت المحلات وتقعد في ثيل شارع النهضه ..
ولا وبعد تبي تنصب السياره تضيق على العالم الى في الطريق
عذرا اخي اجل الحدائق كلها عوائل .. فيه حدائق شباب كانك تبغى نذكر اسامى الاحدائق ماعندي ماانع ..
اقولك مكان وتقعد فيه ..؟

اقعد في بيتكم ..

برووكي