[عــرووب]

موكل البنات سوا

انا ابوي زاد على مهري الزواج كان منه الله يطول بعمره
واللي اعرفهم المهر يروح لتجهيزها وساعات مايغطي

[أحلى صبية]

الحين الــ 50 ماتسوي شي عاد وشلون 35 تبي تسلف لحد ماتقول الليله العيد,,,

50 ويالله يالله تمشي الحال وتغطي مع الهدايا اللي تجي العروس,,,

[راقيه باخلاقي]

بالعكس الأهل يزيدون مهر البنت وعساه تقدر تكمل أغراضه
الدنيا غاليه ومع الزيادات عليه تتزوج وهي ماكملت كل شيء
لاتحسب ال35 او ال40 كثيره وتشاوف انه تملأ البيت أغراض
عساه تكفيه وماتطلب منك زياده

[بودرة نونو]

اقتباس المشاركة الأساسية كتبها أبوسياف امركم غريب كلكم ناقشتو الموضوع من دون ماتفهمونه الرجال قصده وين حقي من التكشخ واللبس والقصد انها تشتري لها لبس وغيره حتى ماتقعد اللبسه عليه اسبوع فهمتو قصده زين وهذا الواقع اللي حاصل الان البنت تفسفس مهرها فسفسه وتتجهز بشي بسيط ولاجت عند زوجها شهرين بالكثير وتبي السوق والا الرجال ماقصد انه تشتريله من مهرها لا لكنه يبي يشوف البنت تحفه تملى عينه وباليوم تلبس اكثر من لبسه تقبلو مروري

اعتقد ان الفطرة الطبيعية للمراءة انها تلبس وتتكشخ وتبدل الملابس !

ولا اعتقد ان في عروس ما تتلبس وتصير تحفة وتحاول ترضي زوجها !!

وتلبس باليوم اكثر من لبس ... لا توصي حريص بس الله يصبرها على سنوات مديدة وقرون عديدة وهي تشوف زوجها بالزي المنزلي الرسمي للرجل السعودي السروال والفانيلة!





اعتقد ان كاتب الموضوع واضح كلامه هو منقهر من ان زوجته عطت اخوانه ويرى ان له حق في هالمهر !


اما من جهة المفترض انها ماتلعب بالفلوس وتضيعهم هو صح المفترض بس ياكثر المفترض والمفترض والمفترض بس الواقع غييير .. ولو كل مفترض صار واقع كان حنا بعالم افلاطوني ..
لكن المفترض والواقع ان المهر حق للزوجة والزوج ماله اي حق فيه

[الهاديو]

والله انا الي اكلتها

طلبو مني مهر فوق الــ 50

ورحت لمساعده الشباب على الزواج

قالو لازم يكون المهر تحت الـ 50 الف

قلت لهم انا المهر فوق الخمسين قالو للاسف ماتنطبق عليك الشروط

[غنوجة نجد]

والله اللي اشوفه انا الاهل يزودون اضعاف المهر ,, واذا اعطت اهلها فهو كرم منها خاصه اللي تعب معها بتجهيز وهذا من عاداتنا ,بنسبه لي ,, مدري عن الناس ’’
والحين 40 الف ماتسوي شي كلش غاااااااالي ,,, زيد المهر وابشر ...

[داعيه بس داهيه]

والله البلاء
بزوجتك ماعندها تنسيق وذوق
حتى ماعرفت تختار؟؟؟؟؟؟؟
مستكثر 35الف ياخي منذو بضع سنوات ماكفت خمسين والوالد ماقصر وزاد
عليهن الله يخلف علينا وعليك
الله المستعااااااااااان بس,,,,,,,,,

[...flbynoo...]

اقتباس المشاركة الأساسية كتبها الهاديو والله انا الي اكلتها طلبو مني مهر فوق الــ 50 ورحت لمساعده الشباب على الزواج قالو لازم يكون المهر تحت الـ 50 الف قلت لهم انا المهر فوق الخمسين قالو للاسف ماتنطبق عليك الشروط

طلبوو منك

والله ناس غريبه كييف يطلبون...انا اذكر يرجعون شوي من المهر


اختي مهرها سبعين ألف..راح الوالد رجع عشرين يقول كثيير واكيد الرجل محتاجهن


الله يوفقهم ويوفق جميع المتزوجين وغير المتزوجين

[الـصـمـصـام]

اقتباس المشاركة الأساسية كتبها ...flbynoo... طلبوو منك والله ناس غريبه كييف يطلبون...انا اذكر يرجعون شوي من المهر اختي مهرها سبعين ألف..راح الوالد رجع عشرين يقول كثيير واكيد الرجل محتاجهن الله يوفقهم ويوفق جميع المتزوجين وغير المتزوجين

أنعم و أكرم بمن يفعل مثل هذا ، و ينظر مثل هذه النظرة .. و البركة تأتي من هنا ..
فلا مهر قليل يُستهان به ، ولا كثير لا يُقدر عليه ..

[الهاديو]

اقتباس المشاركة الأساسية كتبها ...flbynoo... طلبوو منك والله ناس غريبه كييف يطلبون...انا اذكر يرجعون شوي من المهر اختي مهرها سبعين ألف..راح الوالد رجع عشرين يقول كثيير واكيد الرجل محتاجهن الله يوفقهم ويوفق جميع المتزوجين وغير المتزوجين

يالليت ابوها من ابوك

بس

خليه يسئلني ابوها ويقول متى عرس

اقوله بعد سنتين تراك طالب 60 صعب اجمعهم

لو 40 كان العرس قريب


بس صراحه ابوها رفض يفن ( ييقول المهر )

لكن اخواني اجبروها وقالو حنا راضين ؛<< وهقوني اخواني

[loquacious]

اقتباس المشاركة الأساسية كتبها الهاديو يالليت ابوها من ابوك بس خليه يسئلني ابوها ويقول متى عرس اقوله بعد سنتين تراك طالب 60 صعب اجمعهم لو 40 كان العرس قريب بس صراحه ابوها رفض يفن ( ييقول المهر ) لكن اخواني اجبروها وقالو حنا راضين ؛<< وهقوني اخواني

الحين زواجك بعد سنتين والشبكة مشتريها وخالص ؟؟

ليه ماحكيتوا بالمهر من كل الطرفين ! حرام يطلب مهر وقدره كذا على امكانيات شاب راتبه كذا !!

المفروض يكون فيه ازدواجية لدى الآباء الذين يحددون المهر , بين التحديد وراتب الشاب ..

ولابد من التييسير في كل الحالات ..

اللهم وفق شباب المسلمين ويسر لهم أمرهم ,,

[•°انكسار الأماني°•]

اقتباس المشاركة الأساسية كتبها تيجان اخي احمد ربك انت دافع 35 الف وعندنا 70 الف والقصر عليه والطقاقات والعشاء ذبايح 10 وحاشي والبوفيه والبخور والشبكه وشهر العسل وسيارة لبوها ولا يشتكون ابد اما جهازها قليل او كثير عيب عليك تفكر بمبلغ طلع من جيبك لوحدة بتعيش معك الحياة الله لايفرقكم والرجال كريم يكون اهم شي يسعد زوجته لنها اذا سعدتها بتشغل صوبعها 10 شمع على قولت المصاريه واخيرا الله يرزقك ويوفقك معها ابتسم الحياة فيها اشياء كثيرة تستحق الاهتمام اكثر من مبلغ راح

أجل سيارة لأبوها طيب مايكملون خيرهم ويبنون له بيت .
الله يعين بس على هالبهارات , والله إن كثرتها تحمي الكبد .

..

[جاسم ..]

تـرا سالفه المهر , ناس عن ناس تطلب ,

انا اعرف لكم عاائله ياخذون مهر 30 الف والرجال ماعليه قاااصر ,

واعرف لكم بعد عاائله يجي الرجال ياخذها من بيتها بدون عرس ولا ازعااج ,

احنا اللي ياشبـاب لما نشوف هالقلق والازعاج ,

والله بعض اللحين ادخل محلات تجااريه ,

واشوف كم سعر الثـلاجه , الثلاجه بروحها ربع المهر قيمتها 2000 ريـال ,

لا غير المطبخ كاامل بـ 5 ولا بـ 10 , غير الاثاث اللي بالصاله بس يمكن يجي سعره 5 الي 7 ,

لا وبعد غرفه النـوم اقل شي تلقاء بـ 10 اذا كان حلو , والبيت اللي تبي تستئجره كم سعره واللي يعين اللي يبي يتزوجون وياخذون بيت ,

اما اللي يبي يسكن عنده اهله هذا يبي يقدم مهر 40 او 50 ,

الله يعيــن ع الدنيــا كل ماكبرنا يجينا هم اكثر ومادري هالاهم يروح منا بعدين ولا لا ...

[صمت النار]

اقتباس المشاركة الأساسية كتبها •°انكسار الأماني°• أجل سيارة لأبوها طيب مايكملون خيرهم ويبنون له بيت . الله يعين بس على هالبهارات , والله إن كثرتها تحمي الكبد . ..

لا اختي

مثل هذا موجود وقد يكون قليل في وقتنا الحالي ,, لكنه فعلاً قد حصل

أذكر أحدهم يحكي لي عن زواجه من الزوجة الثانية وأنه دفع مهر وقدره ودفع لوالدتها ووالدها ..!!
تعجبت وقلت : حشااا شكلك خسرت ودفعت اللي قدامك واللي وراك
فقال : بالعكس هذا الزواج ربحت منه , فبسببه إشتريت ارض
قلت : صار الموضوع تجارة مو زواج وشلون شريت أرض
فقال : من خلال ماجمعته من العانيات , فهذا قدم لي مبلغ وقدره وهذا مبلغ وقدره ووووالخ