[طاير بليا جناح]

نعم إذا شافوا تغيير في سلوكي ومكالماتي السرية والرسائل التي تخلي الواحد تتغير ألوان وجهه

وش اللي يخليني خايف ولا أبي أنهم يشوفونه إلا إذا كان فيه شي أخاف يشوفونه يعني ( غلط )


إذا كنت واثق من نفسي ولا فيه شي غلط خليهم يشوفونه مره مرتين ثلاث بعدين ما راح يفكرون يطلعون على جوالي مره ثانيه لأنهم فتشو وما حصلوا شي قبل

[1212]

اقتباس المشاركة الأساسية كتبها القرقر يارجااااااااااااااال لو تفتش بعض جوالات أهلنا تلقا هواااايل لكن الله يهدي الجميع

اكره هـــــــــــــــذا النوع من الرجال الله يكفينا شركم بس

[الخييال]

اقتباس المشاركة الأساسية كتبها ودي اكون انا اشوف انه فيه فرق بين الولد والبنت مثلا اذا بنتي معها جوال اتوقع لازم اطلع عليه موب بصيغة التفتيش يعني مثلا اقولها ابي اشوف جوالك ابي اذا عندك رسايل حلوه او ابشوف مقاطع الي عندك واتوقع البنات عادي امهم تشوف جوالاتهم وبنسبه للاولاد فيه فرق عندك اذا كان عمره فوق ال15مستحيل افتش جواله لانه كبر وصعبه افتش جواله لانه يعد نفسه رجل ومايسمح لاحد يفتش جواله والولد غير البنت وانا هذا رايي

أؤيد هذا الرأي ،،

[بنت الهاشمي]

اعتبرة من الخصوصية لايجب الاطلاع علية
الابرضاه
اما التفتيش اعتبرة تجسس وهذالايرضي الله

اقتباس انا اشوف انه فيه فرق بين الولد والبنت مثلا اذا بنتي معها جوال اتوقع لازم اطلع عليه موب بصيغة التفتيش يعني مثلا اقولها ابي اشوف جوالك ابي اذا عندك رسايل حلوه او ابشوف مقاطع الي عندك واتوقع البنات عادي امهم تشوف جوالاته

اقول ماخربنا الا الفرق بين الولد والبنت هذا وانتي بنت تقولين كذا
لاتقولين العادات صراحه ماخرب العيال والبنات الا العادات ماانزل الله بها من سلطان
لوكل والدين اتبعوا
التربيه الصحيحه وزرع الخوف من الله اينما كانوا اولادهم
كان ماصار اللي يصير من البلاوي الواحد لاشيب بدوا اهلوه يخافون عليه
والسبب بسيط بالاصل مافي تربيه لوفعلن ربوا كانو حصدو حصاد حسن يرضي الله ورسوله
ومايخافوه عليه لويروح ان شاءالله للصين لكن للاسف مافي تربيه الامن رحم الله

[@المقيد@]

والله احد يقربله .... ياااويله


مااافيه الا تهديد .... امزح..

بس الجواال لماا يكون عندهم ويتصل علي احد مااايردون لووو يحترق الجوااال من الاتصال ...

كذاا الخصوووصية حلوووه ,,,,,,

مستحيل جداااا يفتشوون جوااالي ....

[ـالتُفاحة الورديّة]

انا جوالي اربع وعشرين ساعه مجدوع بين اهلي

وانا لي خمس سنين وانا معي جوال لذلك راحت طفة الرسايل وجوالي مافيه ولا رساله

واللي يبي يناظره ويكلم فيه عادي ماعمري منعت احد

[الـعـابـر]

المشكلة بأستخدامك كلمة ( تفتيش )
لو قلنا تصفح او التفرج لما كان هناك مشكلة
سؤال ...
هل ترضى بأن اهلك يفتشون جوالك ؟ اكيد الاجابة بـ لا
لكن
هل ترضى بأن يتصفح احد اهلك او يتفرج على محتويات جوالك ؟ الاغلب أن السليم ستكون إجابته بـ نعم

[ahoak2002]

يجب أن يعرف الجميع إن الأهل هم من يخاف على أولادهم ويجب أن تكون الثقة فوق كل شيء وتفتيش الجولات وغيرها من الأمور المتاحة يجب أن تكون عادية فلماذا نخفي أنا أخذ جوال أختي ولا أحس فيها شيء فالوضع عادي كثيراً
تحياتي لك

[أبو رُبـــــى]

أعتقد أن حظر الجوال عن الأهل إنما هو خوفاً من الإطلاع على ما بداخله !!

بمعنى لو كان جوالي لايحمل أي شيء مخل فما المانع من جعلهم يتصفحونة حرفاً حرفاً ..؟؟ !!

[خلفان]

اقتباس المشاركة الأساسية كتبها ملامح حالمة اعتبرة من الخصوصية لايجب الاطلاع علية الابرضاه اما التفتيش اعتبرة تجسس وهذالايرضي الله اقول ماخربنا الا الفرق بين الولد والبنت هذا وانتي بنت تقولين كذا لاتقولين العادات صراحه ماخرب العيال والبنات الا العادات ماانزل الله بها من سلطان لوكل والدين اتبعوا التربيه الصحيحه وزرع الخوف من الله اينما كانوا اولادهم كان ماصار اللي يصير من البلاوي الواحد لاشيب بدوا اهلوه يخافون عليه والسبب بسيط بالاصل مافي تربيه لوفعلن ربوا كانو حصدو حصاد حسن يرضي الله ورسوله ومايخافوه عليه لويروح ان شاءالله للصين لكن للاسف مافي تربيه الامن رحم الله

صحيح والله هذي نقطة مهممة جداً

تربية الاهل وزرع الخوف من الله منذ الصغر مهمة جداً لأبعد الحدود

ليت الاخوة هنا يلتفتون إلى هذه

[Bleeder]

اقتباس المشاركة الأساسية كتبها أبو رُبـــــى أعتقد أن حظر الجوال عن الأهل إنما هو خوفاً من الإطلاع على ما بداخله !! بمعنى لو كان جوالي لايحمل أي شيء مخل فما المانع من جعلهم يتصفحونة حرفاً حرفاً ..؟؟ !!

ليس من الضروري أن كل من يخفي جواله عن اعين أهله مشكوك بأمرة ..
ربما كانت عنده صور خاصه لبعض أصدقائه أو صوراً شخصية أو رسائل لا يريد أن يطّلع عليها أحد ..
ليس لشناعتها ولكن خجله من السخرية ، كأن تسخر به أخته أو أخوة أو غيرة ..
وهكذا من الأسباب المعقوله ..!
وبعدين ياعمّي اللي يخفي جواله عشانه به بلا هذي قديمه بالحيل ، الأن فيه برامج إخفاء وأشياء تعينك ستر ماعندك من البلاوي !



بالنسبة لي جوالي مفتوح على مصراعيه ..

[رهام الرس]

لا والله مارضى احد من الاهل يفتش جوالي خير يااطير

[أحلى صبية]

داآاآآائما تفرقون بين البنت والولد الولد عادي يمسك جوال اخته

ويتصفح على كيفه بس خلي أخته تمر من عند جواله ولا تقول من اللي بالخلفيه

ان يفحط عليه,,,

مو لهادرجه العيال عندهم خصوصيه حنا بعد خصوصيات واللي واثق من أهله

وخواته مايحتاج يفتش ويدور الا اذا كان الشخص نفسه مجرب فكما تدين تدان,,,

والحمدلله على نعمه العقل اللي ميز الله خلقه به,,,والله يحفظ لي اخواآاآاآني,,

[الزاحف المتهور]

شف ياخي انا والله اقوووول انه فيه فرق بين البنت والولد البنت : البنت هي تروح تصور صديقاته بالعباية طبعاً وتسجيل صوت واستهبال انا اقول الصدق يعني انا وابوي وامي وثقين باختي وامي وابوي وثقين فيني وانا ليش ما بي اهلي ياخذون جوالي بالطقاق انا معي خطين زين ومبايلي واحد e51وn86 واحد بهاذا وبهاذا امي اذا راحت لم العروس ولا الملاهي اسكان تاخذ جوالي وانا اخذ جواله يعني عادي والله يا ناس انكم تكبروون المسئلة انا اعتب الي يفتش الجوال او الابتوب معقد والله يعينه انا بجوالي فيه الحارس الذكي وعادي وشفيها بس اصبر لا يروووح فهمك بعيد الحارس الذكي فية صوري صور اختي الصغيرة صور اخواني وصور القعدة الصغير وانا بصف ثاني متوسط والله ومعي سيارة واشتغل يعني ابوي معتمد علي بعد عينة ان شاء الله ما يجي هذا اليوم وانا ماسك الشغل لبوي والله يعني لو يشوفن احد يحطن بالثانوي لاكن فيه بعض ناس ما يسووون مثل ما يسوي ابوي لي انا وانا اسوي لخوي الي بسادس وهكذا لمان كل واحد يوخر الشك عنه معليش سوري طولت عليكم واقووول الله يعين ( المعقد المتشدد )ياخي فلها وربك يحلها تحياتي ( الزاحف المتهور )