[أبوغسان]

لن أقول عن موضوعك أشغلتنا بالموذي كما تقولي عن مواضيعي
لكن سأجيب لعيون الموذي لعل الله أن يطرح الفائدة فيما أقول :

يجب ان نعلم أن في علم النفس مايسمى بطفل فرط الحركه
حركته فوق المعدل الطبيعي فهذا يجب ان يكون له معامله خاصه
في البيت وخارج البيت كا السوبر ماركت 0
مثلاً في البيت يجب أن يختار له العاب خاصه بحيث لايكون له لعب
كما الأطفال الأخرين بل هناك لعب تفرغ من طاقته ويبلش فيها
وتنمي ذكاءه مثل الالعاب المتوفره عند التعليم المبكر وتويز آر أص
وفي التعامل يجب ان لايتعرض لعنف
وفي السوبر ماركت اجعليه يشاركك بالتسوق
مثلا قولي له يالله دور معي عليه المكرونه أو دور معي بسكويت كذا
واشغليه وهو يكون مبسوط وترتاحي من ازعاجه داخل السوبر ماركت
واعتقد أن ام الموذي لها دور في عنف الموذي لأنك استخدمتي العنف معه
كالكي وأكيد سبق عض وقبص وكف 000 الخ
وهذا العنف معه يزيده عنفاً لأنه يحس ان العالم المحيطه به عنف بعنف
فيحاول يجاري هذا العنف بعنف 0
فابتعدي عن العنف لأن الطفل في الصغر يرسم شخصيته للكبر
وكيلا يكون عنيف مع الاخرين مستقبلاً في المدرسة والحارة ومن حوله
لذا استخدمي الحرمان معه بحيث يكون الحرمان من أشياء يحبها
فا اذا غلط فأحرميه من احب الالعاب إليه ولاتضعفي عندما يبكي
وكثير من الأمهات تجعل الطفل عنادياً بتعاملها معه
بحيث تحرمه من شي عقابا له واذا بكى وخرب وفعل وفعل
ترضخ لمطلبه وتعططيه مايريد وبهذا يفهم الطفل ان بكاءه
وشقاوته وسيله لتحقيق مطلبه فيبدأ في البكاء للحصول على مايريد 00
وبالاخير اكثري من الدعاء والصدقة بنيه الشفاء
واكثري من الأوراد اليومية عليه
واحذري من ضربه او تعنيفه وبالاخص امام الأخرين
ولاتدعي عليه 0
واستخدمي المكافاءه بحيث أي سلوك ايجابي كافئية بشكولاته
ولاتكثري من المكافئة كيلا يترسخ بذهنه ان كل سلوك ايجابي لازم يكافأ عليه
دون ان يكون من قناعه نفسه 00

والله يصلحه ويحفظه ويتربى بعزكم

[نجديــــة]

اقتباس المشاركة الأساسية كتبها ام الموذي اي والله اسولف عليه بس مب دايم.وقت الحدث بس يعني لاطلع مع ابوه لبقاله او شي ورجع ابداء اقوله وين رحتو ووش شريت وياسلام وراك ماجبتلي مادري هذي سواليف والا تحقيق

عزيزتي .. هذه ليست سواليف!
وإن كانت سواليف فمدتها خمس دقائق
إن طالت !

ابنك الموذي يريد لفت انتباهك فقط
ليتحدث إليك , لديه اسئلة كثر بحجم
هذا الكون , من تريدين أن يجيب على
اسئلته إذا كانا والداه مشغولان عنه !


هذا كل مافي الأمر

[لوليتآ]

ان شاء الله صلاح له ..

دايم يقولنه العجز لطفل الشقي يصير صلاح له إذا كبر..



وطولي بالك عليه وبردي على اعصابك ودايم اقري وردك عليك وعليه

[متصفحة]

اقتباس المشاركة الأساسية كتبها ام الموذي هو على شطانته بس فيه حاجات زينه. مثلا لابغى شيء عند الناس مايطب وياخذ.لا يجي يقولي ماما ابي من هذا. واذا قلت له انا زعلانه يجي يحب راسي ويقول اسف بس مسرع ملتطير بلهوى هالاسف

ياآآآآآاقلبي هو ..

اقتباس المشاركة الأساسية كتبها ام الموذي وجبت له ياحبيلك تركيبه كبيره اقوله سوي سياره وفكه بس طف به اسبوع وتركه والا اللعب ماعمري لعبت معه لا انا ولا ابوه

معناااه أنه يحب اللعب ..

المفروض ماتخليه يمل من اللعبه ..

يعني مثلا خلي عندك خمس العاب .. وبالتناوب كل يومين نزلي لعبه جديده له

وفيه تراب يباع عند التعليم المرح > أو كذا أسمه مادري , المهم هذا التراب صحي جدًا

يعني لو يبلع منه ماراح يضره .. أشتريه له مع لعبه ثانيه تساعده على تطوير المهارات

ومثل ماقلت لك .. الجهاز المكتبي حلو للي بالعمر هذا مع سيديات التعليم

وإذا شغلها راح ينبسط لأنه كل مرة راح تقوله يابطل , ياعسل , وهكذا

أعتذر عن الإطالة ..

وإذا عندك علاج أو وصفة للطفل هااااااااادي مرة ولا يتحرك قوليلي .. : )

[•ღ عــذب السجايا ღ•]

أكثر شي يأثر على نفسية الطفل الضرب وخاصه من الوالدين
ياقلبي تراى الضرب مايجوز اللى اذا تم سبع سنوات
عودي نفسك انك ماتضربين اولادك اكتفي بالنظرات الحاره
او ضربه خفيفه مع اليد مع كلمة خطأ

ابسئلك كم سؤال

ولدك عنيد؟
كم عمر اخوه اللي اصغر منه وشلون تعامله معه؟ وانتم وشلون تعاملون اخوه؟
وش اكثر شي تحسينه يلفت انتباهه ويحبه من اللعاب؟
يناظر التلفزيون؟ وش اكثر شي يحب يناظره؟
أذا طلعتي من البيت من الاطفال اللي يلعب معهم بنات أوعيال يحب يلعب مع اللي اكبر منه او اصغرمنه؟
منتظم بأكله ونومه؟
راعي تقليد؟
يتكلم يعني كلامه واضح ومفهوم ؟
اذا تكلمتي معه يعطيك وجه ويجاوب عليك؟
من يحب اكثر انتي او ابوه ؟ ومن اللي يخاف منه؟

مستحيل يصير ولدك هادئ الا اذا تم اربع اوخمس سنوات لان الفتره يكون الطفل كثير الحركه ويحب يكتشف
انتي جالسه تهوشين وتضربين وهو بذات نفسه يحس انه ماسوى شي لانه يبي يكتشف ويحب يستطلع
يخاف بس اذا سمع صوتك اوشافك لانه اذا جاء يخرب مايفكر اللا بالي قدمه لان تفكيره محدود

ياعمري لايضيق صدرك تراى ولدك باين عليه ذكي ماشاء الله
وصدقين راح يريحك بعدين اذا كبر
لذالك لاتقسياً عليه تراى راح يتأثر نفسياً وانتي بتصرفاتك تزيدينه حركه وتسببياً له توتر وخوف

إذا جاوبتي على اسألتي ان شاء الله اقدر افديك بتخفيف حركته

[ام الزلمات]

اقتباس المشاركة الأساسية كتبها متصفحة ياآآآآآاقلبي هو .. معناااه أنه يحب اللعب .. المفروض ماتخليه يمل من اللعبه .. يعني مثلا خلي عندك خمس العاب .. وبالتناوب كل يومين نزلي لعبه جديده له وفيه تراب يباع عند التعليم المرح > أو كذا أسمه مادري , المهم هذا التراب صحي جدًا يعني لو يبلع منه ماراح يضره .. أشتريه له مع لعبه ثانيه تساعده على تطوير المهارات ومثل ماقلت لك .. الجهاز المكتبي حلو للي بالعمر هذا مع سيديات التعليم وإذا شغلها راح ينبسط لأنه كل مرة راح تقوله يابطل , ياعسل , وهكذا أعتذر عن الإطالة .. وإذا عندك علاج أو وصفة للطفل هااااااااادي مرة ولا يتحرك قوليلي .. : )

شرايتس تبادلينن بهالهادي.ماشاء الله

[ام اشواق]

الله يعينتس ياوخيتي

زييييييين حللت اخوي عباااادي

ميرمااقول الا الله يهبطوه باسمه

[ام الزلمات]

اقتباس المشاركة الأساسية كتبها •ღ عــذب السجايا ღ• أكثر شي يأثر على نفسية الطفل الضرب وخاصه من الوالدين ياقلبي تراى الضرب مايجوز اللى اذا تم سبع سنوات عودي نفسك انك ماتضربين اولادك اكتفي بالنظرات الحاره او ضربه خفيفه مع اليد مع كلمة خطأ ابسئلك كم سؤال ولدك عنيد؟ كم عمر اخوه اللي اصغر منه وشلون تعامله معه؟ وانتم وشلون تعاملون اخوه؟ وش اكثر شي تحسينه يلفت انتباهه ويحبه من اللعاب؟ يناظر التلفزيون؟ وش اكثر شي يحب يناظره؟ أذا طلعتي من البيت من الاطفال اللي يلعب معهم بنات أوعيال يحب يلعب مع اللي اكبر منه او اصغرمنه؟ منتظم بأكله ونومه؟ راعي تقليد؟ يتكلم يعني كلامه واضح ومفهوم ؟ اذا تكلمتي معه يعطيك وجه ويجاوب عليك؟ من يحب اكثر انتي او ابوه ؟ ومن اللي يخاف منه؟ مستحيل يصير ولدك هادئ الا اذا تم اربع اوخمس سنوات لان الفتره يكون الطفل كثير الحركه ويحب يكتشف انتي جالسه تهوشين وتضربين وهو بذات نفسه يحس انه ماسوى شي لانه يبي يكتشف ويحب يستطلع يخاف بس اذا سمع صوتك اوشافك لانه اذا جاء يخرب مايفكر اللا بالي قدمه لان تفكيره محدود ياعمري لايضيق صدرك تراى ولدك باين عليه ذكي ماشاء الله وصدقين راح يريحك بعدين اذا كبر لذالك لاتقسياً عليه تراى راح يتأثر نفسياً وانتي بتصرفاتك تزيدينه حركه وتسببياً له توتر وخوف إذا جاوبتي على اسألتي ان شاء الله اقدر افديك بتخفيف حركته

لا مب عنيد.واخوه عمره 7 شهور ويحبه قوه .احيانا هو يرضعه او ينام جنبه
اما عم معاملتي لاخوه قوه احرص اني ماادلعه او العبه قدامه عشان مايحقد عليه.
يحب العاب السيارات.لاراح لسوق سيدا لسيارات.ويحب يناظر التلفزيون.يحب الاناشيد
وكلامه مفهوم ولا سألته.مايجاوب الا ناادرا.يلعب مع عيال وبنات
ويجذبه اللعب مع اللي بسنه واكبر.يحب يقلد
يحب ابوه اكثر ويخاف مني.
منتظم بالنوم بس الاكل لا.مزاجي

والله ماودي اقسى عليه بس انا قوه عصبيه يعني مايمديني ازين الشيء الا هو وراي يفسد
ثمن تظرب فيوزي

[لهلوبة]

انتي من يحجم المشكلة ..(اذا كان هناك مشكلة من اصله)..اذا تجاهلتيها تلاشت.. والعكس صحيح..
الولد عنده زيادة نشاط وفرط حركة وهذا طبيعي جدا بهذه المرحلة العمرية...

انا ارى ان المشكلة فيك انتي,,لعدة اسباب :
- تسميته بالموذي..وهذا اكبر غلط لان قناعاتك عنه هي مايرسخ ويكبر معه ويصبح من قناعاته عن نفسه

- تعاقببينة بالضرب والكي ..اعوذبالله منك انتي تبين تطلعينه سفاح ..اتقي الله ياشيخه فيه..تراه امانه عندك..

- تشعرينه بتأنيب الضمير..وانه سيئ فيكبر على كره ذاته وعدم تقديرها..وهنا المصيبة !!!!!!

- اهتمام بالبيت والمطبخ ومدري ايش..لايخربها ولا لا ..كللللل هذي الاشياء يفترض انك تخلينه عادي يسوي هو اللي يبي بحدود المعقول طبعا ..لان شخصيته ونموه اهم من اي شي ثاني في البيت

- بدل التطييح فمنتديات الترفية والتسلية وطقة الحنك اللي مالها داعي وتضييع الوقت ..ادخلي منتديات متخصصة بالتربية والاستشارة..وحاولي تثقفي نفسك كأم مسؤلة وتزيدي وعيك بهالامور

- نصيحة اخيرة ..اذا كان كل ماسبق صعب عليك او مااقتنعتي فيه...ارجوووك ارجووك احرصي كل
الحرص على الكلام معه قبل النوم مباشرة يعني وهونصه نوم لانه ثبت ان مايسمعه الطفل قبل النوم هو ماينام ويحلم فية ويعيشه..ويظل هو اخر همس جميل منك يداعب مخيلته..طبعا يفترض ان همسك يكون مدح فيه وثناء عليه وانك مو زعلانه منه وعن امانيك فية واي شي اخر ممكن يرضيه..

[نجم سهيـل]

اسم الكتاب:

الأطفال المزعجون !
اسم المؤلف:

د. مصطفى أبو سعد

[السامي البريداوي]

أحد الأمهات أتصلت على مربي نفسي وكانت حالت أبنها مثل حالتك
فقال لها : عندك فناء؟ قالت: نعم
قال: هل فيه رمل ؟ قالت : لا
قال الدكتور : ضعي في زاوية فنائكم قليل من الرمل ودعيه يلعب .
فأتصلت هذا الأم بعد فترة قصيرة وشكرت الدكتور وقالت لقد تغير أبني كثيراً
وأصبح هادي الطبع .فما سر الرمل؟! .
قال الدكتور : السبب أن أبنك لديه طاقة زائدة والرمل يمتص الطاقة الكهربائية في الجسم ويخرجها.
فسبحان الله .

[لهلوبة]

اقتباس المشاركة الأساسية كتبها نجم سهيـل اسم الكتاب: الأطفال المزعجون ! اسم المؤلف: د. مصطفى أبو سعد

[•ღ عــذب السجايا ღ•]

ياحبيله أمطخيه لي
ولدك يمارس طفولته خليه ينبسط الله يخليه لكم ويصلحه
انتي اكيد مشغوله بالبيت وبأخوه الصغير علشان كذا هو جالس يمارس بطولاته
وخري عنه الاشياء الخطره
اول مايقوم من النوم اضحكي بوجه حبيه وخميه بقوه قولى صباح الخير
اذا قام رايق صدقين راح يسمع كلامك ولا يتحرك كثير
واذا جيت تحطين الاكل قولي له تعالى يا بابا ساعدني وخليه يفرش السماط ويساعدك واذا جلس ابوه امدحيه قولى انه شاطر ومؤدب وهو اللي يحط الغداء معي
ذكريه اذا جاء يأكل يسمي
وبعدين اذا جلس معكم يبدا هو اللي يذكركم
خليه دايم معك عوديه يرتب اللعابه معك
شاوريه بالاماكن اللي يبي يحط اللعابه فيه
حفظيه السور القصيره من القران
اذا دخل معك بالمطبخ ويبي يحوس أبدي انشدي وخليه ينشد وراك سولفي وروقي معه
أذا جاء ينام حبيه وخليه يسمي

لاتنسي تشكرينه اذا سوى شي زين
واذا جيتي تامرينه قولي ممكن حبيبي وعطيه من الكلام الحلو

امي دايم تقول
أشغلي البزر قبل مايشغلك

وعلى فكره الام هي اساس البيت اذا عصبت توترو كل اللي بالبيت

ان شاء الله تستفيدين من نصائح الاعضاء وخبرينا بالنتائج

[تباشير المطر ~]

- ماشاء الله - لن أزيد من حلول الأخوه والأخوات ،
أصلح الله الموذي وجعله الله عين جارية ، ورزقك الله برّه .

اقتباس امي دايم تقول أشغلي البزر قبل مايشغلك

أحسنت ِ عذب أنت ِ وأمك .