|
..رحلتنــــا في ربــــــوع بـــــــلادي ..
ســـلام .. ..
والله اشتقت لكم  >>يمه احس انه سعلو
أخبـــاركم ان شاالله كذا
ايه صح مبــــروك ع الستايل
الجديده والله مره مرتب شغل عدل ( )
نرجع لموضوعناا
في يوم من الايام قررت اسرتي الكريمه( )
ان نقضي اجازتنا في ربوع بلادي >>وش تحس بوه
قامت الوزاره الخارجيه والداخليه
بتحديد يوم مشيتنامن بريده 
عاد هذي صور من رحلتنا البسيطه 
بدينارحلتنا بالطائف عروس المصايف
اول ماوصلنالطايف وعند الشقه لقينا عريس الطايف
عاد هم عندهم عادتهم انهم يحطون السياره كانه كوشه (الله يوفقه)
اليوم الاول ماصورت لان الكام مخلص الشحن
كالعاده بمنتجع السواط ..لان امي تحبه حب الي ...
واليوم الثاني قلنالبابي واخوي نبي مزرعه كله خضراء 
طلعنا قبل الظهر ( هذي بعد ماجلسنا ) جوولااحلا تحت ظل شجره
قهوه من ايدين باابي
فطور من نوع اخر من ايدين اخوي
عاد بعدها رحنانتمشا بالمزرعه
صور من المزرعه
هذا بابي قال صوريه ساعه وهويثبته لي لانه سريع قسم بالله يحوم التسبد
بير
مدري وش حطينه له شكله بير صغير 
هذا شجر سام
هذا الي بالابيض شجر عنب
بيت قديم
عاد هذي زيتونه زوجة باباي
جيري 
ماء لتغسيل
هذي شوكه بطتني
عاد هذا اللحم معلقينه بالشجر والشوكلاته علشان تبرد زياده
وحنا جالسين نسولف جاء ولد صغير طبعن حقتهم المزرعه
(للمعلوميه تراناجالسين بالمزرعه بعد الاستاذان من اصحاب المزرعه )
المهم جاء الولد وقال امي تقول تراناعزمين الحريم ع القهوه
امي قالت ولله فشله تعزمنا ولانروح لازم نروح ونشكره ومن هالكلام 
قالت امي مين الي وده تروح صعبه تروح لحاله
قالت مرت اخوي ابروح قلت انامعكم بروح اشوف اهل الطايف >>فاضيه ماعندي شي
واختي جالسه وتطنز بنا   تقول تقل شحاذات ومن التطنز
لبسناعباياتنا 
ورحنا طبعا قريب البيت
هذا دريشه البيت
غريب لون البيت
يوم دخلنا اناكل مااتذكر اختي يجين شي ينغزببطني ودي اضحك
بس فشله اضحك تقول وش ذي خبله
ومرت اخوي بجنبي تحملي اصبري
..
قالت المره راعين المزرعه تبون اوريكم مزرعتناالثانيه علشان بكرا تجون لمه
عاد امي مادري وش جاه بدت تحب التسعسع قالت ماخالف 
وتوديناللمزرعه طبعن قريبات لم بعض
وتبدا ترقابنا الحصاء وتنزلنا طبعن هي متعوده بالطايف
وحنى متعودين ع بريده كله نفود
قسم بالله تكسرت ارجولي
من الرقي والنزل 
عاد يوخلصنا رجعنا واختي والي معه إلى الحين وهي التطنز
( )
عاد امي جازله الوضع
وتقول لابوي واخوي
عن المزرعه
هذا بالليل برد 
عاد يوم صار الساع 10 تقريبا بالليل
رحنا لمجمع العبيكان
بس موحلوه محلاته كلها عاديات
عاد شريت شنطه نعومه صدفه لقيتها واعجبتني
عاد نسيت اصورها
ثم رجعنا لشقتنا ونمنااا
عاد من بكرا رحنا للمزرعه
هذا المكان الي جلسنافيه
والله حلو كانه ثيل وهو طبيعي يعني من دون زراعه
هذي الاغراض
فاكهة الطائف
التين
الخوخ
الرمان
برشومي
تفـــاح
عنب
هذي مدري وشي شكله غريب 
...
عاد يوم صار العصر عزمنا الحريم الي حقتهم المزرعه
يوم جت الي امس تطنز هي الاوله جت بالفرشه ..
..
بالليل
عاد بعدها رحنا لميقات واحرمنا وعلى مكة 
يوم دخلنا لمكه بعد ماارتحنا بالشقه رحنا للحرم
تقريبا الساع 2 بالليل او قبل مااذكر بالضبط
عاد حنى مروقين ع الليل وفاضين وبنااستهبال
قلنا لبابي نبي نركب العربيات الكهرب 
الي تجي بالدور الثاني لسعي والطواف
قال بكيفكم
وكل العائله تركب
إلا ابوي
هذي العربيات
والله راحت العمره ضحك واستهبال  الله يتوب علينا
وبس تصديم بالناس 
اختي الخبله قدامي وكل شوي واقفه
ثم عاد انا ادخل بعربيته وبس تسمعين التصبيخ 
قلت له لبغيتي تاقفين ارفعي يدك وكل شوي رافعتن يده واخوي بس ضحك
نمشي طابور
عاد المسعى شي ثاني 
ماء زمزم
الدرج الكهرب
ساعة مكة
الابراج السبع
عاد رجعنا بعد العمر لشقه
ومن بكرا
رحنا للبيك (احس ان اهل بريده عندهم البيك شي اساسي مدري ليه )
عاد هذي الوجبتيا حقتي ووحقت اختي
عاد هذا مطعم بجانبه للاكلات الاندونيسيه للي عنده شغاله بيكيفا عليه
..
ومن هنا مشينا لجده اهل الرخاء والشده 
نافورة جـــده
وعلى طول ع ملاهي الشلال
بعد مادخلنا ع طول ع باكسن 
بعدها جلسنانتمشى بااسواق الشلال
عااد هذي اقنعه رعب 
هذي نافورة الشوكلاته
ياااااااي تجنن
عاد بعدها للالعاب
طبعا هذي السواره حقت الألعاب
قــــطار الموت
الفناجيــــل
ثم عاد إلى فرقة العرض ع الثلاج
سبونج
عصير شقف
بعدها طلعنا من الملاهي
ورحنا لمطعم شامي
بعد بكرا
رحنالمجمع جده الدولي
وبعد الدوران اعجبن حق رسم 
محل رسام
طبعا اكثر الرسمات سعرهم بحدود 5000
بعدها رحنا لمطعم ابوشقراء
طبعا مطعم مصـــر (كفر الوناسه)
ملوخيه>>عاد تحكي عن مصر
أم العلي ..
طبعا بابي قال بكرا بجرب الفطور عنده
طبعا المطعم مطل ع البحر
هذي بشوارع جده اذكره الحركه عند مصر قبل الرمضان
عااد بعدها مشينالينبع
البـــــــحر
طبعا التصوير كان داخل البحر يعني بسفينه
طبعا جايبه صيادتي شاريته لي 5 سنوات
وتوي استخدمه
وبعد ماصدت شي ابد 
يمه هذولاناس شوي عليهم مجانين والسفينه حقتهم مقلعه وهم جالسين هينا
فندق موفنبيك (ينبع)
من زاويه اخرا
الشمــــس عند الغرب ومااجمل تلك المنظر
عاد مره انقشيناكلنا ورحنالم السوبرماركت
حلزونه
قعدنابينبع تقريبا 4 ايام
وبعدها للمدينه المنوره
بس صلينا ومشينالبريده
عاد شفت شي بالمدينه والله تمنيت اني مصورته
لوحه اعلان عن بريده وناااسه
وصلنا بالسلامه والحمدلله
أختـــك /بـريده أم المدن
في امان الله
|
04-08-2010, 11:51 AM
النمط الأحادي