[****LAMAR****]

الله يسهل امورك ويرزقك الزوجه الصالحه ..
سوف ازيد نقطه واحده فقط على كلام الاعضاء من قبلي اذا كنت من اصحاب الشروط في شريكه
المستقبل واريده كذا واريدها كذا فتنازل قليلاً ولا تصعب الامر على نفسك وعلى الاهل ..
وبالمقابل احياناً نجد الاهل هم من يقف عثره امامك بالبحث عن الملاك وتصعيب الامور فاذا كان الامر كذلك فيجب عليك تنبيهم ..

(ولمشاركتك الامر اعرف شخص قريب لي جدا مثل حالتك حتى وصل به الامر الى تأجيل الفكره علماً
بأنه يعمل وذو خلق )

وفقك الله في الدارين ..

[غــــ م ــــوض]

عآآدي أعرف وآحد أهله سنتييين يدورون له .. وأخذ أحسن البنات ماشاءالله

ويوم توظف أخوه هالسنه قال لأهله دوروا لي من هالحين علشآن بعد سنه سنتين أصير مضبط أموري


وثآآني أعرفه بعد جلست أمه سنتين وهي تدوور له ماخلت بنت بالريآض ماخطبته له

إعرف إن خالآآته بعد يدورن له

وآخر شي أخذ بنت خالته ..

وثآلث خطب كم وحده ولا إرتآح أبد لأي وحده منهن

ويوم لقى اللي إرتآح له رفضته هي ردوبهم ووافقت

وياكثر ماتحصل .. لكن الواحد يقول يمكنه خيره




الله يوفقك ويسهل أمرك .. لكن أنا ربطت موضوعك هذا باللي قبل كم يوم

شكلك من اللي مايبون البنت تكمل دراسته .. علشان كذا يرفضون اهل البنت

[عُباب]

مره سمعت قصه ان في واحد جلس 10سنوات وهو اخلاق وممتاز والحين متزوج ومعه عيال وبنات

كل شي مكتوب ومقدر

والي مكتوب لك بتااااااااااااخذه طال الزمن ولا قصر

[بكل فخر قصيمية]

لا يدعوا للحزن ولا شي ولا يضيق صدرك وانا اختك اللي مكتوب بتشوفه سواء اللحين ولا بعدين واللحين النااس ماصاروا يتشرطون زي اول المهر الفلاني والقثر الفلاني اللحين الناس يدورون الستر لعيالهم المهم اذا تزوجت علمنا خن نفرح بك..

[حور بريده]

الله يوفقك ان شاء الله

اصبر اصبر
ربي يفرجهاا لك

[بحر الهناء]

يااخ سعيد
هذاشي طبيعي وعادي ان الواحد يخطب ويرد
لان رفض الشاب احيانا موعيب فيه
غالبا مايكون من نفس الفتاة لا ترغب بالزواج
اواشياء لاتعتبر عيوب مثل انه ساكن بالرياض وهي بالقصيم
وترى بعض الشباب الله يهديه يخطب بنت و هو مو قده
مثل واحد عمره 30 ويخطب وحده20الفارق عشر سنين
ولا يخطب الصغيره قبل الكبيره
او غير موظف وليس له دخل ويخطب بنت اغنياء
وغيره من الاشياء
واعرف واحد ردكم مره والاسباب
وحده خطبه بالثانوي وقالو صغيره
والثانيه وحيدة امه وهو ساكن بمدينه ثانيه وامه تبي بنفس المدينه معه
الثالثه مخطوبه ورده ولا قالوا له انه مخطوبه رده ولا يدري وش السبب
و وكل امرك للي خلقك وعليك بالدعاء
ومانقول مالك الا المكتوب لان الرفض مكتوب والزواج مكتوب وكل شي مكتوب وبقضاء الله وقدره



الله يسهلك امرك ويرزقك

[ضايق الصدر]

الحال من بعضه .. والحمدلله على كل حال
الله يعين

[غلا القصيمM]

الله يسهلك وتقلقى بنت الحلال

[نضرتي هيبه]

خيره فيما اختاره الله
ماينشرح صدري ولايضيق صدري الالتذكرت مايصير لي الا ماكتبه ربي لي
اصبر كل شي نصيب
وكل تأخيره به خيره

[زنجبيل حامض]

آجل يآلله يمدين آدور من آلحين عاد آنا مملوح ماشآء آلله على مآحد رآدن آبد

شكلي بطقطق آربع اسنين على آلحآله

[...flbynoo...]

أولآ الله يوفقك أنت وجميع الشباب ويرزقكم الزوجات الصالحات ..

شف اذا أهلك هم اللي يدورون تراك تبي تبطي هذاا اذا كانو يبون الزين وأنت لك بعض من الشروط..

أنا لي ثنين من أقاربي يدورون ..

الاول شروطه جدأبسيطه ملينا من كثر ماندور تقريبأ سنتين وزياده على كذا بالصحه وقليل من البنات تقبل اللي بالصحه

وأخر شي أم الجيران ذكرت لنا بنت وراح وخطبه ولا أحد شافه ابد الا بعد الزواج والله يسخرهم لبعض..

والثاني له شروط ياكثره وأهله ملو من كثر مايدورون له الى درجة اخته راحت لم الكليات وهو يمسك أطفاله ولا يعجبه احد

أخر شي خطب أخت صديقه وهي لسى صغيره ماخلصت الثانوي وهو أساسا صغير وماشاءالله توفقو..

أنا قلت الكلام المطول كله لييه أعلمك أن تدوير الحريم يبطي رح انت أخطبلك أزين واهلك لا يشوفونه الا بعد الزوج وهذي نصيحه من ..

[%*%الحلوة%*%]

مااقصروا الاخواااااااااان مااقوول الا الله يرزقك بالزووووجه الصاااالحه عااااجل غير اجل


وعليك بالدعآآآآآآآء والاستغفآآآآر


موووووفق

[ورود المساء]

الله يوفقك ويرزقك الزوجه الصالحه......اناالي اشوفه يرد كثير الي يدخن والي يسلم من الدخان بالعكس كل يتمناه اذا كمل بالمحافضه على الصلاة وحسن الاخلاق والفلوس عاد اخرشي لانه تروح وتجي......وانت واصل المسير وعادي جدا ان شاءالله كل الي ردوك خير لاحسن منهم.....الله يوفقك.

[وبيص مسك]

غريييييبه جدا اول مره اسمع رجل يرفض وهو مابه خلاف؟؟

بالعاده البنت اللي اللي تغربل من تشرط هالرجال

ابيه طويله بيضاء نحيفه سنعه خلوقه وياويل شرط واحد ينقص

تقولون اربع سنين يطقطقون البيبان يدورون مهب اهل البنت اللي يرفضون هم مالقوا اللي تجمع كل هالشروط