[sg'hk]

كل اللوحات اللي تركبت بالشوارع وتقول ماشفنا جهد والله الظاهر انك ماتطلع من البيت

وسبق أن نشر بالمنتدى هنا إحدى سيارات ساهر وهي متوقفه بإدارة المرور إستعدادا للإنطلاق النظام

[ابوكلبشة]

اقتباس المشاركة الأساسية كتبها sg'hk كل اللوحات اللي تركبت بالشوارع وتقول ماشفنا جهد والله الظاهر انك ماتطلع من البيت وسبق أن نشر بالمنتدى هنا إحدى سيارات ساهر وهي متوقفه بإدارة المرور إستعدادا للإنطلاق النظام

ابيك تذكرلي مواقع لبعض اللوحات اللي تركب بالشوارع .!!!!
والله ماشفت شئ ماعدا طريق الملك فهد

[MEHWAR]

لا يستعدون ابد

وكوده يتعثر عليهم هالمشروع

ياهوا يبي ينهبنا نهب

[إن الله يراك]

والله انكم تضحكون
ما أقول الا يا عمري اللي حاط الموضوع
يبي ردود منكم و انقلبت الردود و صارت هوشه
ما أقول الا
أصحاب العقوووول في راحه

[ابوزياد2008]

لا بدى يدهر جوالك رسايل تراهم بدو

[sg'hk]

اقتباس المشاركة الأساسية كتبها ابوكلبشة ابيك تذكرلي مواقع لبعض اللوحات اللي تركب بالشوارع .!!!! والله ماشفت شئ ماعدا طريق الملك فهد

اذكر وين ولا وين

طريق الملك خالد كله لوحات
طريق الملك عبدالله كله لوحات
طريق الملك عبدالعزيز مليان
طريق الملك فيصل بن بندر
والشوارع اللي مااعرف اساميها والله مليان لوحات بس ماتلاحظ مغمض عيونك انت فتح الله يهديك

شكلي بصور اللوحات ورسلها لك

[أبيض]

ما بقى إلا نسوّي مظاهرات بـ سبب التأخير , فعلا ( شعب ما حولك أحد )

به سؤال يدور دائما في عقلي الصغير : أقل سيَّارة تدل للخليج معدّل سرعتها كـ حد أقصى ( 160 ) و أعلى طريق بالمملكــة كـ مقياس للـ سرعة ( 120 ) , ليش ما تمنع السيارات من دخول السعوديِّة أو يطلب لنا نوع يمشي على قاز و أعلى حدّ له ( 110 ) لأنك لو تمر من جنب نظام ساهر و أنت تمشي ( 130 ) و معك أمك لا سمح الله منجلطــة , راح يلقطك أو معك شخص ينزف أو أو إلخ ..؟

و به سؤال ثاني : الحين راعي البي إم دبليو , و راعي الجيب الحوض الـ 84 ( السعفة ) كلهمـ يمسكون دايري بريدة على سرعة ( 110 ) .؟ هههههههه

راعي السعفة لو يوصل للسعرة هذي , يبي يزلزل الإزفلت و خطر إنه " يتفقــّـش "
بينما راعي البي إم , خطر إنه يطب من الموتر , لأنه تقل واقف ..

[غريب احساس]

والله وانا بالرياض قليل اشوف كاميرات كيف ببريدة الظاهر يبي يحطون كاميره وحدة وعطلانة بعد بس يبي يخوفون الناس ان فيه كاميرات واتمنى يطبق بأسرع وقت

[فارس بريدهـ]

الله لايجيــــــــــــــــــــــــبه ياااااااااااااااارب
والله ان ندج دج

عادي بروحة مشوار تاخذ 2 قسيمه بقيمة 600 ريال هذا لليوم الـــــــواحد؟؟؟؟؟؟؟؟؟؟؟؟؟؟

[الكادح009]

استعدو واحذرو واللي ماجاء يبي يجي خلوكم راكدين بالسواقة وعند الاشارات ازينلكم

[ابوكلبشة]

اقتباس المشاركة الأساسية كتبها sg'hk اذكر وين ولا وين طريق الملك خالد كله لوحات طريق الملك عبدالله كله لوحات طريق الملك عبدالعزيز مليان طريق الملك فيصل بن بندر والشوارع اللي مااعرف اساميها والله مليان لوحات بس ماتلاحظ مغمض عيونك انت فتح الله يهديك شكلي بصور اللوحات ورسلها لك

ياعزيزي لاتقعد تعد لي ,هذي لوحات من قديم وهي موجودة , قبل مانسمع في نظام ساهر , نبي شئ جديد يظهر الإستعداد لتطبيق النظام .
ولا شكلك ماتدري إن فيه لوحات للسرعة , إلا يوم سمعت بساهر !!!

[a7la_may]

انا سمعت انهم مايقدرون يشغلون النظام بشوارع فيها تحويلات
واغلب الشوارع عندنا فيها تحويلات ف مادري صح هالكلام والا لا

[شو جي]

توي ادري انا

[sg'hk]

اقتباس المشاركة الأساسية كتبها ابوكلبشة ياعزيزي لاتقعد تعد لي ,هذي لوحات من قديم وهي موجودة , قبل مانسمع في نظام ساهر , نبي شئ جديد يظهر الإستعداد لتطبيق النظام . ولا شكلك ماتدري إن فيه لوحات للسرعة , إلا يوم سمعت بساهر !!!

ماابي آخذ معك صد ورد في موضوع بالاساس منتهي لا أنا ولا أنت نحكم بالإنجازات المقدمه من قبل المرر من أيام العميد / سليمان العجلان حتى اليوم
وبالنسبة للوحات ذكرت لك قبل المواقع واللي اشوفها جديده وبعينك قديمه مع إن القديم واضح الشكل الدائري للوحه اصغر من الحالي

يعني فيه فرق بين اللوحات القديمه والجديده بس شكلك انت ماتدل إلا طريق الملك فهد إلا إذا انت تبي اللوحات اللي محدد فيها السرعه وموضح فيها صورة كاميرا مراقبة فهذا شي ثاني إذا كنت تظن ذلك فما أظن انهم يبون يعلمونك إن كل شارع فيه كاميرا لأنك المفروض تكون فاهم وأهم شي لوحات تحديد السرعه