[عآشقة قسمهآ ..]

فطوركم توت وسمبوسكـ ~
وسحوركم رز ومعكرونة ~

أهلآ أهلآ بالحبآيب ومعكم الشيف الجديد عليكم [عآشقة قسمهآ!!] وأول موضوع لي بعآلم آنثى فهجوا بالترحيب ذذ ~

المعكرونة الصينية يأنا أعشقهآ بس موب زي عشقي لقسمي ذذ <اخاف يغار
جهزوا الحلبة وفتحوا عيونكم زين ~
مالكم بالطويلة نخش بالموضوع دغري ~

ماما حبيبتي طلبت مني مكرونة [للعشاء السحور] لأنه اختكم في الله هي وأهلها بعد [الفطور الخفيف]
يآكلون وجبة وحدة فقط وتكون عشاء سحور يعني عصفورين بحجر ذذ
فقلت لماما وبس يالغالية ابشري وتدللي وشمرت الأيآدي وطلعت المقادير وهي كالتالي :
جزر مبشور[ست حبات الحجم الكبير ذذ]
كوسة مبشورة [9 حبات الحجم الوسط ذذ]
مكرونة سبآغتي [2 بآكيت]
صلصلة سومطرة الحارة
صلصلة الصويا الحلوة
بصلتين [مقطع صغير]
وبهارات وملح
دجاج صدور مقطع مكعبات
[دآئمآ أحطه لكن هالمرة قلت خلينا خفيف ليه دجاج ولحم كل يوم ولا هو الي يخلي المكرونة ألذ شي]
<ذآبحته الصحة

الطريقة :
1-تحمسين البصل بثلاثة ارباع زبدة وتحطين البهارات ثم الجزر
والكوسة ثم الملح وباقي البهارات [طبعا انا أحط كل شي لين يطلع الطعم من فلفل اسود وكركم وآجي
وبزار أبيض ومكعبين ماجي وكزبرة مطحونة <مابقى شي ذذ]
تقصرين النار وتغطين القدر لين يذبل الخضار مع التحريك بين الحين والآخر [حتى لايحترق]



2- تسلقين المكرونة بزيت وملح وآجي وتشخلينه ~
3- اذا ذبل الخضار تخلطينه مع المكرونة وتحركينه لين يتدآخل ثم تحطين الصويا [وأنا أكثرررر ذذ] ثم
السومطرة [وأنا أحط نصف علبة السومطرة الكبيرة ذذ <اجرآم ]





وتحركينه على نار هادية وبالهناء والعافية ع قلوبكم وه بس ~

وجيت حطيته بحآفظتين وجستمه جسمين
الجسمة الأولى لأخوآني لأنهم مايحبون الحآر
والجسمة الثآنية لي أنا وخوآتي البنوتات لأننآ رآضعين مع هنود

وهذي حآفظة البنآت ~



وهذآ لكل أمورة تشرف على موضوعي



ختآمآ شوفوني أكتب الموضوع <اووخس ياشيف فوزي
وأتمنى ينآل ويحوز ويمتلي ويطير ويفحز اعجآبكم <هجت به