[yosef008]

اقتباس المشاركة الأساسية كتبها مدمن نت اقول يالمشاغبه انتي بنت ولا تدرين وش يصير لنا يالشباب همك المطبخ والسوق ... والقيل والقال ... ولا عندك سياره تخافين على نفسك من المخالفات ولا هم يحزنون حبي الخير لغيرك مثل ماتحبينه لنفسك ... اختلاف الرأي لا يفسد للود قضيه

كلام المشاغبة صحيح امش عدال وشف احد يقوللك شي وبعدين انا واحد ماخليت شي اصلح بالوحة علشان ساهر ولكن دون جدوا ولقيت الحل الوحيد اني اعقل ومشي زي الناس
والحمدلله من يوم عقلت وانا لم تسجل قسيمة علي


وقالو العاقل خصيم نفسة

وبالنسبة اختلاف الراي اقول يا اخي الموضوع عن ساهر وانت دخلت بالمطبخ واوالسوق ووو

وتقول اختلاف الري وجاب الجاب الواحد يتكلم عن الموضوع او يسكت ازين لان الانسان محاسب

عن كل كلمة ينطقها

تقبلو مرور ياحلوينش

[ممدوح الطرس]

اقتباس المشاركة الأساسية كتبها صفقة هواء ساهر ما هو إلا لجمع الدراهم من جيب المواطن المسكين الله يجعل هالدراهم ينفقونها على علاجهم آمين آمين ترى ماكلّها بتروح للخزينة .. دونها الحرامية اللي دونها

آمييييييييييييييين

[المتقطع!!!!!]

اقتباس المشاركة الأساسية كتبها مدمن نت اقول يالمشاغبه انتي بنت ولا تدرين وش يصير لنا يالشباب همك المطبخ والسوق ... والقيل والقال ... ولا عندك سياره تخافين على نفسك من المخالفات ولا هم يحزنون حبي الخير لغيرك مثل ماتحبينه لنفسك ... اختلاف الرأي لا يفسد للود قضيه

[lil.3bood]

بس برضو هذي مو مشكله تعيق هذا النظام

[lil.3bood]

اقتباس المشاركة الأساسية كتبها المتقطع!!!!!

ههههههههههههههه

[المشاغبة]

$ ,, $

اقتباس المشاركة الأساسية كتبها مدمن نت اقول يالمشاغبه انتي بنت ولا تدرين وش يصير لنا يالشباب همك المطبخ والسوق ... والقيل والقال ... ولا عندك سياره تخافين على نفسك من المخالفات ولا هم يحزنون حبي الخير لغيرك مثل ماتحبينه لنفسك ... اختلاف الرأي لا يفسد للود قضيه

اولاً مو كل البنات ميولهم الطبخ والسوق.. يعني ما كأنكم بالكشكول سب بالبنات وذكر أسماء المكياج وأنتم أولاد وماهيب ميولكم وأكره حاجه عندي (السوق) .......... ومن قال لك إن همي القيل والقال يعني لا شفت أخواتك لا تقارنهم بالمشاغبة
حتى وأنا ما عندي سيارة عادي أعرف كل أنظمة المرور وقواعده اللي يمكن أنت ما عرفتها والشيء ميوووووول وكل واحد له ميووووووله
وإذا أيدت ساهر ما يعني إني ما أحب للرجال الخير بالعكس .. وأنا أأيد ساهر كمنظم مو كنظام لكن إذا صارت قيمة المخالفة مرتفعة ما يعني إن النظام يلغى ,,يعدلونه وخلاص

تقبل كلامي ,, وشكراً

$ ,, $

[الصيداح]

الله يعيني على فواتير الكهرب والايجار وساهر

[ساهر جاكم]

السلام عليكم ورحمة الله وبركاته

انا ابقوووول عن اللي يقولون اخطاء ساهر منهم اللي يقول المشكله الشيبان مايعرفون يقرون ولا يكتبون
والجانب مايعرف
انا اقووول
الشيبان يحطون علامة طبلون زي اذا انت بسياره وثبت السرعه
والاجانب مكتووب بالنقليزي ومثل ماقلنا الشيبان رسمة طبلون والعصا حق العدد يصير على
السرعه المحدده

[ئضئض]

ايه ياجماعة
عطون مخالفتين في يومين
بسبب زيادة الزرعة ب 10 كليو
يعني زيادة من 80 الى 90
وسدد من ورى خشمي 600 ريال
حسبي الله عليهم وعلى تحديد السرعة
ياخي المفروض يحطونه عند الاشارات فقط
اييييييييييييييييه الله يخللللللللللللللف

[التواضع]

اقتباس المشاركة الأساسية كتبها ئضئض ايه ياجماعة عطون مخالفتين في يومين بسبب زيادة الزرعة ب 10 كليو يعني زيادة من 80 الى 90 وسدد من ورى خشمي 600 ريال حسبي الله عليهم وعلى تحديد السرعة ياخي المفروض يحطونه عند الاشارات فقط اييييييييييييييييه الله يخللللللللللللللف

آآآآآآآميييين
بس عندي وجهت نظر برضه يكون على الشوارع بس يكون معقول وشكرا

[فهمي]

النظام حلو بس التطبيق