[أبو سليمان الحامد]

أشكر للجميع مرورهم وردودهم الجميلة , وأحترم جميع وجهات النظر

ولكن أحب أن ألفت نظر الإخوة والأخوات أني لم أتكلم عن موضوع الخلوة بزوجة الأخ , فهذا ممنوع شرعاَ و ولا جدال فيه , وليس داخلا في كلامي , سواء في البيت أو السيارة .
أنا اتحدث عن علاقتك بزوجة أخيك في وجود أهلك أو وجود أخيك .

وشكرا مرة أخرى للجميع .

[منصور الكره]

يارجال فيه عوائل ببريده خاصه عندنا منتهين
تجلس زوجة الاخ وتسولف وتقهوى عاااااااادي جدآ
لا والنكته اللي ماتغفر ابد
تلقاه تروح مع اخو زوجه مع اخت الزوج طبعآ محرم
ويكون صغير
مهب لازم ياجماعه تروح للي تبي يجي اخوه تشوف له حل
بعض الناس نتهي الله يهديه
لكن الله يصلح الحال
يعني نقدر نعبر الامور بدون الجلوس والذهاب وشوله كذا
الله يحفضنا

[أبـوجـمـانـة]

بنسبة لي فتعاملي مع زوجات اخوتي يختلف من أخ الى أخ فبعضهم اسلم عليها وعادي اجلس معها مع محرم طبعاًً وتسوي لي عشاء اذا كان فيه طلعة مع الشباب إذاحتجت اليها وتسولف عادي وتركب معي اذا كان اخي مشغول مع محرم طبعاًً"وأنا أفضل هذا الصنف لأني احس براحة اذا اتى اخي وأتيت الية في بيته وهي الأحب بينهن,,وبعضهن وسط وبعضهن الآن لي ثلاث سنوات لم أراها معنهم كلهم اخوه من ام وأب.,,

[الدبيهــ]

مع الفئه الأولى

[•°انكسار الأماني°•]

لاسلام ولاجلسة ولاقهوة ولاعشاء ولاركوب سيارة في حالة توي داخلة عليهم ..
أما لاصرت أم عيال وبنتي طولي وقتها أسلم بس هه غير كذا لايمكن ..
وش خانة صاحب السمو الملكي ؟؟؟ إنه ينشغل ويخلين أركب مع أخوانه ؟؟؟
إذا مشغول ومايقدر أعتقد لي أخوان يودونن مايحتاج أروح للأبعد منهم أو أكنسل الطلعة كله ماتلزمش ..


* أخو الزوج مثله مثل أي رجل أجنبي .. وقربه لزوجي مايعني إنه قريب لي , بالعكس الحذر منه يكون أشد ..
بصراحة لاأحترم أي بنت تجالس أخوان زوجها خاصة إذا طالعة من بيت مش متساهل من هذه الناحية ..
بعدين مهب على كيفهم هالحمايل نمشي على عوايدهم , إذا هالعوايد شينة وتخلينا نجالس رجال نقولهم ياتحترمون تواجدنا يابلاش نجي ..
حنا ناشئين في بيوت غير بيوتكم وإذا ترون عادي بناتكم يتكن ويفصفصن مع أخوان رجالهن بمجلس واحد فحنا لا مش عادي ..

مير الواقع يقول إن الحمايل اللي كذا تعاملهم لو ماتجلس زوجة الولد مع عيالهم يخلونه تنطق بالغرفة لحاله .. لين تمل ويعسفونه ..
هذا الموضوع بالذات متعجبة منه والله مبهذل مخي , عاد صارت بك ياكبير المحايدين هه ..
يعني عوايل بريدة اللي أشغلونا بالشدة على بناتهم من روحات وجيات ولبس وبالأخير يناقضون أنفسهم ويقولون عادي يجلسن مع أخوان رجالهن ؟؟؟

ياكبّر علومكم ياأهل الديرة .. قسم ماراح يجيب لي الضغط والسكر والروماتيزم غير تناقضكم آآآخ بس

..

[أبو سليمان الحامد]

أقول أختي انكسار الأماني :

أتمنى أن تكوني انجبار الأماني مو انكسارها

ارفقي شوي الله يهديك , ترا ما قلنا فصفصي مع أخو زوجك أو دقيها سواليف لحالكم

الأمر بكل بساطة : إزالة الحرج الشديد بين الزوجة وإخوة زوجها , وأنتي تقولين أنه رجال غريب مثله مثل أي شخص غريب !!

أقول : غريب من ناحية المحرمية والخلوة والكشف , أما من ناحية العلاقات الاجتماعية فهو ليس غريب لأنه عم عيالك وأخو زوجك , والعرب قبل الإسلام وبعده كانت تحادث نساءهم في بيوتهم من نساء أولادهم ونساء إخوتهم , ولا يوجد في الشرع ما يحرم ذلك .
الشرع حرم الخلوة والسفر بدون محرم والخضوع بالقول .
اما الكلام العادي والركوب في السيارة بدون خلوة والخدمة في البيت فلا إشكال .

أنا أقول لك عن نفسي وأنا متزوج وأبو عيال ولي أخوان مثلي :

لما أسافر مثلاً للرياض أروح لبيت أخوي , وإذا ما كان موجود , تفتح لي زوجته الباب وأسلم عليها وأدخل المجلس , وبعد شوي تحط لي القهوة عند الباب , وهي بكامل حشمتها وتسترها , وإذا جاء أخوي ما عنده أي مشكلة .

وانا أسلم على زوجات إخوتي في أسبوع زواجهن وأبارك لهن , وليس للعادات البالية أي علاقة بالموضوع
الموضوع موضوع شرع فما حرمه الشرع حرمناه وما أباحه أبحناه , وما سكت عنه فهو داخل في المصالح والمفاسد , وتقدر بحسبها .

شكرا لك أختي انجبار .

[MEHWAR]

انا ما جربت هع هع

لاكن اوشوف انها عادي جدا

تسلم وتقعد عند العائله اذا صارت مجتمعه يعني خاله وخالته واخت رجلها واخو رجله

طبعا تلبس جلال وتقعد معهم

اقتباس المشاركة الأساسية كتبها ~ بـنـتـلـيـز ~ بنسبة لي فتعاملي مع زوجات اخوتي يختلف من أخ الى أخ فبعضهم اسلم عليها وعادي اجلس معها مع محرم طبعاًً وتسوي لي عشاء اذا كان فيه طلعة مع الشباب إذاحتجت اليها وتسولف عادي وتركب معي اذا كان اخي مشغول مع محرم طبعاًً"وأنا أفضل هذا الصنف لأني احس براحة اذا اتى اخي وأتيت الية في بيته وهي الأحب بينهن,,وبعضهن وسط وبعضهن الآن لي ثلاث سنوات لم أراها معنهم كلهم اخوه من ام وأب.,,

اووف ماشاء الله

اناسراحة ما اشوف فيها اي شي

لاكن وحليل مرت اخوك تزين لك عشاء اذا صارت عليك الطلعه

والله فله

[=خطاهم ضيع غلاهم=]

من وجهة نظرررري

الفئه الاولى بس كانه فيها مبالغه شووووووووووووي

ويسلموووووووووووو

موضووووووووووووووع خطيررررررررررررر

[عصير مشوي]

واللي ماعنده اخوان

[MEHWAR]

اقتباس المشاركة الأساسية كتبها •°انكسار الأماني°• * أخو الزوج مثله مثل أي رجل أجنبي .. وقربه لزوجي مايعني إنه قريب لي , بالعكس الحذر منه يكون ياكبّر علومكم ياأهل الديرة .. قسم ماراح يجيب لي الضغط والسكر والروماتيزم غير تناقضكم آآآخ بس ..

الحمد لله والشكر تقل اللي تقعد مع اخوان رجله مع العائل وهم مجتمعين سوت جريمه

الحمد لله نتغطيه ومحتشمه ولا سوت خلوة

اذا ما الغلط وانتس (تقولين اخو زوجي مثل اي رجل اجنبي )

طيب الرجل الاجنبي مهب كل ما رحتي للسوق قعدتي تسالينه بكم ذااا

واخر شي تمدين الفلوس له

[هايين]

ايه عم اعيالي اخوي
يحترمني مثل اخته


ولكن تجاذب الحديث لا
ولكن اذا لزم الامر
بحشمه

..

[سأعود]

عن نفسي انا خليط من النوع الاول والثاني..;

على حسب اخواني اللي امون عليهم امون على حريمهم والعكس.

[ام ميار]

موضوع جميل شكرا لك

[تباشير المطر ~]

الفئة الأولى جميل أن تكون العوائل هكذا
لكن بشرط أن تكون عاشت معهم طويلًا
أقصد كبيره ومعها أبناء وبنات كبار
ذهبنا للحج مع أصغر أعمامي أكبر أبنائه في الخامس الإبتدائي على ماأضن
وزوجة عمي الكبير بناتها في سني طبعًا محرمها أخيها وعمي مرتاااح أن زوجته معنا
لأنه يعلم مقدار الإحترام بينها وبين أخيه
و في سيارة كان عمي يتحدث معها فلانة عطينا الشاي والقهوة
وأحاديث وسواليف بين جدتي رحمها الله وعمتي وزوجة عمي
والحمد الله ويعود السبب ، لأن أعمامي كٌلهم وزوجاتهم عاشوا في بيت واحد مدة عشرين عام ..
فربما لاتعيش زوجة الأخ مع أهل زوجها فيكون هُناك حواجز لأنها لم تعتد عليهم ..... والناس أطباع .
وفقكم الله ..