[الحزين]

مغسلة السيارات

20 سيارة × 10 ريال = 200ريال في اليوم (( طبعاً عدد السيارات أعتقد انه كثير جداً ))
200× 30 يوم = 6000ريال في الشهر

نخصم ما يلي :

راتب ثلاثة عمال الواحد 700 ريال × 3 = 2100ريال
اجار محل 1000 ريال
فاتورة كهرب ، ماء ، صيانة ، أدوات بـ 1300ريال

1600 ريال تعتبر خسران ..

[غريب احساس]

الصيدليه من شروطها انك تحمل شهادة صيدله
والصراحه مكاسبها محدوده
انصحك باستراحه اوشاليهات وتاجرها يومي 250 إلى 300 وشف النتيجه والله مشروعها ناجح طول السنة
والاستراحات والشاليهات ناجحه

[شوق المريخ]

انصحك لاتفتح صيدليه احس ماعليها زبووون ابد<<العالم كله بالحكوميات
اما مستحضرات التجميل من السوق والمولات
وحاجيات الاطفال من السوبر ماركت وبسس

احس البلاستك وادوات المطبخ ممكن ..بس لو شاليه صغيرون احلى

<<لهم يومين يدورون استراحه او شاليه ماحصلوا خخ

[ضاري كنعان]

مــ ـتــ ـا بــ ـع

[سكري بريدة]

شف الصيدليه والبقاله
حساد البلديه ما راح يخلونك تشتغل
اسال مجرب

لاكن عليك بمحل البلستيك وحاول انك انت تستورد من الصين
ترى الامر سهل لاتستصعبه

او محل سباكه لابضاعه تخرب ولاشي والربح مضمون

اهم شي ابعد عن اللي يخرب او تنتهي مدته لان هذه المشاريع تبي متابعه دقيقه
لان مراقب البلديه لو مر عليك الساعه 12 بالليل قالك هذي منتهه مدة وهي ماله الا دقيقه منتهه
وصقعك بغرامه 600 كحد ادني

[عـــلـــي]

انصحك افتح ورشه بالصناعيه
تراها اطلع ذهب

[*لِيا*]

أنا مع رأي أبو غلا صالة الألعاب عليها اقبال من الشباب ولا حط مقهى
ولا مثل ماقال غريب احساس الشاليه حلو بس الاستراحه لاتحط ماتنفع ابد ماتجيبلك شي

[الزاحف المتهور]

كلام ابو غلا ممتاز جدااا

[صمت النار]

شوف حبيبي

أي مشروع لابد أن تعمل له دراسة جدوى ,

ثانياً لابد يكون عندك المام بالمشروع يعني يكون عندك خبرة لو شوية خبرة

ثالثاً وهو الأهم النية ( وهذي ركز عليها لأنها مهمة جداً جداً جداً )

بالنسبة للصيدلية , ماعندي خلفية عنها , لكن اذكر واحد من الشباب وهو الآن دكتور يقول أنها فيها أرباح جيدة .. لكن اللي نشوفة حالياً كثرة الصيدليات ..

محل المنظفات والذي منه , لا أدري عنه ..

مغسلة الملابس , مربحة ولكن أعتقد كانت في الماضي , يواكثر المغاسل , وهذا انا عندك في الشمال ولا اروح إلا إلى مغاسل الرهدن

التموينات رائعة , لكن أهم شيء الموقع ثم الموقع ثم الموقع ..

هذا رأيي في اللي طلبته ..

لكن عندي لك مشروع وهو ناجح بإذن الله وإذا وفق الله ففي خلال سنوات ستكون من اصحاب الملايين .. شرطي الدخول كشريك أو بنسبة معقولة .. طبعاً المشروع لايذكر من خلال رد بل يحتاج لهدوء لشرح جميع جوانب المشروع من فكرة ومن دراسة جدوى ومن أرباح أو خسائر ( لاسمح الله ) والعديد من الجوانب ..

الله يوفقك ويرزقك الرزق الحلال

[زمن فتن]

اقتباس المشاركة الأساسية كتبها أبو غــلا 300 ألف جدااا ممتآزة طبعا كل الي أنت قلت يحتاج تجديد . يعني يحتاجن بضاعه بشكل دائم وكذا .. لكن عندي لك مشروع مايحتاج تجديد بضاعه ولا شي . الفكره : صالة ألعاب رياضيه 7 طاولات بلياردو . الطاوله الوحدة تشتريها من النت تكلف عليك مع التوصيل 3500 2 طاولات تنس . 2 فريرا . و6 شاشات و 3 بلاي ستشين 2 و 3 بلاي ستيشن 3 وشاشتين كبار وإشتراك بالجزيرة كورة مع الديكور والحركات ولا أنسسى [ كوفي صغير ] والأهم .. إعلانات وتخفضيات بالبدايه والموقع المميز أحد الصالات ببريدة تدخل 45 الف شهريا من دون راس مال أنت قل أبدخل 20.000 وإجتهد وعلى الله رزقنا ورزقك .. دعواتك

فكرة حلوة ياخوي لكن المشكلة في تجمعات الشباب ومشاكلهم وما ينتج عن ذلك يعني أخاف أكون سبب شر على البعض .

[زمن فتن]

اقتباس المشاركة الأساسية كتبها الحزين مغسلة السيارات 20 سيارة × 10 ريال = 200ريال في اليوم (( طبعاً عدد السيارات أعتقد انه كثير جداً )) 200× 30 يوم = 6000ريال في الشهر نخصم ما يلي : راتب ثلاثة عمال الواحد 700 ريال × 3 = 2100ريال اجار محل 1000 ريال فاتورة كهرب ، ماء ، صيانة ، أدوات بـ 1300ريال 1600 ريال تعتبر خسران ..

منطقي ..شكرا لكـ.

[زمن فتن]

اقتباس المشاركة الأساسية كتبها شوق المريخ انصحك لاتفتح صيدليه احس ماعليها زبووون ابد<<العالم كله بالحكوميات اما مستحضرات التجميل من السوق والمولات وحاجيات الاطفال من السوبر ماركت وبسس احس البلاستك وادوات المطبخ ممكن ..بس لو شاليه صغيرون احلى <<لهم يومين يدورون استراحه او شاليه ماحصلوا خخ

العالم والله بزوووود كبير على الصيدليات ومشروع الشاليهات في راسي لكن فترة معينة الإيجار.
شكرا لكــ.

[زمن فتن]

لكن عندي لك مشروع وهو ناجح بإذن الله وإذا وفق الله ففي خلال سنوات ستكون من اصحاب الملايين .. شرطي الدخول كشريك أو بنسبة معقولة .. طبعاً المشروع لايذكر من خلال رد بل يحتاج لهدوء لشرح جميع جوانب المشروع من فكرة ومن دراسة جدوى ومن أرباح أو خسائر ( لاسمح الله ) والعديد من الجوانب ..

الله يوفقك ويرزقك الرزق الحلال[/quote]

أرجو التواصل بإرسال رقمك على الخاص لعدم استطاعتي استخدامه لقلة المشاركات وشكرا لك.

[مآبوش نكـ]

انصحك بالعقاااااار خلك بالاراضي ولاتشري الا شمال ومعرفوه الارض اذا ماكسبت به ماتخسر به ولاتاكل عليك لا اجار ولا كهرب ولا رواتب عمال ماعليك الا تشريه وتصبر عليه فتره بسيطه همن تطق به لوه للبيع <هذا رأيي ازين لك من وجع الراس> الله يكتب لك الي بوه الخير