[دعبل نجد]

[poem="type=1 title="مرحوم يا خلِ شكى هَمْ واتعاس ..!" font="bold large 'simplified arabic', arial, helvetica, sans-serif""]وجدي على ضلعٍ بعيدٍ عن الناس = تسج به رجلي شمال ويميني
يرتاح بالي بين فكرة وهوجاس = وياكودي أنسى ما مضى من سنيني
وانا بغرِّب بعد شهرين بقياس = شهرين وادفن ما بقى من حنيني
وامر به بعدين من عرض الارماس = ومن النقا والحب تسقيه عيني
وأزينه بالورد وعقود الالماس = ذكرى ولكن تشعل النار فيني
لو كنت تذرف حب أو صادق احساس = ما قلت لك ياهيه وينك وويني
وجدي عليك الا ابعدوا عنك الانجاس = اللي لهم بالكذب حبلٍ متيني
كني اشوفك تضرب اخماس باسداس = تذكر كلامٍ صار بينك وبيني
ابوك راح ولا شبع منك يا دباس = واشوفني يا دباس مثله حزيني
مرحوم يا خلٍ شكى همْ وأتعاس = ومرحوم يا حبٍ بقلبي دفيني[/poem]

2 ــ 10 ــ 1431هـ