[المنذبح]

والله صدق ... الهيئه قالة رقابتهم مو مثل اول ... لكن مو هذا عيب منهم او تقصير ..

الحين الله يستر علينا إنفلتوا الناس وطالت ألسنهم على رجال الهيئه .. ويدورون المشاكل باللي هوبه ..


الله يحمينا وبناتنا وبنات المسلمين اجمعين ..

[ام ريفاان]

والله بصرااحه اتمنئ تواجد الهيئه في جميع الاسووااق وخااصة العثيم والنخيل

[شــادن]

جزاك الله خير على التنبية ....لكن لم يقتصر الامر بالمعروف والنهي عن المنكر على رجال الهيئة وبس ..انت مو رجال عندك غيرة تووول الامر انت....
مايصير كل من شاف خطاء قال وين الهيئة!

[دفا]

الهيئة لهم رقم تتصل عليهم

واذا على كلامك يمكن مثل هذا يصير ابو يمن زغينون توه قاطم

مشكلتنا مع ابو يمن مشكله ناااس ميته قلوبهم مايخاف

[دفا]

^^^^^
اللي تقول الامر والنهي مايقتصر على الهيئة
وشلون يعني تبغينه يمسك ابو جنز ويلبسه ثوب
مشكلة لو يلبس تنوره وبلوزه ماتقدر تقوله شيء
لان الجهه المخوله للشيء الهيئة

يمكن انصحه او اطير عيوني عليه هههههه
لكن اسوي مثل الهيئة اكيد صعبه

[الزين يفرض نفسه]

المشكلة لاصار الهيئة يبي لهم هيئة وقتها وش نسوي ؟

الله يصلح الحال بس

[ابو العرب]

لاحول ولاقوة الابالله

[دفا]

اقتباس المشاركة الأساسية كتبها الزين يفرض نفسه المشكلة لاصار الهيئة يبي لهم هيئة وقتها وش نسوي ؟ الله يصلح الحال بس

[يعني إني]

المسألة ماهي وش لابس ولا وش حاط ولا شكل كشرته المسألة انهم يؤذون الحريم والنظام يمنعهم من البيع بهذه الطريقة رح ياخي بسط بسوق الخضرة ولا لانه كله رجال ........................

[مدمن نت]

اقتباس المشاركة الأساسية كتبها طروالي سويل واذا كان لابس جنز وعليه شعر ترى الجنز والشعر مو عيب ولا اذا فكر الواحد يبيع بالسوق الداخلي يعني لازم يلبس ثوب وشماغ

شف يالحبيب على شان اوضح لك اكثر واشرح لك اكثر


على سبيل المثال : الحين لو فرضنا انك دخلت محل وفيه بنت تبيع بالمحل ولابسه لبس


مثير للفتنه وتتكلم بتغنج او بكلام مايع اسألك بالله مايدخلك الشيطان ... اكيد الواحد راح ينجر وراه..صح


لكن لو البنت تبيع بطريقه سليمه يعني لابسه ثوب ساتر وكلامه عادي اكيد راح تشتري منها وتروووح

خلك فهيم وفطين ... بارك الله فيك

[التواضع]

لا حول ولا قوة الا بالله

[عمر الرويس]

ما ادري يبيع او معزووووووووووووووم

ودك كل ماشفت هالجنس من الناس تقووووول وبن حنابه

[أبـو راشد]

ههههههههههههههههههههههههههههههه الحين وقفت على كم واحد يبيع كراث وورقيات

شكلك ماشفت الي داخل المحلات وشفت وش يصير خلها على ربك بس ((اجل ابو يمن يقول لبنت لا هذا مو مقاسك خوذي هذا احسن لك ماسك على جسمك (ويقصد ملابس داخليه) خلها على الله بس ))

[ممدوح الطرس]

اقتباس المشاركة الأساسية كتبها مدمن نت بسم الله الرحمن الرحيم والصلاة والسلام على اشرف الانبياء والمرسلين نبينا محمد وعلى آله وصحبه اجمعين وبعد : بصراحه اليوم بعد صلاة العشاء ذهبت الى السوق الداخلي والله لا يوريك زحمة حريم كثار ليس هذا مهم ومعروف ان هاليومين الناس تتسوق لقرب عيد الاضحى ... المشكله اني مشيت ودخلت كذا محل ولم اجد الهيئه مطلقا لم اجد سوى البائعه من الشباب وعددهم بصراحه يتجاوز العشره موقفين عربياتهم بوسط السوق امام المحلات وزحمة حريم وزحمة رجال والادهي والامر من ذلك ان الشباب كبار بالسن يعني اعمارهم تتراوح مابين الـ 15 الى الـ 21 واللي لفت انتباهي بصراحه شفت شاب بصراحه حاط شعر ولابس بدله مثيره جنز ضيق وبدله بدي والولد وسيم وعمره تقريبا 20 او 21 سنه وقاعد يبيع باسط كراث وجرجير وورقيات انا والله لا اريد ان اذكر ذلك لأني اخاف اني اتسبب في قطع رزقه ولكن مااقول الا خوفا على اخواتي وعلى بناتنا المسلمات لأن الولد لم يبيع بطريقه سلميه بمعنى انه يكون لابس شماغ او لابس شيئ لا يثير الشبهه ومحلق الشعر هذا لا بأس به والله يرزقه ... لكن الشخص او الشاب هذا لا بس ملابس ضيقه وبنفس الوقت يتكلم بكلام مايع ولابس بدله بدي ويستعرض عضلاته امام مرء الجميع من الحريم والبنات وخصوصا اننا نعيش هذه الايام زحمة شديده وخاصة في الاسواق اللتي تكتظ بالنساء والبنات ... الله يستر علينا وعلى بناتنا يارب العالمين لذلك ارجو ان مقالي يصل الى رجال الهيئة اللي عليهم واجب في هذا العمل ليقوموا بواجبهم وخاصه في هذه الايام .... انتظر ردودكم واقتراحاتكم ... وجزى الله الهيئه خير الجزاء على عملهم .... الله اكبر الله اكبر لا اله الا الله الله اكبر الله اكبر ولله الحمد كبروا جزاكم الله خيرا. والسلام عليكم ورحمة الله وبركاته ، ، ،

اسود الهيئة مايقدرون يبدون على السوق الأعضاء مقلصون