[ام عيون]

اشكرك عطشانة دم على الجواب بالصراحة بردتي قلبي

[&ضياءالروح&]

الي يبي يتطنز ع بريده
لا يجي وحنا مانتشرف فيه
وبريده مدينه زرااعيه وليس سياحيه

[عنيزاويه منفلته]

لآقآلولك وش أحسن آلأمآكن ..
خذهم وتمش به بآلأمآكن آللي تجوزلك وتروح لمه أنت لآتخليهم يفرتسون لحآلهم هع ..
ومن تآلي عندهم مزروع قلهم هذآ مكآن سيآحي ..

[اكوسـ بنتـ]

ياناس سلامااااااات سبكم هو؟؟؟
الحمدلله بس
ع العموووم صدقت ياخوي لكن انا رحت لحايل و اوجعن راسي ورجعت يعني مو بس بريدة مدن كثيره بالمملكــه مو مهتمه بالسياحـــــــــه

[آפـآسيس™ «●•]

.

.

آصصلآ عسـآآنآ نفضـآ من العزآأإيم والروحات من بيت لبيت

<~اششين ششي لازم تدور ع هالعآلم

محد يجي آلقصصيم لَ زيآره آببد ..||
واجل تسسمي سوعال محرج لامنهم قالوا وين نروح..

ودهم للـ مسسطحات الخضراء بـ عُنيزه

وهـ يالريآز

<< لاجآنآ آحد مآيسألنا سوعال محرج

[يعجبني تفكيري]

هو صادق اخوي دفا اجمعهم باستراحه واجمع اللي يعرفون كل يوم ناس والله يفرحون ويستانسون ويدعولك ويذكرونك بالخيروالا وش نسوي مالانا الا الحيله ههه
لو هو العام كان توريهم الامطار والارزاق بحرنا العشوزيه"وحده متوهقه بحر خخخخخخخخخخ
يارب ترزقنا الامطار والارزاق وتغيث قلوبنا بالايمان وبلدنا بالامطار

[ٳثمڍ فرζ]

احس مافيهـ احد يجي لبريده عشان السياحهـ

كل الي يجون عشان يزورون قرايبهم ..

ويكون بعد اصلهم من القصيم ..

فـ وشوله نحط دليل سياحي ؟؟..

كل الي عندنا سوقين وعشر حدايق بعد توهم يتطورون ويحطونهن ..

اخليكم تضحكون..

اعرف ناس تجار وماعليهم ماشاء الله ..

جايين لبريده ..

توقعو ليش ..










عشان يتقضون من الحسون سنتر .. لولدهم الوحيد طبعا تراه بزر

خبركم عاد الرياض مابه الحسون ..

وشهرة الحسون سنتر واصله الرياض .. اللهم لا حسد

استغربت وضحكت عليهم الصراحه ..

من قل الأسواق بالرياض يعني !!..

[ابوو بدر]

ودهم لمزرعة البطين واذبح لهم ذبيحه

[احبه؟]

اقتباس المشاركة الأساسية كتبها انكسار الم احس مافيهـ احد يجي لبريده عشان السياحهـ كل الي يجون عشان يزورون قرايبهم .. ويكون بعد اصلهم من القصيم .. فـ وشوله نحط دليل سياحي ؟؟.. كل الي عندنا سوقين وعشر حدايق بعد توهم يتطورون ويحطونهن .. اخليكم تضحكون.. اعرف ناس تجار وماعليهم ماشاء الله .. جايين لبريده .. توقعو ليش .. عشان يتقضون من الحسون سنتر .. لولدهم الوحيد طبعا تراه بزر خبركم عاد الرياض مابه الحسون .. وشهرة الحسون سنتر واصله الرياض .. اللهم لا حسد استغربت وضحكت عليهم الصراحه .. من قل الأسواق بالرياض يعني !!..

`دكرتيني اختي في تعليقك ..على وحده من حائل سافرت لامريكا وتصلت على زميلتها بحائل وقالت عندنا ابراج التجاره ناطحة سحاب ,,قبل تطيح,,قالت زميلتها حتى حنا عندنا سماح سنتربحائل..هههه

[سريلنكية]

يكفيهم هالضيوف إنهم ببريدة
وش يبون زيادة
يحمدون ربهم غيرهم يتمنى بريدة

[آنسه منشن~]

هالحين على انه زراعيه يجونه الخلق من كل حدب وصوب ..

ترى هذي بريده مو اي شئ

[عطشان والكأس مكسور !!]

ياخوي ضيوف وتطلعون
حطهم بيتك والا استراحتك
ويحمدون الله ويشكرونه

[ابو قلبين]

مو معقوله
كل هذا الجمال بزهرة الرمال الذهبية ( بريده )
وما فيها سياحه !!!!
والله انها سياحة في سياحه عندما تعانق فعلاً صفاء القلوب وأصالة المعتقد وروعة النقاء في حب الخير للجميع .
هل تعلم أن زيارة بريده هي أمنية كل من سمع بها ولم يحصل له الشرف ؟
هل تعلم أن بريده هي منبع وحضن الرحالة العرب الجبابره ( العقيلات ) وأرباب صناعة الحياة والتجارة بقلب الصحراء ؟
هل تعلم أن بريدة تسير بسرعة الصاروخ لمنافسة المدن الكبرى بثبات ، لموقعها الإستراتيجي في قلب الجزيرة ؟
هل تعلم أن بريدة ورغم كل ما يشاع عنها تحتل مكانة في أذهان كل الباحثين في جميع الشئون محلياً وعالمياً ؟
هل تعلم أن بريدة تحوي من المقدرات ما لم يعلم به سوى من سقط رأسه بها وعاش في ربوعها واستنشق هواها ؟
هل تعلم أن الكل لفتياتها يلهث للظفر بأم لأبناءه تعد شعباً طيب الأعراق ، وذلك لنقاءها وعفتها وصفاء نيتها ؟
هل تعلم أن رجالها يشار إليهم بالبنان لمواقف عريقة تهم الدين والوطن بجميع المجالات ؟

ابي أسردلكم هذه القصة

في العام الماضي اتصل علي أصدقاء من الكويت الشقيق سبق أن حضروا دورة في معهد الإدارة وتم التعارف بيننا

قالو لي يايين نشوف السياحه مالتكم في القصيم ،

وبما أنهم داخلين مزاجي ورجال حسب قياساتنا في بريده ، كانت أحلامي اني أخدمهم في شي

قلت حياكم الله عين فراش وعين غطا ، ياهلا والله وغلا ، وابشروا باللي يسركم ويسعدكم ان شاء الله
وهذي الساعة المباركة ، متى تجون ان شاء الله ؟؟

قالو حدد لنا أنت الوقت المناسب ،

قلت زين تعالوا في 13 من الشهر، قالوا تم ،،

جو الجماعة وتم عمل مراسم الإستقبال في المنزل بنوع من التواضع وكرم أهالي بريدة المعتاد

وكنت مستعداً بتجهيز الإستراحة من إلى لهذه المناسبة الغالية بوجودهم كأصدقاء جدد يستحقون الكرم لأني أنا من وقع عليه الإختيار الآن لتمثيل بريدة امامهم ، وكنت مرتاح لهم

في اليوم الأول تعارف على إخواني وأبنائي واستكمالا لأحاديثنا وذكرياتنا في الدوره وما استفدناه وما وصلنا إليه في مجتمعاتنا من الألفة والتواصل المفيد بين شباب الخليج وما يحفز على التنافس المثمر البناء للإرتقاء للأفضل ، إضافة لأمور جانبية من تطور البلدان وأهميتها والعادات الإجتماعية وغيرها ،،،،
سراحه الجماعه ودعوا الله يساعدهم




في اليوم الثاني 14 ذهبنا إلى متحف بريدة بعد الفطار وفي الساعة التاسعة حيث استقبلنا المتحف بكل رحابة وقدم لنا كتيب شامل لما يحويه المتحف من تعريف شامل لكل تطورات المنطقة مع دليل توجيه لتلك الأقسام المهتمة بآثارها واهتماماتها ، وأيظاً توجهاتها ومخططاتها المستقبلية ,
حيث كان هذا المتحف مركزاً علمياً يعتمد على التكنولوجيا الحديثة في عرض كل مظاهر الحضارة قديماً وحديثاً عبر شاشات العرض المصممة خصيصاً لعرض شيق أثار دهشتي انا ،،
ومن ثم توالت جولاتنا بارجاء المتحف المثير بمحتوياته الغنية بأصالة وعراقة مجتمعنا الحبيب وكفاحه العريق حتى زمننا الحاضر وتطلعاته المهمه ،
كل هذا العرض كان يصاحبه اهتمام بالزائر ومتطلباته بدعم من ادارة المتحف عبر شباب يملأهم الشوق لخدمتك بابتسامة يدونها كل من زار المتحف في ذاكرته ،
وبعد أن حان وقت الصلاة وتم أداءها اتجهنا إلى المطعم المجاور ، حيث اجتهدت بسرد نبذة مبسطة عن ما يميز هذا المطعم من اسلوب شيق بعرض المأكولات الطازجة المقدمة بطريقة احترافية فيها من الفن والمهارة ما يحير الزائر في اختيار ما يروق له ، وبالفعل راق لهم المقام حتى آذان العصر ,

بعدها اتجهنا سوياً (لشاطيء القماري) فكان مهيئاً خصيصاً للزوار في الليالي البيض ( ليالي 14-15-16 ) من الشهر ، حيث كان يتم اغلاقه عدا تلك الأيام ، وقد تم تنفيذه بشكل رومانسي بجلسات مقابلة ومواجهة لجمال ظهور القمر منذ خروجه وحتى يأفل ، وبلمسات تضفي عليه الأجواء الشاعرية المهيجة للقريحة بجمال ما كتبه التاريخ عن هذا القمر وعلاقته بالإنسان ، اظافة لوجود المناظير المتاحة للفرجة وتدبر حسن خلق الله في الكون وهذا القمر بالذات لوضوحه في تلك الليال ، مع توفيير أدوات الشواء وشلالات تنثر المياه على البحيرة بصوت يثير الإعجاب ، حيث كانت ليلة مثيرة لإعجاب ضيوفي وانا ايظاً ... حتى الساعة الحادية عشرة رجعت بصحبتهم إلى الإستراحة مبتهجين مسرورين ولله الحمد .

في اليوم الثالث 15 كان التخطيط لزيارة برج بريدة وبالفعل تم ذلك بعد قطع التذاكر المخفظة لزوار البرج من خارج المنطقة والدخول المجاني لمرافقيهم حسب تعليمات إدارة الهيئة السياحية في بريدة .
وقد كان البرج مزاراً رائعاً يثري الزائرين بتطور وتوسع المنطقة من حين لآخر عبر لافتات تم إضافتها على زجاج البرج المطلة على مشارف بريدة ، كما لا يمنع التصوير والبقاء لمدة خمس دورات تمثل ساعة كاملة بعدها تستطيع العبور للدور الأسفل لمطعم البرج حيث يتوفر فيه القهوة القصيمية والشاي وجميع المأكولات الشعبية بمبلغ رمزي .

وبعدها ذهبنا مع المرشد السياحي والمستأجر من المتحف للتجوال في بريده ومعالمها المهمة تاريخياً ولم يكن الوقت متسعاً لزيارة كل الأماكن ، ولكن اقتصرنا على زيارة مركز تجارة التمور واللذي صمم بطريقة حضارية يتوسطه بناية شيد أعلاها مجسم لنخلة لافتة للنظر بروعة شموخها ، حيث تعتبر بحد ذاتها تحفة معمارية تزهى بها المنطقة .

ثم إلى مركز سوق الإبل والماشية واللذي يعتبر المركز المهم في المملكة لتوسط المنطقة في المملكة وتنوع المتسوقين والباعة باعتبارهذه المنطقة ملتقاهم المتوسط بين الشمال والجنوب والشرق والغرب ،

وحيث تم الإعداد لرحلة برية تم خلالها عمل المرقوق على لحم الحاشي يدوياً وجماعياً شاركنا فيها الضيوف كانت ممتعة للغاية ونهاية لزيارة ميمونة كان لها الأثر الكبير في نفوسنا ونفوس زائرينا الكوايته
اللي ودعو المنطقة وودعونا سابقاً في اليوم الأول كما ذكرت
وفي منامي رأيت
بعدها صحيت من نومي ، وعركت عيوني وافتح واثاريني أحلم ..... !!!!

بتنظيم يليق بالمنطقة وبطموح محبيها
لتزهوا بريده كما نريدها
فالمسألة لا تعدوا كونها شوية اهتمام
وتعيين اشخاص يهمهم نفض الغبار وإظهار بريده
بشكلها الحقيقي وبمحتواها الفكري والثقافي والعلمي والتجاري
وبروعة بروزها كزهرة بين تلك الرمال الذهبية

[قــطر النــدى]

يا لب قلبي عنيزه وهلها متكاتفين بيناتهم
مو زينا ببريده ومتنزهاتها اكل حرام شرب حرام
ولا معقوله الجسر الي بطرق الملك عبد الله يوم جاء وزير البلديه وحفر له حفرتين ولحد اليوم ما فيه جديد
الأمانه حراميييييييييييييييه وده يكون زي حق جده علشان يغييييييييييييييرونه يكون وزييييييييييييييييييييييييير