[ٳثمڍ فرζ]

جميع الشباب يتطورون ويرتادون المقاهي ...

الا أخواني من البيت( للحوش ) ومنه الى البيت ..

عشان كذا أستغربت أدمانكم يـ الشباب المقاهي ..


واكيد ان شباب الرياض تفوقوا على عيالنا القصمان ..

بـ زيارة المقاهي ..ولا كان ماسويت دعايهـ لـ جافا تايم

[شهقه فراق]

جـــــــافا تايم شي خيالي

بالجـــامعه عليه انــواع الزحمه لكــن ملعوب علينا بالاسعار جوا الجامعه


امـــاكن الكافي هاديه ورايقه
تعرف تسولف زيـــن فيهــا
واكلهم حلــو تغيير عن اكل البيت وتغييـــر جو كمــان

[ابو نوره...]

عاد مقاهي الشيشه!!!!!!!!!!!

....فرشات محترقه وناس سبحان الله نحيفييييين بس لهم كرشة!!! أو شياب متسدحين كل واحد بزاوية............

متصفرين((((((((((( ضبان بحوض هيلي))))))))))))))) والعماله بنقالية: أستغفر الله ياربي وجوهن كالحة............

والمقرود قلبك ياخيي وهالصدر اللي تكده........ عسى ماهو صدر المجلــــــــــــــــس...........

[الـصـمـصـام]

اقتباس المشاركة الأساسية كتبها بولوهي اماكن ممتازه وكان لنا اجتماع اسبوعي في احد هذه المقاهي في بريده ولكن احدهما وهو مشهور جدا اذا دخلت فيه ماترتاح العمال اللي فيه يكدون وينشب فوق حلقك الا اطلب ولا اطلع .! مع اننا نطلب ولكن يردك تكلب دائما ..! استغلال وبعد ذلك قررنا ان ناخذ غرفه vip الساعه بـ30 ريال اريح لنا وافضل وانترنت خاص بك وتلفزون ومكيف سبلت وبعيد عن الازعاج .

أهلا بك حبيبي ..
بريدة بالذات لم أجل فيها مقهى مناسب ..
و الأفضل فن جن .. و بريك .. على ملاحظات فيهما ..
أشكرك ..

[الـصـمـصـام]

اقتباس المشاركة الأساسية كتبها ماتهاب امممم كنت اظن ان إدمان المقاهي حالة أصابت اخوتي وابناء عمي ولكن من هنا تغيرت النظرة .. الشي الذي أتعجب منه كيف مايملون ماشاءالله " مع اني أُفضل المقاهي على أماكن كثيرة " ولكن بشكل يومي وكما يقول ابن اخي " المقهى عن ابوي وعمامي حبة صباح حبة مساء !! , أستغرب بصراحة وش الميزة بالمقهى خاصة إن كان الشخص يجتمع فيه بأقاربه غالبًا ! + سبحان الله لما قرأت موضوعكم السابق عن الأسواق والبنات والله أول ماجاء في بالي الشباب والمقاهي ولكن منعني ظني انه ليس كل الشباب مثل اخوتي , وها أنتم تتحدثون عنها .. أشكرك .

والله يا أختي المقاهي أحس أكل كلفة و أقل كلافة على الأهل ..
و أحس أن اللي يجي للبيت يكون فيه رسمية و بعض جفاء ..
من أجل هذا أفضل المقاهي .. و الأهل ما نقصر معهم ..
و أجمل الجلسات اللي تكون برفقة الأهل .. إذا كان فيه مقاهي مهيأة للعوائل ..
تحية طيبة .. و ترانا تبنا من موضوع الأسواق كما أعلنا ..

[الـصـمـصـام]

اقتباس المشاركة الأساسية كتبها V A N I L L A : حلو كـ تغير عن جو البيت و الكذآ , الله يسعد الجميع : D ثآنكيوآ . .

صحيح .. شكراً لك ..

اقتباس المشاركة الأساسية كتبها مخاوي 7 الصمت طيب أعزمنا يا دب أعرسوا يالعزااااااب .. اعرسوا .. لاأبا لكم .. هههههههههههههههههههه تنسيم يا أبو حنفي

خلنا ننقل من القريات بس ..
والله يا أنا ناوي أشوف جميع المخلوقات ..
و على رأسهم أنت ..

[الـدعساوي]

يعني لاجيت هناك الوعد جافا تايم

[لماذاهذا]

اقتباس المقاهي أحس أكل كلفة و أقل كلافة على الأهل .. و أحس أن اللي يجي للبيت يكون فيه رسمية و بعض جفاء .. من أجل هذا أفضل المقاهي .. و الأهل ما نقصر معهم

جيد وجميل

المثل بالمثل ...

المقاهي والاسواق ...يكون

لاأفراط ولاتفريط ...^^

[الـصـمـصـام]

اقتباس المشاركة الأساسية كتبها متفائلة2 مشكلة والله الحريم تشتكي من قلة وجود ازواجهن في المنزل .... واثرالسبب المقاهي لا مايصيركذا انتبهو لأولادكم ربوهم وأحسنوتربيتهم لقنوهم التوحيد وقصص الرسول صلى الله عليه وسلم والصحابة الكرام اذاصار الواحد يروح للمقهى مرتين باليوم يعني يجي للبيت للنوم فقط تذكر..كل راع مسؤول عن رعيته مقاهي استراحات مته الجلوس مع الزوجة والأبناء

أول شيء .. ربما أنك فهمتي انها مقاهي الشيش ..
فأبشرك ماعمري دخلتها الحمد لله ..

الأمر الثاني .. الحمد لله ما أهملنا حق الأهل ..
و بالإمكان إني آخذهم معي .. إذا المكان مهيأ ..

اقتباس المشاركة الأساسية كتبها الصباخ وبالذات لا أخذت العين الحمراء وعجزت عقبة تنام وخصوصاً إن طعمه شييييييييين :s أكرم الله النعمة.

ههههههههههههههههههههههههههههههههههه
عليك وجه ذاك اليوم .. تقل تجرع لك تراب ..
يعني خلاص بدال ما تقول للواحد ( كل تراب ) .. قل له .. اشرب ( العين العمراء ) .. ههه

اقتباس المشاركة الأساسية كتبها بندر 1430 جعلتَ لذلك المقهى ذكرى أريد لها الإستمرار ..! ما زالت رائحة قهوتك تداعب أشواقي يا صديقي كن بخير

والله تشرفنا .. و المرة الجاية يا غالي بالبيت إن شاء الله ..
لعل الله يبارك فيه بحضوركـ ..

اقتباس المشاركة الأساسية كتبها الشوق2003 مقاهي الكوفي شوب ..... ولا مقاهي الشيش !!!!!!

لا الشيش هههه

اقتباس المشاركة الأساسية كتبها انكسار الم جميع الشباب يتطورون ويرتادون المقاهي ... الا أخواني من البيت( للحوش ) ومنه الى البيت .. عشان كذا أستغربت أدمانكم يـ الشباب المقاهي .. واكيد ان شباب الرياض تفوقوا على عيالنا القصمان .. بـ زيارة المقاهي ..ولا كان ماسويت دعايهـ لـ جافا تايم

أوفر لجيوبهم ..
و فيه من شباب الرياض والله ما يعرفهن ولا يعرف إلا قهوة البيت ..
و هذا الصح

اقتباس المشاركة الأساسية كتبها شهقه فراق جـــــــافا تايم شي خيالي بالجـــامعه عليه انــواع الزحمه لكــن ملعوب علينا بالاسعار جوا الجامعه امـــاكن الكافي هاديه ورايقه تعرف تسولف زيـــن فيهــا واكلهم حلــو تغيير عن اكل البيت وتغييـــر جو كمــان

فعلا .. الرواقة طيبة ..
لكن الله يعين على الأسعار ..

اقتباس المشاركة الأساسية كتبها ابو نوره... عاد مقاهي الشيشه!!!!!!!!!!! ....فرشات محترقه وناس سبحان الله نحيفييييين بس لهم كرشة!!! أو شياب متسدحين كل واحد بزاوية............ متصفرين((((((((((( ضبان بحوض هيلي))))))))))))))) والعماله بنقالية: أستغفر الله ياربي وجوهن كالحة............ والمقرود قلبك ياخيي وهالصدر اللي تكده........ عسى ماهو صدر المجلــــــــــــــــس...........

ما لنا علم بمقاهي الشيشة عاد ..

اقتباس المشاركة الأساسية كتبها الـدعساوي يعني لاجيت هناك الوعد جافا تايم

أعزمك و أعزم عشرة من أشكالك .. <== يعزم ولا يهاوش ذا ..

اقتباس المشاركة الأساسية كتبها لماذاهذا جيد وجميل المثل بالمثل ... المقاهي والاسواق ...يكون لاأفراط ولاتفريط ...^^

أكيد .. و ترانا تبا إلى الله ...
خلاص نودي و نجيب <== أصلا غصب ..
و أهم شيء من ردك .. السطر الأخير ..
بارك الله فيك ..

[ابن الإسلام]

هلا بالغالي أبو عبدالعزيز
والله ياجلسه فوق راس نفود
وعندك العزبه تظبط بها القهوه تسوى
كل المقاهي الزينه والشينه
إذا جيت للقصيم علمن أجهز العزبه ونطلع لنا فوق نفود

طبعا وجهة نظر خاصه

[الـصـمـصـام]

اقتباس المشاركة الأساسية كتبها خيّال هلا بالغالي أبو عبدالعزيز والله ياجلسه فوق راس نفود وعندك العزبه تظبط بها القهوه تسوى كل المقاهي الزينه والشينه إذا جيت للقصيم علمن أجهز العزبه ونطلع لنا فوق نفود طبعا وجهة نظر خاصه

ياحبي لك ..
والله النفود ما ينعاف .. لكن وين أنا ووين النفود ..
بالرياض لو تبي النفود ما يهنا لك إلا طلعة من بعد العصر ..
و تسمر الليل ، و تعشى و تعلل ..

و بعدين كود تطق 40 أو 60 كيلو عشان تطلع للنفود ..
وجهة نظر منتازة .. بس بالرياض .. مش منتازة مولية

[حفيد اعقيل]

.
.
.

السـلام عليكم ورحمة الله وبركاته ..

شــخصياً لاأعرف لهذه المقاهي باباً , أذكر أنني ضربت موعداً مع أحد الأحبة في رياضِ ما
فتواعدنا في أحد الأماكن لأوقف سـيارتي وأركب معه , وكنت أتبادل معه الحديث ولاأعلم
إلى أين هو ذاهب , ومن ثم توقف أمام أحد هذه الأماكن - التي هي الآن مقاهي - ثم نزلت ولم
أنبس ببنت شـفه إيحاءً مني بأن الأمر عادياً رغم أنها المرة الأولى بالنسـبة لي بل والأخيرة
حينما هممت بالجلوس لم يدعني فضولي من أن ألتفت ذات اليمين
وذات الشـمال وإذا بي أرى أناساً يتخافتون , وهناك من إنكب على
محموله يقلب ناظريه في المواقع , كانت الإضاءة خافتة باعثة على
النوم لمن هو في سـني .
طلب صاحبي شـيئاً لاأعرف اسـمه هذه اللحظة لكن الذي بقي من ذاكرتي أنه
كان بارداً وكان في كأس طويلة أطول من الكؤس المعتادة وكان أسـفله أظنه حليباً بنكهة الفنيليا أما أعلاه فكان لونه بني داكن وأظنه كاكاو ومن ثم قد غرس فيه مصاصاً طوبلاً .
أما أنا فقد إنتظرت صاحبي حتى يبدأ لأعرف ماهي بروتوكلات شـرب
أو أكل مثل هذه الأشياء التي أجهلها , انتظرت صاحبي إلى أن هداه الله
فإرتشـف رشفة لاصوت لها , ربما لكثافة المرشوف , ومن ثم جاء دوري
لأرتشـف كما فعل هو ..
هذه هي قصتي مع المقاهي .
شــكراً لك أبا عبدالعزيز , والشـكر موصول لمن قضى وقته في قراءة أحرفي هذه ..

.
.
.

[الـصـمـصـام]

اقتباس المشاركة الأساسية كتبها حفيد اعقيل . . . السـلام عليكم ورحمة الله وبركاته .. شــخصياً لاأعرف لهذه المقاهي باباً , أذكر أنني ضربت موعداً مع أحد الأحبة في رياضِ ما فتواعدنا في أحد الأماكن لأوقف سـيارتي وأركب معه , وكنت أتبادل معه الحديث ولاأعلم إلى أين هو ذاهب , ومن ثم توقف أمام أحد هذه الأماكن - التي هي الآن مقاهي - ثم نزلت ولم أنبس ببنت شـفه إيحاءً مني بأن الأمر عادياً رغم أنها المرة الأولى بالنسـبة لي بل والأخيرة حينما هممت بالجلوس لم يدعني فضولي من أن ألتفت ذات اليمين وذات الشـمال وإذا بي أرى أناساً يتخافتون , وهناك من إنكب على محموله يقلب ناظريه في المواقع , كانت الإضاءة خافتة باعثة على النوم لمن هو في سـني . طلب صاحبي شـيئاً لاأعرف اسـمه هذه اللحظة لكن الذي بقي من ذاكرتي أنه كان بارداً وكان في كأس طويلة أطول من الكؤس المعتادة وكان أسـفله أظنه حليباً بنكهة الفنيليا أما أعلاه فكان لونه بني داكن وأظنه كاكاو ومن ثم قد غرس فيه مصاصاً طوبلاً . أما أنا فقد إنتظرت صاحبي حتى يبدأ لأعرف ماهي بروتوكلات شـرب أو أكل مثل هذه الأشياء التي أجهلها , انتظرت صاحبي إلى أن هداه الله فإرتشـف رشفة لاصوت لها , ربما لكثافة المرشوف , ومن ثم جاء دوري لأرتشـف كما فعل هو .. هذه هي قصتي مع المقاهي . شــكراً لك أبا عبدالعزيز , والشـكر موصول لمن قضى وقته في قراءة أحرفي هذه .. . . .

ههههه أجل ما تعرف الإتي كيت ..
تصدق .. على كثر ما أروح .. إلا أني ما آكل الحلا بالملعقة ..
أقطعة و أجرعه بيدي مامثل البيت .. صح ..
بس مثل ما قلت .. ربما كانت جزء من ثقافتنا ..
و الكل امطأن إليها ..

كل التحايا أستاذنا ..

[مع اجمل تحيه]

موضوعك رائع كروعتك
الكافي شوب ممتاز جدآ من عدة نواحي بدال مايجلس الشاب يدور بالسياره او يهجول بالحوشه او يجلس بمقاهي المرض الشيشه
يجلس بالكافي ع النت او مع اخوياه ويطلب القهوه اللي يبي
شكرآ لك عزيزي عبدالله