[لزام ون]

اللهم احفظنا واحفظ لنا اولادنا واموالنا واعرضنا

[كريّم]

يا اخوي مادام الوضع وصل لهذا الحد من التأزّم يعني ماتنام الا والمسدس عند راسك
و تجاوزت المخاوف سلب الأملاك وانتهاك حرمة البيوت ووصلت التعدي على الأعراض
ليش ماتروح انت أو أنت وابوك وجاركم لمكتب الامير بالاماره وتقوله اللي عندك؟
عادي ترى من حقك تقول شكواك .. والامير يستقبل المواطنين بالاماره
أحسن من انك تكتب رساله بمنتدى !
لكي تضمن أن الوضع اللي تعاني منه انت وغيرك من السكان قد وصل للأمير
والأمير بما أنه مسؤول تكون الشكوى وصلته ولاحجه له أمام الله وأمام عباده

[البلح]

الله يدفع البلاء

[ابوإياد..]

اقتباس المشاركة الأساسية كتبها تعبت احتسي حسبي الله ونعم الوكيييييل يارب انا الحيييييييين جاي من مركز شرطة الشماليه التوقيت حاليا5:37ص وقبل ساعتين بالضبط 3:30حصل علي انااا اناا عملية سرقه عينك عينك وبعد في الشارع الي ورا العثيم العريض كنت ماخذ معي خوياي وموقفين سياراتهم بالملابق الي ورا يوم رجعت انزلهم وهم شغلو سيارتهم عشان تحتمي الا ويجي ذاك الطعس بمكسيما فضيه الموديل ماعرفه لاكنه قديم شوي ويقول وش عندكم موقفين عند حارتنا اشوف الا هالولد موب غريب علي ساكن في حاره حولنا واقول اسمه انت فلاان قال خلك من فلان وش عندكم هنا وقلت وش بغيت انت وينزل هو والسواق وكان معي بالسياره واحد راكب قدام ويجي لم دريشت خويي وانا كنت اسوق ونناظر الا وفي يده عصا اسود مربوط ربل كيبل حق اللحط واللحيط ويبي يضرب خويي وضرب سقف السياره ودخل على خويي طرف الربل ولحطه مع كتفه انا من شفت مشيهم واضح مو مضبوطين ياشاربين شي او من تأثير مخدر ويوم حركت الموتر بهج وينقز ويدخل ايده عند القير فيه 4 جوالاات وبوك يبي ينطل شي وخوي صبخ بيده الديكور وانا محرررك ماشي ساعدتنا بأسقاط الي فيده وخوياي الي يحمون سياراتهم هجو وديورت انا ولحقته واخذت رقم اللوحه وطرت للمركز الشرطه الشماليه وجيت انا وخوياي نقدم بلاغ وذكرت لهم اللوحه واسم المعتدي علي واخر شي شف وش يقول لك الضابط تبي نستدعيه وتاخذ تعهد انه مايجيك مره ثانيه ولو جاك مره ثانيه وتعدا عليك ندبسه مع ملفه الاول ونحولكم للتحقيق العام والمحاكم اوعندك استعداد نرفع اعتدائه عليك لهيئة التحقيق من الحين وتلاحق وراه بالمحاكم واذا ماهتميت للمحاكم راح يطلقون المجني عليك يحبط بك باتخاذ حقك من الجاني علييييك يعني الشماليه بكبره لا عنده اشياء تخلي الواحد مايعيد كررته ثاني مره يعني بس يدخل من هناا ويطلع من هنا بكفاله ويعود اللللص الى عادته وتقولون ليش زايده السرقات والنهب و و و ... الخ يعني معقوووووله انعدم الامن في الشوارع وفي بيتونا حسبي الله ونعم الوكيل

اقول والله يانت حبيب ..كان صدمه لي يطيح واخذت العصا اللي معه ورطبته لين يعض الارض ابن.....
اجل يقول وش جايبك لحارتنا..كان قلت وين صك الحارة اغديه باسم ابوك لابوك لابوتسلب

اخوياك المنذل ليش ما نزلوا يفزعون..قليلين الخاتمه..ولا خايفين\


حسبي الله على كل من سرق بيت وسيارة او غيرة..الله لايوفقهم دنيا واخرة

لازم تشوفون لنا حل والا تبي تصير مشاكل ..الله يستر لا يجينا ما جاء مصر

[زوجـي آغلىآ نآسي]

من امن العقوبة اساء الادب
من وجهة نظري ان يعود شعبنا لتطبيق الشريعة الاسلامية بحذافيرها فتقطع يد السارق
وتلغى حقوق الانسان
فلن ترى سارق بعدها
واذا لم يكن هذا الحل فعذرا سادتي سنرى هذه الاحداث بازدياد

[ولد الربوه]

الله يستر

[تعبت احتسي]

اقتباس المشاركة الأساسية كتبها ابوإياد.. اقول والله يانت حبيب ..كان صدمه لي يطيح واخذت العصا اللي معه ورطبته لين يعض الارض ابن..... اجل يقول وش جايبك لحارتنا..كان قلت وين صك الحارة اغديه باسم ابوك لابوك لابوتسلب اخوياك المنذل ليش ما نزلوا يفزعون..قليلين الخاتمه..ولا خايفين\ حسبي الله على كل من سرق بيت وسيارة او غيرة..الله لايوفقهم دنيا واخرة لازم تشوفون لنا حل والا تبي تصير مشاكل ..الله يستر لا يجينا ما جاء مصر

ياحبيلك وين اصدمه لو القانون بيرجع صدماتي له وبيرجع حقي كان طيرته بس البلا ماتبي توجع راسك بعوار تحقيقاتهم الي تقل يسكتونك ويالله ضضف لا تراجعنا
والمشكله خوياي الي نزلتهم ولد عمتي فرح جاي من الشرقيه بيفله ببريده ويشوف هالمناظر المخزيه ولا يعني بزارين وذروقين هذا جايب اخوه الصغير مابهم دبره زين سلمو منهم مع الهجه لانو لو بكامل عقله يمكن ينتفاهم معهم بس يهايطون علينا وشكلهم في تأثير مخدر يعني ذبحتي زي السلام عليكم
مير الحمد لله ستر الله صفة على عصى مانزل بمسدس وهالمشكله هالايام اقرى بالمنتدى مشاكل اسلحه ماخذت احتياطي
وهالوقت بجمب قير الموتر مسدسك وعساك سالم

[ابن بريدة.]

اقتباس المشاركة الأساسية كتبها sam11sam والله العظيم كل مرة ادخل البيت و انا مقبل على الباب الرئيسي اشوف هو مكسور او الا من كثر ما نسمع من السرقات

والله كأنك تهرج عني ..فعلا لما أدخل البيت أقول الله يستر .

[إبداع قلم]

اقتباس المشاركة الأساسية كتبها كريّم يا اخوي مادام الوضع وصل لهذا الحد من التأزّم يعني ماتنام الا والمسدس عند راسك و تجاوزت المخاوف سلب الأملاك وانتهاك حرمة البيوت ووصلت التعدي على الأعراض ليش ماتروح انت أو أنت وابوك وجاركم لمكتب الامير بالاماره وتقوله اللي عندك؟ عادي ترى من حقك تقول شكواك .. والامير يستقبل المواطنين بالاماره أحسن من انك تكتب رساله بمنتدى ! لكي تضمن أن الوضع اللي تعاني منه انت وغيرك من السكان قد وصل للأمير والأمير بما أنه مسؤول تكون الشكوى وصلته ولاحجه له أمام الله وأمام عباده

حبيبي كريم ..
موضوعي وشكواي مو معناته لازم أروح وأشكو من السرقة لا لا !!
موضوعي موجه ضد المسؤولين رجال الأمن ومن يهمهم الأمر وين الإخلاص وليش ما يشتغلون زي العالم الثانية وليش هالنووووم واللعب ؟؟.
عتب ولسعة وأنا أخوك ولعل الأمير يوريهم العين الحمراء .وأيضا دعوى لكبار الأهالي لبحث الموضوع .
لو رحت أنا وخمسة وأنا نكرة مو زي رجالات بريدة المعتبرين ولايعني انتقاص شخصيتي لا ولكن أهل المنزلة لهم كلمة أقوى

[كريّم]

اقتباس المشاركة الأساسية كتبها إبداع قلم حبيبي كريم .. موضوعي وشكواي مو معناته لازم أروح وأشكو من السرقة لا لا !! موضوعي موجه ضد المسؤولين رجال الأمن ومن يهمهم الأمر وين الإخلاص وليش ما يشتغلون زي العالم الثانية وليش هالنووووم واللعب ؟؟. عتب ولسعة وأنا أخوك ولعل الأمير يوريهم العين الحمراء .وأيضا دعوى لكبار الأهالي لبحث الموضوع . لو رحت أنا وخمسة وأنا نكرة مو زي رجالات بريدة المعتبرين ولايعني انتقاص شخصيتي لا ولكن أهل المنزلة لهم كلمة أقوى

عجيب وش هالتناقض هذا! ياخي بموضوعك تقول رساله للأمير
وراك خفت؟ أنا ماقلت انك تقول الامير مقصر .. أدري ان قصدك التقصير من رجال الامن
والامير مادام صوتك ماوصل له وشلون تبيه يوريهم (العين الحمرا) على كلامك ؟
وبعدين لاتقول على نفسك نكره . انت مواطن زيك زي الرجالات المعتبرين اللي تقول عنهم
لك حق العيش بسلام في وطنك وأن تأمن على بيتك وأهل بيتك وممتلكاتك.

[وزير]

الله يستر علينا

[قـــصـــيـــة]

لا تُقللوا من شأن دُعاء الإستيداع فالله سبحانه لن يُضيع أماناتكم
[ اللهم إني أستودعكَ نفسي وأهلي ومالي ....... فإنها لاتضيعُ ودائِعُك ] وغيرها


( اللهم من آراد بمسلم سوء أو ضرر فرد كيده في نحره وأشغله بنفسه ) آآآآآمين




كان الله في عونك وعوّضكَ خيرا أنتَ ومن سُرق .. ونتمنى أن تصل رسالتك!

[abonwaf]

والله الامر زاد عنن حده
المشكلة في تطبيق الشرع بحق المجرم للاسف
وهيئة الادعاء ما قصرت كفالة وامش للاسف
نطلب الغائها والله افراد الشرطه يشكون بانفسهم يقولون نمسك الحرامي وهئية الادعاء يطلعونه
حتى وصل الامر انهم يهددون الشرطه
لازم حل سريع وجذري بس ما يكون مثل حلول جده

[أبورامي]

السيف الأملح