[الـعـابـر]

التعدد هو مشروع يؤكد للمجتمع ان لا عدو للمرأة الا المرأة

[بودرة نونو]

التعدد مشروع وله حكمة ...واستغرب من اعتقاد بعض النساء بأن زواج زوجها من اخرى هو ظلم لها ؟؟ او اعتقادها ان الزوجة الثانية ليس لها حقوق !
في اعتقادي ان التعدد سينجح في اي بيت اعتمادا علـــــى الزوج والزوج فقط .الزوج الذكي العادل يستطيع ان يكسب سعادة في الدنيا بالاستمتاع بما احل الله له .كما انه لن يحمل اوزارظلمه يوم القيامة عند ميله لاحدى الزوجات ....

[L&M]

ياخي خلك من زوجه ثانيه وثالثه ..


خذ لك وحده .. وخله بعيونك .. وعطه كل ماتملك .. ازين لك من ثنتين وقلق ومشاكل مالله بهِ عليم ..


والامور هذي ماتجيب الا مشآكل ..

[C A R A M E L]

:

اقتباس المشاركة الأساسية كتبها {أليس الله بكاف عبده} قد يكون سر الحياة السعيدة والطويلة يكمن في الاقتران بزوجة ثانية اي التعددية هذا ما توصل إليه باحثون في جامعة شفيلد البريطانية بعد اكتشافهم فوائد تعدد الزوجات في دراسة أعدتها منظمة الصحة العالمية حول البلدان التي تسمح بتعدد الزوجات حصدت نتائج مذهلة جدا منها أن عمر الزوج الذي يقترن بأخرى يزداد أكثر من غيره بنسبة 12% وأشارت الدراسة، التي نشرت في العدد الأخير من مجلة « نيو ساينتيست » إلى أن الرجل الذي يتزوج من أكثر من امرأة وتكون لديه عائلة كبيرة يحظى برعاية أفضل في مرحلة الكهولة ويعيش لفترة أطول . وقال الاختصاصي في تطور علم النفس لانس ووركمان من جامعة باث سبا البريطانية « إذا كان لديك أكثر من زوجة فقد يعتنين بك وتعيش لفترة أطول » مشيرا إلى فوائد الزواج لأننا نعرف أنه حتى الرجل الذي يقترن بامرأة واحدة يعيش لفترة أطول من العازب اظف الى ذلك ان من فوائد التعددية زيادة الرزق وكثرة الاولاد ومن الفوائد ايظا التجدد في قلب الرجل وايظا زيادة التداخلات في الوسط الاجتماعي واخيرا يبقى التعدد مرهونا بالعدل فلا تفسد حياتك وحياة من معك ومن حولك اذا كنت لن تعدل .

الدرآسه كل أبوهآ تصب ب مصلحة الرجل , يعني وش بتستفيد المره منه !
زيآة عمر زوجهآ ! ب العكس ب تقول ب النآقص

ب النظر ل التعدآد صآر ب وقتنآ مثل السلآم عليكم وآحد عمره 25 و بيتزوج الثآلثه !
و العجب من بعض الأهآلي شلون تزوجونه و الله لو آنه عمر المختآر

و نرجع و نقول الشرع محلل أربع ب شرط العدل
و اللحين الله يخلف عسآه يعدل بين عيآله عشآن يعدل بين حريمه

ب رأيّ آذآ هي إختآرت آنهآ تكون ب مرتبه أقل و أنهآ تكون التآليه ف تتحمل كل اللي بيجيهآ سوآء أختآرهآ آبن الحلآل و الا آمه ,
و طبعاً العشره و العيش و الملح مع الأولى وكبره و ذكريآته مع الأولى ف أكيد بيصير لهآ غلآ خآص مو بس لآنهآ آم عيآله
لآنهآ صديق شبآبه بعد و هي اللي صبرت عليه و وآسته و عآشت الحلو و المر معه !
ف صعبه آنك تجين تآلي و تبين نفس الغلآ و نفس المقدآر

[ميمي كاتي]

وش قصدك في كلامك ان الثانيه هو الي اختارها مو اهله يعني هو خان زوجته الاولى وغازل الثانيه ههههههههههههه خوووووووووووووووونه

[الـعـابـر]

اقتباس المشاركة الأساسية كتبها ميمي كاتي وش قصدك في كلامك ان الثانيه هو الي اختارها مو اهله يعني هو خان زوجته الاولى وغازل الثانيه ههههههههههههه خوووووووووووووووونه

اذا كنتي ترينها على انها خيانه
فأنا ارى ان خيانه تختلف عن خيانه
خيانه محموده و خيانه مذمومه
الخيانه المحموده هي كما حكمتي على الموضوع هنا أي ان الزوج يتعرف و يختار و يتزوج
اما الخيانة المذمومه هي خيانة الاهل مع العلم ان لا فائدة الا الاهانة

[Hadeel.m]

انا قريبا بكون الثانيه
و من كثر ما هوه متعلق فيا يقول عمري كله راح على الفاضي
و كان ناوي يطلق زوجته بس انا رفضت قلتله حراااام

بصراحه بعض الرجال مظلومين مع حريمهم الواحد فيهم كأنه متزوج صاحبه
من الخشونه اللي فيهم لا اهتمام و لا لبس و لا نظافه
الوحده فيهم تجلس بالقميص اسبوع ما تغيره الا اذا جات تطلع بس
و بس ترجع من سهرتها يرجع القميص ...
سلااااامات في شي اسمه اناقه باللبس حتى لو كانت بجامه تكون المفروض نعومه
مو طويله و وسيعه و تجيب الهم للواحد
و و و

احيان اشوف رجال مع حريمهم يكسرون خاطري
اللبس اشكال و الوان و هما غرقانين بوسط القمصان
و اذا في شغاله معناته هي و الشغاله واحد نفس اللبس
ما يفرق بينهم الا بربطة الراس


نصيحتي لكل وحده حاولي تتعودي على الاهتمام
مو بس فتره و خلااااص

و بث

[كتكوتة]

تدرون ليش تغيرت النظره؟؟
لان الرجال هم السبب!!!!
زمان اول كانت الزوجه الاولى صديقه للثانيه وماشيه الحياة لان الزوج عادل ..
لكن حاليا غالبا الرجال لايعدلون ياانه يميل للثانيه ويترك الاولى او يظلم الثانيه وهذا واقعنا ولاتنكرووووووووون؟؟
والحين المعيشه تغيرت عساه يقدر ينفق على الاولى..

[توست]

كلهن ابحطهن بعيوني بس المشكله تجي من الحريم ومشاكلهن . ولا الرجل

يبي العدل والراحه النفسيه بس الحريم الله يهديهن . مايشوفن عائشه رضي الله عنها وش تسوي .

[ياليت]

اقتباس المشاركة الأساسية كتبها Hadeel.m انا قريبا بكون الثانيه و من كثر ما هوه متعلق فيا يقول عمري كله راح على الفاضي و كان ناوي يطلق زوجته بس انا رفضت قلتله حراااام بصراحه بعض الرجال مظلومين مع حريمهم الواحد فيهم كأنه متزوج صاحبه من الخشونه اللي فيهم لا اهتمام و لا لبس و لا نظافه الوحده فيهم تجلس بالقميص اسبوع ما تغيره الا اذا جات تطلع بس و بس ترجع من سهرتها يرجع القميص ... سلااااامات في شي اسمه اناقه باللبس حتى لو كانت بجامه تكون المفروض نعومه مو طويله و وسيعه و تجيب الهم للواحد و و و احيان اشوف رجال مع حريمهم يكسرون خاطري اللبس اشكال و الوان و هما غرقانين بوسط القمصان و اذا في شغاله معناته هي و الشغاله واحد نفس اللبس ما يفرق بينهم الا بربطة الراس نصيحتي لكل وحده حاولي تتعودي على الاهتمام مو بس فتره و خلااااص و بث

يقآلي أنآ الحرمه آلي آفهم لرجآل يآربي ينآس
هو آلحين يقولك كذآ لاتستانسين ولاعرس عليك مارده لمرته الاولى
وبعيدن هالحين يزرقتس بس لاتصيرين مخفه وتصصدقين تراه هم كذآ
ويآرب ياكريم يالي دخلتي ع الاولى تدخل عليك الثآلثه

[زهور الربيع]

اذا كان صحيح الاختلاف بس بالترتيب
اذا لماذا الرجل يميل الى الثانيه اكثر

[تـفـآآآصيل الحـنين]

اقتباس المشاركة الأساسية كتبها فسفوريه الشكوى لله كلهن ضحيه لنكبــات الأيـــام ..

[Hadeel.m]

اقتباس المشاركة الأساسية كتبها ياليت يقآلي أنآ الحرمه آلي آفهم لرجآل يآربي ينآس هو آلحين يقولك كذآ لاتستانسين ولاعرس عليك مارده لمرته الاولى وبعيدن هالحين يزرقتس بس لاتصيرين مخفه وتصصدقين تراه هم كذآ ويآرب ياكريم يالي دخلتي ع الاولى تدخل عليك الثآلثه

مو يقالي الا بجد على الاقل فاهمته لو 70%
اتحدى اذا رجعلها و انا ابخص باللي اشوفو و عارفته
و ليش تدعي عليا انا بيني و بينك شي .؟؟

[الـعـابـر]

^^
تهاوشن وهن مب ضراير
الله يكفينا الشر
اجل لو انتم ضراير كان مجازركم بين بعض تغطي على مجازر اسرائيل