[صاحبة الامتياز]

اتــمـــنـــى من قلبـــــي

اتكلم بــلهـجــتــنــا واتطعم بحـــرف السيــن ويعجبن بالحيــل

وخــاصه تعليق الأعضا والعضوات لصار قصمنجــي بحـــت يــاســـلام

[[ أمــيــرة ]]

اقتباس المشاركة الأساسية كتبها zell‏ بس مشكلتي من اصل لـ 50 مشاركه اعطي روحي باند

ليه عند الله سعه
*
خالديه هيبه مشكوره ع الموضوع

[جاسم .. مليون !]

اقتباس المشاركة الأساسية كتبها zell‏ اما ما تفهم لهجه بريده طير بلا مبالغات

ولهجه اهل بريده فرنسي واهل الرياض بكستاني .!؟

اقول شوف طريقك ذاك روح معه احسن لك ..


,,

[جاسم .. مليون !]

اقتباس المشاركة الأساسية كتبها zell‏ ههههههههههههههاي يا انت تحفه التحفات يا اخي كل رد لك يضحكني من صماصيم قلبي تصدق البنكرياس الاعور تقطع ضحك كل رد لك مافيه جمله مفيده ركز معاي شوي شوف ايش تكتب برررب ابدي

شكرا مساء الخير << عشان الجمله المفيده حقته

ايوه حلو ردي كذا ؟


,,

[هاجس الود]

يازين بريدة ولهجتها بس

[أوتار سرمدية]

- ان كنتم تبحثون عن منهم فصيح ومن أقرب قولهم هذا الزمان إلى العربيه الفصحى:
فهم قبائل موريتانيا الإسلامية وهم أهل الفصيح في هذا العصر
يليهم بقايا قبيلة حميّر في عمان وأما ما يدور في مناطق المملكة
فليس الا هجين فصحى يجب أن يعطل من شوائبه
لنقربه الى الفصيح ..

من قال الجنوب :
.. فعجلتهم بالحديث والاضاافات كـ ( ام .. وغيرها )
ودمجهم للكلمات للاختصار
لن تعطيهم الحق في هذاا ..

ومن قال نجد :
فنجد غشتها جميع قبائل الجزيرة من جنوبها وشمالها وحجازها وشرقها
وظهرت لنا لهجة هي الاسهل على المتلقي ليفهمها او يتلقى مفرداتها
وهي خليط من هنا وهناك ... والخليط لايمكن ان يستدل به الى اصل ..

ومن قال الشرقية :
فهو اقل اهل الجزيرة استخدام لمفردات الفصيح من غير ذكر
ماينال السنتهم من التاثر بلهجات من يقع على حوض الخليج
من اهالي الدول الاخرى ..


ومن قال الشمال :
فاهل الشمال رغم وضوح لفظهم يبقى لمخالطتهم شعوب بلاد الشام
وتنقلهم ومعايشتهم للاحتلال البريطاني والفرنسي وأواخر الدولة العثمانية
فإن لهجتهم يشوبها مفردات لا يمكن ان تستساغ احيانا ..

من قال اهل الحجااز :
فان كان يقصد سابقا ً فانا اشد على يده اما الان
فلا .. ولا اجدني بحاجه لأفصل هناا ..
.
.
.
والمتأمل في لهجات قبائل الجزيره كلها
سيجد ان في قواميس كل منها كلمات فصحى قح
ليست بحاجه الى تنقية أو تأويل أو تقريب ..
تقبلي مروري ..

[عبدالله الرقيعي]

متابع
شكرا موضوع مسلي

[محترف الخبوب]

اقتباس المشاركة الأساسية كتبها خالديه هيبه في بعضهم اذا طلع من ديرته يغير اللهجه يقول عشان مايعرفون من وين هل هو عدم ثقه او ماذا؟ والغريب ان اكثر اهل القصيم يقولون ان لهجتنا تفشل؟ماالسبب! شكرا للجميع

بغيت اعلق على الجزئيه هذي من الموضوع بحكم اني ساكن المدينه المنوره

ان لهجتنا تغيرت تلقائياً من كثر مانحتك ونتكلم مع اهل البلد ومن كثر اننا نحاول
توصيل المعلومه بلهجتهم لكي يفهموها صح ومع مرور الوقت صرنا نتلكم زيهم لا ارادياً
واقولك كثير من كلامنا مستحيل يفهموه .

احنا تعونا نفهم بعض بسهوله لكن لما تكون بغير ديرتك انت تسولف مثلا
وتسترسل في الكلاميقولك وقف وقف ايش تقصد بكلمة كذا وخذ نقاط تفتيش


اما من ناحيت انها تفشل ماعتقد بس ماتكلم فيها الا عند من يفهمها.

وشكرا على الموضوع ...

[خالد55]

مستحيل توحيد اللهجات ....................

لكن أتمنى تغيير بعض الكلمات البريداوية ..............

مثل ( بُه == إلى : فيه)

(تسذا ، أو تسذاتا == إلى : كذا)

(مٍير == إلى : لكن )

(الحزّه == إلى : الحين)

وغيرها كثييييييييييييير وخصوصًا تمطيط الكلام لاأدري لماذا يقال ( وراااااك تسذا)

وجهة نظر.

[سمو الحرف]

اقتباس المشاركة الأساسية كتبها خالد55 مستحيل توحيد اللهجات .................... لكن أتمنى تغيير بعض الكلمات البريداوية .............. مثل ( بُه == إلى : فيه) (تسذا ، أو تسذاتا == إلى : كذا) (مٍير == إلى : لكن ) (الحزّه == إلى : الحين) وغيرها كثييييييييييييير وخصوصًا تمطيط الكلام لاأدري لماذا يقال ( وراااااك تسذا) وجهة نظر.

لا لا لا ياخالد55 اللي محلي بريدة وأهلها هالكلمات اللي مثل تسذا
ياحبي لأهل بريده بس لو يتركون شي أسمه عنصرية كان زادوا حلاوه ( وه بس )

[لماذاهذا]

رأيت كثيرا بمن حولي وصار لدي القدرة على فهم كثير من لهجات

الا لهجه واحده فقط عجزت أفهمه كل ماقلت فهمته وأدركت معانيه وأجدهناك منها كلمات جديده ومستغربه

ماأجمل مثل ماقال الاخ الصمصام ..كلام الطفل الصغير وأكثر مايعجبني هو عندما يبدأ يقلد كلام الكبار ^^

لهجات بصفه عامة

لاتهمني بقدر مايهمني فهم مايقوله أصحابها والمراد به في حديثهم .

[رياح الصمت]

عاد من زين لهجتكم ياهل بريده
والله يابعض الاحيان اني اجلس مع ناس من اهل بريده وما افهم وش يقول بس اهز في راسي كأني فاهم السالفه وانا مثل البنقالي معه ماني فاهم وش يقول
وبعدين انتم تحبون حرف التاء والسين
دايما في كل كلمه تكون هالحرفين
يتس يتس يتس يتس
هههههههههههههههههههه
شوفي لنا موضوع غيره
ماشفتي الا لهجة بريده

[زهره الرمانه]

بصراحه لاحنا ولاهم احس اليمنيين هم اللي لغتهم قريبه للغه العربيه الفصحى

واكيد كل واحد يفخر بلغته ولايمكن أغيرها مهمارحت ومهما جيت

[كنت بيوم حساس]

موضوع ممتع اختي خالدية
اللي يخلي لهجتنا صعبة شوي عند غيرنا هي التس وهي قلبنا للكاف الى تس
ونقلا عن طالبات لغة عربية ان دكتور عندهم يقول لهجتكم يالقصمان اقرب اللهجات للسان بني تميم
وهو احد الألسن العربية الفصيحة
ويقولن بعد انه ذكر عدة مصطلحات انها من صميم اللغة مثل
عكاريش# وغادين#غدفة
وكلمات كثيرة ضحكنا منها هاك اليوم
لا وتقول فيه رسالة دراسات عليا مقدمة بالكلية عن هالموضوع

وانا من رأيي ان لهجتنا ممتعة وبسيطة غير متكلفة بالحروف الزائدة
على قولة احدى قريباتي تدرس في احدى كليات الرياض وقالن لها زميلاتها ان لهجتكم صعبة غير مفهومة
فردت رد مفحم ماشاء الله عليها
قالت ابسط حاجات الأنسان هي الماء
انتم يالسداراوية واهل الرياض والحجاز تسمون الماء موية
والشرقاوية والخليجيين يسمونه ماي
والشوام مي
والمصاريا ميه
وحنا القصمان نقول ماء مماثلين القرآن الكريم في لفظه


لا واعجبن اننا يالقصمان نماثل القرآن الكريم في تشديد نون المتكلم والوقف عندها مثل قولتنا
عطن ودن جبن كلمن حاتسن وووو
قال تعالى (فأما الإنسان إذا ما ابتلاه ربه فأكرمه ونعمه فيقول ربي أكرمن ( 15 ) وأما إذا ما ابتلاه فقدر عليه رزقه فيقول ربي أهانن )
وهذا فخر لنا فلا يوجد لهجة دارجة تستخدم هذا اللفظ الا نحن
وبعضنا يتدلع عطني خذني ودني
يضيفون ياء المتكلم مع ان لهجتنا تحذفها

اما عن موضوع ان بعض ابناء القصيم يتبرون من اللهجة
اقول للاسف ان كثير من ابناء القصيم مهب بس اللهجة اللي تبروا منها
وصل بعضهم رأس الهرم في وزارات ومناصب وسعيه في خدمة ديرته غير مرضي هذا ان كان فيه سعي اصلا
فكيف تبينه يتكلم قصيمي بمجلس وزاري والا مجلس مهم؟؟؟؟؟؟؟؟؟؟؟
بس يعجبن خالد الزامل ببرنامج الى السوق بالمجد
حتسيه قصيمي بحت
يسلم راسه والله

مشكورة على الموضوع التحفة