[تمر القصيم]

اقتباس المشاركة الأساسية كتبها خادم بريده الله يوفق ادارة المرور وشرطة على هالنوعيه راعية المشاكل ببريده

المرور ببريدة تتوقع انها جت بالهبل وقالت ممنوع النصب
والله ثم والله لو انا من الهباش لاحط ساهر للنصب
وبعض الشباب يحسبها بس كذا محطوطة
اصحاب الفكر الضال يستخدمون مثل
هذه الاشياء لترويج بضاعاتهم
الزائفة السيئة القبيحة
والعياذ بالله

اقتباس المشاركة الأساسية كتبها اجمل احساس** من راييي مب زينه التجمعات تجمع من هب ودب الخربانين مع صغار السن ....الحل كل واحد يقضب ارضه ابرك له

هذا سبب واحد من عدة اسباب لمنع النصب
ولو يفكر الشاب باغتنام وقته
بشغل احسن له

اقتباس المشاركة الأساسية كتبها أعتز بعقيدتي والله ماوراء التفحيط والدوران والنصب إلا بزران ودشير وألعن خلق الله يكونون في هذه الأماكن غالبا والله انك صادق الله يصلحكم اقعدوا واركدوا أبرك لكم

اي والله ناس اسمع ذولا ياشيخ

اقتباس المشاركة الأساسية كتبها عنود البراري ماوراه الخرابيط الا الخراب اهجدو بس ضيقتو على الخليقه

انا لا اقول ضيقتو بل اقول وش يستفيد الشاب من هالاشياء
الا ضياع الوقت والفراغ يجلب اشياء نخن في غنى
عن ذكرها

اقتباس المشاركة الأساسية كتبها وعديــت انت قوي بس لا تهايط ياشيخ خلها على ربك ترى فيه اشياء اكبر من هذي لا شغل ولا مشغله وبس دورآن صجيتونا والله حنا ماضرونا بشي الضرر عليهم وبعدين وش دخلك بحقين البكيرية وعنيزة,,,, خلك بحالك,,, وتكلم عن نفسك,,, لا تحسسسب كلن زي هالتفكير الي ما ادري وين يودي ووين يجيب.... اولا تحسب شغلهم صح والله انهم هم الي يجيبون الخرى والبلاوي لعيالهم ثانيا عمرهم سوو شي صح ذولا ثالثا لا تقارن بريدة بغيرها على ماقالو يقارن الزين بالخرى وقضن الهوايات وما لقيت الا نصب اي والله انك صادز لا حول ولا قوة الا بالله

اي والله لا حول ولا قوة الا بالله
والله هذا هم شبابنا النصب
والتفحيط وو الخ
اقل شي ياشيخ مانقول
ناظر شباب الصحابة
ناظر شباب الغرب بس تلقى الواحد ماسك كتاب ويقرى
مو مثل شبابنا
همه نصب

اقتباس المشاركة الأساسية كتبها الــخــود امنيتي ان يمنع ذلك في المملكه كلها اي والله صادقة هذا ليس اسلوب حضاري وافكار بصراحه مادري وش ارشحها>> بس سؤالي ليش هم يسوون كذا لا نقول اسلوب غير حضاري بل نقول ايش الفايددة ثانيا الفراغ لعب بالعالم لعب الله يهدي شبابنا ويفتح على بصيراتهم ويسمي ثقفاتهم ويزيدهم بسطة في العلم

امين يارب العالمين
والشي الي يقهر صراحة
يجيك واحد ينصب سيارته
ثم يروح ويستأجر سيارة
والله قمت الغباء

[أبورامي]

عالم دايخة

[قائد المجد]

كلام سليم
الهايلكس اللي بتوقيعك كلام ثاني

[جنون فـ×ـي جنون]

هههههههههههههههههههه

ضحكتون وانا توقي قايم من النوم هع هع

لكن انا من وجهت نظري رايك حلو وفكرهـ حلوهـ يعني اهل عنيزهـ شفهم ينصبون ولا فيه مشاكل

لكن حنا نبي شي واحد >>> نوعي ونثقف مرور بريدهـ <<<

يعني خلو الشباب لهم مكان مخصص يدرون ويفرغون طاقاتهم لانك مستحيل بتمنعه يبي يطلع ويدور


×× وجهة نظر ××

[` Raun ~]

أولاً أهنيك على الخمــسة .. ألله يطعمك من خـيره ويكفيك شــره ..

ثانياَ يوم كان فيه نصب بالنهضه ما تلقى مواكب نادر جدا .. بعد ما منعو النصب بالنهضه .. إتجهو للفاخرية .. وبعدين حطو تفاتيش الدنيا .. إعرف إني ما أبطيت رايح لخالتي بالفاخريه .. وأنا بطريق الشاحنات قدامي تفتيش وفيه سطحه << ما ادري وشوله السطحه شكله علشان اللوحات .. لكن إذا جيت تروح للجنوب لا أوصيك إربط حزام الأمان .. عاد الحين يوم منعوا النصب بالنهضه ومنعوا الدوران بالفاخريه والإستشانات ... تلقى أنواع المواكب ..



ســلام

[شامخه فوق العوالي]

وش ذا النصب والرفع والجزم ؟

[طروق]

والله ثم والله لو انا من الهباش لاحط ساهر للنصب





.,,,,,,,. طيب وش دخل الهبآش .,,,,,,,,,,.

[صالح المشاري]

مشكلة بريده إن العساكر 99% منهم ليسوا من أهل بريدهـ

هذا السبب الرئيسي وراء هذي التصرفات الغريبه

لست من هواة النصب لكن مايثيرني إن المنع فقط في بريدهـ

أما باقي المدن خذ راحتك ,,,وراهـ طيب ....؟؟!!


اما اللي يقول :
العضو : تمر القصيم

اقتباس ناظر شباب الغرب بس تلقى الواحد ماسك كتاب ويقرى

!!!!!!
ليتك قريت عن الهوايات هناك وكيف يتم التعامل معها

بـ صراحه بكل مكان في دول العالم فيه هذي الأشياء







ومثل ماقلت انا لست من هواية هذي الرياضة لكن اثارني هو انفراد بريدهـ بتطبيق العقوبات عليهم
يايكون المنع يطبق بكل مدن المملكة او يسمح للشباب هنا

[ناوي اعقل]

ياشباب لا تلفون وتدورون جوبوهـآ على بلآطه بريدة متخلفه عن بقية المدن

اما هذآك الي يقول الغرب ماسك كتابه يقرى <<- لا تعللليق

الحين دورآن مافيه نصب مافيه مواكب مافيه شغل مافيه دراسه عقدتووه بـ التراكمي والقيـآس وهالبلآوي وكل شيء مصعبينه ومانعينه وش تبوننـآ نسوي ...!!! ننتحر مثلاً

والي يجي يقول الي ينصب مقصدهـ ثانيه ترى كلن يشوف الناس بعين طبعه لا تحكم على افعال الناس بًمثل افعـآلك

[يربش بريده]

اولاه لو انا اشتغل بدل المدير المرووووور كان اسمح بالنصب واحط ساحه لتفحيط

والى يدور عاااادي بشرط عدم الازعاج وياوليه ويلاه الى يفحط بالشورع كان اخليه يندم انه ساق سياره

[يربش بريده]

اقتباس المشاركة الأساسية كتبها ناوي اعقل ياشباب لا تلفون وتدورون جوبوهـآ على بلآطه بريدة متخلفه عن بقية المدن اما هذآك الي يقول الغرب ماسك كتابه يقرى <<- لا تعللليق الحين دورآن مافيه نصب مافيه مواكب مافيه شغل مافيه دراسه عقدتووه بـ التراكمي والقيـآس وهالبلآوي وكل شيء مصعبينه ومانعينه وش تبوننـآ نسوي ...!!! ننتحر مثلاً والي يجي يقول الي ينصب مقصدهـ ثانيه ترى كلن يشوف الناس بعين طبعه لا تحكم على افعال الناس بًمثل افعـآلك

اعجبني

[أحبّن بالحييل]

الله يصلحكم .......النصب هو طموحك بالحياة ؟؟؟؟؟
ماهوب حرام .....لكن وش الفايده منه >>>>خخخخخخ
سو شي مفيد بحياتك قبل مماتك
الله يصلحكم

[أكره البنغاليين]

يا حبيبي اقالهم يبي يأدبون الشباب ... وجاين يتحدون

واذا المرور عاند الشباب والله راح يتعب


لكن خلكـ مثلي وفله .. اذا مريت من عند تفتيش بالنهضه ومشاك افقع باثنين وسمعه صوت الكفرات علشان يعرف وشلون يتحدى المرة الثانية

ملاحظة : اذا جيت تزعق بوجهه تأكد ان سيارات المرور اللي بالتفتيش ما فيها احد يعني كلهم نازلين علشان ما يلحقونك

... وبكذا تكون فليته .. وبالهناء و العافيه

[شامخه فوق العوالي]

اقتباس المشاركة الأساسية كتبها شامخه فوق العوالي وش ذا النصب والرفع والجزم ؟

؟؟؟؟؟؟؟؟؟؟؟؟؟؟؟