[نالا]

وعليكم السلام ورحمة الله وبركاته

لاتحسس الولد انك مهتم فيه وتبغاه يكون مثالي
خلك عادي وانت تراقبه من بعيد هل ادى الصلاة هل ادى الواجبات

اهم شي لايدري انك مهتم فيه لأنه لو درى بيعاند وبيتطفل عليك
لأن هذي مرحلة مراهقه ولازم تصبر عليه

طيب
بامكانك انك تسافر انت والولد كأنه صديق لك وتعامله كأنك تعامل خويك من الرجال
وتكلم عليه بألفاظ حلوه ومحترمه جدا خلك كأنك تخاطب صديقك
وشاوره على المحل مثلا قل هاه وش رايك هذا زين وش رايك نسوي كذا
بكذا تشوف نفسية الولد تغيرت وتحسنت واصبح واثق من نفسه وهذه الطريقة ناجحه جدا
واهم شيء خل معاملتك معه معاملة رجال لأنه بالعمر هذا يبي من اهله انهم يحسسونه
بالمسؤوليه وانه رجل البيت واذا اخطأ يوضح له الشيء بطريقة جميله وبهدوء حتى يتقبل

اما اذا عاملته معاملة مهتم فيه وخايف عليه هو مايبي كذا لأنك كذا تحسسه بالنقص
وتحسسه بالطفوله ...




واهم شيء الاول والاخير التجئ الى ربك وناجه بأن يصلح لك حال ابنك
وبإذن الله ستلقى نتائج مذهله اصبر وستنجح

ربي يصلح ابنك وجميع ابناء المسلمين

[احساس خواطر]

عليك بالدعاء والصدقه وكثرة الاستغفار ,,
وخله يراجع دكتور نفسي قد يكون أفضل له..
الله يشفيه عاجلا غير اجلا


سبحان الله وبحمده سبحان الله العظيم

[مع اجمل تحيه]

كان الله في عونك اخي ,,,
المشكله لدى ابنك بسيطه ان شاء الله ,, ولكن اتمنى منك ان تتعامل معه بلين ورفق وحب ولا تحسسه بأنه مريض
لاتضغط عليه ولاتجبره بالقوه والغضب ولا تكرر عليه ولا تكن حازمآ معه يعني اذا صلى بدون وضوء لا تغضب بوجهه ولاتحلفه بالله واظهر له بأنه صادق لانه ربما يعاني من بداية مرض ويجب ان تتدارك الامر قبل ان يتأزم الامر معه ,,, تعامل معه كصديق لك .. اقراء عليه واذهب به الى شيخ يقراء عليه .. اكثر من الدعاء له ولاتغضب من قدر الله .. اعرضه على دكتور نفسي بأحد العيادات .. حاول ان تبحث له عن عمل واذهب به معك للبر وللأستراحه والسفر لا تجعله يجلس منعزل .. اذا كان له اقارب وأصدقاء بعمره حاول ان يجلسون معه ويزورونه باستمرار .. لا تجرحه وتحطمه بالكلام واجعل كلامك معه لين ومحفز .. اللهم اكتب لــه الشفــاء العــاجل .

["أبتسامتي صدقه"]

لوننتكلم عن المشاكل والمنغصات الدنيا علينا كأن بتلنا..
شوف المصيايب اللي حولكـ تهون عليكـ مصيبتكـ
ربي ابتلاكـ ويختبركـ هل تتجزع وتتضجر من قدر الله..
اصبر واحتسب الاجر عندهـ سبحانهـ
والله مايبتلي عبد الأ انه يحبهـ..
مافيه مشكله إلا لهـ حل..
أنا من رايي أعرضهـ لدكتور نفسي مختص..
وخلهـ يزور بيت الله أنشاء الله تلقون ضالتكم هنالك..ماعلي الله شي كايد..
اسوء شعور الاحباط للابناء عندما يتم مقارنة الولدين لهـ لشخص ثاني ..
والله يذوقك برهـ ويجعله من الابناء البارين..
*جزء اللولدين الجنه*

[ام الوريدات]

الحمدلله علي قضاه الله وقدره كل داء له دواء ان شاءلله كل مشكله لها حلا الدراسه لاتفتح باب الدراسه والعتاب مثل تقول انت فاشل تجار البلد كلهم مامعهم ابتدائي ثنين خذمعك عزبه بر وطلع انت وياه خله يسوي شاي قهوه حمله المسؤليه علي شوي شوي يشوف الي يطعسون تنفتح نفسه بعدين افتح محل يجلس فيه يوسع صدره مثل محل جولات أو حمل سياره من الجمله وخله يبع عند مسجد يوم الجمعه او في قريه العصر علي ريلين قله اجمع الفلوس لك وخلك معه حاول ان تساعده ويطلع من مشكلته يبي سعه صدر وطولت بال وعليك بالصدقه بنيه الشفاء واقر عليه سوره البقره كل يوم شهر كامل وانشاء الله يشفيه الله ويعافبه والذهاب الي مكه للعمره وشرب ماء زمزم

[فسفوريه]

آسال الله العلي العظيم ان يشفيه من رايي الولد يحتاج جلسات نفسيه وغير كذا يحتاج منكم تزيدون ثقته بنفسه وتعاملوونه بلين وتبتعد عن العصبيه معه قد ماتقدر واذا ماتمسك نفسك حاول ماتحتك فيه " والله ياجركم ويعينكم عليه

[عبدالله الرقيعي]

مالك حل الا الثلث الاخير من الليل
والله ثم والله اذا داومت بالدعاء بهالوقت ان تشوف عافيته بعينك

انتبه له بالدعاء وربي مايخيب رجاء من لجأ إليه

لاتقول ابقتله ولا اقتل نفسي استغفر هالكلام ماهوب زين
لاتقنط من رحمة الله
الله الي انزل فيه هالابتلاء قادر جل وعلى ان يرفع عنه هذا الشيئ
لاتقل يارب عندي هم كبير وقل ياهم عندي رب كبير

ترا الناس ماتخلا من المشاكل يايبه
لكن انت عرضت مشكلتك وانشاء الله تلقى الحل
ترا انت بحل يمكن عند بعض مشاكل الناس
فيه ناس عندهم امراض مستعصية مثل الخبيث عافانا الله والمسلمين منه وماشابه ذلك
وناس عندهم راعين مخدرات وصابرين ومحتسبين
وانت ولدك اهوون من الي ذكرت لك انا يايبه
لاتيئس من رحمة الله
واذا قال صليت لو بدون وضوء قل ولدي كفوو ونعم
اطلع به للبر لحالكم خله يحاول يسوق
حاول تروشه انت اقوو نفسك هذا ولدك ان مانتبهت له انت من بينتبه له
اللهم اشفيه وعافيه ويقر عينك بصلاحة
انت منتك منه وااااضح ومال مررررهـ
ولذالك لاتستطيع ان تفعل شيئ من جديد
انت من هذا اليوم افتح صفحة جديدة معه من الصبر على المصيبة
يسمع غناء او يغني خله يغني الشكوى لله
حاول ياخي لاشفته بغرفته يغني غن معه بسبيل انك تتقرب منه
واذا تقربت من جب له اناشيد وانشد معه
طولت البربرة لاكن والله العظيم انه الدمعه حايرة من شكواااكـ
تقبل رايي

[ام الزلمات]

وش جاهم عيال هالوقت
صايرين نفسيات



ياارب تشفيهم ولا تعاقبنا

[خلفان]

اقتباس المشاركة الأساسية كتبها ام الزلمات وش جاهم عيال هالوقت صايرين نفسيات ياارب تشفيهم ولا تعاقبنا

بالله هذارد ولا قلة حيا

ترى صاحب الموضوع يكتب هالموضوع وهو يتقطع قلبه وما اتوقع انه ناقص ردود متخلفة مثل ردك


عجيب والله

[خمائل مختاله]

عليك بأربع اشياء..

( الطبيب النفسي + الرقيه الشرعيه+ الدعاء في اوقات الاستجابه + تغيير معاملتك لولدك)..

شفاه الله..ولاتأيس من روح الله..ترى كل البيوت مشاكل..عليك بالصبر..

[لؤلؤه430]

أسال الله العظيم رب العرش العظيم ان يشفيه وأن يثيب والديه ولا يحرمهما الأجر..

الله أعلم أن ابنك تعرض لشئ في المرحله المتوسطه كانت هي السبب لأنك ذكرت أنه كان طبيعي قبل..


لذلك أسألك بالله أن لا تتركه إذهب به في أسرع وقت لطبيب نفسي وتابع حالته لا تتركه وانشاء الله ربي يشفيه وينفعكم به...

والحمد لله على كل حال ..
نصيحه أن لا تتعب نفسك وتمرضها بل على العكس احمد الله على هذا الابتلاء .فكم من أم وأب دمر أبناءهم حياتهم بالعقوق والمخدرات والفساد فلا تقل ان ابنك دمر حياتك فما فيه ليس بيده والحمد لله هذا مرض أصيب به ..والله أعلم

[بنت كفو]

أخي ولدك فيه مس قوي جدا وارجو انك تتقبل ماقلت والراقي الي قالكم مافيه شيء يمكن ماهو متمكن من الرقية وهذي علامات المس كل الي ذكرتها ، وهذا المس قديم جدا بولدك ومتمكن منه ماهو وسواس قهري مثل ماقال الطبيب ويحتاج رقية متواصلة علشان يبين المس ست شهوراقل شيء وترى الكلام الي اقوله عن تجربة وواضح من حالة ابنك انه اصيب بهذا المس في بداية المراهقة وهذا السن مشكله عند كثير من الشباب والبنات وفيه ببريدة ماشاء الله رقاة لمثل حالة ابنك ولو تبي اذكرك لكم رقاة ببريدة لمثل حالته ابشروا واتمنى له الشفاء واطلب منك بعد أن تنفرج مشكلة ابنك ان تدعو لي بالفرج والنصر على كل من ظلمني والله يشفيه لكن اخوي لاتترك الي ذكرت لك وعلشان تتأكد من صحة كلامي خذه لاي راقي متمكن ببريدة وجرب ماقلت وان شاء الله مايشوف إلا العافية

[يرفأ]

اقتباس المشاركة الأساسية كتبها بنت كفو أخي ولدك فيه مس قوي جدا وارجو انك تتقبل ماقلت والراقي الي قالكم مافيه شيء يمكن ماهو متمكن من الرقية وهذي علامات المس كل الي ذكرتها ، وهذا المس قديم جدا بولدك ومتمكن منه ماهو وسواس قهري مثل ماقال الطبيب ويحتاج رقية متواصلة علشان يبين المس ست شهوراقل شيء وترى الكلام الي اقوله عن تجربة وواضح من حالة ابنك انه اصيب بهذا المس في بداية المراهقة وهذا السن مشكله عند كثير من الشباب والبنات وفيه ببريدة ماشاء الله رقاة لمثل حالة ابنك ولو تبي اذكرك لكم رقاة ببريدة لمثل حالته ابشروا واتمنى له الشفاء واطلب منك بعد أن تنفرج مشكلة ابنك ان تدعو لي بالفرج والنصر على كل من ظلمني والله يشفيه لكن اخوي لاتترك الي ذكرت لك وعلشان تتأكد من صحة كلامي خذه لاي راقي متمكن ببريدة وجرب ماقلت وان شاء الله مايشوف إلا العافية

نعم أختي الكريم قلتي مافي خاطري بارك الله فيك ..
وأسأل الله العلي العظيم أن يعجل لكِ بالنصر والفرج والتمكين
وأن يكفيكٍ شر أعدائك من شياطين الأنس والجن وأن يعطيكٍ ولا يحرمكٍ أنه كريم جواد جل وعلا سبحانه ..


أخي الكريم - فرج الله عنك وعن ولدك -
لا تهمل رد هذه الأخت فالأعراض واضحة جداًوعليك بوصيتها ..
ولا تهمل الدعاء والإلحاح فيه على الله جل وعلا ..
وأسأل الله العلي العظيم رب العرش الكريم أن يشفي ولدك عاجلاً غير آجل وأن ييسر لكم أسباب ذلك ويعينكم عليها بعزته وقدرته جل وعلا سبحانه أنه ولي ذلك والقادر عليه ..
وأسأله جل شأنه أن يقر عينك به وبذريتك ولا يحرمك ووالدتهم برهم وبر ذريتهم ..
لا بأس عليك وعليه بإذن الله يا أخي ..


وفقنا الله وإياكم لكل خير ...

[الابريق]

مركز التأهيل النفسي ببريدة وهو في الجهة الشمالية من مستشفى الملك فهد التخصصي وهذا رقمهم : ( 063251556 )