[رنيم 99]

ياانتم بخلاء ترررررررررررررى خمسين قليله لو يزودون احلى

[عبدالسلام بن خالد]

اقتباس المشاركة الأساسية كتبها { صوت بريدة } ياعبدالسلام .. عندك مصدر انه بخمسين ولا من عندك تدري موضوعك هذا يبي ياثر على الحضور ، ياليت تحط المصدر وتخلينا من الاجتهادات وبعدين هذا بدال ماناخذ منهم لأنهم يبي يستثمرون في أرضنا وناسنا ، ويسوون اعلانات لدعاياتهم ياخذون منا ؟ والله معذورين العالم اذا طلعوا لتركيا ولا ماليزيا ولا كندا .. ياخي لاجواء زي الناس واسعار مرتفعه بعد

حياك الله صوت بريدة , وأعتذر للاخوان جميعاً على تقديمك ..

يبدو أنك لم ترى ردي الثاني ..

مصدري في كلامي صفحة قناة فور شباب على الفيس بوك :

http://www.facebook.com/4shbab.net

وفقت

[الوابل الصيب]

بالنسبة لتكاليف المنشدين فأعتقد أنه لاتتحمله الجهة المنظمة للمهرجان ,, وإلا لو كان تكاليف المنشدين على الجهة المنظمة لكان وجدت سعر التذكره يفوق هذا السعر فحسابياً 50 ريال لنقل في 3000 شخص فهي تكون 15,000 ريال فهذا المبلغ لايغطي تكاليف المهرجان ,,

الذي أريد أن أصل أليه هو ان تكاليف المنشدين على الرعاة الذين دائماً مايكونون رعـاة مميزون في كل سنه تجدهم هم المتكفلون بالمهرجان ,, فالسنة هذي المهرجان برعاية [ حديد الراجحي ] فمن المؤكد أن [ الراجحي ] دفع مبلغ ليس بالقليل لرعاية هذا المهرجان ,,

كما أن تكاليف الطيران والسكن على الراعي الرسمي لفعاليات بريدة ,, الخطوط السعوديه و فندق جولدن توليب ,,

السؤال هل ستتخذ إدارة المهرجان خطوة لتخفيض التذاكر [ إجبارياً ] من قبل إدارة المهرجان ..!! أو هل ستتكرم [ فور شباب ] وتقلل من طمعها وتخفض التذاكر ..!!

[ربى نجد]

غالية جدا التذكرة,,,,,

[خيالة المذنب]

لا أظن أن غرضهم مادي فكانا نعرف القائمين على هذا المجال في بريدة من الفضلاء ، ولكن قد يكون الدعم له ضعيف فيضطر المسئول عنه رفع السعر حتى يغطي التكاليف ويظهر بشكل جيد ..
بالتوفيق للجميع.

[بريد1111وي]

خمسين ريال للشباب مناسبة لأن المنشدين يبون دراهم

والشباب بعضهم يحضر حفلة للفنان كذا بـ 200 أو 500 ريال للتذكره

اللي مشتهي يدفع وانا اخوك

[رعد وبرق]

للأسف اي إنشادي أو خرابيط هذا غنائي إلا شوي . مؤثرات أعوذ بالله ومنهم المنشدين الله يخلف المنشدين الحق قبل اما الحين طلع لنا ناس تتميوع واعوذ بالله منهم لا ويطلع بعد نسختين بموسيقى وبدون لم يبقى على النشيد الحق الذي حلله العلماء إلا القله يالله الثبات والحمد لله الذي عافاني مما ابتلي به كثير من الناس
وبعدين وراه خمسين ريال هذا فسق وتبذير خمسين ريال على واحد واقف قدامي ومشغلين المسجل ويهز براسه يقاله ينشد اللي يستاهل اذا كان مباشر النشيد مهب خربطه وبعد مهب بخمسين ريال 10 اريل وتكح بعد

[حيائي بحجابي]

اتوقع انها تجاااااااااااااااره من غير سلعه

[فارس 7]

هههههههه الحين 50 ريال كثيرة !

اعتبره و بكل صدق سعر رمزي .. مقابل جهد المنشدين .. تكاليف المهرجان .. الوساطة .. الضيافة اللي هم يقولون ..

طبعاً كل ذا بافتراض عدم دعم البرنامج من ادارة المهرجان ..

[ريم الجزيرة]

وووااااااووو اللي قايمه على المهرجان الانشادي فور شباب عز الله ضبط المهرجان
وبعدين اللي تقول نبي منشدين من الوطن لا والله نبي من جميع الجنسيات

[{ صوت بريدة }]

اقتباس المشاركة الأساسية كتبها فارس 7 هههههههه الحين 50 ريال كثيرة ! اعتبره و بكل صدق سعر رمزي .. مقابل جهد المنشدين .. تكاليف المهرجان .. الوساطة .. الضيافة اللي هم يقولون .. طبعاً كل ذا بافتراض عدم دعم البرنامج من ادارة المهرجان ..

ياشين الي يخطمون ويشخصون يقالهم هاي هاي ..
ياهوه أي جهد الي تتكلم عنه ، هذي مهرجانات صيفية تقوم فيها أي منطقة لأهالي هالمنطقة
ماحنا فاضين نسوي تبرعات عشان ندعم الانشاد ،
ثم يابل غيتس ، الي عنده 6 أولاد ويبي يدخل يبي له 300 ريال ، وش ذنبه هالمسكين ينلطع
على كم انشودة ..
ودامك تقول أنه سعر رمزي أغديك ترسل تذاكر لجميع الي خالفوا ولمن يصطحبونهم
وتراي أنا مابي منك تذكرة متبرعبه للي يبي يقتبس مشاركتي ويئيد أن السعر مرتفع ..

لقافة ..
تصدق اني فتشت بمواضيعك أدور آخر حصيلة للاسهم ، ولقيت لك بقسم الاستعلامات استفسار عن سعر البنتلي ..

[فارس 7]

اقتباس المشاركة الأساسية كتبها { صوت بريدة } ياشين الي يخطمون ويشخصون يقالهم هاي هاي .. ياهوه أي جهد الي تتكلم عنه ، هذي مهرجانات صيفية تقوم فيها أي منطقة لأهالي هالمنطقة ماحنا فاضين نسوي تبرعات عشان ندعم الانشاد ، ثم يابل غيتس ، الي عنده 6 أولاد ويبي يدخل يبي له 300 ريال ، وش ذنبه هالمسكين ينلطع على كم انشودة .. ودامك تقول أنه سعر رمزي أغديك ترسل تذاكر لجميع الي خالفوا ولمن يصطحبونهم وتراي أنا مابي منك تذكرة متبرعبه للي يبي يقتبس مشاركتي ويئيد أن السعر مرتفع .. لقافة .. تصدق اني فتشت بمواضيعك أدور آخر حصيلة للاسهم ، ولقيت لك بقسم الاستعلامات استفسار عن سعر البنتلي ..

ياحبيل مخك اقر ردي زين ..
وبعدين وش دخلن باعيالك السته اللي كلهم بيحظرون !!؟؟
المهرجان مهب للأطفال ترا ... جارن لي هالمبزرة .. انواع الازعاج ..

غير كذا الأسعار للمهرجانات كذا ياخي .. الفنانين أسعار حضور الحفلة قيمة التذكرة بالعادة تتجاوز 500 ريال و توصل 2500 .. وأنت عاجز عن 50 لـ فرقة منشدين كامله ...

أنا عن نفسي أحب علي الـ MP3 من الزحمة والحر .. و بعدين طرحتوا وجهة نظركم و أنا طرحت وجهة نظري ليش التهكم و التطنز ...

عموماً عزيزي صوت بريدة إذا مبزرة الـ6 يبون تذاكر صدقني شحاذة ربع ساعة قبال البوابة بتأمن لكم السعر ... عشان يمكن إذا مادخلوا مبزرتك يموتون ولا يجيهم شيء

لـ العقلاء

[بريداوية فلة]

اللي يبي يدفع يدفع اللي مايبي لايدخل مب غصب
ناااااااااااااااس فاضية تنزل مواضيع تااااااااااااااافة
وبالعكس كثير اللي بيدفعون ويدخلون واذكركم اتوقع بعد مايلقون اماكن لهم من كثر اللي داخلين
وه بس يالبى بريدة وفعاليتة

[جهااد]

غالي خمسين ريال لويخلونه 35